1 Piyɛ́ɛ 4:2 - MAWUXÓWÉMA

² Hǔn, bɛ́ sín din ɔ́, gbɛ e kpo bɔ mi ná zán ɖo ayǐkúngban jí fí ɔ́, lě e Mawu jló gbɔn ɔ́ wɛ mi ɖó ná zán gbɔn; é nyí jlǒ gbɛtɔ́ tɔn wɛ mi ná xwedó ǎ.

1 Piyɛ́ɛ 4:2 Iomraidhean Croise

Ɖɛhan 143:10

Kplɔ́n mì lě e un ná bló jlǒ towe gbɔn é, ɖó hwi wɛ nyí Mawu ce. Yɛ towe ɖagbe ɔ́ ní kplá mì gbɔn ali jlɔ́jlɔ́ jí.

Ozée 6:7

“Yě gba akɔ e un jɛ xá yě ɔ́, gbɛtɔ́ lɛ́ɛ ɖɔhun. Nǔ e yě wa bó dó jɛ do nú mì é nɛ́.

Matíe 12:50

ɖó mɛ ɖěbǔ bló Tɔ́ ce e ɖo sɛ́xwé ɔ́ sín jlǒ ɔ́, mɛ énɛ́ wɛ nyí nɔví ce súnnu, bó nyí nɔví ce nyɔ̌nu, bó nyí nɔ ce.”

Matíe 20:4

bó ɖɔ nú yě ɖɔ: ‘Mi lɔmɔ̌ ɔ́, mi yi vǐwungle ce mɛ, bó yi wa azɔ̌, bónú ma sú akwɛ́ e jɛ xá ɔ́ mi,’

Matíe 21:31

Ɖo vǐ we énɛ́ lɛ́ɛ mɛ ɔ́, mɛ̌ ka wa tɔ́ tɔn sín jlǒ?” Bɔ yě yí gbe n'i ɖɔ: “Vǐ nukɔntɔn ɔ́ wɛ.” Jezu ka ɖɔ nú yě ɖɔ: “Má ɖɔ nǔgbó nú mi: tokwɛ́yítɔ́ lɛ́ɛ kpódó agalɛtɔ́ lɛ́ɛ kpó ná jɛ nukɔn nú mi ɖo axɔ́súɖuto Mawu tɔn mɛ.

Matíe 7:21

“Mɛ e nɔ ɖo ylɔ̌ylɔ́ mì wɛ ɖɔ: ‘Aklúnɔ, Aklúnɔ’ lɛ́ɛ ɔ́, yě bǐ ɖo axɔ́súɖuto sɛ́xwé tɔn mɛ na byɔ́ wɛ ǎ; lo ɔ́, mɛ e nɔ wa jlǒ Tɔ́ ce e ɖo sɛ́xwé ɔ́ tɔn lɛ́ɛ kɛ́ɖɛ́ wɛ na byɔ́ mɛ.

Maki 3:35

Mɛ ɖěbǔ e ko sixú bló jlǒ Mawu tɔn ɔ́, mɛ énɛ́ ɔ́ wɛ nyí nɔví ce súnnu, bó nyí nɔví ce nyɔ̌nu, bó nyí nɔ ce.”

Maki 7:21

ɖó gbɛtɔ́ sín ayi mɛ wɛ linlin nyanya lɛ́ɛ nɔ́ tɔ́n sín; nǔblíblíwiwa, ajojija, mɛhuhu,

Jǎan 1:13

Yě nyí vǐ gbɔn hun gbla mɛ ǎ; yě ká nyí vǐ gbɔn jlǒ agbaza tɔn gbla mɛ ǎ; yě ká nyí vǐ gbɔn gbɛtɔ́ sín jlǒ gbla mɛ ǎ; lo ɔ́, Mawu wɛ nyí Tɔ́ nú yě.

Jǎan 7:17

Mɛ e ɖó jlǒ, bó ná wa jlǒ Mawu tɔn ɔ́, ényí nǔkplɔ́nmɛ ce ɔ́, Mawu gɔ́n wɛ é gosín abǐ acɛ nyɛ ɖésúnɔ tɔn wɛ ɔ́, é ná mɔ do ná.

Hlɔ̌manu 12:2

Mi ma nɔ wa nǔ lě e gbɛ ɔ́ nɔ wa nǔ gbɔn é ó; lo ɔ́, mi jó Mawu dó, nú é húzú mi gbɔn ayi mitɔn sín hǔzúhúzú gbla mɛ. Énɛ́ ɔ́, mi ná sixú tunwun jlǒ Mawu tɔn: é wɛ nyí nǔ ɖagbe; nǔ e nɔ nyɔ́ nukún tɔn mɛ é; nǔ e sɔgbe bɔ nǔ bǐ vɔ ɖ'é wú é.

Hlɔ̌manu 14:7

Nǔgbó ɔ́, mɛɖé ɖo mǐ mɛ, bó ɖó ná nɔ gbɛ nú éɖée ǎ; mɛɖé ka ɖo mǐ mɛ, bó ɖó ná kú nú éɖée ǎ. Ényí mǐ ɖo gbɛ ɔ́, mǐ ɖo gbɛ nú Aklúnɔ.

Hlɔ̌manu 6:11

Mɔ̌ ɖokpó ɔ́, ɖo bǔ e mǐ ɖe xá Klísu Jezu ɔ́ mɛ ɔ́, mi lɔmɔ̌ mi ní nɔ mɔ miɖée dó mɔ mɛ e ko kú ɖo hwɛhuhu sín alixo ɔ́ na bo nɔ mɔ miɖée dó mɔ mɛ e ɖo gbɛ nú Mawu ɔ́ ná.

Hlɔ̌manu 6:2

Gbeɖé kpɔ́n! Đo hwɛhuhu sín alixo ɔ́, mǐ kó kú; bɔ nɛ̌ mǐ ka ná lɛ́ kpo ɖo hwɛ hu wɛ gbɔn?

Hlɔ̌manu 7:4

Mɔ̌ ɖokpó ɔ́ nɔví ce lɛ́ɛ mi, ɖo sɛ́n ɔ́ sín alixo ɔ́, mi lɔmɔ̌ ɔ́, mi ko kú. Ée mi cá miɖée xá Klísu ɔ́, kú wɛ mi ko kú ɖo sɛ́n ɔ́ sín alixo. Din ɔ́, mɛ ɖěvo tɔn wɛ mi nyí; mɛ e fɔ́n sín kú é tɔn wɛ mi nyí, bónú mǐ ná nɔ́ wa nǔ e nyɔ́ Mawu nukún mɛ é.

2 Kɔlɛ́ntinu 5:15

É kú dó mɛ bǐ tamɛ, bónú mɛ e ɖo gbɛ lɛ́ɛ ɔ́, yě ma sɔ́ nɔ gbɛ nú yě ɖésúnɔ ó; lo ɔ́, yě ní nɔ gbɛ nú mɛ e kú dó yě tamɛ, bɔ è lɛ́ fɔ́n ɛ wá gbɛ dó yě tamɛ é.

Efɛ́zinu 2:3

Mǐ lɔmɔ̌ ɔ́, mɛ énɛ́ lɛ́ɛ ɖɔhun wɛ mǐ bǐ cí ɖ'ayǐ; mǐ nɔ zán gbɛ mǐtɔn lě e hwɛhuhu sín ninɔmɛ e mǐ ɖó ɔ́ jló gbɔn é, bɔ nǔ e mǐ lin lɛ́ɛ kpódó nǔ e jló mǐ é kpó wɛ mǐ nɔ́ wa. Đěe é nyí ɖɔ mɔ̌ wɛ mǐ kó cí ɔ́, vǐ e Mawu sín xomɛ dó ɔ́ wɛ mǐ kó nyí ɖ'ayǐ, mɛ bǐ ɖɔhun.

Efɛ́zinu 4:17

Xó e ɖɔ nú mi wɛ un ɖe ɖo Aklúnɔ sín nyǐkɔ mɛ é ɖíe: mi ma sɔ́ nɔ zán gbɛ mitɔn nǔmaɖitɔ́ lɛ́ɛ ɖɔhun ó; yědɛɛ lɛ́ɛ ɔ́, linlin yětɔn ma ɖó ta ɖé lɛ́ɛ wɛ yě nɔ́ xwedó.

Efɛ́zinu 5:17

Énɛ́ ɔ́ wútu ɔ́, mi ma wa nǔ mɛ e ma ɖó ayi xomɛ ǎ é ɖɔhun ó; lo ɔ́, mi tɛ́nkpɔ́n bó tunwun nǔ e Aklúnɔ jló ɖɔ mi ní wa é.

Efɛ́zinu 6:6

É ní ma nyí nukún yětɔn mɛ kɛ́ɖɛ́ wɛ mi ná bló mɔ̌ ɖe, mɛ e ɖo biba ná nyɔ́ ɖo gbɛtɔ́ lɛ́ɛ nukɔn wɛ é ɖɔhun ó; amɔ̌ mi se tónú klísusɛntɔ́ e nɔ wa jlǒ Mawu tɔn kpódó ayixa tɔn bǐ kpó é ɖɔhun.

Kolósinu 1:9

Énɛ́ ɔ́ wú wɛ sín gbe e gbe mǐ se xó mitɔn ɔ́, mǐ nɔ́ gɔn ɖɛ xó nú mi ǎ. Mǐ nɔ́ byɔ́ Mawu ɖɔ ní ná nǔnywɛ́ kpódó nukúnnú-mɔjɛnǔmɛ e Yɛsinsɛn nɔ ná mɛ ɔ́ kpán bǐ mi, bónú mi ná tunwun jlǒ tɔn titewungbe.

Kolósinu 3:3

Đó mi kú, bɔ gbɛ mitɔn kpó Klísu tɔn kpó ɖo hwlǎhwlá ɖo Mawu mɛ.

Kolósinu 4:12

Epaflasi e nyí mɛ mitɔn ɔ́ lɔmɔ̌ dó gbe sɛ́ dó mi; mɛsɛntɔ́ Klísu Jezu tɔn énɛ́ ɔ́ nɔ gɔn ɖɛ xo, kpódó ayixa tɔn bǐ sésé kpán dó ta mitɔn mɛ ǎ, bónú mi ná dó sixú syɛ́nlǐn, bó ná zin ɖo nǔɖiɖi mɛ, bó ná sɔgbe titewungbe, bó ná wa nǔ e Mawu jló ɔ́ bǐ.

1 Tɛsalonikinu 5:18

Mi nɔ dó kú nú Mawu ɖo nǔ bǐ mɛ; ɖó nǔ e ba ɖo gbɛzínzán mitɔn mɛ wɛ Mawu ɖe, ɖo bǔ e mi ɖe ɖo Klísu Jezu mɛ é nɛ́.

Eblée 13:21

ní bló bónú mi ná kpé nǔ ɖagbe bǐ wú bó wa, bó dó wa jlǒ tɔn; ní bló nǔ e nyɔ́ nukún tɔn mɛ lɛ́ɛ ɖo mǐ mɛ gbɔn Jezu Klísu jí. Susu nú Jezu Klísu káká sɔ́yi mavɔ mavɔ. Amǐ!

Jaki 1:18

Đo é ɖésúnɔ sín jlǒ mɛ ɔ́, é ná gbɛ jɔ gbɛ mǐ gbɔn xó tɔn e nyí nǔgbó ɔ́ gbla mɛ, bónú mǐ ná nyí mɛ nukɔn nukɔntɔn lɛ́ɛ ɖo nǔɖíɖó tɔn lɛ́ɛ bǐ mɛ.

1 Piyɛ́ɛ 1:14

Mi se tónú nú Mawu, vǐ e se tónú ɔ́ ɖɔhun, bónú nǔwiwa mitɔn lɛ́ɛ ní ma sɔgbe xá jlǒ e mi nɔ ɖó ɖ'ayǐ hwenu e mi lɛ́ kpo ɖo manywɛ́ mɛ ɔ́ lɛ́ɛ ó.

1 Piyɛ́ɛ 2:1

Hǔn, mi bo jó adǎnúwiwa alɔkpa alɔkpa bǐ dó; mi jó nǔvúɖíɖó bǐ dó; mi jó yɛmɛnúwiwa dó; mi jó wǔhwinhwan kpó xó nyanya ɖɔ dó mɛ wú bǐ kpó dó.

1 Jǎan 2:17

Gbɛ élɔ́ ɔ́, wǐwá yi wɛ é ɖe, bɔ mɛ e nɔ bló jlǒ gbɛ élɔ́ tɔn lɛ́ɛ lɔ ɖo wǐwá yi wɛ; mɛ e nɔ bló jlǒ Mawu tɔn ɔ́ ka nɔ́ nɔ gbɛ káká sɔ́yi.