1 Samuwɛ́li 12:2 - MAWUXÓWÉMA

² Bɛ́ sín din ɔ́, é wɛ ná ɖu gǎn ɖo mi nu. Nyɛ ɔ́, un ko kpo, bó wú hwa kpé fí bǐ; vǐ ce lɛ́ɛ ka ɖo mi mɛ. Nyɛ ɔ́, un nɔ mi nu sín vǔ ce káká wá jɛ égbé.

1 Samuwɛ́li 12:2 Iomraidhean Croise

Ɖɛhan 71:18

Mɔ̌ ɖokpó ɔ́, Mawu ce, hɛn mì káká yi kpikpo hwenu; hwenu e ɖa e ɖo ta ce ɔ́ bǐ ná nyí hwa ɔ́, ma jó mì dó ó; énɛ́ ɔ́, un nǎ ɖɔ lě e a ɖǒ hlɔ̌nhlɔ́n sɔ é nú din ví lɛ́ɛ, un nǎ ɖɔ lě e a kpé nǔ wú gbɔn é nú mɛ e ná wá jɔ sɔ lɛ́ɛ.

Kɛ́nsísɔ́ 27:17

Sɔ́ mɛ e ná sixú nɔ yě nu, ɖo ali bǐ nu é, bónú togun towe ní má cí lɛ̌ngbɔ́ e má ɖó nyinyitɔ́ ǎ lɛ́ɛ ɖɔhun ó.”

2 Timɔtée 4:6

Nyɛ ɔ́, hwenu e è nǎ sɔ́ mì dó sá vɔ̌ ná ɔ́ su; hwenu e un ná gosín gbɛ élɔ́ mɛ ɔ́ su.

Jozuwée 23:1

Mawu Mavɔmavɔ hwlɛ́n Izlayɛ́li ví lɛ́ɛ sín kɛntɔ́ e lɛ́ lɛ̌ dó yě lɛ́ɛ bǐ sí, bɔ yě mɔ agbɔ̌n; nǔ énɛ́ ɔ́ jɛ ɔ́, é kó lín tawun, káká bɔ Jozuwée ko kpo bǐ.

Jozuwée 23:2

Ée Jozuwée mɔ ɖɔ émí kó kpo bǐ ɔ́, é ylɔ́ Izlayɛ́li ví lɛ́ɛ bǐ, tomɛxó yětɔn lɛ́ɛ, gǎn yětɔn lɛ́ɛ, hwɛɖɔtɔ́ yětɔn lɛ́ɛ, ahwangán yětɔn lɛ́ɛ, bó ɖɔ nú yě ɖɔ: “Nyɛ ɖíe kó kpo bǐ e.

2 Piyɛ́ɛ 1:14

Đó, un tunwun ɖɔ zaanɖé din ɔ́, un ná gosín agbaza élɔ́ e nɔ kú ɔ́ mɛ, lě e Aklúnɔ mǐtɔn Jezu Klísu ɖe xlɛ́ mǐ gbɔn é.

1 Samuwɛ́li 2:22

Hwenɛ́nu ɔ́, vɔ̌sánú-xwlémawutɔ́ Eli ko kpo bǐ. É se nǔ e dó sin xá Izlayɛ́li ví lɛ́ɛ wɛ vǐ tɔn lɛ́ɛ ɖe ɔ́; é lɛ́ se ɖɔ yě nɔ́ ɖó xó xá nyɔ̌nu e jí azɔ̌ jɛ ɖo Mawu Mavɔmavɔ sín goxɔ nukɔn lɛ́ɛ.

1 Samuwɛ́li 2:29

Bɔ étɛ́wú mi ká nɔ sɔ́ vɔ̌ e un ná gbe bɔ è nɔ sá nú mì lɛ́ɛ kpó nǔ e è nɔ ná mì lɛ́ɛ kpó dó xo kɔ́? Nɛ̌ ká gbɔn bɔ a nɔ sɔ́ vǐ towe lɛ́ɛ su hú nyɛ? Nǔ e togun ce Izlayɛ́li ɔ́ nɔ hɛn wá nú mì ɔ́, mi wɛ nɔ sɔ́ ɖ'é mɛ dó nukɔn bo nɔ ɖu dó dó jǒ.

1 Samuwɛ́li 3:10

Mawu Mavɔmavɔ wá Samuwɛ́li gɔ́n, bó ylɔ́ ɛ lě e é ko nɔ ylɔ́ ɛ gbɔn é; é ɖɔ: “Samuwɛ́li! Samuwɛ́li!” Samuwɛ́li yí gbe ɖɔ: “Đɔ xó, nyɛ mɛsɛntɔ́ towe ɖo tó ɖó we wɛ.”

1 Samuwɛ́li 3:13

Un ɖɔ n'i ɖɔ un jló ná dɔn tó nú xwédo tɔn káká sɔ́yi, ɖó vǐ tɔn lɛ́ɛ ké ya nú mì ǎ; yě hu hwɛ dó mì bɔ é tunwun, bó ká gbɛ́ nú yě dó nǔjɔnǔ mɛ ǎ.

1 Samuwɛ́li 3:16

Eli ka ylɔ́ Samuwɛ́li bo ɖɔ: “Samuwɛ́li vǐ ce!” Bɔ é ɖɔ: “Wěyi!”

1 Samuwɛ́li 8:1

Ée Samuwɛ́li wá kpo ɔ́, é sɔ́ vǐ tɔn lɛ́ɛ gǎn ɖó Izlayɛ́li togun ɔ́ nu.

1 Samuwɛ́li 8:20

Bɔ mǐ lɔ ná cí togun ɖě lɛ́ɛ ɖɔhun. Axɔ́sú mǐtɔn ná nɔ mǐ nu, bó ná nɔ́ kplá mǐ yi ahwan.

1 Samuwɛ́li 8:3

Samuwɛ́li ví lɛ́ɛ ɔ́, yě nɔ́ wa nǔ é ɖɔhun ǎ. Yě nɔ́ dó nukúnkɛn, bó nɔ ɖu nǔ ɖo nǔ mɛ, bó nɔ dó hwɛ agɔ.

1 Samuwɛ́li 8:5

Yě ɖɔ n'i ɖɔ: “Din ɔ́, a ko kpo, bɔ vǐ towe lɛ́ɛ ka nɔ wa nǔ hwi ɖɔhun ǎ. Gbɔ bo sɔ́ axɔ́sú ɖokpó nú é ná nɔ mǐ nu, lě e togun ɖě lɛ́ɛ ɖó axɔ́sú é ɖɔhun.”