1 Samuwɛ́li 10:2 - MAWUXÓWÉMA

² Zaanɖé din ɔ́, a nǎ jó mì dó, bó ná ɖidó; a nǎ mɔ nya we ɖé lɛ́ɛ ɖo yɔdo Hlacɛ́li tɔn kɔn, ɖo Bɛnjamɛ́ɛ sín dogbó jí, ɖo Sɛlusáxi; yě ná ɖɔ nú we ɖɔ: ‘Tócí asi e ba gbé a yi lɛ́ɛ ɔ́, è ko mɔ yě. Din ɔ́, tɔ́ towe sɔ́ ɖo tócí xó ɖé ɖɔ wɛ ǎ, lo ɔ́ mi lin wɛ é ɖe bó nɔ ɖɔ: nɛ̌ un ka ná bló gbɔn din bo mɔ vǐ ce?’

1 Samuwɛ́li 10:2 Iomraidhean Croise

Bǐbɛ́mɛ 35:16

Énɛ́ ɔ́ gúdo ɔ́, Jakɔ́bu kpó hɛ̌nnu tɔn kpó gosín Betɛ́li ɖidó. Fí e yě kpo ɖe dó Efláta ɔ́ hwe ǎ, bɔ Hlacɛ́li ji vǐ. Vǐjiji ɔ́ syɛ́n dó e.

Bǐbɛ́mɛ 48:7

Hwenu e un gosín Padani ɔ́, nɔ towe Hlacɛ́li kú ɖo nukún ce mɛ ɖo alixo, ɖo malín málín mɛ dó Efláta, ɖo Kanáa tomɛ, bɔ un ɖi i ɖó fínɛ́, ɖo Efláta e è nɔ lɛ́ ylɔ́ ɖɔ Bɛteleyɛ́mu ɔ́ sín alitó.”

Jelemíi 31:15

Xó e Mawu Mavɔmavɔ ɖɔ ɔ́ ɖíe: “È se mɛɖé ɖo xó sú wɛ ɖo Hlama, mɛ ɔ́ ɖo avǐ ya wɛ, bó ɖo alě ná wɛ tlala; Hlacɛ́li wɛ ɖo vǐ tɔn lɛ́ɛ ví wɛ. É jló ná se gbɔ ǎ, ɖó vǐ tɔn lɛ́ɛ sɔ́ ɖo fí ǎ.”

Jozuwée 18:28

Sela, Elɛ́fu, Jebuzinu e è nɔ lɛ́ ylɔ́ ɖɔ Jeluzalɛ́mu é; kpó Kiliyati-Yealimu kpó. É bló toxo wǒ-ɛnɛ, kpódó gletoxo e lɛ́ lɛ̌ dó yě lɛ́ɛ kpó. Akɔta Bɛnjamɛ́ɛ tɔn ɔ́ sín hɛ̌nnu lɛ́ɛ ɔ́, ayǐkúngban e nyí yětɔn lɛ́ɛ nɛ́.

1 Samuwɛ́li 10:16

Sawúlu ka yí gbe n'i ɖɔ: “É ɖɔ nú mǐ ɖɔ è ko mɔ tócí lɛ́ɛ.” É ká ɖɔ xó ɖěbǔ n'i dó axɔ́súɖuɖu e xó Samuwɛ́li ɖɔ n'i ɔ́ wú ǎ.