1 Piyɛ́ɛ 4:8 - MAWUXÓWÉMA

⁸ Nǔ e mi ná wa jɛ nukɔn nú nǔ lɛ́ɛ bǐ ɔ́ wɛ nyí ɖɔ mi ní ɖó wǎn yíyí ɖaxó nú miɖée; ɖó wǎn yíyí ɔ́ nɔ súnsún hwɛ wɔ̌buwɔ́bú e è hu ɔ́ sín kɔ nú mɛ.

1 Piyɛ́ɛ 4:8 Iomraidhean Croise

Nǔnywɛ́xó 10:12

Wǎngbɛ́númɛ ɔ́, jlɛ wɛ é nɔ́ dɔn wá; wǎn yíyí ka nɔ́ bú nǔ dó hwɛ e è hu lɛ́ɛ bǐ.

Nǔnywɛ́xó 12:16

Xlonɔ sin xomɛ ɔ́, é nɔ́ ɖe xlɛ́ ɖo tɛn tɔn mɛ; lo ɔ́, mɛ e ayi tɔn ɖo te ɔ́ sin xomɛ ɔ́, é nɔ́ yi agbɔ̌n jí.

Nǔnywɛ́xó 17:9

Mɛ e sɔ́ hwɛ kɛ mɛ ɔ́, xɔ́ntɔn ba wɛ é ɖe; mɛ e ka fɔ́n ɔ́, é nɔ ɖo flínflín wɛ é ɖo xɔ́ntɔn tɔn lɛ́ɛ nya wɛ.

Nǔnywɛ́xó 18:13

Mɛ e ma nɔ kú hǔn bó nɔ́ se xó cóbó nɔ́ kɛ nu d'é wú ǎ ɔ́, é nɔ́ ɖe xlonɔ e é nyí ɔ́ xlɛ́, bó nɔ́ dó winnyá éɖée.

1 Kɔlɛ́ntinu 13:1

Ényí un ná bo nɔ ɖɔ xó dó gbɛtɔ́ lɛ́ɛ kpódó wɛnsagun Mawu tɔn lɛ́ɛ kpó sín gbe mɛ, bó ma ka ɖó wǎn yíyí ǎ ɔ́, xó ce lɛ́ɛ ná cí hǔn abǐ gan e xo wɛ è ɖe kpowun, bɔ é ma ɖo xó ɖě ɖɔ wɛ ǎ é ɖɔhun.

1 Kɔlɛ́ntinu 13:4

Wǎn yíyí nɔ kú hǔn; é nɔ nyɔ́ xomɛ; é nɔ jló mɛ nú ǎ; é nɔ́ jlá ajɔ̌ nú éɖée ǎ; é nɔ́ yí go ǎ.

Kolósinu 3:14

Mi sɔ́ wǎn yíyí gbá dó nǔ énɛ́ lɛ́ɛ bǐ jí; ɖó wǎn yíyí ɔ́ wɛ nɔ dɔn nǔ énɛ́ lɛ́ɛ bǐ cá, bɔ yě nɔ́ nɔ bǔ ganjí.

1 Tɛsalonikinu 3:12

Aklúnɔ ní bló bónú wǎn yíyí e mi ɖó nú miɖée, bó ɖó nú gbɛtɔ́ lɛ́ɛ bǐ ɔ́ ní nɔ ɖo jijɛ jí wɛ, bónú é ní cí wǎn yíyí e mǐdɛɛ lɛ́ɛ ɖó nú mi é ɖɔhun.

2 Tɛsalonikinu 1:3

Nɔví lɛ́ɛ mi, mǐ ɖó ná ɖo kú dó nú Mawu wɛ hwebǐnu ɖó ta mitɔn mɛ. É sɔgbe ɖɔ mǐ ní bló gbɔn mɔ̌, ɖó nǔɖiɖi e mi ɖó ɔ́ ɖo nukɔn yi wɛ ɖésú, bɔ wǎn yíyí e ɖokpó ɖokpó mitɔn ɖó nú mɛ ɖě lɛ́ɛ ɔ́ nɔ ɖo jijɛ jí wɛ.

1 Timɔtée 1:5

Nǔ e wú un ɖɔ mɔ̌ ɔ́ wɛ nyí ɖɔ nǔkplɔ́nmɛ mǐtɔn lɛ́ɛ ɖó ná d'alɔ mi, bɔ mi ná ɖó wǎn yíyí e nɔ tɔ́n sín ayi mímɛ́ mɛ é; wǎn yíyí e nɔ tɔ́n sín linlin ɖagbe mɛ é, wǎn yíyí e nɔ tɔ́n sín nǔɖiɖi jɔ nǔɖiɖi mɛ é.

Eblée 13:1

Wǎn e yí nú miɖée wɛ mi ɖe nɔví nɔví ɖɔhun ɔ́, mi ma jó dó ó.

Jaki 5:12

Nɔví ce lɛ́ɛ mi, ɖo tají ɔ́, mi ma xwlé nǔ ó; mi ma xwlé jǐnukúnsin ó, mi ma xwlé ayǐkúngban ó, mi ma ka xwlé nǔ gbɔn alɔkpa ɖěvo ɖěbǔ mɛ ó. Ényí xó mitɔn ɔ́, ɛɛn wɛ é nyí hǔn, mi ɖɔ “ɛɛn” kpowun; é ka nyí éeǒ wɛ é nyí hǔn, mi ɖɔ “éeǒ” kpowun, bónú Mawu ma wá ɖó hwɛ nú mi ó.

Jaki 5:20

mi flín xó élɔ́: mɛ e kplá hwɛhutɔ́ ɖé sín ali nyanya e jí é ɖe ɔ́ jí ɔ́, ná hwlɛ́n lǐndɔ̌n hwɛhutɔ́ énɛ́ ɔ́ tɔn sín kú. É ná bló bɔ Mawu ná bú nǔ dó hwɛhuhu gěgé.

1 Piyɛ́ɛ 1:22

Mi se tónú nú nǔgbó ɔ́, bó dó slá wǔ nú miɖée, bó ná dó yí wǎn titewungbe nú nɔví mitɔn ɖo nǔɖiɖi mɛ lɛ́ɛ. Hǔn, mi bo yí wǎn ɖaxó nú miɖée kpó ayixa mitɔn bǐ kpó.

3 Jǎan 1:2

Mɛvívɛ́ná ce, un jló ɖɔ nǔ bǐ ní yi nú we ganjí, lanmɛ towe ní nɔ ganjí lě e a ɖo ganjí ɖo nǔɖiɖi mɛ gbɔn é.