1 Samuwɛ́li 10:8 - MAWUXÓWÉMA

⁸ Énɛ́ ɔ́ gúdo ɔ́, a nǎ zɔn mǐ yi Gilugalu, bɔ un ná wá mɔ we ɖo fínɛ́, bó ná sá vɔ̌ e è nɔ dó zo é, kpódó kɔnɖókpɔ́ sín vɔ̌ kpó. A na nɔ te káká nú azǎn tɛ́nwe, bɔ un ná wá bó ná ɖɔ nǔ e a na wa ɔ́ nú we.”

1 Samuwɛ́li 10:8 Iomraidhean Croise

2 Samuwɛ́li 19:16

Ée axɔ́sú ɔ́ se mɔ̌ ɔ́, é wlí ali bo lɛ́ kɔ wá Judɛ́ɛn tɔ ɔ́ tó. Judáa ví e wá Gilugalu lɛ́ɛ yi kpé axɔ́sú ɔ́, lobo ná dó alɔ ɛ, bónú é ná dó asá tɔ ɔ́.

Levíi ví 3:9

Kanlin e é dó sá kɔnɖókpɔ́ vɔ́ ɔ́, nǔ e é ná ɖe ɖ'é wú nú Mawu Mavɔmavɔ, bó ná dó zo ɖo nukɔn tɔn ɔ́ ɖíe: sí ɔ́ kpó jǒ e ɖ'é wú ɔ́ kpó, bɔ è nǎ sɛ́n sín nɛgbé xú ɔ́ wú, jǒ e ɖo xomɛnú lɛ́ɛ wú é bǐ.

Jozuwée 4:19

Sun nukɔntɔn ɔ́ sín azǎn wǒgɔ́ ɔ́ gbe wɛ Izlayɛ́li ví lɛ́ɛ dó asá tɔ ɔ́. Yě ɖǒ gɔnu ɖó Gilugalu, ɖo Jeliko sín zǎnzǎnhwe jí.

1 Samuwɛ́li 13:4

Énɛ́ ɔ́, Izlayɛ́li to ɔ́ bǐ se bɔ è ɖo ɖiɖɔ wɛ ɖɔ: “Sawúlu gba ahwankpá Filisitɛ́ɛn lɛ́ɛ tɔn, bɔ Izlayɛ́li ví lɛ́ɛ bǐ húzú nǔ baɖabaɖa ɖo Filisitɛ́ɛn lɛ́ɛ nukún mɛ.” Énɛ́ ɔ́, togun ɔ́ bǐ kplé ɖo Sawúlu gɔ́n ɖo Gilugalu.

1 Samuwɛ́li 15:33

Samuwɛ́li ka ɖɔ: “Lě e a sɔ́ hwǐ towe dó hu vǐ ɖé lɛ́ɛ sín nɔ yětɔn kɔn ɔ́, mɔ̌ ɖokpó ɔ́, vǐ ɖokpó ná kú sín nɔ towe kɔn égbé.” Ée Samuwɛ́li ɖɔ mɔ̌ ɔ́, é já Agagi ɖo Mawu Mavɔmavɔ nukɔn ɖo Gilugalu.