1 Piyɛ́ɛ 5:3 - MAWUXÓWÉMA

³ Mi ma nɔ ba ná kpa acɛ gannaganna nú mɛ e è sɔ́ dó así nú mi ɖɔ mi ní kpé nukún dó yě wú lɛ́ɛ ó; lo ɔ́, mi ní nyí kpɔ́ndéwú nú lɛ̌ngbɔ́ lɛ́ɛ.

1 Piyɛ́ɛ 5:3 Iomraidhean Croise

Ɖɛhan 33:12

Nǔ nyɔ́ nú akɔta e nɔ sɛn Mawu Mavɔmavɔ ɖokpónɔ é; nǔ nyɔ́ nú togun e Mawu Mavɔmavɔ sɔ́ dó ɖó togun tɔn é.

Ɖɛhan 74:2

Flín togun towe, togun towe e a sɔ́ ɖ'ayǐ xóxó bɔ é nyí towe é; Flín akɔta e a hwlɛ̌n gán é; é wɛ nyí akɔta towe. Flín Sinyɔ́ɔ só ɔ́, Sinyɔ́ɔ fí e a sɔ́ nɔtɛn towe ɖó é.

Ezekiyɛ́li 34:4

Lɛ̌ngbɔ́ e nǔ gbɛ́ dó lɛ́ɛ ɔ́, mi ná hlɔ̌nhlɔ́n yě ǎ. Mi kpé nukún dó éé ɖo azɔn jɛ wɛ lɛ́ɛ wú ǎ, mi blá akpa nú éé gblé wǔ lɛ́ɛ ǎ. Mi lɛ́ kɔ nú éé sɔ́ ali ɖěvo, bó xweyǐgbe lɛ́ɛ ǎ. Mi ka lɛ́ ba éé bú lɛ́ɛ ǎ. Lo ɔ́, acɛ e mi nɔ kpa nú yě ɔ́ syɛ́n dín, mi nɔ se gbɔ ǎ.

Micée 7:14

Mawu Mavɔmavɔ, zě lɛ̌ngbɔ́nyitɔ́ kpogɛ towe dó kplá togun towe ná, ɖó é ɖo zɔ ɖo ayǐkúngban e jí nǔɖé má nɔ nyɔ́ ɖe ǎ é, có ayǐkúngban ɖagbe kɛ́ɖɛ́ wɛ ka lɛ́ lɛ̌ dó e, kplá ɛ yi ayǐkúngban ɖagbe ɖagbe Basáni tɔn kpó Galadi tɔn kpó jí, lě e a ko nɔ wa gbɔn ɖ'ayǐ é.

Kɛ́nsísɔ́ 18:7

Amɔ̌, Aalɔ́ɔn, hwɛ kpó vǐ towe lɛ́ɛ kpó ɔ́, mi ná nɔ́ wa vɔ̌sánú-xwlémawutɔ́ zɔ́ ɖo vɔ̌sákpe ɔ́ kɔn, bó ná nɔ́ wa ɖo tɛn mímɛ́ bǐ ɔ́ mɛ, ɖo xɔmɛgbovɔ ɔ́ gúdo. Nyɛ wɛ ná azɔ̌ énɛ́ ɔ́ mi. Ényí mɛ ɖěvo séé sɛkpɔ́ mi ɔ́, é ná kú.”

Jǎan 13:15

Đó kpɔ́ndéwú ɖé wɛ é nyí, bɔ un ná mi, bónú mi lɔmɔ̌ ná nɔ́ bló lě e un bló gbɔn nú mi é.

Mɛsɛ́dó 20:28

Mi hɛn ayi dó miɖée wú, bó hɛn ayi dó agun Mawu tɔn e nu Yɛsinsɛn sɔ́ mi ɖó é wú, bónú mi ná xlɛ́ ali agunví lɛ́ɛ; agunví énɛ́ lɛ́ɛ e Mawu xɔ gbɔn Vǐ é ɖésúnɔ tɔn sín kú gbla mɛ é.

1 Kɔlɛ́ntinu 11:11

É ka ɖo mɔ̌ có, ɖo bǔ e mǐ ɖe xá Aklúnɔ ɔ́ mɛ ɔ́, nyɔ̌nu sixú tíin súnnu mɛ vo ǎ; súnnu ka sixú tíin nyɔ̌nu mɛ vo ǎ.

1 Kɔlɛ́ntinu 3:5

Nǔ e un ná kanbyɔ́ mi ɔ́, mɛ̌ ka nyí Apolosu? Mɛ̌ ka nyí Pɔ́lu? Azɔ̌watɔ́ Mawu tɔn e jí Mawu ylɔ́ mi gbɔn, bɔ mi ɖi nǔ ɔ́ wɛ mǐ nyí kpowun. Azɔ̌ e Aklúnɔ zɔ́n ɖokpó ɖokpó mǐtɔn ɔ́ wa wɛ mǐ ɖe.

1 Kɔlɛ́ntinu 3:9

Đó azɔ̌ wa ɖó kpɔ́ wɛ mǐ ɖe nú Mawu, bɔ midɛɛ lɛ́ɛ ka nyí gle Mawu tɔn, bó lɛ́ nyí xɔ Mawu tɔn.

2 Kɔlɛ́ntinu 1:24

Mǐ ba ná ɖɔ nú mi ɖɔ nǔ lě wɛ mi ɖó ná ɖi nǔ ná dandan ǎ, ɖó mi ko lí dǒ ɖo nǔɖiɖi mɛ; lo ɔ́, mǐ jló ná wa azɔ̌ xá mi nú nyɔ̌ná mitɔn.

2 Kɔlɛ́ntinu 4:5

Nǔgbó ɔ́, mǐ ɖésúnɔ jlá wɛ mǐ ɖe ǎ: Klísu Jezu jlá wɛ mǐ ɖe ɖɔ é nyí Aklúnɔ, bó ɖo mǐɖée jlá wɛ ɖɔ mɛsɛntɔ́ mitɔn wɛ mǐ nyí ɖó Jezu wú.

Sɛ́nflínmɛ 32:9

Izlayɛ́li togun ɔ́ wɛ nyí Mawu Mavɔmavɔ tɔn, Jakɔ́bu ví lɛ́ɛ wɛ nyí étɔn.

Filípunu 3:17

Nɔví ce lɛ́ɛ mi, mi bǐ ní bló nyɛ ɖɔhun. Mǐ ko ná xlɛ́ tɔn: hǔn mi sɔ́ nukún mitɔn ɖó yě mɛ e gbɛzínzán yětɔn nɔ sɔgbe xá xlɛ́ mǐtɔn énɛ́ lɛ́ɛ é jí.

Filípunu 4:9

Nǔ e un kplɔ́n mi lɛ́ɛ, nǔ e mi yí ɖo gɔ̌n ce lɛ́ɛ, nǔ e mi se ɖo nu ce lɛ́ɛ, kpódó nǔ e un wa, bɔ mi mɔ lɛ́ɛ kpó ɔ́, mi zé dó wa azɔ̌ ná; énɛ́ ɔ́, Mawu e nɔ ná fífá mǐ ɔ́ ná nɔ kpɔ́ xá mi.

1 Tɛsalonikinu 1:7

Énɛ́ ɔ́ zɔ́n, bɔ mi húzú kpɔ́ndéwú nú klísusɛntɔ́ e ɖo Masedwani lɛ́ɛ kpódó ée ɖo Akáyi lɛ́ɛ kpán.

2 Tɛsalonikinu 3:9

É nyí mǐ gɔn acɛ e ná ɖu nǔ mitɔn bó gɔn axɔ́ sú ɔ́ ɖó wútu wɛ mǐ wa nǔ gbɔn mɔ̌ ǎ; lo ɔ́, mǐ wa nǔ gbɔn mɔ̌, bó ná dó ná xlɛ́ e mi ná xwedó ɔ́ mi.

1 Timɔtée 4:12

Ma lɔn nú mɛɖé mɔ yɔkpɔ́vú towe, bó ɖó hwɛ nú we ó. Lo ɔ́, nyǐ kpɔ́ndéwú nú nǔɖitɔ́ lɛ́ɛ, bó nyí kpɔ́ndéwú ɖo xóɖiɖɔ mɛ, bó nyí kpɔ́ndéwú ɖo zǐnzán kpó wǎn yíyí kpó mɛ, bó nyí kpɔ́ndéwú ɖo nǔɖiɖi kpó gbɛ mímɛ́ e a nɔ zán ɔ́ kpó mɛ.

Titu 2:7

Hwi ɖésúnɔ ɔ́, a ɖǒ ná nɔ́ wa nǔ ɖagbe ɖo nǔ bǐ mɛ, bó ná nyí kpɔ́n d'é wú nú yě; a nǎ sɔ́ nǔ e kplɔ́n mɛ wɛ a ɖe lɛ́ɛ dó ɖó nǔjɔnǔ, lobo kpé nukún d'é wú.

1 Piyɛ́ɛ 2:9

Amɔ̌ midɛɛ lɛ́ɛ ɔ́, akɔta e è cyán ɔ́ wɛ mi nyí, bó nyí vɔ̌sánú-xwlémawutɔ́ axɔ́sú ɔ́ tɔn; akɔta ɖe ɖó vo wɛ mi nyí, bó nyí togun Mawu tɔn. Mawu e ylɔ́ mi nú mi ná gosín ablu mɛ, bó wá wěziza tɔn ɖagbe ɖagbe ɔ́ nu ɔ́ cyán mi bónú mi ná jlá azɔ̌ ɖagbe ɖagbe e é nɔ wa lɛ́ɛ.