1 Samuwɛ́li 11:13 - MAWUXÓWÉMA

¹³ Sawúlu ka ɖɔ: “È nǎ hu mɛɖé égbé ǎ. Đó égbé ɔ́, Mawu Mavɔmavɔ hwlɛ́n togun tɔn Izlayɛ́li gán.”

1 Samuwɛ́li 11:13 Iomraidhean Croise

2 Samuwɛ́li 19:22

Ée é ɖɔ mɔ̌ ɔ́, Avicáyi Selúya ví ɔ́ yí xó, bó ɖɔ: “Cimɛ́yi e dó nu axɔ́sú e Mawu Mavɔmavɔ sɔ́ é ɔ́, xó énɛ́ e ɖɔ wɛ é ɖe ɔ́ wɛ ná zɔ́n bɔ é ná gló kú a?”

2 Samuwɛ́li 19:23

Lo ɔ́, Davídi ɖɔ nú Avicáyi kpódó nɔví tɔn Jowabu kpó ɖɔ: “Mi Selúya ví lɛ́ɛ ɔ́, xó tɛ́ mɛ dó ta wɛ mi ɖe? Étɛ́wú mi ka ɖo nǔ e ayi nyɛtɔn mɔ lɛ́ɛ gbɛ́ wɛ din? Un ba ɖɔ è nǐ hu Izlayɛ́li ví ǎ, ɖó égbé din ɔ́, nyɛ wɛ kpa acɛ dó togun énɛ́ ɔ́ nu.”

2 Samuwɛ́li 23:10

Lo ɔ́, Eleazáa hɔn ǎ. É nɔ te, lobo hu Filisitɛ́ɛn lɛ́ɛ káká, bɔ alɔ tɔn kúyɛ; hwǐ ɔ́ ɖo alɔ tɔn mɛ bɔ é sɔ́ sixú zé dó jǐ ǎ. Mawu Mavɔmavɔ ná ɖuɖéjí ɖaxó ɖokpó Izlayɛ́li ví lɛ́ɛ gbe énɛ́ gbe. Ée é hu yě fó é ɔ́, togun ɔ́ wá, bó wá bɛ́ nǔ e mɛ e kú lɛ́ɛ hɛn wá ahwangbénu lɛ́ɛ kpowun.

Tíntɔ́n 14:13

Mɔyízi ka yí gbe nú yě ɖɔ: “Mi ma ɖi xɛsi ó, mi ma hɔn ó, bó ná kpɔ́n lě e Mawu Mavɔmavɔ ná hwlɛ́n mi gán gbɔn égbé din é; Ejípunu e mɔ wɛ mi ɖe din lɛ́ɛ ɔ́, mi sɔ́ ná mɔ yě ɖě gbeɖé ǎ.

Tíntɔ́n 14:30

Mawu Mavɔmavɔ hwlɛ́n Izlayɛ́li ví lɛ́ɛ ɖo Ejípunu lɛ́ɛ sí gbe énɛ́ ɔ́ gbe. Bɔ Izlayɛ́li ví lɛ́ɛ mɔ Ejípunu lɛ́ɛ sín cyɔ ɖo xu ɔ́ tó.

Ezayíi 59:16

É mɔ ɖɔ mɛɖé kún mɔ nǔ énɛ́ lɛ́ɛ sín do jijɛ ó; ée mɛɖé má ɖo nu kɛ dó nǔ énɛ́ lɛ́ɛ wú wɛ ǎ ɔ́, é nyí nǔɖé bó kpácá ɛ. Énɛ́ ɔ́, é ɖésú sí te d'é wú, bɔ hwɛjijɔ tɔn ka ná ɛ hlɔ̌nhlɔ́n.

1 Kɔlɛ́ntinu 15:10

Amɔ̌, gbɔn nyɔ̌ná Mawu tɔn gbla mɛ ɔ́, un húzú mɛ e un nyí din é, bɔ nyɔ̌ná e è kɔn dó jǐ ce ɔ́ nyí nǔ yǎyá ǎ: é nyɔ́ wa ɔ́, un wa azɔ̌ hú mɛsɛ́dó ɖě lɛ́ɛ bǐ. È nǎ ɖɔ nǔgbó ɔ́, é nyí nyɛ wɛ ɖo azɔ̌ wa wɛ ǎ; lo ɔ́, nyɔ̌ná Mawu tɔn e ɖo kpɔ́ xá mì ɔ́ wɛ.

1 Samuwɛ́li 10:27

Nǔ ɖo mɔ̌ có, nǔvɔ́nɔ ɖé lɛ́ɛ tíin bó nɔ́ ɖɔ: “Étɛ́! Mɛ e ɖo mǐ ná hwlɛ́n gán wɛ é ɖíe a?” Bɔ yě gbɛ́ wǎn n'i, bó hɛn nǔɖé wá ná ɛ ǎ. Sawúlu ka ké ya ná ǎ.

1 Samuwɛ́li 14:45

Ahwanfuntɔ́ lɛ́ɛ ká yí xó, bó ɖɔ: “Étɛ́, Jonatáan ná kú o! É mɛ e hwlɛ́n Izlayɛ́li to ɔ́ gán é! Gbeɖé kpɔ́n! Mǐ xwlé Mawu nú we ɖɔ: Mawu Mavɔmavɔ ɖo gbɛ; ɖa ɖokpó géé vɔ́vɔ́ ná j'ayǐ sín ta tɔn ǎ, ɖó Mawu wɛ bló bɔ é wa azɔ̌ égbé.” Lě e ahwanfuntɔ́ lɛ́ɛ hwlɛ́n Jonatáan gán gbɔn é nɛ́, bɔ é sɔ́ kú ǎ.

1 Samuwɛ́li 19:5

É gbɛ́ kú ǎ, bó yi kpé hun xá Filisitɛ́ɛn ɔ́ bó hu i, bɔ Mawu Mavɔmavɔ hwlɛ́n togun tɔn Izlayɛ́li ɔ́ bǐ gǎn. Mɛ ɖésú mɔ bɔ é víví nú mɛ. Étɛ́wú nǔɖé má sín nǔɖé wú ɔ́, è nǎ hu Davídi, bó ná kɔn xomɛvɔ́nɔ sín hun kɔn nyi ayǐ bó dó hu hwɛ?”