1 Piyɛ́ɛ 5:2 - MAWUXÓWÉMA

² mi kpé nukún dó mɛ e Mawu sɔ́ dó así nú mi lɛ́ɛ wú, lě e lɛ̌ngbɔ́nyitɔ́ lɛ́ɛ nɔ kpé nukún dó lɛ̌ngbɔ́ e è sɔ́ dó así nú yě lɛ́ɛ wú gbɔn é; mi sɔ́ jlǒ ɖagbe dó kpé nukún dó yě wú lě e Mawu jló gbɔn é; ní ma nyí gǎn wɛ é hú mi bɔ mi bló ó. Mi wa azɔ̌ mitɔn kpódó bǐbí ɖó dó nǔ wǔ kpán; ní ma nyí akwɛ́ wɛ mi xwedó ó.

1 Piyɛ́ɛ 5:2 Iomraidhean Croise

2 Axɔ́sú 12:6

Mi mɛ ɖokpó ɖokpó ná yí akwɛ́ énɛ́ lɛ́ɛ ɖo mɛ mitɔn e nɔ yí akwɛ́ ɖo Mawu Mavɔmavɔ xwé lɛ́ɛ sí, bó ná zé dó bló Mawu Mavɔmavɔ xwé ɔ́ ɖó ná, ɖo fí e é gblé ɖe lɛ́ɛ.”

Hanvíví 1:8

Tɔ́nnúhwecí ce, a ma tunwun fí ɔ́ ǎ hǔn, bo dó gbɔ̌ lɛ́ɛ sín afɔ, kplá lɛ̌ngbɔ́ví towe lɛ́ɛ gbɔn fí e lɛ̌ngbɔ́nyitɔ́ lɛ́ɛ dó goxɔ gbɔn é.

Ezayíi 40:11

É cí lɛ̌ngbɔ́nyitɔ́ e kplá gbɔ̌ tɔn lɛ́ɛ é ɖɔhun. É bló alɔ nú yě bó kplé yě; é bɛ́ lɛ̌ngbɔ́ví lɛ́ɛ dó awa mɛ, bó ɖo nukún kpé dó lɛ̌ngbɔ́ vǐnɔ lɛ́ɛ wú wɛ.”

Ezayíi 56:11

Cukú wɛ nú yě; nǔ e yě mɔ ɔ́ bǐ wɛ yě nɔ́ vún ɖu; nǔɖuɖu nɔ́ kpé yě gbeɖé ǎ. Nǔ ɖo mɔ̌ bɔ yě ká ɖo togun ce nu; yě tunwun ɖagbe ɖo nyanya mɛ ǎ; nǔ e jló yě lɛ́ɛ kɛ́ɖɛ́ wɛ yě nɔ́ bló; mɛ ɖokpó ɖokpó nɔ́ ɖo ɖagbe é ɖésúnɔ tɔn ba wɛ; yě ɖě hwe ɖ'é mɛ ǎ.

Ezayíi 6:8

Énɛ́ ɔ́, un se Aklúnɔ ɖo kinkanbyɔ́ wɛ ɖɔ: “Mɛ̌ un ka ná sɛ́ dó? Mɛ̌ ka ná nyí gbeyíɖɔ mǐtɔn?” Bɔ un yí gbe n'i ɖɔ: “Nyɛ ná yi, sɛ́ mì dó.”

Ezayíi 63:11

Énɛ́ ɔ́, togun tɔn wá flín nǔ e jɛ xóxó hwenu lɛ́ɛ, bó flín Mɔyízi bó ɖɔ: “Fítɛ́ mɛ e ɖe togun tɔn tɔ́n sín xu mɛ ɔ́ ká ɖe? Mɛ e ɖe lɛ̌ngbɔ́ tɔn lɛ́ɛ kpó lɛ̌ngbɔ́nyitɔ́ tɔn lɛ́ɛ kpó tɔ́n sín xu mɛ ɔ́, fítɛ́ é ká ɖe? Fítɛ́ mɛ e sɛ́ yɛ mímɛ́ tɔn dó bɔ é wá nɔ yě mɛ ɔ́ ká ɖe?

Jelemíi 13:17

Ényí mi ma ɖótó Mawu ǎ ɔ́, un ná nɔ nǔglɔ́ bó ya avǐ, ɖó go e yí wɛ mi ɖe ɔ́ wú. Un ná kun ɖasin cɛɖɛcɛɖɛ, ɖó ahwan na wlí togun Mawu Mavɔmavɔ tɔn.

Jelemíi 13:20

“Jeluzalɛ́mu, jlɔ̌ kɔ bó kpɔ́n: kɛntɔ́ towe lɛ́ɛ gosín totaligbé jǎwe. Fítɛ́ togun e è zé dó así nú we ɔ́ ka ɖe? Fítɛ́ ahwan e a nɔ dó yi go na ɔ́ ka ɖe?

Jelemíi 6:13

Đó yě bǐ wɛ dɔkun gbo vɛ̌, bɛ́ sín yɔkpɔ́vú lɛ́ɛ jí, káká yi mɛxó lɛ́ɛ jí. Gbeyíɖɔ kpó vɔ̌sánú-xwlémawutɔ́ kpó bǐ wɛ nɔ xo awo.

Jelemíi 8:10

Mawu ɖɔ: “Yě bǐ wɛ dɔkun gbo vɛ̌, bɛ́ sín yɔkpɔ́vú jí káká yi mɛxó jí. Gbeyíɖɔ kpó vɔ̌sánú-xwlémawutɔ́ kpó bǐ wɛ nɔ xo awo. Énɛ́ ɔ́ wú wɛ un ná sɔ́ asi yětɔn lɛ́ɛ jó nú mɛ ɖěvo lɛ́ɛ, bó sɔ́ gle yětɔn lɛ́ɛ jó nú mɛ e ná wá vɔ yě lɛ́ɛ.

Ezekiyɛ́li 34:23

Un ná sɔ́ lɛ̌ngbɔ́nyitɔ́ ɖokpó ɖó lɛ̌ngbɔ́ ce lɛ́ɛ nu, bɔ é ɖokpó géé ná nɔ́ nyi yě. É wɛ nyí mɛsɛntɔ́ ce Davídi . Éyɛ́ ná nɔ́ kpé nukún dó gbɔ̌ ce lɛ́ɛ wú, bó ná nyí lɛ̌ngbɔ́nyitɔ́ yětɔn.

Ezekiyɛ́li 34:31

“Nǔgbó wɛ, mi lɛ̌ngbɔ́ ce lɛ́ɛ ɔ́, mi gbɔ̌hwan e ɖo amagbo ce mɛ lɛ́ɛ ɔ́, gbɛtɔ́ wɛ mi nyí bɔ nyɛ ka nyí Mawu mitɔn. Xó e nyɛ Aklúnɔ Mavɔmavɔ ɖɔ ɔ́ nɛ́.”

Ezekiyɛ́li 46:24

Nya ɔ́ ɖɔ nú mì ɖɔ: “Ado e jí mɛ e nɔ wa azɔ̌ ɖo xwé ɔ́ gbe lɛ́ɛ ná nɔ́ ɖa kanlin e togun ɔ́ dó sá vɔ̌ lɛ́ɛ sín lan ɖe lɛ́ɛ wɛ.”

Micée 3:11

Hwɛɖɔtɔ́ lɛ́ɛ ɔ́, mɛ e dó nǔ nu nú yě ɔ́ sín hwɛ wɛ nɔ jɔ. Vɔ̌sánú-xwlémawutɔ́ lɛ́ɛ nɔ yí akwɛ́ ɖo mɛ sí, cóbó nɔ kplɔ́n Mawusɛ́n lɛ́ɛ mɛ. Gbeyíɖɔ Mawu tɔn lɛ́ɛ nɔ yí akwɛ́ ɖo mɛ sí cóbó nɔ dó Mawu sín wɛn mɛ. Nǔ ɖo mɔ̌ bɔ yě bǐ ká nɔ glá bó nɔ ɖɔ Mawu Mavɔmavɔ tɔn wɛ émí nyí, ɖɔ Mawu Mavɔmavɔ ɖo kpɔ́ xá émí, ɖɔ nǔ nyanya ɖěbǔ kún ná wa émí ó.

Micée 5:4

É wɛ ná hɛn fífá wá. Ényí Asilíinu lɛ́ɛ wá tɔ́n ahwan mǐ, bó byɔ́ axɔ́sú mǐtɔn lɛ́ɛ sín xwé gbe ɔ́, mǐ ná sɛ́ ahwan gěgé dó yě.

Micée 7:14

Mawu Mavɔmavɔ, zě lɛ̌ngbɔ́nyitɔ́ kpogɛ towe dó kplá togun towe ná, ɖó é ɖo zɔ ɖo ayǐkúngban e jí nǔɖé má nɔ nyɔ́ ɖe ǎ é, có ayǐkúngban ɖagbe kɛ́ɖɛ́ wɛ ka lɛ́ lɛ̌ dó e, kplá ɛ yi ayǐkúngban ɖagbe ɖagbe Basáni tɔn kpó Galadi tɔn kpó jí, lě e a ko nɔ wa gbɔn ɖ'ayǐ é.

Zakalíi 11:17

Heelú lɛ̌ngbɔ́nyitɔ́ nǔvɔ́nɔ e nɔ́ jó lɛ̌ngbɔ́ tɔn lɛ́ɛ dó é. Hwǐ ní vún awa tɔn, bó tɔ́n nukún tɔn ɖisíxwé tɔn ɔ́. Alɔ tɔn ní kú. Nukún tɔn ɖisíxwé tɔn ɔ́ ní ba nǔ kpo!”

Malacíi 1:10

Ényí mi ɖokpó gbɔ bó yi sú sinsɛnxɔ ɔ́ sín hɔn lɛ́ɛ ɔ́, é ná nyɔ́ hú. Énɛ́ ɔ́, mi sɔ́ ná nɔ́ yi flɔ́ myɔ dó wǔvɔ́, ɖo vɔ̌sákpe ce jí ǎ. Nú un ná ɖɔ xó nǔgbó nú mi ɔ́, mi nɔ nyɔ́ mɔ nú mì ǎ, vɔ̌sánú e mi nɔ xwlé mì lɛ́ɛ nɔ́ nyɔ́ nukún ce mɛ ǎ. Mawu Mavɔmavɔ Nǔbǐwúkpétɔ́ ɔ́ wɛ ɖɔ mɔ̌.

Kɛ́nsísɔ́ 18:7

Amɔ̌, Aalɔ́ɔn, hwɛ kpó vǐ towe lɛ́ɛ kpó ɔ́, mi ná nɔ́ wa vɔ̌sánú-xwlémawutɔ́ zɔ́ ɖo vɔ̌sákpe ɔ́ kɔn, bó ná nɔ́ wa ɖo tɛn mímɛ́ bǐ ɔ́ mɛ, ɖo xɔmɛgbovɔ ɔ́ gúdo. Nyɛ wɛ ná azɔ̌ énɛ́ ɔ́ mi. Ényí mɛ ɖěvo séé sɛkpɔ́ mi ɔ́, é ná kú.”

Luki 12:32

“Lɛ̌ngbɔ́hwan kpɛví, ma ɖi xɛsi ó, ɖó Tɔ́ mitɔn jló ɖɔ mi ní ɖu axɔ́sú xá émí.

Mɛsɛ́dó 20:29

Un tunwun ɖɔ nyɛ wá yi gúdo ɔ́, gbɛtɔ́ dídá ajanuhla ɖɔhun ɖé lɛ́ɛ na wá byɔ́ mi mɛ, lobo na kú nǔbláwǔ ɖěbǔ nú agunví lɛ́ɛ ǎ.

Mɛsɛ́dó 21:13

É ka yí gbe nú mǐ ɖɔ: “Nɛ̌ ka gbɔn bɔ mi ɖo avǐ ya wɛ bó ɖo ayi gba dó nú mì wɛ mɔ̌? Ényí è nǎ blá mì kɛ́ɖɛ́ wɛ un ɖo gbesisɔ mɛ ná ǎ; lo ɔ́, un lɛ́ ɖo gbesisɔ mɛ bo ná kú ɖo Jeluzalɛ́mu, ɖó Aklúnɔ Jezu wútu.”

Hlɔ̌manu 1:15

Énɛ́ ɔ́ wútu wɛ é jló mì ɖésú ɖɔ ma wá jlá Wɛn Ɖagbe ɔ́ mi mɛ e ɖo Hlɔ̌ma lɛ́ɛ lɔmɔ̌.

1 Kɔlɛ́ntinu 9:7

Abǐ mi se kpɔ́n gbeɖé ɖɔ ahwan-yitɔ́ ɖé nɔ zé é ɖésúnɔ sín akwɛ́ dó wa ahwanzɔ́ ná wɛ a? Abǐ mi se kpɔ́n gbeɖé ɖɔ mɛ e dó vǐwuntín ɔ́ kún nɔ ɖu sínsɛ́n tɔn ó wɛ a? Abǐ kanlinnyitɔ́ ɖé kún nɔ nu kanlin e nyi wɛ é ɖe lɛ́ɛ sín anɔ̌sin ó wɛ a?

1 Timɔtée 3:3

É ɖó ná nyí ahannumúnɔ ǎ; é ka ná nyí tagbanɔ ǎ, é nyɔ́ wa ɔ́, é ná nyɔ́ xomɛ, bó ná nyí mɛfífá, bɔ akwɛ́ ná nɔ gbo vɛ̌ ɛ ǎ.

1 Timɔtée 3:8

Mɛ e nɔ kpé nukún dó agunví lɛ́ɛ wú ɔ́ lɔmɔ̌ ɖó ná nyí gbɛtɔ́ ɖagbe, nǔgbóɖɔtɔ́; yě ɖó ná nɔ nu ahan dín ǎ; yě ka ɖó ná nɔ zé ayi hízíhízí dó ba akwɛ́ ná ǎ.

Titu 1:11

È ɖǒ ná xwe nu yětɔn dó xɔ, ɖó yě ɖo hunnyahunnya dó hɛ̌nnu lɛ́ɛ bǐ sésé mɛ wɛ, bɔ nǔ e è ma ɖó ná kplɔ́n mɛ ǎ ɔ́, yě nɔ kplɔ́n mɛ lɛ́ɛ, bó ná dó mɔ akwɛ́.

Titu 1:7

Nǔgbó ɔ́, azɔ̌ e nyí agunnukɔntɔ́ tɔn ɔ́ wɛ nyí ɖɔ é ná nɔ kpé nukún dó nǔ e nyí Mawu tɔn lɛ́ɛ wú; énɛ́ ɔ́ wú ɔ́, è ɖǒ ná mɔ nǔjɛdo ɖěbǔ ɖɔ dó wǔ tɔn ǎ, é ɖó ná nyí gangannagansú ǎ; é ɖó ná nyí xomɛsinnɔ ǎ, é ɖó ná nyí ahannumúnɔ ǎ, é ɖó ná nɔ́ sí hun te ǎ, é ɖó ná nyí mɛxoɖutɔ́ ǎ.

Titu 2:14

É sɔ́ éɖée jó dó ta mǐtɔn mɛ, bó ná xɔ mǐ ɖo nǔ nyanya bǐ mɛ, bó ná sɔ́ mǐ dó bló togun mímɛ́ e nyí é ɖokpónɔ géé tɔn ɔ́ ná, bɔ mǐ ná nɔ́ ɖó kan dó nǔ ɖagbe wiwa wú.

Titu 3:1

A nǎ nɔ́ flín mɛ lɛ́ɛ bǐ ɖɔ yě ɖó ná nɔ́ hwíhwɛ́ yěɖée dó gǎn lɛ́ɛ kpódó acɛkpikpa lɛ́ɛ kpán glɔ́; a nǎ flín yě ɖɔ yě ɖó ná nɔ sí yě, bó ná ɖo gbesisɔ mɛ nú nǔ ɖagbe wiwa bǐ.

Filemɔ́ɔ 1:14

Lo ɔ́, un jló ná bló nǔɖé hwi mɛvo ǎ; un jló ná fán asú we nú a nǎ wa ɖagbe nú mì ǎ; lo ɔ́, a nǐ bló kpó jlǒ hwi ɖésúnɔ tɔn kpó.

Eblée 12:15

Mi cɔ́ miɖée, bónú mɛɖé ma sú fɛ́nú Mawu tɔn sín ali dó éɖée ó. Mɛɖěbǔ ní ma cí atín aɖǐvɛ́nɔ e nɔ wú, bó nɔ gba kún kpé fí bǐ, lobɔ aɖǐvɛ́ tɔn nɔ dó azɔn gbɛtɔ́ gěgé ɔ́ ɖɔhun ó.

2 Piyɛ́ɛ 2:3

Nǔkplɔ́nmɛtɔ́-nyíjɛtɔ́ énɛ́ lɛ́ɛ ná nɔ ɖo akwɛ́ gbé mɛ, bó ná nɔ kpa xó ɖɔ nú mi, bó dó xo mi ɖu. Amɔ̌, mɛ e ná ɖó hwɛ nú yě ɔ́ ko ɖo te kpɔ́n yě sín tɛgbɛ, bó ná ɖó hwɛ nú yě, bɔ vivɔ yětɔn sixú gblá gbeɖé ǎ.