1 Piyɛ́ɛ 4:4 - MAWUXÓWÉMA

⁴ Din ɔ́, ée mɛ ma ɖi nǔ nú Mawu ǎ lɛ́ɛ mɔ ɖɔ mi kún sɔ́ nɔ ɖo nǔwazɛjlɛ̌wú sín gbɛ nyanya énɛ́ ɔ́ zán xá émí wɛ ó ɔ́, é kpácá yě, bɔ yě bɔ zun ɖó nú mi.

1 Piyɛ́ɛ 4:4 Iomraidhean Croise

Matíe 23:25

“Heelú mi sɛ́nkplɔ́nmɛtɔ́ lɛ́ɛ kpódó Falizyɛn lɛ́ɛ kpó! Yɛmɛnúwatɔ́ e mi! Mi nɔ klɔ́ ká kpódó agbǎn kpó gúdo; lo ɔ́, nǔ e mi fin lɛ́ɛ kpódó nǔ e mi hízí lɛ́ɛ kpó wɛ gɔ́ yě mɛ.

Luki 15:13

Azǎn ɖé jɛ ǎ, bɔ yɔkpɔ́vú ɔ́ xo nǔ tɔn lɛ́ɛ bǐ kplé, bó yi to línlín ɖé mɛ, bó zán nǔ tɔn lɛ́ɛ dó akpa mɛ.

Mɛsɛ́dó 13:45

Ée Jwifu lɛ́ɛ mɔ lě e mɛ lɛ́ɛ sukpɔ́ sɔ ɔ́, wǔhwinhwan gɔ́ ayi yětɔn mɛ, bɔ yě nɔ́ mɔ xó vo ɖɔ dó Pɔ́lu sín xó wú, bó nɔ zun i.

Mɛsɛ́dó 18:6

lo ɔ́, Jwifu lɛ́ɛ jló ná se xó tɔn ǎ, bó nɔ́ ɖo zunzun i wɛ; é ka xúxú awu tɔn lɛ́ɛ , bó ɖɔ nú yě ɖɔ: “Ényí nǔɖé ɔ́, ní nyí nú mi; nyɛ ko ɖe nyɛtɔn sín mɛ. Bɛ́ sín din ɔ́, un ná nɔ́ yi mɛ e ma nyí Jwifu ǎ lɛ́ɛ gɔ́n.”

Hlɔ̌manu 13:13

Mi nú mǐ ná zán gbɛ mǐtɔn ɖo jlɔ̌jlɔ́ jí, lě e é jɛ xá ɖɔ è nǐ bló gbɔn ɖo kéze ɖéɖé é. Mǐ ní ma wa nǔ zɛ jlɛ̌ wú ó; mǐ ní ma nu ahan mú ó; mǐ ní ma lɛ aga ó; mǐ ní ma wa nǔblíblí ó; mǐ ní ma ɖɔ jlɛ ó; mǐ ní ma hwan wǔ ó.

Efɛ́zinu 5:18

Mi ma nu ahan mú ó; ahan nu díngan wɛ nɔ zɔ́n bɔ gbɛ mɛtɔn nɔ gblé; lo ɔ́, Yɛsinsɛn ní gɔ́ ayi mitɔn mɛ.

1 Piyɛ́ɛ 2:12

Mi zán gbɛ ɖagbe ɖo mɛ e ma ɖi nǔ nú Mawu ǎ lɛ́ɛ tɛ́ntin; énɛ́ ɔ́, nú yě na bo ɖo hwɛ dó mi wɛ ɖɔ mi nyí nǔnyanyawatɔ́ ɔ́, yě ná wá mɔ nǔ jɛ azɔ̌ ɖagbe e mi nɔ wa lɛ́ɛ wú dandan, bó ná kpa susu nú Mawu ɖo azǎn e gbe é ná ba yě kpɔ́n é.

1 Piyɛ́ɛ 3:16

Gbe fífá kpó mɛsísí kpó wɛ mi ka ná dó ná xósin yě. Mi ɖó ayixa mímɛ́, bónú jijɔ ɖagbe e Klísu sɔ́ dó ayi mɛ nú mi, bɔ mi ɖo zǐnzán wɛ ɔ́, hwenu e yě mɛ e nɔ ɖo xó nyanya ɖɔ d'é wú wɛ lɛ́ɛ ná dó hwɛ mi ɔ́, xó e yě nɔ ɖɔ lɛ́ɛ ní hu winnyá nú yě.

2 Piyɛ́ɛ 2:12

Amɔ̌, mɛ énɛ́ lɛ́ɛ ɔ́, yě nɔ lin tamɛ kpɔ́n cóbó nɔ wa nǔ ǎ; yě cí gběkanlin e jɔ, bɔ è nǎ wlí bó hu é ɖɔhun; yě nɔ zun nǔ e wú yě ma mɔ nukúnnú jɛ ǎ é; è nǎ hu yě lě e è nɔ hu gběkanlin lɛ́ɛ gbɔn é.

2 Piyɛ́ɛ 2:22

Nǔ e jɛ dó yě jí ɔ́ sɔgbe xá xó e lǒ élɔ́ lɛ́ɛ ɖɔ é: “Cukú bɛ́ nǔ e é vi ɔ́ ɖu”, abǐ “Aglǔza e è lɛ wǔ ná din tlóló ɔ́ lɛ́ lɛ́ kɔ yi lɛ babá.”

Judi 1:10

Lo ɔ́, mɛdídá énɛ́ lɛ́ɛ ɔ́, yě nɔ lin tamɛ kpɔ́n cóbó nɔ wa nǔ ǎ. Yě cí gběkanlin ɖɔhun; nǔ e wú yě ma mɔ nukúnnú jɛ ǎ ɔ́ wɛ yě nɔ zun; nǔtunwuntunwun e kpó yě kpó jɔ lɛ́ɛ ɔ́, kú wɛ é nɔ nyí nú yě.