1 Piyɛ́ɛ 5:1 - MAWUXÓWÉMA

¹ Din ɔ́, mɛ e nyí agunmɛxó ɖo mi mɛ lɛ́ɛ ɖɔ xó ná wɛ un ɖe. Nyɛ lɔ ɔ́, agunmɛxó wɛ un nyí; un nyí kúnnuɖetɔ́ wǔvɛ́ e Klísu mɔ lɛ́ɛ tɔn, bó ɖó mǐmá ɖo susu e è nǎ wá ɖe xlɛ́ ɔ́ mɛ. Nǔ e ɖɔ nú yě wɛ un ɖe ɔ́ ɖíe:

1 Piyɛ́ɛ 5:1 Iomraidhean Croise

Luki 24:48

Mi nyí kúnnuɖetɔ́ nǔ énɛ́ lɛ́ɛ tɔn.

Mɛsɛ́dó 1:8

Lo ɔ́, mi ná mɔ acɛ yí hwenu e Yɛsinsɛn ná jɛ te wá mi jí é, bɔ mi na nyí kúnnuɖetɔ́ ce, ɖo Jeluzalɛ́mu, gbɔn Judée gbé ɔ́ bǐ jí, kpódó Samalíi kpán, káká yi jɛ fí e gbɛ ɔ́ kponu ɖó é.”

Mɛsɛ́dó 11:30

Yě sɛ́ nǔ e yě jɔ lɛ́ɛ dó agunnukɔntɔ́ lɛ́ɛ ɖo Judée, gbɔn Baanabási kpódó Sólu kpó jí.

Mɛsɛ́dó 14:23

Pɔ́lu kpó Baanabási kpó sɔ́ agunnukɔntɔ́ ɖó yě nu, gbɔn agun ɖokpó ɖokpó mɛ. Yě blá nu, bó xo ɖɛ lobo sɔ́ yě dó alɔ mɛ nú Aklúnɔ e yě ɖi nǔ na é.

Mɛsɛ́dó 15:4

Hwenu e yě wá Jeluzalɛ́mu ɔ́, agun nǔɖitɔ́ lɛ́ɛ tɔn, kpódó mɛsɛ́dó e ɖo fínɛ́ lɛ́ɛ kpó, kpódó agunnukɔntɔ́ lɛ́ɛ kpó yí yě, bɔ yě wá gbɔn yě jí, bó wlí nǔ e Mawu wa é bǐ ɖɔ nú yě;

Mɛsɛ́dó 15:6

Mɛsɛ́dó lɛ́ɛ kpódó agunnukɔntɔ́ lɛ́ɛ kpán kplé, bó ná gbéjé xó énɛ́ kpɔ́n.

Mɛsɛ́dó 2:32

Jezu énɛ́ wɛ Mawu fɔ́n sín kú; mǐ bǐ wɛ mɔ;

Mɛsɛ́dó 20:17

Pɔ́lu sɛ́ mɛ dó sín Milɛ, nú yě ní yi Efɛ́zi, bó yi ylɔ́ agunnukɔntɔ́ lɛ́ɛ wá.

Mɛsɛ́dó 20:28

Mi hɛn ayi dó miɖée wú, bó hɛn ayi dó agun Mawu tɔn e nu Yɛsinsɛn sɔ́ mi ɖó é wú, bónú mi ná xlɛ́ ali agunví lɛ́ɛ; agunví énɛ́ lɛ́ɛ e Mawu xɔ gbɔn Vǐ é ɖésúnɔ tɔn sín kú gbla mɛ é.

Mɛsɛ́dó 21:18

Ayǐhɔ́ngbe tɔn ɔ́, Pɔ́lu kpó mǐ kpó yi Jaki xwé, bɔ agunmɛxó lɛ́ɛ bǐ kplé ɖo fínɛ́.

Mɛsɛ́dó 3:15

Mi zɔ́n bɔ è hu mɛ e nyí gbɛnámɛtɔ́ ɔ́. Mawu ka fɔ́n ɛ sín kú, bɔ mǐ ɖo kúnnu ɖe ná wɛ.

2 Kɔlɛ́ntinu 5:1

Nǔgbó ɔ́, mǐ tunwun ɖɔ nú è kíjá agbaza mǐtɔn e nyí goxɔ ayǐkúngban jí tɔn ɔ́, mǐ ɖó ɖěvo e nyí xɔ Mawu tɔn e gbɛtɔ́ sín alɔ ma bló ǎ, bɔ é ná nɔ ayǐ káká sɔ́yi ɔ́ ɖo sɛ́xwé.

2 Kɔlɛ́ntinu 5:8

Akɔ́nkpinkpan gɔ́ ayi mɛ nú mǐ, bɔ nǔ e jló mǐ tawun ɔ́ wɛ nyí ɖɔ mǐ ní gosín agbaza élɔ́ mɛ, bó ná yi nɔ xwé mǐtɔn gbe, ɖo Aklúnɔ gɔ́n.

Filípunu 1:19

Đó un tunwun ɖɔ gbɔn ɖɛ mitɔn lɛ́ɛ kpódó Yɛ Jezu Klísu tɔn sín alɔgɔ́númɛ kpán gbla mɛ ɔ́, nǔ énɛ́ lɛ́ɛ bǐ sésé ná wá nyí ɖagbe nú mì.

1 Timɔtée 5:1

Ma sɔ́ gbe syɛ́nsyɛ́n dó gbɛ́ nǔ nú súnnu e ko nyí mɛxó é ó; lo ɔ́, ɖɔ xó n'i lě e a ɖǒ ná ɖɔ xó nú tɔ́ towe gbɔn é. Nɔ xá dɔ̌nkpɛvú lɛ́ɛ lě e a ɖǒ ná nɔ́ xá nɔví towe gbɔn é.

1 Timɔtée 5:19

È wǎ jɛ agunmɛxó ɖé sín hwɛ nú we hǔn, ma yí gbe ná ó, afi nú mɛ we abǐ mɛ atɔn ɖe kúnnu ná.

2 Timɔtée 4:8

Bɔ din ɔ́, ajɔ e è nǎ ná mɛ e ɖu ɖ'é jí lɛ́ɛ ɖo te nú mì; é wɛ nyí hwɛjijɔ sín ɖuɖéjígbákún e Aklúnɔ e nɔ́ ɖɔ hwɛjijɔ ɔ́ ná ná mì azǎn énɛ́ gbe é. É ka nyí nyɛ ɖokpónɔ wɛ é ná ná ǎ, lo ɔ́, mɛ e yí wǎn n'i, bó ɖo te kpɔ́n wǐwá tɔn lɛ́ɛ bǐ wɛ é ná ná.

Titu 1:5

Un jó we dó nyi Klɛ́ti, bónú a nǎ to nǔ e kpo bɔ è nǎ to lɛ́ɛ é; a nǎ xwedó lě e un ko ɖɔ hwi ní bló gbɔn ɔ́, bó ná sɔ́ agunmɛxó lɛ́ɛ ɖo toxo ɖokpó ɖokpó mɛ.

Filemɔ́ɔ 1:9

un ka jló ná bló gbɔn mɔ̌ ǎ. Nyɛ Pɔ́lu ɔ́, un ko kpo, bó ka lɛ́ ɖo gankpá mɛ din ɖó Klísu Jezu wútu.

Eblée 12:1

Mǐ lɔmɔ̌ ɔ́, mɛ tobutóbú énɛ́ lɛ́ɛ e ɖe nǔɖiɖi yětɔn xlɛ́ lɛ́ɛ lɛ́ lɛ̌ dó mǐ; hǔn, mǐ ní jó nǔ e nɔ dó tagba nú mǐ ɖo Aklúnɔ lixo ɔ́ bǐ dǒ, bó jó hwɛhuhu e é ma vɛ́ wǔ ná ɖɔ é ní tɛ́ dó mǐ wú ǎ é dó. Mǐ ní dɛ ɖo wezun e è sɔ́ ɖó te nú mǐ bɔ mǐ ɖo kínkán wɛ ɔ́ nu.

1 Piyɛ́ɛ 1:12

Mawu ɖe xlɛ́ gbeyíɖɔ lɛ́ɛ ɖɔ wɛn énɛ́ e è ɖɔ yě ní dó ɔ́ kún nyí yě ɖésúnɔ tɔn ó; lo ɔ́, mi tɔn wɛ. Wɛn Ɖagbejlátɔ́ lɛ́ɛ dó wɛn énɛ́ ɔ́ mi din; yě ɖɔ xó tɔn nú mi kpó hlɔ̌nhlɔ́n e Yɛsinsɛn e è sɛ́ dó sín sɛ́xwé ɔ́ ná yě ɔ́ kpó; wɛnsagun lɛ́ɛ ɖésú lɔ ka jló ná mɔ nǔ jɛ wɛn énɛ́ mɛ.

1 Piyɛ́ɛ 1:7

Nǔ énɛ́ lɛ́ɛ ɖo mi gbo wɛ nú è nǎ tɛ́n lě e nǔɖiɖi mitɔn jínjɔ́n ayǐ gbɔn ɔ́ kpɔ́n. Siká ɔ́, nǔ wɛ é nyí bó ná vɔ, có è ka nɔ tɛ́n ɛ kpɔ́n gbɔn myɔ nu; mɔ̌ ɖokpó ɔ́, nǔɖiɖi mitɔn e xɔ akwɛ́ ɖaxó hú siká ɔ́, è nɔ tɛ́n ɛ kpɔ́n, bó ná dó kpɔ́n lě e é lí dǒ gbɔn é. Bɔ énɛ́ ɔ́, hwenu e Jezu Klísu ná ɖe éɖée xlɛ́ ɔ́, è nǎ sixú mlá mi; è nǎ sixú kpa susu nú mi, bó ná sixú wlí yɛ̌yi nú mi.

1 Piyɛ́ɛ 4:13

É nyɔ́ wa ɔ́, mi jɛ awǎ ɖó mǐmá e mi ɖó ɖo ya e Klísu jí lɛ́ɛ mɛ é wútu, bónú awǎjijɛ ná gɔ́ ayi mɛ nú mi hwenu e Mawu ná ɖe Klísu ɔ́ sín susu xlɛ́ é.

1 Piyɛ́ɛ 5:4

Énɛ́ ɔ́, hwenu e lɛ̌ngbɔ́nyitɔ́ lɛ́ɛ sín gǎn ná ɖe éɖée xlɛ́ ɔ́, mi ná yí axɔ́súgbákún susunɔ e ma ná cá gbeɖé ǎ é.

1 Jǎan 3:2

Mɛvívɛ́ná ce lɛ́ɛ mi, din ɔ́, Mawu ví wɛ mǐ nyí; amɔ̌, è ko ɖe nǔ e mi ná wá nyí ɔ́ xlɛ́ céɖécéɖé ǎ. Lo ɔ́, nǔ e mǐ tunwun kpowun ɔ́ wɛ nyí ɖɔ hwenu e Klísu ná lɛ́ kɔ wá ɔ́, mǐ ná cí é ɖɔhun; ɖó mǐ ná mɔ ɛ lě e é ɖe gbɔn é.

2 Jǎan 1:1

Nyɛ Agunmɛxó ɔ́ wɛ ɖo wěma élɔ́ wlán sɛ́ dó Nyɔ̌nu e Mawu sɔ́ é wɛ; hwi kpódó vǐ towe lɛ́ɛ kpó wɛ un sɛ́ wěma ɔ́ dó . Wǎn yíyí nǔgbó nǔgbó wɛ un ɖó nú mi. É ka nyí nyɛ ɖokpónɔ wɛ yí wǎn nú mi ǎ; mɛ e tunwun nǔgbó ɔ́ lɛ́ɛ bǐ wɛ yí wǎn nú mi.

3 Jǎan 1:1

Nyɛ Agunmɛxó ɔ́ wɛ ɖo wěma élɔ́ wlán sɛ́ dó mɛvívɛ́ná ce Gayiwúsi e un ɖó wǎn yíyí nǔgbó nǔgbó ná é wɛ.

Nǔɖexlɛ́mɛ 1:9

Un nɔ nyí Jǎan; nɔví mitɔn wɛ un nyí; ɖo bǔ e mǐ ɖe xá Jezu é mɛ ɔ́, un ɖo ya ji xá mi wɛ, bó ɖo axɔ́súɖuɖu ɔ́ mɛ xá mi; un ɖo te kpódó suúlu kpó xá mi. Un ɖo tɔtɛ́ntin-yíkúngban e è nɔ ylɔ́ ɖɔ Patimɔ́si ɔ́ jí, ɖó un jlá Mawuxó ɔ́ bó ɖe kúnnu nú Jezu wútu.