1 Samuwɛ́li 1:8 - MAWUXÓWÉMA

⁸ bɔ asú tɔn kanbyɔ́ ɛ ɖɔ: “Ana, étɛ́wú a ka ɖo avǐ ya wɛ bó gbɛ́ nǔ ɖu? Étɛ́wú a ka ɖo aluwɛ mɛ? Nyɛ ma hú vǐ wǒ nú we ǎ cé?”

1 Samuwɛ́li 1:8 Iomraidhean Croise

2 Axɔ́sú 8:12

Hazayɛ́li kanbyɔ́ ɛ ɖɔ: “Gǎn, étɛ́wú è ká ɖo avǐ ya wɛ?” Ée Hazayɛ́li kan mɔ̌ byɔ́ ɔ́, Elizée yí gbe n'i ɖɔ: “Un ko tunwun nǔ e a nǎ wa xá Izlayɛ́linu lɛ́ɛ ɔ́ wú wɛ un ɖo avǐ ya wɛ. A nǎ dó toxo yětɔn e è mɛ ahohó lɛ́ lɛ̌ dó lɛ́ɛ zo. A nǎ hu dɔ̌nkpɛvú yětɔn lɛ́ɛ, a nǎ nyínyɛ́ yɔkpɔ́vú yětɔn lɛ́ɛ, bó ná zɛ adɔgo nú xoxónɔ yětɔn lɛ́ɛ.”

Jɔ̌bu 6:14

Mɛ e ɖo ya ji wɛ ɔ́, xɔ́ntɔn tɔn ɖě ɖó ná nyɔ́ xomɛ dó wǔ tɔn, é má nyí mɔ̌ ǎ hǔn, xɔ́ntɔn énɛ́ ɔ́ sɔ́ ɖó sísí nú Nǔbǐwúkpétɔ́ ɔ́ ǎ .

Ɖɛhan 43:4

Énɛ́ ɔ́, un ná sɛkpɔ́ vɔ̌sákpe towe, un ná sɛkpɔ́ hwi ɖésúnɔ Mawu ɔ́, hwi mɛ e nyí xomɛhunhun ce, bó nyí awǎjijɛ ce é. Hwe énɛ́ ɔ́ nu ɔ́, un ná sɔ́ kanhún ce, bó ná ji han dó kpa susu nú we; un nǎ ji han dó kpa susu nú hwi Mawu ce ɔ́.

Ezayíi 54:1

Jeluzalɛ́mu, hwi mɛ e nyí wɛnsinɔ ɔ́, hwi mɛ e ma ji vǐ kpɔ́n ǎ ɔ́, hwi mɛ e ma mɔ wǔvɛ́ ɖo ajidonu kpɔ́n ǎ ɔ́, sú xó bó j'awǎ. Đó Mawu Mavɔmavɔ ɖo ɖiɖɔ nú we wɛ ɖɔ: “Hwi mɛ e asú towe gbɛ́ we ɔ́, a nǎ ɖó vǐ hú nyɔ̌nu e ɖo asúxwé é.”

Ezayíi 54:6

Aluwɛ ɖaxó ɖé mɛ wɛ a ɖe nyɔ̌nu e asú gbɛ́ ɔ́ ɖɔhun, lo ɔ́, Mawu Mavɔmavɔ lɛ́ vɔ́ ylɔ́ we. Mawu towe ɖɔ: “Nyɔ̌nu e è da ɖo wǐnnyáwínnyá mɛ ɔ́, è ka sixú gbɛ́ ɛ nǔgbó cé?

Jǎan 20:13

bɔ yě kanbyɔ́ ɛ ɖɔ: “Nyɔ̌nu! Étɛ́ sín avǐ ya wɛ a ka ɖe?” É ka yí gbe nú yě ɖɔ: “Yě ɖe Aklúnɔ ce síin, bɔ un tunwun fí e è sɔ́ ɛ ɖó ɔ́ ǎ.”

Jǎan 20:15

Jezu ka ɖɔ n'i ɖɔ: “Nyɔ̌nu! Étɛ́ sín avǐ ya wɛ a ka ɖe? Mɛ̌ ba wɛ a ɖe?” Mali ka vɛdó ɖɔ jikpájíkpɔ́ntɔ́ ɔ́ wɛ sín, bó ɖɔ n'i ɖɔ: “Mɛɖaxó! Ényí hwi wɛ sɔ́ ɛ sín fí hǔn, ɖɔ fí e a sɔ́ ɛ ɖó ɔ́ nú mì, nú má yi sɔ́ ɛ.”

1 Tɛsalonikinu 5:14

Nɔví lɛ́ɛ mi, mǐ lɛ́ ɖo byɔ̌byɔ́ mi wɛ ɖɔ mi nɔ gbɛ́ nǔ nú fɔnlínnɔ lɛ́ɛ; mi nɔ ná akɔ́nkpinkpan mɛ e ma nɔ gba wǔ dó mɛ mɛ ǎ lɛ́ɛ; mi ní nɔ gɔ́ alɔ nú mɛ e ma ɖó gǎn ǎ lɛ́ɛ; mi nɔ ɖó suúlu dó mɛ bǐ wú.

Hwliti 4:15

É ná ná ayi j'ayǐ we bó ná kpé nukún wǔ we ɖo kpikpoxɔmɛ. Vǐ towe si ɔ́ hú vǐ tɛ́nwe nú we, ɖó é yí wǎn nú we bó ji vǐ súnnu élɔ́ nú we.”

1 Samuwɛ́li 1:7

Xwewú xwewú tɛgbɛ ɔ́, nú Ana ko yi Mawu Mavɔmavɔ xwé gbe ɔ́, nǔ ɖokpó ɔ́ jɛ́n nɔ́ jɛ. É ká wá jɛ xwe ɖokpó mɛ, bɔ Ana ko lɛ́ ɖo avǐ ya wɛ, bó gbɛ́ nǔ ɖu,