1 Samuwɛ́li 11:6 - MAWUXÓWÉMA

⁶ Ée Sawúlu se mɔ̌ lě tlóló ɔ́, Yɛ Mawu tɔn wá jǐ tɔn, bɔ xomɛ ɖaxó ɖé sin i.

1 Samuwɛ́li 11:6 Iomraidhean Croise

Tíntɔ́n 32:19

Ée yě sɛkpɔ́ fí e togun ɔ́ ɖó gɔnu ɖó ɔ́ tlóló ɔ́, Mɔyízi mɔ nyibúví ɔ́ sɛ́ dó, bó mɔ togun ɔ́ ɖo we ɖú wɛ. Ée Mɔyízi mɔ mɔ̌ ɔ́, xomɛ sin i káká, bɔ é bɛ́ awǐnnyatɛ e ɖo alɔ tɔn mɛ lɛ́ɛ nyi gbě, bɔ yě wá gba ɖo só ɔ́ kpá.

Kɛ́nsísɔ́ 12:3

Mɔyízi ka nyí mɛɖé, bó nɔ́ sɔ́ éɖée hwe ɖésú; é nɔ́ sɔ́ éɖée hwe hú gbɛtɔ́ e ɖo ayǐkúngban jí lɛ́ɛ bǐ.

Maki 3:5

Énɛ́ ɔ́, akpɔ ɖó e dó tótlítlí yětɔn wú, bɔ é kpɔ́n yě xaan lɛ́ dó kpódó xomɛsin kpó, bó ɖɔ nú nya ɔ́ ɖɔ: “Dlɛ̌n alɔ towe”, bɔ é dlɛ́n alɔ, bɔ alɔ tɔn jɛ tɛn tɔn mɛ.

Efɛ́zinu 4:26

Ényí mi sin xomɛ hǔn, mi cɔ́ miɖée bó ma jɛ hwɛ mɛ ó; hwe ma yi xɔ dó xomɛsin mitɔn ó.

Hwɛɖɔtɔ́ 11:29

Yɛ Mawu Mavɔmavɔ tɔn wá ta nú Jɛfutée. Bɔ Jɛfutée gbɔn Galadi gbé jí, bó gbɔn ayǐkúngban Manasée tɔn jí. Énɛ́ ɔ́ gúdo ɔ́, é yi Misipa ɖo Galadi, bó ná gbɔn Amumɔ́ɔ ví lɛ́ɛ sín ayǐkúngban jí.

Hwɛɖɔtɔ́ 13:25

Ahwankpá Dan tɔn ɔ́ mɛ wɛ é ɖe, ɖo Soléa kpó Ɛcitawɔ́lu kpó tɛ́ntin, hwenu e yɛ Mawu Mavɔmavɔ tɔn wá jǐ tɔn bɔ é wa azɔ̌ nukɔntɔn ɔ́ é.

Hwɛɖɔtɔ́ 14:6

Yɛ Mawu Mavɔmavɔ tɔn wá Sanmusɔ́ɔn jí, bɔ é tlɛ́n kinnikínní ɔ́ lě e è nɔ tlɛ́n lɛ̌ngbɔ́ví é ɖɔhun. É ká hɛn nǔ ɖěbǔ alɔ mɛ ǎ. É ɖɔ nǔ e é wa ɔ́ nú mɛjitɔ́ tɔn lɛ́ɛ ǎ.

Hwɛɖɔtɔ́ 15:14

Ée yě wá Lɛ́xi ɔ́, Filisitɛ́ɛn lɛ́ɛ wá kpé yě kpó awǒbóbó kpó. Énɛ́ ɔ́, yɛ Mawu Mavɔmavɔ tɔn wá Sanmusɔ́ɔn jí, bɔ kan e yě dó blá alɔ tɔn lɛ́ɛ ná lɛ́ɛ jɛ ayǐ sín alɔ tɔn, lɛ̌ɛnkan e ji zo ɔ́ ɖɔhun.

Hwɛɖɔtɔ́ 3:10

Yɛ Mawu Mavɔmavɔ tɔn wá ta nú Ɔtiniyɛ́li bɔ é húzú togun Izlayɛ́li tɔn sín gǎn. É yi ahwan fun gbé bɔ Mawu Mavɔmavɔ bló bɔ é ɖu ɖo axɔ́sú Mɛzopotamíi tɔn Kucáni-Hliceatayímu jí.

Hwɛɖɔtɔ́ 6:34

Lo ɔ́, Yɛ Mawu Mavɔmavɔ tɔn wá ta nú Jedenyɔ́ɔ, bɔ é kún lanzo bó ylɔ́ mɛ e ɖo hɛ̌nnu Aviɛzɛ́ɛ tɔn mɛ lɛ́ɛ, nú yě ná xwedó e.

1 Samuwɛ́li 10:10

Ée yě wǎ Giveya ɔ́, gbeyíɖɔ Mawu tɔn sín gbɛ̌ta ɖokpó wá kpé Sawúlu, bɔ Yɛ Mawu tɔn wá jǐ tɔn, bɔ é jɛ xó e Mawu ɖɔ gbɔn jǐ tɔn lɛ́ɛ ɖɔ jí ɖo tɛ́ntin yětɔn.

1 Samuwɛ́li 10:6

Mawu Mavɔmavɔ sín Yɛ ná wá jǐ we, bɔ Mawu ná jɛ xó ɖɔ gbɔn jǐ we jí yě ɖɔhun, bɔ a nǎ húzú gbɛtɔ́ ɖěvo.

1 Samuwɛ́li 16:13

Samuwɛ́li sɔ́ ami ɔ́ bó kɔn dó ta n'i bó sɔ́ ɛ axɔ́sú ɖo nɔví tɔn lɛ́ɛ nukún mɛ. Kpowun ɔ́, yɛ Mawu Mavɔmavɔ tɔn wá Davídi jí gbe énɛ́ gbe, bó nɔ jǐ tɔn káká sɔ́yi. Ée Samuwɛ́li bló énɛ́ ɔ́ fó ɔ́, é lɛ́ kɔ yi Hlama.

1 Samuwɛ́li 16:14

Yɛ Mawu Mavɔmavɔ tɔn gosín Sawúlu jí, bɔ Mawu Mavɔmavɔ sɛ́ yɛ nyanya ɖé dó e, bɔ é jɛ tagba dó n'i jí.