1 Samuwɛ́li 1:11 - MAWUXÓWÉMA

¹¹ bó ɖɔ: “Mawu Mavɔmavɔ Nǔbǐwúkpétɔ́, ényí a kɛnklɛ́n bó nyi kɔ kpɔ́n wǔvɛ́ e mɔ wɛ nyɛ mɛsɛntɔ́ towe ɖe ɔ́, ényí a flín mì bó má wɔn mì ǎ, bó ná vǐ súnnu ɖokpó nyɛ mɛsɛntɔ́ towe ɔ́, un ná sɔ́ vǐ ɔ́ ɖó vo nú we, bɔ é ná nyí towe kúgbe gbɛgbe, bɔ è nǎ xwlɛ́ ta n'i gbeɖé ǎ; énɛ́ ɔ́ ná ɖe xlɛ́ ɖɔ è sɔ́ ɛ ɖó vo nú we.”

1 Samuwɛ́li 1:11 Iomraidhean Croise

Bǐbɛ́mɛ 28:20

Ée Jakɔ́bu bló mɔ̌ ɔ́, é d'akpá ɖɔ: “Ényí Mawu nɔ kpɔ́ xá mì ɔ́, nú é kpé nukún wǔ ce ɖo ali jí ɔ́, ényí é ná nǔɖuɖu mì bó ná nǔ e un ná dó ɔ́ mì ɔ́,

Bǐbɛ́mɛ 29:32

Énɛ́ ɔ́, Lěya mɔ xo bó ji vǐ súnnu ɖokpó, bó sun nyǐ i ɖɔ Hwlibɛ́ni, Hwlibɛ́ni sín tínmɛ wɛ nyí “É mɔ”, ɖó é ɖo ɖiɖɔ wɛ ɖɔ: “Mawu Mavɔmavɔ mɔ ɖɔ è ɖe mì kpo nǔgbó. Asú ce ná yí wǎn nú mì lo.”

Bǐbɛ́mɛ 30:22

Mawu flín Hlacɛ́li, bó yí ɖɛ tɔn, bó bló bɔ é ná jɛ vǐ ji jí.

Bǐbɛ́mɛ 8:1

Mawu ká wɔn Nɔwée kpódó kanlin e kpó é kpó ɖo tɔjíhún ɔ́ mɛ lɛ́ɛ kpó ǎ. É wɔn gběkanlin lɛ́ɛ ǎ, é wɔn xwé gbe kanlin lɛ́ɛ ǎ. É sɛ́ jɔhɔn ɖé dó bɔ é nyi dó ayǐkúngban ɔ́ jí bɔ sin ɔ́ jɛ mimɛ jí.

2 Samuwɛ́li 16:12

Afɔ nyɔ́ ɔ́, Mawu Mavɔmavɔ sixú nyi kɔ kpɔ́n wǔvɛ́ e mɔ wɛ un ɖe ɔ́, bó ná zé nu e dó mì wɛ é ɖe égbé din lɛ́ɛ dó húzú ɖagbe nú mì.”

Ɖɛhan 25:18

Kpɔ́n ya e ji wɛ un ɖe ɔ́, kpɔ́n wǔvɛ́ e mɔ wɛ un ɖe ɔ́, bó sɔ́ hwɛ ce lɛ́ɛ bǐ kɛ mì.

Tíntɔ́n 4:31

Bɔ togun ɔ́ ɖi nǔ ná. Yě mɔ nǔ jɛ wú ɖɔ Mawu Mavɔmavɔ mɔ lě e è ɖo ya dó nú émí mɛ Izlayɛ́li ví lɛ́ɛ gbɔn wɛ ɔ́, bó wá ba yě kpɔ́n, bó ná hwlɛ́n yě gán. Énɛ́ ɔ́, yě jɛ kpo bó ɖe kɔ́ nú Mawu Mavɔmavɔ.

Nǔnywɛ́xó 31:2

“Vǐ ce, xó tɛ́ un ka ná ɖɔ nú we din? Aɖiví ce, étɛ́ un ka ná kplɔ́n we? Hwi mɛ e un byɔ́ Mawu bó ji é, xó tɛ́ un ná ɖɔ nú we!

Nǔnywɛ́tɔ́xó 5:4

A gbɔ bo gɔn akpá dó ɔ́, é nyɔ́ hú a dǒ bó gɔn ɖiɖe.

Levíi ví 27:2

é ní ɖɔ nú Izlayɛ́li ví lɛ́ɛ ɖɔ: “Nú mɛɖé dó gbɛtɔ́ sín akpá nú nyɛ Mawu Mavɔmavɔ ɔ́, mɛ ɔ́ sixú ná akwɛ́, bó dó ɖe akpá e é dó ɔ́ ná.

Kɛ́nsísɔ́ 21:2

Énɛ́ ɔ́, Izlayɛ́li ví lɛ́ɛ dó akpá nú Mawu Mavɔmavɔ ɖɔ: “Nú a jǒ togun Aladi tɔn ɔ́ nú mǐ ɔ́, mǐ nǎ gba toxo tɔn lɛ́ɛ bǐ hánnyá.”

Kɛ́nsísɔ́ 6:11

Vɔ̌sánú-xwlémawutɔ́ ɔ́ ná zé xɛ e é hɛn wá lɛ́ɛ ɖokpó xwlé Mawu Mavɔmavɔ, bó dó sá hwɛxɔ́súsúvɔ́ ná, bó ná zé wegɔ́ ɔ́ dó sá vɔ̌ e è nɔ dó zo ɔ́ ná. Énɛ́ ɔ́ gúdo ɔ́, é ná bló lě e è nɔ bló gbɔn, bó nɔ́ slá wǔ nú mɛ ɔ́ nú mɛ ɔ́, bó dó slá wǔ n'i ɖó cyɔ e kú ɖo akpá tɔn ɔ́ wú. Gbe énɛ́ gbe ɖokpó ɔ́ jɛ́n vɔ̌sánú-xwlémawutɔ́ ɔ́ ná ɖɔ ɖɔ nya ɔ́ lɛ́ nyí mɛ e è sɔ́ ɖó vo nú Mawu Mavɔmavɔ é.

Kɛ́nsísɔ́ 6:5

É ɖó ná xwlɛ́ ta ǎ. È sɔ́ ɛ ɖó vo nú Mawu Mavɔmavɔ, bɔ é ná wa azɔ̌ n'i wɛ. Hǔn é ɖó ná jó ɖa tɔn dó, bɔ é ná ɖo susu wɛ, káká jɛ hwenu e é ɖó dó é.

Kɛ́nsísɔ́ 6:8

“Hwenu e mɛ ɔ́ sɔ́ ɖó te ɖɔ émí ná dó wa azɔ̌ nú Mawu Mavɔmavɔ ɔ́ bǐ ɔ́, vo wɛ é sɔ́ éɖée ɖó nú Mawu Mavɔmavɔ.

Hwɛɖɔtɔ́ 11:30

É dó akpá élɔ́ nú Mawu Mavɔmavɔ ɖɔ: “Ényí a zě Amumɔ́ɔ ví lɛ́ɛ ɖó acɛ ce mɛ ɔ́,

Hwɛɖɔtɔ́ 13:5

ɖó a nǎ mɔ xo bó ná ji vǐ súnnu ɖokpó. Hǎ ná jɛ ta tɔn kpɔ́n gbeɖé ǎ, ɖó vǐ énɛ́ ɔ́, è sɔ́ ɛ ɖó vo nú Mawu sín nɔ tɔn xo mɛ. É wɛ ná jɛ Izlayɛ́li ví lɛ́ɛ hwlɛ́n sín Filisitɛ́ɛn lɛ́ɛ sí jí.”

1 Samuwɛ́li 1:10

Akpɔ ɖó Ana ɖésú, bɔ é xo ɖɛ kpó avǐ kpó,

1 Samuwɛ́li 1:12

Ée é ɖo ɖɛ xo wɛ bɔ é wá jɛ lǐnlín jí ɔ́, Eli jɛ nu tɔn kpɔ́n jí.

1 Samuwɛ́li 1:19

Ɛlukana kpó mɛ tɔn lɛ́ɛ kpó fɔ́n zǎn, bó yi ɖe kɔ́ nú Mawu Mavɔmavɔ bó lɛ́ kɔ yi xwé ɖo Hlama. Ɛlukana ɖó xó xá asi tɔn Ana ɔ́, bɔ Mawu Mavɔmavɔ ná ɛ nǔ e Ana byɔ́ é.

1 Samuwɛ́li 1:22

Amɔ̌, Ana yi ɖě xwe nɛ́ xwe ǎ. É ɖɔ nú asú tɔn ɖɔ: “Nú vǐ ɔ́ kó ɖe anɔ̌ ɔ́, un ná kplá ɛ yi, bó ná sɔ́ ɛ yi xwlé Mawu Mavɔmavɔ, bɔ é ná nɔ fínɛ́ káká sɔ́yi.”

1 Samuwɛ́li 1:27

Vǐ e byɔ́ Mawu Mavɔmavɔ wɛ un ɖe, bó ɖo ɖɛ xo wɛ hwenɛ́nu é ɖíe Mawu Mavɔmavɔ se ɖɛ ce e.

1 Samuwɛ́li 1:28

Din ɔ́, nyɛ lɔ jló ná sɔ́ vǐ ɔ́ ná Mawu Mavɔmavɔ, bɔ é ná nyí étɔn káká sɔ́yi.” Bɔ yě ɖe kɔ́ nú Mawu Mavɔmavɔ.

1 Samuwɛ́li 2:20

Eli nɔ xo ɖɛ dó Ɛlukana kpó asi tɔn kpó jí, bó nɔ ɖɔ nú Ɛlukana ɖɔ: “Mawu Mavɔmavɔ ní ná vǐ we gbɔn nyɔ̌nu élɔ́ jí nú yě ná nɔ ée a sɔ́ ná Mawu Mavɔmavɔ ɔ́ sín tɛnmɛ.” Énɛ́ ɔ́ gúdo ɔ́, yě nɔ́ lɛ́ kɔ wá yi xwé.