1 Piyɛ́ɛ 4:3 - MAWUXÓWÉMA

³ Đó ɖ'ayǐ xóxó ɔ́, gbɛzínzán e mɛ e ma ɖi nǔ nú Mawu ǎ lɛ́ɛ nɔ yí wǎn na ɔ́ wɛ mi ko zán ɖ'ayǐ káká, amɔ̌ din ɔ́, é kpé. Mi ko zán gbɛ mitɔn ɖo hwɛhuhu mɛ, ɖo jlǒ nyanya lɛ́ɛ mɛ, ɖo ahannumú mɛ, ɖo nǔɖuzɛjlɛ̌wú mɛ, ɖo ahannuzɛjlɛ̌wú kpódó nǔ baɖabaɖa sinsɛn lɛ́ɛ kpán mɛ.

1 Piyɛ́ɛ 4:3 Iomraidhean Croise

2 Samuwɛ́li 13:28

Abusalɔ́mu ná gbe mɛsɛntɔ́ tɔn lɛ́ɛ ɖɔ: “Mi ɖo hwenu e Amunɔ́ɔ ná nu ahan mú bó ɖo awǎ jɛ wɛ ɔ́ cɔ́ wɛ, bónú un ɖɔ nú mi ɖɔ: ‘Mi hu Amunɔ́ɔ’ ɔ́, mi ná hu i. Mi ma ɖi xɛsi ó, nyi wɛ ná gbe tɔn mi. Mi kpan akɔ́n, bó dó súnnu gán.”

1 Axɔ́sú 21:26

Nǔ e Akábu dó sin ɔ́ hɛn hǔn; é sɛn vodún lě e Amɔliti e Mawu Mavɔmavɔ nya bo sɔ́ to yětɔn jó nú Izlayɛ́li ví lɛ́ɛ nɔ bló gbɔn é.

2 Tan 15:8

Ée Asa se xó e gbeyíɖɔ Mawu tɔn Azalyahu Odɛ́di ví ɔ́ ɖɔ ɔ́, é mɔ gǎn, bó ɖe bǒcyɔ e ɖo Judáa kpódó Bɛnjamɛ́ɛ kpó yíkúngban jí lɛ́ɛ síin. Nǔ ɖokpó ɔ́ wɛ é lɛ́ bló gbɔn toxo e é yí ɖo sókan mɛ ɖo Eflayímu sín ayǐkúngban jí lɛ́ɛ mɛ. Énɛ́ ɔ́ gúdo ɔ́, vɔ̌sákpe Mawu Mavɔmavɔ tɔn e ɖo xɔ ɔ́ nukɔn ɔ́, é blóɖó.

Ezayíi 28:7

Gbeyíɖɔ Mawu tɔn lɛ́ɛ kpó vɔ̌sánú-xwlémawutɔ́ lɛ́ɛ kpó lɔ nu vɛ̌ɛn mú, bó nɔ́ ɖo gblǒ ɖɔ wɛ. Yě nɔ́ nu ahan mú bó nɔ́ ɖo sa fún wɛ. Vɔ̌sánú-xwlémawutɔ́ lɛ́ɛ kpó gbeyíɖɔ Mawu tɔn lɛ́ɛ kpó nɔ́ nu ahan mú, bó nɔ́ ɖo gblǒ ɖɔ wɛ. Yě nɔ́ nu vɛ̌ɛn mú, bɔ ayi yětɔn sɔ́ ɖo te ǎ. Yě nɔ́ nu ahan mú bó nɔ́ ɖo sa fún wɛ. Mawu ɖe nǔ xlɛ́ yě bónú yě ja ɖiɖɔ gbé ɔ́, gblǒ wɛ yě nɔ́ ɖɔ. Yě ɖo hwɛ ɖɔ wɛ ɔ́, xó yětɔn nɔ xwe ali ǎ.

Ezayíi 5:11

Heelú mɛ e nɔ fɔ́n zǎn dó ahan syɛ́nsyɛ́n wú, bó nɔ́ ɖo vɛ̌ɛn nu wɛ káká bɔ zǎn nɔ sɛ yi lɛ́ɛ.

Ezayíi 65:4

Yě nɔ́ yi sá xwé ɖó yɔdo mɛ, yě nɔ́ yi cí sónu mɛ sónu mɛ; yě nɔ́ ɖu aglǔza lan, nǔ e yě nɔ́ ɖu lɛ́ɛ bǐ wɛ nyí nǔ blíblí.

Jelemíi 16:11

Yě kan mɔ̌ byɔ́ ɔ́, a nǎ yí gbe nú yě ɖɔ: ‘Mawu Mavɔmavɔ ɖɔ: Tɔ́gbó mitɔn lɛ́ɛ wɛ jó mì dó bó sɛn nǔmɛsɛn ɖěvo lɛ́ɛ. Yě nɔ́ sɛn yě, bó nɔ́ ɖe kɔ́ nú yě. Yě jǒ mì dó, yě xwe dó sɛ́n ce ǎ.

Jelemíi 16:18

Hwɛ e hu wɛ yě ɖe lɛ́ɛ kpó nǔ e wa nyi do wɛ yě ɖe lɛ́ɛ kpó ɔ́, un ná dɔn bǐ sín tó nú yě hwɛ̌ ɖó azɔn we jí. Đó yě ɖu su nú to ce; to e nyí ce ɔ́, nǔmɛsɛn yětɔn lɛ́ɛ wɛ yě bɛ̌ d'é mɛ bɔ é gɔ́; nǔmɛsɛn yětɔn énɛ́ lɛ́ɛ ɔ́, cyɔ wɛ nú yě, nǔvɛ́mɔ yětɔn lɛ́ɛ wɛ yě bɛ́ gɔ́ to ce.”

Ezekiyɛ́li 44:6

“Xó e ɖɔ wɛ nyɛ Aklúnɔ Mavɔmavɔ ɖe ɔ́, a nǎ ɖɔ nú Izlayɛ́li ví tónúmasetɔ́ énɛ́ lɛ́ɛ; xó e ɖɔ wɛ un ɖe ɔ́ ɖíe: Izlayɛ́li ví lɛ́ɛ mi, nǔ baɖabaɖa e dó sin wɛ mi ɖe lɛ́ɛ kpé mì.

Ezekiyɛ́li 45:9

Xó e Aklúnɔ Mavɔmavɔ ɖɔ ɔ́ ɖíe: “Gǎn Izlayɛ́li tɔn lɛ́ɛ mi, mitɔn wá hú gán! Din ɔ́, mi jó dǎkaxixo dó, bó jó ya dó nú mɛ dó, bó xwedó hwɛjijɔ, bó nɔ́ wa nǔ ɖó sɛ́nxwi jí, bó gɔn nǔ e nyí togun ɔ́ tɔn lɛ́ɛ nu klá jɛ. Xó e nyɛ Aklúnɔ Mavɔmavɔ ɖɔ ɔ́ nɛ́.

Maki 7:22

agalilɛ, nǔjlómɛzɛjlɛ̌wú, adǎnúwiwa, ayiɖónukɔnnúmɛ, nǔmajɛganwiwa, mɛnújlójló, mɛnúɖiɖɔ, goyíyí, yɛyinɔnúwiwa

Mɛsɛ́dó 17:30

Nǔ ma nywɛ́ sín gbɛ e gbɛtɔ́ lɛ́ɛ kó zán ɖo hwenu e yě ɖo manywɛ́ mɛ ɔ́, Mawu lɛ́n hwɛ tɔn dó kɔ nú yě ǎ; amɔ̌ din ɔ́, é wá ɖo byɔ̌byɔ́ gbɛtɔ́ lɛ́ɛ bǐ wɛ, ɖo fí ɖěbǔ e yě kó ɖe ɔ́, ɖɔ yě ní lɛ́ kɔ sín hwɛ yětɔn lɛ́ɛ gúdo.

Hlɔ̌manu 13:13

Mi nú mǐ ná zán gbɛ mǐtɔn ɖo jlɔ̌jlɔ́ jí, lě e é jɛ xá ɖɔ è nǐ bló gbɔn ɖo kéze ɖéɖé é. Mǐ ní ma wa nǔ zɛ jlɛ̌ wú ó; mǐ ní ma nu ahan mú ó; mǐ ní ma lɛ aga ó; mǐ ní ma wa nǔblíblí ó; mǐ ní ma ɖɔ jlɛ ó; mǐ ní ma hwan wǔ ó.

1 Kɔlɛ́ntinu 12:2

Mi tunwun ɖɔ hwenu e mi ma ko nyí klísusɛntɔ́ ǎ ɔ́, vodún e nyí nǔ bo ma sixú ɖɔ xó ǎ lɛ́ɛ kɔn wɛ nǔ ɔ́ nɔ dɔn mi yi, bɔ mi nɔ sixú gló ǎ.

1 Kɔlɛ́ntinu 6:11

Nǔ e mɛɖé lɛ́ɛ ɖo mi mɛ, bó ko nyí ɖ'ayǐ ɔ́ nɛ́. Amɔ̌, è ko lɛ mi wé sín hwɛ mɛ; è ko ɖe mi ɖó vo, bɔ mi na nyí Mawu tɔn; è ko sɔ́ mi dó húzú hwɛjijɔnɔ, ɖo Aklúnɔ Jezu Klísu sín nyǐkɔ mɛ, gbɔn Yɛ Mawu mǐtɔn tɔn jí.

2 Kɔlɛ́ntinu 12:21

Un ɖo xɛsi ɖi wɛ ɖɔ gɔ̌n mitɔn e un ná wá din ɔ́, Mawu ce ná sɔ́ mì hwe ɖo nukɔn mitɔn; bɔ un ná ya avǐ dó mɛ tobutóbú e hu hwɛ ɖ'ayǐ, bó ma lɛ́ kɔ sín nǔ kwíji wiwa, agalilɛ, kpódó nǔ nyanya e yě wa lɛ́ɛ kpán gúdo ǎ lɛ́ɛ tamɛ.

Galatinu 5:19

Nǔ nyanya e gbɛtɔ́ nɔ wa lɛ́ɛ ɖo nǔglɔ́ ǎ; yě wɛ nyí: agalilɛ, nǔ kwíji kwíji wiwa, nǔ nyanya wiwa,

Galatinu 5:21

mɛnújlójló, ahannumú, nǔɖudíngan kpódó nǔ hǔnmɛ énɛ́ lɛ́ɛ kpán. Un ɖo ɖiɖɔ nú mi wɛ din lě e un ko ɖɔ gbɔn nú mi ɖ'ayǐ ɔ́, ɖɔ mɛ e nɔ wa nǔ mɔ̌hunkɔtɔn lɛ́ɛ kún ɖo axɔ́súɖuɖu Mawu tɔn mɛ ná byɔ́ wɛ ó.

Efɛ́zinu 5:18

Mi ma nu ahan mú ó; ahan nu díngan wɛ nɔ zɔ́n bɔ gbɛ mɛtɔn nɔ gblé; lo ɔ́, Yɛsinsɛn ní gɔ́ ayi mitɔn mɛ.

1 Tɛsalonikinu 4:5

ní ma nɔ jó éɖée dó nú jlǒ nyanya agbaza mɛ tɔn lɛ́ɛ lě e nǔmaɖitɔ́ e ma tunwun Mawu ǎ lɛ́ɛ nɔ bló gbɔn é ó.

Titu 3:3

Đó ɖ'ayǐ xóxó ɔ́, mǐ lɔmɔ̌ ɔ́, mǐ ko nyí ayixamasɔgbenánɔ, bó kó nyí tónúmasetɔ́, bó kó bú ali; jlǒ agbaza tɔn tɛnmɛ tɛnmɛ lɛ́ɛ kpó gbɛɖuɖu kpán sín kannumɔ wɛ mǐ kó nyí ɖ'ayǐ. Dǎnúwiwa kpó mɛɖěvonújlójló kpó sín gbɛ mɛ wɛ mǐ kó nɔ ɖ'ayǐ; mǐ nɔ gbɛ́ wǎn nú mɛ ɖě lɛ́ɛ, bɔ yě lɔ nɔ gbɛ́ wǎn nú mǐ lɔmɔ̌.

1 Piyɛ́ɛ 1:14

Mi se tónú nú Mawu, vǐ e se tónú ɔ́ ɖɔhun, bónú nǔwiwa mitɔn lɛ́ɛ ní ma sɔgbe xá jlǒ e mi nɔ ɖó ɖ'ayǐ hwenu e mi lɛ́ kpo ɖo manywɛ́ mɛ ɔ́ lɛ́ɛ ó.

Judi 1:4

Nǔgbó ɔ́, mɛdídá ɖé lɛ́ɛ lun byɔ́ mi mɛ, bó nɔ́ kpé ta do nú wɛn e ɖɔ xó dó nyɔ̌ná Mawu mǐtɔn tɔn wú é; yě bló mɔ̌, bó ná dó ɖe xlɛ́ ɖɔ gbɛ kwíji kwíji e zán wɛ émí ɖe ɔ́ sɔgbe, bó nɔ́ gbɛ́ Jezu Klísu e nyí Mɛ̌si mǐtɔn ɖokpó géé, bó nyí Aklúnɔ mǐtɔn é. É ko lín din bɔ Mawuxówéma ɔ́ ko ɖɔ hwɛ e è ɖǒ nú yě ɔ́.