1 Samuwɛ́li 1:10 - MAWUXÓWÉMA

¹⁰ Akpɔ ɖó Ana ɖésú, bɔ é xo ɖɛ kpó avǐ kpó,

1 Samuwɛ́li 1:10 Iomraidhean Croise

Bǐbɛ́mɛ 30:1

Ée Hlacɛ́li mɔ ɖɔ émí kún ɖo vǐ ji nú Jakɔ́bu wɛ ó ɔ́, é jɛ wǔ hwan nɔví tɔn jí, bó ɖɔ nú Jakɔ́bu ɖɔ: “A ma ji vǐ nú mì ǎ ɔ́, un ná kú.”

Bǐbɛ́mɛ 50:10

Ée yě jɛ Golɛnu-Atadi ɖo Judɛ́ɛn tɔ ɔ́ gúdo ɔ́, yě wa cyɔnú ɖo fínɛ́ bɔ é fɛ́ wǔ titewungbe. Énɛ́ ɔ́, Jozɛ́fu nɔ aluwɛ mɛ xɔ azǎn tɛ́nwe nú tɔ́ tɔn.

2 Samuwɛ́li 13:36

Yonadávu ɖo xó ɖɔ fó wɛ kɛ́ɖɛ́ bɔ axɔ́sú ɔ́ sín vǐ lɛ́ɛ wá, bó wlí avǐ, bɔ axɔ́sú ɔ́ kpó gǎn hɔn-yitɔ́ tɔn lɛ́ɛ kpó bǐ y'avǐ xá yě, ɖasin hoho.

2 Samuwɛ́li 17:8

A tunwun lě e tɔ́ towe kpó sɔ́ja tɔn lɛ́ɛ kpó syɛ́n sɔ é. Yě nylá hun hú lɔnmɔ e ba vǐ tɔn kpo ɖo nǔkan mɛ é. Tɔ́ towe ɔ́, ahwanfuntɔ́ ɖaxó ɖokpó wɛ. É ná dɔ́ fí ɖokpó ɔ́ xá sɔ́ja tɔn lɛ́ɛ ǎ.

2 Axɔ́sú 20:3

“Óo! Mawu Mavɔmavɔ, flín ɖɔ un nɔ gbejí ɖo nukɔn towe, bó wa azɔ̌ kpó ayijlɔ́jlɔ́ kpó, bó bló nǔ e nɔ nyɔ́ nukún towe mɛ lɛ́ɛ.” Ée é ɖɔ mɔ̌ ɔ́, é wlí avǐ bó ya ɖasin hoho.

Jɔ̌bu 10:1

Gbɛ cikɔ nú mì, un ná ɖɔ nǔ e ɖo xíxá mì wɛ ɔ́ lo; un ná nɔ abwɛ̌ ǎ, un ɖo wǔvɛ́ mɔ wɛ ɖo ayi mɛ dín.

Jɔ̌bu 7:11

Énɛ́ ɔ́ wú ɔ́, un sɔ́ ná ɖó nu abwɛ̌ ǎ; nǔ wɛ ɖo gbigbo mì wɛ ɖo ayi mɛ; un ɖó ná ɖɔ xó. Un ɖo wǔvɛ́ mɔ ɖo ayi mɛ wɛ dín; un ná ɖɔ vo e sa wɛ un ɖe ɔ́.

Jɔ̌bu 9:18

É nɔ́ ná agbɔ̌n mì ɖěbǔ ǎ; ya dó nú mì wɛ jɛ́n é nɔ́ ɖe.

Ɖɛhan 50:15

Adǎn gbo we hweɖěbǔnu hǔn, ylɔ̌ mì. Un ná hwlɛ́n we gán, bɔ a nǎ kpa susu nú mì.”

Ɖɛhan 91:15

É ná ylɔ́ mì bɔ un ná sɔ n'i. Adǎngbomɛ hwenu ɔ́, un ná nɔ kpɔ́ xá ɛ. Un ná hwlɛ́n ɛ gán, bó ná sɔ́ ɛ su.

Nǔnywɛ́xó 14:10

Mɛ e ɖo wǔvɛ́ mɔ wɛ ɔ́, é ɖokpó géé wɛ tunwun bǎ e mɛ é ɖo wǔvɛ́ mɔ wɛ yi jɛ é; mɔ̌ ɖokpó ɔ́, mɛ e ɖo awǎ jɛ wɛ ɔ́, é ɖokpó géé wɛ tunwun bǎ e mɛ é ɖo awǎ jɛ wɛ yi jɛ é.

Ezayíi 38:15

Lo ɔ́, xó tɛ́ un ná ɖɔ n'i, bɔ é ná ɖɔ xó nú mì? É wɛ bló nǔ énɛ́ lɛ́ɛ bǐ. Un ɖo akpɔ mɔ wɛ káká bɔ adɔ̌ vɛ́ mì.

Ezayíi 54:6

Aluwɛ ɖaxó ɖé mɛ wɛ a ɖe nyɔ̌nu e asú gbɛ́ ɔ́ ɖɔhun, lo ɔ́, Mawu Mavɔmavɔ lɛ́ vɔ́ ylɔ́ we. Mawu towe ɖɔ: “Nyɔ̌nu e è da ɖo wǐnnyáwínnyá mɛ ɔ́, è ka sixú gbɛ́ ɛ nǔgbó cé?

Jelemíi 13:17

Ényí mi ma ɖótó Mawu ǎ ɔ́, un ná nɔ nǔglɔ́ bó ya avǐ, ɖó go e yí wɛ mi ɖe ɔ́ wú. Un ná kun ɖasin cɛɖɛcɛɖɛ, ɖó ahwan na wlí togun Mawu Mavɔmavɔ tɔn.

Jelemíi 22:10

Judáanu e mi, axɔ́sú Joziyási kú, mi ma ka ví i ó; mi ma sa vo dó ta tɔn mɛ ó. Lo ɔ́, mi ví axɔ́sú Calúmu; éyɛ́ xweyǐgbe, é sɔ́ ná lɛ́ kɔ wá to e mɛ è ji i ɖe é gbeɖé ǎ.

Gbɛvíhan 3:15

Akpɔ wɛ nyí nǔɖuɖu bɔ é ná mì, bɔ un ɖu káká bó gɔ́ xo; é kpé nǔvɛ́nu nú mì.

Luki 22:44

Jezu ka ɖo kúsukpɔ xo wɛ, bó lɛ́ ɖo ɖɛ xo wɛ syɛ́nsyɛ́n, bɔ dɛ̌n e jɛ wɛ é ɖe ɔ́ cí hun ɖɔhun, bó nɔ kun kɔn nyi ayǐ.]

Eblée 5:7

Hwenu e Jezu ɖo gbɛ ɖo ayǐkúngban jí fí ɔ́, é xo ɖɛ bó sa vo kpódó xósúsú kpó, kpódó ɖasin kpó, nú Mawu e kpé wú bó ná hwlɛ́n ɛ ɖo kú sí é. Mawu ka yí ɖɛ tɔn, ɖó é hwíhwɛ́ éɖée dó Mawu glɔ́ wútu.

Hwɛɖɔtɔ́ 21:2

Izlayɛ́li togun ɔ́ wá Betɛ́li, bɔ mɛ lɛ́ɛ jínjɔ́n Mavɔmavɔ nukɔn ɖo fínɛ́ káká yi jɛ gbadanu. Yě ji gbɛvíhan bɔ ɖasin wá yi dó yě ɖésú.

Hwliti 1:20

Nɔemíi ka yí gbe nú yě ɖɔ: “Mi ma sɔ́ ylɔ́ mì ɖɔ Nɔemíi ɖě ó, mi ylɔ́ mì ɖɔ Mala, ɖó Nǔbǐwúkpétɔ́ ɔ́ sɔ́ mì dó aluwɛ ɖaxó ɖé mɛ.

1 Samuwɛ́li 1:11

bó ɖɔ: “Mawu Mavɔmavɔ Nǔbǐwúkpétɔ́, ényí a kɛnklɛ́n bó nyi kɔ kpɔ́n wǔvɛ́ e mɔ wɛ nyɛ mɛsɛntɔ́ towe ɖe ɔ́, ényí a flín mì bó má wɔn mì ǎ, bó ná vǐ súnnu ɖokpó nyɛ mɛsɛntɔ́ towe ɔ́, un ná sɔ́ vǐ ɔ́ ɖó vo nú we, bɔ é ná nyí towe kúgbe gbɛgbe, bɔ è nǎ xwlɛ́ ta n'i gbeɖé ǎ; énɛ́ ɔ́ ná ɖe xlɛ́ ɖɔ è sɔ́ ɛ ɖó vo nú we.”

1 Samuwɛ́li 1:9

Ée yě ɖu nǔ bó nu sin fó ɖo Silóo fínɛ́ ɔ́, Ana sí te, bó yi Mawu Mavɔmavɔ xwé ɔ́ sín hɔntogbó jí. Eli vɔ̌sánú-xwlémawutɔ́ ɔ́ ká ɖo ayǐjínjɔ́n ɖo hɔnkpo ɔ́ kpá.