1 Samuwɛ́li 10:6 - MAWUXÓWÉMA

⁶ Mawu Mavɔmavɔ sín Yɛ ná wá jǐ we, bɔ Mawu ná jɛ xó ɖɔ gbɔn jǐ we jí yě ɖɔhun, bɔ a nǎ húzú gbɛtɔ́ ɖěvo.

1 Samuwɛ́li 10:6 Iomraidhean Croise

Kɛ́nsísɔ́ 11:17

Un ná jɛ te, bó ná ɖɔ xó nú we ɖo fínɛ́; un ná yí yɛ e ɖo jǐ towe ɔ́ ɖě, bó ná sɔ́ ɖó yě jǐ, bónú yě ná hɛn togun ɔ́ sín agban xá we, bónú hwi ɖokpónɔ ní má hɛn ó.

Kɛ́nsísɔ́ 11:25

Mawu Mavɔmavɔ jɛ te ɖo akpɔ́kpɔ́ mɛ, bó ɖɔ xó nú Mɔyízi. É yí Yɛ e ɖo Mɔyízi jí ɔ́ ɖě, bó sɔ́ ɖó tomɛxó kanɖé gban (70) lɛ́ɛ jí, bɔ ée Yɛ ɔ́ jɛ yě jí lě tlóló ɔ́, yě jɛ xó e Mawu sɔ́ dó nu nú yě ɔ́ ɖɔ jí; yě ká ɖɔ sɔ́ yi nukɔn ǎ.

Kɛ́nsísɔ́ 11:26

Mɛ we ɖo tomɛxó kanɖé gban (70) lɛ́ɛ mɛ, Ɛlidádi kpó Mɛdadi kpó. Yědɛɛ lɛ́ɛ yi Goxɔ Mawu tɔn ɔ́ kɔn ɖě ǎ, yě cí fí e Izlayɛ́li ví lɛ́ɛ ɖó gɔnu ɖó é. Yɛ Mawu tɔn jɛ yě lɔ jí, bɔ yě jɛ xó e Mawu sɔ́ dó nu nú yě ɔ́ ɖɔ jí ɖo fí e yě ɖǒ gɔnu ɖó é.

Kɛ́nsísɔ́ 11:29

Mɔyízi ka yí gbe n'i ɖɔ: “Wǔ hwan dó ta ce mɛ wɛ a ɖe a? É jló mì ɖɔ Mawu Mavɔmavɔ ní gba Yɛ tɔn kɔn nyi togun tɔn bǐ jǐ, bɔ yě bǐ ná húzú gbeyíɖɔ tɔn.”

Matíe 7:22

Ɖó gbe e gbe Mawu ná ɖɔ hwɛ xá gbɛtɔ́ lɛ́ɛ bǐ ɔ́, mɛ gěgé ná ɖɔ nú mì ɖɔ: ‘Aklúnɔ, Aklúnɔ, é ma ka nyí nyǐkɔ towe mɛ wɛ mǐ ɖɔ Mawuxó nú gbɛtɔ́ lɛ́ɛ dó a? É ma nyí nyǐkɔ towe mɛ wɛ mǐ nya yɛ nyanya lɛ́ɛ dó a? Nǔ tɛnmɛ tɛnmɛ e mǐ jlɛ́ lɛ́ɛ ɔ́, nyǐkɔ towe mɛ wɛ mǐ jlɛ́ dó ǎ cé?’

Hwɛɖɔtɔ́ 14:6

Yɛ Mawu Mavɔmavɔ tɔn wá Sanmusɔ́ɔn jí, bɔ é tlɛ́n kinnikínní ɔ́ lě e è nɔ tlɛ́n lɛ̌ngbɔ́ví é ɖɔhun. É ká hɛn nǔ ɖěbǔ alɔ mɛ ǎ. É ɖɔ nǔ e é wa ɔ́ nú mɛjitɔ́ tɔn lɛ́ɛ ǎ.

Hwɛɖɔtɔ́ 15:14

Ée yě wá Lɛ́xi ɔ́, Filisitɛ́ɛn lɛ́ɛ wá kpé yě kpó awǒbóbó kpó. Énɛ́ ɔ́, yɛ Mawu Mavɔmavɔ tɔn wá Sanmusɔ́ɔn jí, bɔ kan e yě dó blá alɔ tɔn lɛ́ɛ ná lɛ́ɛ jɛ ayǐ sín alɔ tɔn, lɛ̌ɛnkan e ji zo ɔ́ ɖɔhun.

Hwɛɖɔtɔ́ 3:10

Yɛ Mawu Mavɔmavɔ tɔn wá ta nú Ɔtiniyɛ́li bɔ é húzú togun Izlayɛ́li tɔn sín gǎn. É yi ahwan fun gbé bɔ Mawu Mavɔmavɔ bló bɔ é ɖu ɖo axɔ́sú Mɛzopotamíi tɔn Kucáni-Hliceatayímu jí.

1 Samuwɛ́li 10:10

Ée yě wǎ Giveya ɔ́, gbeyíɖɔ Mawu tɔn sín gbɛ̌ta ɖokpó wá kpé Sawúlu, bɔ Yɛ Mawu tɔn wá jǐ tɔn, bɔ é jɛ xó e Mawu ɖɔ gbɔn jǐ tɔn lɛ́ɛ ɖɔ jí ɖo tɛ́ntin yětɔn.

1 Samuwɛ́li 10:9

Ée Sawúlu dó gǔdo Samuwɛ́li lě tlóló ɔ́, Mawu sɔ́ ayi ɖěvo dó xomɛ n'i, bɔ nǔ e Samuwɛ́li ɖɔ n'i lɛ́ɛ bǐ jɛ gbe énɛ́ ɔ́ gbe.

1 Samuwɛ́li 11:6

Ée Sawúlu se mɔ̌ lě tlóló ɔ́, Yɛ Mawu tɔn wá jǐ tɔn, bɔ xomɛ ɖaxó ɖé sin i.

1 Samuwɛ́li 16:13

Samuwɛ́li sɔ́ ami ɔ́ bó kɔn dó ta n'i bó sɔ́ ɛ axɔ́sú ɖo nɔví tɔn lɛ́ɛ nukún mɛ. Kpowun ɔ́, yɛ Mawu Mavɔmavɔ tɔn wá Davídi jí gbe énɛ́ gbe, bó nɔ jǐ tɔn káká sɔ́yi. Ée Samuwɛ́li bló énɛ́ ɔ́ fó ɔ́, é lɛ́ kɔ yi Hlama.

1 Samuwɛ́li 19:20

Bɔ Sawúlu sɛ́ mɛ dó ɖɔ è nǐ wlí Davídi wá. Ée yě yi ɔ́, yě mɔ gbeyíɖɔ Mawu tɔn sín gbɛ̌ta ɔ́, bɔ yě ɖo xó e Mawu ɖɔ nú yě lɛ́ɛ ɖɔ wɛ. Samuwɛ́li wɛ ka ɖo yě nu. Yɛ Mawu tɔn jɛ mɛ e Sawúlu sɛ́ dó lɛ́ɛ jí, bɔ yě lɔ jɛ xó e Mawu ɖɔ nú yě ɔ́ ɖɔ jí.