1 Piyɛ́ɛ 4:9 - MAWUXÓWÉMA

⁹ Nú mi ba jǒnɔ miɖée hǔn, mi ma húnhún nǔ ɖɔ cóbó yí miɖée ó.

1 Piyɛ́ɛ 4:9 Iomraidhean Croise

Bǐbɛ́mɛ 24:19

Ée é ná ɛ sin ɔ́ bɔ é nu fó ɔ́, é ɖɔ n'i ɖɔ: “Un ná dun sin nú lǎkúnmí towe lɛ́ɛ lɔmɔ̌ bɔ yě ná nu bɔ é ná kpé yě.”

Hlɔ̌manu 12:13

Mi nɔ dó alɔ nɔví mitɔn ɖo Klísu mɛ lɛ́ɛ ɖo nǔ e hudó yě lɛ́ɛ mɛ. Mi nɔ yí mɛ e nɔ wá gɔ̌n mitɔn lɛ́ɛ ganjí.

Hlɔ̌manu 16:23

Gayiwúsi e yí nyɛ Pɔ́lu dó xwé tɔn gbe ɔ́, é mɛ e sín xwé gbe agun ɔ́ bǐ nɔ́ kplé ɖe ɔ́ dó gbe sɛ́ dó mi. Elasíti e nɔ hɛn akwɛ́gbá to ɔ́ tɔn ɔ́ kpódó nɔví mǐtɔn Kaatúsi kpán dó gbe sɛ́ dó mi. [

2 Kɔlɛ́ntinu 9:7

Hǔn, mɛ ɖokpó ɖokpó ɖó ná ná nǔ mɛ lě e é lin gbɔn ɖo ayi tɔn mɛ é; ní ma ná nǔ mɛ, bónú é lɛ́ vɛ́ n'i, abǐ ní nyí dandan sín nǔ n'i ó. Đó Mawu yí wǎn nú mɛ e nɔ ná nǔ mɛ kpódó xomɛhunhun kpó é.

Filípunu 2:14

Mi wa nǔ bǐ; mi ma húnhún nǔ ɖɔ ɖo nǔ e wa wɛ mi ɖe lɛ́ɛ ɖě kɔn ó, mi ma ka dɔn nǔ ɖo ɖě kɔn ó;

1 Timɔtée 3:2

Agunjíkpɔ́ntɔ́ ka ɖó ná nyí mɛɖé, bɔ è nǎ mɔ nǔɖé ɖɔ dó wú tɔn ǎ. Asi ɖokpó wɛ é ɖó ná ɖó; é ná nɔ wa nǔ ɖó jlɛ̌ jí; é ɖó ná nɔ ɖu ɖo éɖée jí; é ɖó ná ɖó walɔ ɖagbe; é ɖó ná nɔ yí mɛ ganjí; é ná nyí mɛɖé bó ná sixú kplɔ́n nǔ mɛ.

Titu 1:8

É ɖó ná nɔ yí mɛ e nɔ wá gɔ̌n tɔn lɛ́ɛ ganjí, bó ná yí wǎn nú ɖagbewiwa; é ɖó ná nɔ wa nǔ e sɔgbe é, é ɖó ná nɔ́ wa nǔ jlɔ́jlɔ́; é ɖó ná nyí mɛ mímɛ́; é ɖó ná nɔ wa nǔ ɖó jlɛ̌ jí.

Filemɔ́ɔ 1:14

Lo ɔ́, un jló ná bló nǔɖé hwi mɛvo ǎ; un jló ná fán asú we nú a nǎ wa ɖagbe nú mì ǎ; lo ɔ́, a nǐ bló kpó jlǒ hwi ɖésúnɔ tɔn kpó.

Eblée 13:16

Mi ma wɔn bó gɔn ɖagbe wa ó; mi ma wɔn bó gɔn nǔ e ɖo mi sí lɛ́ɛ má xá miɖée ó, ɖó vɔ̌sísá mɔ̌hunkɔtɔn lɛ́ɛ wɛ nɔ́ nyɔ́ Mawu nukún mɛ.

Eblée 13:2

Mi flín ɖɔ mi ɖó ná nɔ yí yě mɛ e nɔ wá ba jǒnɔ mi lɛ́ɛ é ganjí, ɖó mɛɖé lɛ́ɛ tíin bó ɖo nǔ wa gbɔn mɔ̌ wɛ, bó yí wɛnsagun Mawu tɔn lɛ́ɛ dó xwé gbe cóbó dán ɛ.

Jaki 5:9

Nɔví lɛ́ɛ mi, mi ma nɔ jɛ miɖée sín hwɛ, bónú Mawu wá ɖɔ hwɛ xá mi ó. Hwɛɖɔtɔ́ ɔ́ ko ɖo hɔnta, bó ɖo xwé gbe ná byɔ́ wɛ.