1 Samuwɛ́li 11:7 - MAWUXÓWÉMA

⁷ É sɔ́ nyibú we bó já bǐ, bó bɛ́ nú wɛnsagun lɛ́ɛ bo ɖɔ yě ní yi gbɔn Izlayɛ́li to ɔ́ bǐ mɛ, bó ɖɔ: “Mɛ ɖěbǔ gbɛ́ ɖɔ émí kún ná xwedó Samuwɛ́li kpó Sawúlu kpó yi ahwan fun gbé ó ɔ́, lě e è nǎ wa nyibú tɔn lɛ́ɛ nú gbɔn é ɖíe.” Ée yě se mɔ̌ ɔ́, Mawu Mavɔmavɔ dó xɛsi yě bǐ, bɔ yě bǐ sɛ ta kplé ɖó bǔ.

1 Samuwɛ́li 11:7 Iomraidhean Croise

Bǐbɛ́mɛ 35:5

Énɛ́ ɔ́ gúdo ɔ́, yě ɖidó. Toxo e lɛ́ lɛ̌ dó yě lɛ́ɛ jɛ xɛsi ɖi nú Mawu jí; énɛ́ ɔ́, mɛɖé sɔ́ jɛ Jakɔ́bu ví lɛ́ɛ gbé mɛ ǎ.

2 Tan 14:14

Yě gba nǔ káká bó gba kanlinkpó lɛ́ɛ lɔ, bó bɛ́ lǎkúnmí kpó sɔ́ kpó kɔn nyi kpɔ́ gégé. Énɛ́ ɔ́ gúdo ɔ́, yě lɛ́ kɔ yi Jeluzalɛ́mu.

2 Tan 17:10

Axɔ́súɖuto e lɛ́ lɛ̌ dó Judáa lɛ́ɛ bǐ jɛ xɛsi ɖi nú Mawu Mavɔmavɔ jí, bɔ yě ɖě nɔ́ glá tɔ́n ahwan Jozafáti ǎ.

2 Tan 19:7

Mi bo ɖó sísí nú Mawu Mavɔmavɔ ganjí, bó hɛn ayi dó azɔ̌ e wa gbé mi ja ɔ́ wú, ɖó Mawu Mavɔmavɔ, Mawu mǐtɔn nɔ́ yí gbe nú hwɛagɔdídó ǎ, é ka nɔ́ yí gbe ɖɔ è nǐ nɔ gbɛtɔ́ jí ǎ, é nɔ́ ba ɖɔ è nǐ nɔ ɖu kpa ǎ.”

Ezayíi 8:13

Mi ná tunwun ganjí ɖɔ Mawu Mavɔmavɔ Nǔbǐwúkpétɔ́ ɔ́ wɛ nyí Mɛ Mímɛ́. É wɛ mi ná ɖi xɛsi ná; é wú wɛ ado ná hu mi dó.

Hwɛɖɔtɔ́ 19:29

Ée é wá jɛ xwé gbe ɔ́, é zé jǐví bó já asi tɔn sín cyɔ ɖó donu wěwe, bó sɛ́ dó akɔta Izlayɛ́li tɔn wěwe lɛ́ɛ ɖokpó ɖokpó.

Hwɛɖɔtɔ́ 20:1

Izlayɛ́li ví lɛ́ɛ bǐ ɖó gbe kpɔ́ bó sɛ yěɖée kplé ɖo Misipa ɖo Mawu Mavɔmavɔ nukɔn; to lɛ́ɛ bǐ mɛ wɛ yě gosín, bɛ́ sín Dan ɖo totaligbé káká yi Bɛ̌-Ceva ɖo tofɔligbé, bó gosín Galadi ɖo zǎnzǎnhwe jí.