1 Samuwɛ́li 10:1 - MAWUXÓWÉMA

¹ Ée Sawúlu nɔ te ɔ́, Samuwɛ́li sɔ́ ami goví ɖokpó bó kɔn dó ta nú Sawúlu, bó kplá así kɔ n'i, bó ɖɔ: “Mawu Mavɔmavɔ ɖésú wɛ kɔn ami dó ta nú we, bó sɔ́ we axɔ́sú ɖó togun tɔn nu.

1 Samuwɛ́li 10:1 Iomraidhean Croise

2 Samuwɛ́li 1:14

Bɔ Davídi sú xó bó ɖɔ: “Étɛ́! A ja axɔ́sú e Mawu Mavɔmavɔ sɔ́ ɔ́ hu gbé bɔ xɛsi ɖi we ǎ!”

2 Samuwɛ́li 19:39

Ée é ɖɔ mɔ̌ ɔ́, axɔ́sú ɔ́ ɖɔ: “É nyɔ́, Kimuxámu ní bo xwedó mì. Un ná bló nǔ e a ɖɔ é bǐ n'i. Un ná ná nǔ e a nǎ byɔ́ mì ɔ́ bǐ we.”

2 Samuwɛ́li 20:19

Toxo mǐtɔn ɖo toxo e vo bo ɖo gbejí ɖo Izlayɛ́li lɛ́ɛ é mɛ. Lo ɔ́, hwɛ jló ná gba toxo élɔ́ e ɖo toxo nukúnɖéjí lɛ́ɛ mɛ ɖo Izlayɛ́li é. Étɛ́wú a ka jló ná hɛn nǔ e nyí Mawu Mavɔmavɔ tɔn é gblé?”

2 Samuwɛ́li 5:2

Đ'ayǐ e Sawúlu nyí axɔ́sú mǐtɔn ɔ́, mɛ wɛ nɔ kplá ahwanfuntɔ́ Izlayɛ́li tɔn lɛ́ɛ yi ahwangbénu, bó nɔ lɛ́ kplá yě wá xwé. Mawu Mavɔmavɔ ko ɖɔ nú mɛ ɖ'ayǐ ɖɔ mɛ wɛ ná kpé nukún dó togun émítɔn Izlayɛ́li ɔ́ wú lě e lɛ̌ngbɔ́nyitɔ́ nɔ kpé nukún dó lɛ̌ngbɔ́ tɔn lɛ́ɛ wú é ɖɔhun, mɛ wɛ ná nyí to ɔ́ sín gǎn.”

1 Axɔ́sú 1:34

Nú mi jɛ fínɛ́ ɔ́, vɔ̌sánú-xwlémawutɔ́ Sadɔ́ku kpódó gbeyíɖɔ Mawu tɔn Natáan kpó ná kɔn ami dó ta n'i, bó ná sɔ́ ɛ axɔ́sú ɖó Izlayɛ́li togun ɔ́ nu. Mi ná kún lanzo, bó ná sú xó ɖɔ: ‘Susu nú axɔ́sú Salomɔ́ɔ!’

1 Axɔ́sú 19:18

Amɔ̌, un ná jó gbɛtɔ́ děgba ɖě afɔwó-afatɔ́n (7.000) dó ɖo Izlayɛ́li; yědɛɛ lɛ́ɛ wɛ ma jɛ kpo nú vodún Baalu ǎ; yě ká kí si n'i ǎ.”

2 Axɔ́sú 20:5

“Lɛ̌ kɔ bo yi Ezekiyási e ɖo togun ce nu ɔ́ gɔ́n, bó ɖɔ n'i ɖɔ nyɛ Mawu Mavɔmavɔ, Mawu tɔ́gbó tɔn Davídi tɔn ɖɔ: ‘Un se ɖɛ towe, bó mɔ avǐ e ya wɛ a ɖe é. Kpɔ́n, un ná gbɔ azɔn nú we. Azǎn atɔn gbe ɔ́, a nǎ yi xwé ce gbe.

2 Axɔ́sú 9:1

É wá su gbe ɖokpó, bɔ Elizée ylɔ́ gbeyíɖɔ Mawu tɔn lɛ́ɛ ɖokpó, bó ɖɔ n'i ɖɔ: “Sɔ́ nǔ, bó zé amigoví élɔ́, bó yá wǔ yi Hlamɔti toxo mɛ, ɖo Galadi yíkúngban jí.

2 Axɔ́sú 9:12

Lo ɔ́, yě lɛ́ ɖɔ: “Adingban wɛ! Đɔ xó e é ɖɔ ɔ́ nú mǐ.” Bɔ é ɖɔ: “Xó e é ɖɔ nú mì ɔ́ bǐ ɖíe: é ɖɔ nú mì ɖɔ Mawu Mavɔmavɔ kɔn ami dó ta nú mì bó sɔ́ mì Izlayɛ́li xɔ́sú.”

Ɖɛhan 135:4

Mawu Mavɔmavɔ sɔ́ Jakɔ́bu bɔ é nyí étɔn; é sɔ́ Izlayɛ́li bɔ é nyí étɔn tunwuntunwun.

Ɖɛhan 2:12

Mi sɔ́ vǐ ɔ́ su, é má nyí mɔ̌ ǎ ɔ́, Mawu Mavɔmavɔ ná sin xomɛ. Mi sɔ́ ɛ su, é má nyí mɔ̌ ǎ ɔ́, mi táá kú vawun. Đó é nɔ́ lín sin xomɛ ǎ. Nǔ nyɔ́ nú mɛ e nɔ bɛ ta ɖo glɔ̌ tɔn lɛ́ɛ bǐ.

Ɖɛhan 78:71

É zé e sín lɛ̌ngbɔ́ e ɖo anɔ̌ ná vǐ wɛ lɛ́ɛ gúdo, bónú é ná kplá togun tɔn Jakɔ́bu, Izlayɛ́li e nyí étɔn é.

Tíntɔ́n 30:23

“A nǎ zé ami wǎnɖagbenɔ e nyɔ́ hú ɖě lɛ́ɛ bǐ é: a nǎ zé mǐlami kilóo atɔ́ɔ́n, sinnamɔmi wǎnɖagbenɔ kilóo we adaɖé. Kanɛ́lu wǎnnɔ kilóo we adaɖé.

Jelemíi 10:16

Amɔ̌, Mawu Jakɔ́bu ví lɛ́ɛ tɔn ɔ́, è sixú jlɛ́ ɛ dó nǔmɛsɛn yětɔn énɛ́ lɛ́ɛ wú ǎ, ɖó é wɛ ɖó nǔ bǐ; togun Izlayɛ́li tɔn wɛ ka nyí togun e é sɔ́ bɔ é nyí étɔn é. Nyǐkɔ tɔn nyí Mawu Mavɔmavɔ Nǔbǐwúkpétɔ́.

Ezekiyɛ́li 16:13

Siká kpó kpatágan kpó wɛ a dǒ ba acɔ́ ná, kanvɔ wěwé ɖagbe ɖagbe, sɛ́da kpó avɔ kíkó kpó wɛ a dǒ. Linfín e mɛ́ ganjí ɔ́ kpó wǐin kpó olívumi kpó wɛ a nɔ ɖu. Énɛ́ ɔ́, a nyɔ̌ ɖɛkpɛ sɔ mɔ̌, bɔ axɔ́sú jɛ we.

Ozée 13:2

Din ɔ́, Eflayímunu lɛ́ɛ fɔ́n bó ɖo hwɛ hu wɛ. Yě nɔ́ zé kpatágan yětɔn dó tun bǒcyɔ ná, yě nɔ́ tun vodún e yě ɖésúnɔ nɔ́ dó wá lɛ́ɛ. Nǔ énɛ́ lɛ́ɛ bǐ ɔ́, alɔnuzɔ́watɔ́ lɛ́ɛ sín nǔwiwa wɛ. È nɔ ɖɔ dó yě wú ɖɔ: “Yě nɔ́ hu gbɛtɔ́ dó sá vɔ̌, bó ká nɔ́ yi dó nu do nú nyibúví!”

Mɛsɛ́dó 13:21

Yě ɖésúnɔ ka wá byɔ́ axɔ́sú ɖokpó, bɔ Mawu sɔ́ Sawúlu Kícu sín vǐ ɔ́, ɖo Bɛnjamɛ́ɛ ví lɛ́ɛ mɛ, bɔ é ɖu axɔ́sú ɖo yě nu xɔ xwe kanɖé (40).

Sɛ́nflínmɛ 32:9

Izlayɛ́li togun ɔ́ wɛ nyí Mawu Mavɔmavɔ tɔn, Jakɔ́bu ví lɛ́ɛ wɛ nyí étɔn.

1 Tɛsalonikinu 5:26

Mi kí nɔví nɔví sín si nú nɔví lɛ́ɛ bǐ, bó dó dó gbe yě ná.

Eblée 2:10

Nǔgbó ɔ́, é jɛ xá hwenɛ́nu ɖɔ Mawu e bló nǔ bǐ, bó hɛn nǔ bǐ ɖó tɛn yětɔn yětɔn mɛ ɔ́, ní bló nú Jezu ní mɛ́ yí fó, gbɔn wǔvɛ́mimɔ gbla mɛ. Mawu blǒ mɔ̌, bó ná dɔn vǐ gěgé wá susu tɔn mɛ gbɔn Jezu jí. Đó Jezu wɛ nyí gǎn e nɔ xlɛ́ hwlɛngánli ɔ́ yě ɔ́.

Nǔɖexlɛ́mɛ 5:8

Ée é yí wěma ɔ́ é ɔ́, nǔɖogbɛ ɛnɛ lɛ́ɛ kpó mɛxó ko-nukún-ɛnɛ lɛ́ɛ kpán jɛ kpoli ɖo nukɔn tɔn. Yě mɛ ɖokpó ɖokpó hɛn agǐdigbo ɖokpó ɖokpó, bó lɛ́ hɛn sikákɔ́fu, bɔ zǎlínkpɔ́n gɔ́. Zǎlínkpɔ́n ɔ́ wɛ nyí ɖɛ e mɛɖeɖóvo Mawu tɔn lɛ́ɛ nɔ xo lɛ́ɛ.

1 Samuwɛ́li 12:3

Nyi ɖíe! Ényí un wa nǔɖé nyi do nú mɛɖé hǔn, mi ɖɔ ɖo Mawu Mavɔmavɔ kpó axɔ́sú e é sɔ́ ɔ́ kpó nukɔn din: un yí nyibú mɛɖé tɔn a? Un yí tócí mɛɖé tɔn a? Mɛ̌ un ka táfú kpɔ́n? Mɛ̌ un dó tagba ná kpɔ́n? Mɛ̌ sí un yí nǔ ɖu ɖe bo nɔ jǐ tɔn kpɔ́n? Mɛ ɔ́ ní ɖɔ nú má sú axɔ́ tɔn ɛ.”

1 Samuwɛ́li 13:14

Amɔ̌, din ɔ́, axɔ́súɖuɖu towe ná fó. Mawu Mavɔmavɔ ko sɔ́ mɛ e nyɔ́ nukún tɔn mɛ, bɔ é ná nyí gǎn ɖo togun tɔn nu é. Đó nǔ e é ɖɔ nú we ɔ́, a blǒ ɖ'é jí ǎ.”

1 Samuwɛ́li 15:1

É wá su gbe ɖokpó bɔ Samuwɛ́li ɖɔ nú Sawúlu ɖɔ: “Nyi wɛ Mawu Mavɔmavɔ sɛ́ dó bɔ un wá kɔn ami dó ta nú we, bó sɔ́ we axɔ́sú ɖó Izlayɛ́li nu. Hǔn bo ɖótó xó e Mawu Mavɔmavɔ ɖɔ é.

1 Samuwɛ́li 15:17

Énɛ́ ɔ́, Samuwɛ́li ɖɔ: “Đ'ayǐ ɔ́, a nɔ sɔ́ hwiɖée dó mɔ mɛjɔmɛ ɖě ǎ. Din ɔ́, a hǔzú akɔta Izlayɛ́li tɔn lɛ́ɛ bǐ sín gǎn. Mawu Mavɔmavɔ wɛ kɔn ami dó ta nú we bó sɔ́ we Izlayɛ́li xɔ́sú.

1 Samuwɛ́li 16:1

Mawu Mavɔmavɔ ɖɔ nú Samuwɛ́li ɖɔ: “Hwetɛ́nu a nǎ gɔn avǐ ya dó Sawúlu tamɛ dó? Un gbɛ́ xó tɔn wɛ hǔn; é sɔ́ ná ɖu axɔ́sú ɖo Izlayɛ́li gbeɖé ǎ. Hwɛ ɔ́, un ná sɛ́ we dó Jɛsée Bɛteleyɛ́munu ɔ́ gɔ́n, ɖó mɛ e un jló ná sɔ́ axɔ́sú ɔ́, un mɔ ɖo vǐ tɔn lɛ́ɛ mɛ. Hǔn, sɔ́ lanzo towe bó kɔn ami d'é mɛ ní gɔ́, bó jɛ ali.”

1 Samuwɛ́li 16:13

Samuwɛ́li sɔ́ ami ɔ́ bó kɔn dó ta n'i bó sɔ́ ɛ axɔ́sú ɖo nɔví tɔn lɛ́ɛ nukún mɛ. Kpowun ɔ́, yɛ Mawu Mavɔmavɔ tɔn wá Davídi jí gbe énɛ́ gbe, bó nɔ jǐ tɔn káká sɔ́yi. Ée Samuwɛ́li bló énɛ́ ɔ́ fó ɔ́, é lɛ́ kɔ yi Hlama.

1 Samuwɛ́li 2:10

Mawu Mavɔmavɔ nɔ jǐxwé dɔ̌n, bó bló bɔ jǐ dó gbe bó ná vívá kɛntɔ́ tɔn lɛ́ɛ, ɖó é wɛ nyí hwɛɖɔtɔ́ ɖaxó e ná ɖɔ hwɛ xá mɛ e ɖo ayǐkúngban ɔ́ jí lɛ́ɛ bǐ. É nɔ́ ná hlɔ̌nhlɔ́n axɔ́sú e é sɔ́ ɖó togun tɔn nu é. É nɔ́ dó acɛ acɛ jí nú axɔ́sú e é sɔ́ é.

1 Samuwɛ́li 24:6

Ée é bló mɔ̌ ɔ́, ayi tɔn jɛ hun xo xá ɛ jí, ɖó Sawúlu sín awu e é kán ɔ́ wú.

1 Samuwɛ́li 26:11

Mawu má lɔn nú un hu mɛ e Mawu Mavɔmavɔ sɔ́ axɔ́sú é ó. Mǐ ní sɔ́ hwǎn e ɖo ta tɔn ligbé é, bó sɔ́ anyǔglo e mɛ sin ɖe é, bó ná yi.”

1 Samuwɛ́li 26:9

Lo ɔ́, Davídi ɖɔ nú Avicáyi ɖɔ: “Ma hu i ó. Ényí mǐ hu axɔ́sú e Mawu Mavɔmavɔ sɔ́ ɔ́, Mawu Mavɔmavɔ ná gɔn tó tɔn dɔn nú mǐ wɛ a vɛdó a?”

1 Samuwɛ́li 8:19

Ée Samuwɛ́li ɖɔ mɔ̌ nú Izlayɛ́li ví lɛ́ɛ ɔ́, yě gbɛ̌ ɖɔ émí kún ná ɖótó xó tɔn ó; yě ɖɔ: “Nǔɖé ná jɛ hǔn, nǔ ɔ́ ní jɛ, axɔ́sú ba wɛ mǐdɛɛ lɛ́ɛ ɖe.”

1 Samuwɛ́li 8:9

Đǒtó Izlayɛ́li ví lɛ́ɛ; blǒ nǔ e ba wɛ yě ɖe ɔ́ nú yě; amɔ̌, a nǎ ɖɔ nǔ e sín acɛ axɔ́sú e yě ná sɔ́ ɔ́ ná ɖó ɖo yě jí lɛ́ɛ nú yě ɖo togun mɛ.”

1 Samuwɛ́li 9:16

“Sɔ gan élɔ́ mɛ ɔ́, un ná sɛ́ dǎwe ɖokpó dó we, bɔ é ná gosín Bɛnjamɛ́ɛ tomɛ. A nǎ kɔn ami dó ta n'i, bɔ é ná nyí gǎn nú togun Izlayɛ́li tɔn ɔ́. É ná hwlɛ́n togun ce gán ɖo Filisitɛ́ɛn lɛ́ɛ sí; un nyi kɔ kpɔ́n togun ce, ɖó xó e sú wɛ é ɖe é wá káká gɔ̌n ce.”

1 Samuwɛ́li 9:27

Ée yě jɛ fí e toxo ɔ́ fó dó ɔ́, Samuwɛ́li ɖɔ nú Sawúlu ɖɔ: “Đɔ nú mɛsɛntɔ́ towe ní jɛ nukɔn nú mǐ.” Bɔ mɛsɛntɔ́ ɔ́ jɛ nukɔn. Bɔ Samuwɛ́li ɖɔ nú Sawúlu ɖɔ: “Nɔ te bónú ma ɖɔ xó e Mawu ɖɔ ɔ́ nú we.”