1 Piyɛ́ɛ 4:1 - MAWUXÓWÉMA

¹ Đó Klísu ji ya ɖo agbaza mɛ wútu ɔ́, mi lɔmɔ̌ mi bo dó wǔsyɛ́n lanmɛ nú miɖée, bó ɖó ninɔmɛ ɖokpó ɔ́ ɖo ayixa mɛ; ɖó mɛ e dɛ ɖo yajiji agbaza mɛ tɔn lɛ́ɛ nu ɔ́ sɔ́ ɖó nǔɖé xá hwɛhuhu ǎ.

1 Piyɛ́ɛ 4:1 Iomraidhean Croise

Ezayíi 1:16

Mi lɛ miɖée sín nǔ nyanya wiwa mɛ, mi slá wǔ, mi ma sɔ́ xo dǎka ɖě ɖo nukún ce mɛ ó, mi jó nǔ nyanya wiwa dó.

Ezekiyɛ́li 16:41

Yě ná dó xwé towe lɛ́ɛ zo. Hwɛ e un ɖó nú we ɔ́, yě wɛ ná wa nǔ e ɖ'é mɛ ɔ́ bǐ xá we ɖo nyɔ̌nu gěgé nukún mɛ. Un ná bló mɔ̌ dó ɖó agagbɛ e zán wɛ a ɖe ɔ́ te, bɔ a sɔ́ ná nɔ́ ná nǔ xɔnnɔ towe lɛ́ɛ ɖěbǔ ǎ.

Maki 3:3

Jezu ka ɖɔ nú nya e sín alɔ kú ɔ́ ɖɔ: “Sí te bó wá jɛ tɛ́ntin fí.”

Hlɔ̌manu 6:11

Mɔ̌ ɖokpó ɔ́, ɖo bǔ e mǐ ɖe xá Klísu Jezu ɔ́ mɛ ɔ́, mi lɔmɔ̌ mi ní nɔ mɔ miɖée dó mɔ mɛ e ko kú ɖo hwɛhuhu sín alixo ɔ́ na bo nɔ mɔ miɖée dó mɔ mɛ e ɖo gbɛ nú Mawu ɔ́ ná.

Hlɔ̌manu 6:2

Gbeɖé kpɔ́n! Đo hwɛhuhu sín alixo ɔ́, mǐ kó kú; bɔ nɛ̌ mǐ ka ná lɛ́ kpo ɖo hwɛ hu wɛ gbɔn?

Hlɔ̌manu 6:7

Đó mɛ e kú ɔ́ gosín hwɛhuhu sín hlɔ̌nhlɔ́n kan nu.

Galatinu 2:20

Gbɛ e un ka ɖe din ɔ́, nyɛ ɖésúnɔ wɛ ɖo gbɛ ǎ, Klísu wɛ ɖo gbɛ ɖo nyɛ mɛ, bɔ gbɛ e un ɖe din ɖo agbaza mɛ ɔ́, nǔɖiɖi e un ɖó nú Mawu ví e yí wǎn nú mì, bó kú dó ta ce mɛ ɔ́ wú wɛ un ɖo gbɛ.

Galatinu 5:24

Mɛ e nyí Klísu Jezu tɔn lɛ́ɛ ko ká hwɛhuhu sín ninɔmɛ e yě ɖó ɔ́, kpódó jlǒ tɔn lɛ́ɛ bǐ kpó nyi aklúzu jí.

Efɛ́zinu 6:13

Énɛ́ ɔ́ wútu ɔ́, mi ní fɔ ahwanfunnú e Mawu ná mi lɛ́ɛ bǐ kplá din; énɛ́ ɔ́, azǎn nyanya ɔ́ gbé wá su ɔ́, mi ná sixú nɔ te ɖo kɛntɔ́ nukɔn, bɔ hwenu e mi ná fun ahwan ɔ́ fó ɔ́, mi ná lɛ́ kpo ɖo acéjí.

Sɛ́nflínmɛ 27:10

Hǔn mi bo ɖótó Mawu Mavɔmavɔ, Mawu mitɔn, bó nyi sɛ́n tɔn e un xa nú mi égbé lɛ́ɛ bǐ.”

Filípunu 2:5

Mi ɖó ninɔmɛ e Klísu Jezu ɖó é.

Eblée 12:3

Mi flín lě e é dɛ ɖo gǔ mɔ̌hunkɔtɔn e hwɛhutɔ́ lɛ́ɛ fɔ́n dó jǐ tɔn ɔ́ nu gbɔn é, bónú awakanmɛ ma kú mi, nú nǔ ci kɔ nú mi ó;

Eblée 4:10

Đó mɛ e byɔ́ fí e Mawu ná ná gbɔjɛ́ ɛ ɖe ɔ́, nɔ gbɔjɛ́ ɖo azɔ̌ é ɖésúnɔ tɔn lɛ́ɛ mɛ lě e Mawu gbɔjɛ́ azǎn tɛ́nwegɔ́ ɔ́ gbe hwenu e é bló nǔ lɛ́ɛ bǐ fó gúdo é ɖɔhun.

1 Piyɛ́ɛ 2:21

Nǔ e Mawu ylɔ́ mi na é nɛ́; ɖó Klísu ɖésúnɔ ji ya dó ta mitɔn mɛ, bó jó xlɛ́ tɔn nyi ayǐ nú mi, bónú mi ná zé afɔ dó afɔdo tɔn lɛ́ɛ mɛ.

1 Piyɛ́ɛ 3:18

Nǔgbó ɔ́, Klísu ɔ́ ɖésú kú; é kú azɔn ɖokpó géé bɔ xó fó dó hwɛ e gbɛtɔ́ lɛ́ɛ hu lɛ́ɛ tamɛ; éyɛ́ mɛ e nɔ wa nǔ jlɔ́jlɔ́ ɔ́ kú dó mɛ e ma nɔ wa nǔ jlɔ́jlɔ́ ǎ lɛ́ɛ tamɛ, bó ná dó kplá mi wá Mawu gɔ̌n; ɖo agbaza sín alixo ɔ́, è hu i; lo ɔ́, ɖo Yɛ ɔ́ sín alixo ɔ́, è fɔ́n ɛ wá gbɛ.