1 Samuwɛ́li 10:9 - MAWUXÓWÉMA

⁹ Ée Sawúlu dó gǔdo Samuwɛ́li lě tlóló ɔ́, Mawu sɔ́ ayi ɖěvo dó xomɛ n'i, bɔ nǔ e Samuwɛ́li ɖɔ n'i lɛ́ɛ bǐ jɛ gbe énɛ́ ɔ́ gbe.

1 Samuwɛ́li 10:9 Iomraidhean Croise

Ezekiyɛ́li 36:26

Un ná ná ayixa yɔ̌yɔ́ mi, un ná ná linlin yɔ̌yɔ́ mi. Un ná ɖe ayixa mitɔn e syɛ́n awǐnnya ɖɔhun ɔ́ síin, bó ná zé ayixa e nɔ se tónú ɔ́ ɖó tɛn tɔn mɛ.

Maki 14:16

Ahwanvú tɔn lɛ́ɛ ka yi toxo ɔ́ mɛ, lobo mɔ nǔ lɛ́ɛ bǐ lě e Jezu ɖɔ gbɔn nú yě é, bɔ yě ɖa Dǐndínwáyi sín xwe ɔ́ sín nǔɖuɖu ɖo fínɛ́.

Hwɛɖɔtɔ́ 6:21

Énɛ́ ɔ́, wɛnsagun Mawu Mavɔmavɔ tɔn ɔ́ dlɛ́n alɔ, bɔ kpo e ɖo alɔ tɔn mɛ ɔ́, é zé nuvínu tɔn ɖó lan ɔ́ kpó wɔ̌xúxú lɛ́ɛ kpó wú. Ée é bló mɔ̌ ɔ́, myɔ tɔ́n sín awǐnnya ɔ́ mɛ, bó dó lan ɔ́ kpó wɔ̌xúxú lɛ́ɛ kpó zo. Énɛ́ ɔ́ gúdo ɔ́, wɛnsagun ɔ́ bú.

Hwɛɖɔtɔ́ 7:11

Énɛ́ ɔ́, a nǎ se nǔ e ɖɔ wɛ yě ɖe ɖo dɔ̌n ɔ́, bó ná ɖó akɔ́nkpinkpan bó ná yi tɔ́n ahwan yě.” Ée Mawu ɖɔ mɔ̌ ɔ́, Jedenyɔ́ɔ kpó mɛsɛntɔ́ tɔn ɔ́ kpó jɛ te bó yi káká fí e yě bɛ̌ gɔnu ɖíɖó sín é.

1 Samuwɛ́li 16:13

Samuwɛ́li sɔ́ ami ɔ́ bó kɔn dó ta n'i bó sɔ́ ɛ axɔ́sú ɖo nɔví tɔn lɛ́ɛ nukún mɛ. Kpowun ɔ́, yɛ Mawu Mavɔmavɔ tɔn wá Davídi jí gbe énɛ́ gbe, bó nɔ jǐ tɔn káká sɔ́yi. Ée Samuwɛ́li bló énɛ́ ɔ́ fó ɔ́, é lɛ́ kɔ yi Hlama.

1 Samuwɛ́li 2:35

Un ka ná sɔ́ vɔ̌sánú-xwlémawutɔ́ ɖěvo, bɔ é ná nɔ gbejí, bó ná nɔ́ wa nǔ lě e un jló gbɔn é. Un ná bló bɔ xwédo tɔn ná lí dǒ, bɔ é ná nɔ́ wa vɔ̌sánú-xwlémawutɔ́zɔ́ tɛgbɛ ɖo axɔ́sú e un ná sɔ́ ɔ́ kpá.