1 Piyɛ́ɛ 3:9 - MAWUXÓWÉMA

⁹ Mi ma zé nyanya dó sú nyanya xɔ ná ó, abǐ mi ma zé zun dó sú zun xɔ ná ó; é nyɔ́ wa ɔ́, nyɔ̌ná wɛ mi ná nɔ byɔ́ ɖo Mawu gɔ́n dó sú axɔ́ ná; nǔ e Mawu ylɔ́ mi ná é nɛ́.

1 Piyɛ́ɛ 3:9 Iomraidhean Croise

Bǐbɛ́mɛ 42:25

Énɛ́ ɔ́ gúdo ɔ́, Jozɛ́fu ná gbe ɖɔ è nǐ dó blěe dó ati yětɔn lɛ́ɛ mɛ, bónú é ní gɔ́, bónú è nǐ zé mɛ ɖokpó ɖokpó sín akwɛ́ dó ati tɔn mɛ, lobo ná nǔ e yě ná ɖu ɖo alixo ɔ́ yě; bɔ è blǒ lě e Jozɛ́fu ɖɔ gbɔn ɔ́.

Nǔnywɛ́xó 17:13

Mɛ e nɔ sɔ́ nyanya dó sú ɖagbe xɔ́ ɔ́, nǔ nyanya nɔ hán ɖo xwé tɔn gbe ǎ.

Nǔnywɛ́xó 20:22

Ma ɖɔ: “Un ná sɔ́ nyanya dó sú nyanya xɔ́” ó; nɔ te kpɔ́n Mawu Mavɔmavɔ, é ná hwlɛ́n we gán.

Nǔnywɛ́xó 28:10

Mɛ e nɔ dɔn mɛ e nɔ wa nǔ ɖó sɛ́nxwi jí lɛ́ɛ dó ali nyanya jí ɔ́, é ná jɛ mɔ e é ɖésúnɔ ɖó é mɛ; amɔ̌, gbɛtɔ́ gbejínɔtɔ́ lɛ́ɛ ɔ́, nyɔ̌ná wɛ ɖo te nú yě.

Matíe 19:29

bɔ mɛ ɖěbǔ e ná jó xwé tɔn dó, bó ná jó nɔví tɔn súnnu lɛ́ɛ, abǐ nyɔ̌nu lɛ́ɛ dó, bó ná jó tɔ́ tɔn kpódó nɔ tɔn kpó dó, abǐ vǐ tɔn lɛ́ɛ dó, bó ná jó ayǐkúngban tɔn lɛ́ɛ dó, ɖó nyɛ wútu ɔ́, Mawu ná ná ɛ nǔ e hú mɔ̌ ɔ́ donu kanwe ko (100), bó ná lɛ́ ná ɛ gbɛ mavɔ mavɔ.

Matíe 25:34

bɔ nyɛ axɔ́sú ɔ́ ná ɖɔ nú mɛ e ɖo ɖisí ce xwé lɛ́ɛ ɖɔ: ‘Mi wá, mi mɛ e jí Tɔ́ ce ko xo ɖɛ ɖagbe dó lɛ́ɛ. Mi wá yí axɔ́súɖuɖu Mawu tɔn sín nǔ ɖagbe e è ko sɔ́ ɖ'ayǐ nú mi sín hwenu e Mawu ko ɖó gbɛ ɔ́ ɖokpóó é.

Matíe 5:39

Lo ɔ́, nyɛ ɖo ɖiɖɔ nú mi wɛ ɖɔ: mɛɖé wa nǔ nyanya nú we hǔn, ma ba hlɔn tɔn ó; ényí mɛɖé xo tomɛ nú we dó ɖisíxwé hǔn, lǐlɛ́ amyɔxwé ɔ́ n'i.

Matíe 5:44

Lo ɔ́, nyɛ ɖo ɖiɖɔ nú mi wɛ ɖɔ: mi yí wǎn nú kɛntɔ́ mitɔn lɛ́ɛ. Mi xo ɖɛ dó mɛ e nɔ dó nu mi lɛ́ɛ jí. Mi wa ɖagbe nú mɛ e nɔ gbɛ́ wǎn nú mi lɛ́ɛ, bó xo ɖɛ ɖagbe nú mɛ e nɔ ɖe dó mi bó nɔ́ dó ya nú mi lɛ́ɛ.

Maki 10:17

Ali wɛ Jezu wlí kɛ́ɖɛ́, bó xweyǐgbe, bɔ nyaví dɔ̌nkpɛvú ɖé kán wezun wá mɔ ɛ, bó jɛ kpo ɖo nukɔn tɔn, lobo kanbyɔ́ ɛ ɖɔ: “Mɛ̌si ɖagbe, étɛ́ un ka ɖó ná wa, bɔ Mawu ná ná mì gbɛ mavɔ mavɔ?”

Luki 10:25

Sɛ́nkplɔ́nmɛtɔ́ ɖé ka sí te, bó jló ná ɖó mɔ nú Jezu, bó ɖɔ n'i ɖɔ: “Mɛ̌si, étɛ́ un ɖó ná wa, bɔ Mawu ná ná mì gbɛ mavɔ mavɔ?”

Luki 18:18

Jwifu lɛ́ɛ sín gǎn ɖokpó kanbyɔ́ Jezu ɖɔ: “Mɛ̌si; mɛ ɖagbe! Étɛ́ un ɖó ná wa bɔ Mawu na ná mì gbɛ mavɔ mavɔ?”

Hlɔ̌manu 12:14

Mi nɔ byɔ́ Mawu ɖɔ é ní xo ɖɛ dó mɛ e nɔ dó ya nú mi lɛ́ɛ jí. Mi nɔ byɔ́ ɛ ɖɔ é ní xo ɖɛ dó yě jǐ; é ní ma nɔ́ dó nu yě ó.

Hlɔ̌manu 12:17

Mi ma nɔ zé nǔ nyanya dó sú nǔ nyanya xɔ́ mɛ ɖěbǔ ó; mi nɔ ba ná wa nǔ ɖagbe ɖo gbɛtɔ́ lɛ́ɛ bǐ nukɔn.

Hlɔ̌manu 8:28

Mǐ tunwun ɖɔ mɛ e yí wǎn nú Mawu lɛ́ɛ ɔ́, mɛ e é ylɔ́ ɖo tito tɔn mɛ lɛ́ɛ ɔ́, nǔ e nɔ jɛ dó yě jǐ lɛ́ɛ bǐ ɔ́, ɖagbe wɛ é nɔ dó wá nú yě.

Hlɔ̌manu 8:30

Mɛ e Mawu ɖe gbeta énɛ́ tɔ́n ɖ'ayǐ ná lɛ́ɛ ɔ́, é lɛ́ ylɔ́ yě; mɛ e é ylɔ́ lɛ́ɛ ɔ́, é sɔ́ yě dó húzú hwɛjijɔnɔ; mɛ e é sɔ́ dó húzú hwɛjijɔnɔ lɛ́ɛ ɔ́, é lɛ́ bló bɔ yě ɖó mǐmá ɖo susu tɔn mɛ.

Galatinu 3:14

Nǔ cí mɔ̌, bónú mɛ e ma nyí Jwifu ǎ lɛ́ɛ lɔ ná mɔ nyɔ̌ná e sín akpá Mawu dó nú Ablaxámu ɔ́ yí gbɔn Jezu Klísu jí. Nǔ cí mɔ̌, bónú mǐ bǐ ní mɔ Yɛsinsɛn e sín akpá Mawu dó nú mǐ ɔ́ yí ɖó nǔ e mǐ ɖi nú Mawu ɔ́ wútu.

Efɛ́zinu 4:32

Mi nyɔ́ xomɛ dó miɖée wú, bó nɔ́ sɔ́ hwɛ kɛ miɖée, lě e Mawu sɔ́ hwɛ kɛ mi ɖo Klísu mɛ gbɔn é.

1 Tɛsalonikinu 5:15

Mi cɔ́ miɖée, bónú è wa nǔ nyanya nú mɛɖé hǔn, ní ma sɔ́ nyanya dó sú axɔ́ ná ó; lo ɔ́, mi dó gǎn bó nɔ wa ɖagbe nú miɖée hwebǐnu, bó nɔ wa nú gbɛtɔ́ lɛ́ɛ bǐ.

Eblée 12:17

Énɛ́ ɔ́ gúdo ɔ́, lě e mi tunwun gbɔn é ɔ́, é jló ɖɔ tɔ́ émítɔn ní xo ɖɛ dó émí jí; lo ɔ́, è gbɛ́ ɛ, ɖó é sɔ́ mɔ ali ɖěbǔ, bó ná dó lɛ́ kɔ sín nǔ nyanya e é wa ɔ́ gúdo ǎ; é ba ná lɛ́ kɔ sín nǔ nyanya e é wa ɔ́ gúdo kpó avǐ kpó; é ka sɔ́ kpé wú ǎ.

Eblée 6:14

É ɖɔ: “Un d'akpá nú we ɖɔ: un ná xo ɖɛ dó jǐ towe; un ná ná vǐ gěgé we.”

1 Piyɛ́ɛ 5:10

Lo ɔ́, ényí mi ji ya nú hwenu kpɛɖé gúdo ɔ́, Mawu fɛ́nú bǐ nɔ e ylɔ́ mi nú mi ná ɖó mǐmá ɖo susu tɔn mavɔ mavɔ ɔ́ mɛ, ɖo bǔ e mi ɖe xá Klísu ɔ́ mɛ ɔ́, é ɖésúnɔ ná wa azɔ̌ ɖo mi wú, bɔ mi ná nyɔ́ yí fó; é ná bló bɔ mi ná syɛ́nlǐn; é ná ná hlɔ̌nhlɔ́n mi; é ná dó mi do nyi dodó syɛ́nsyɛ́n lɛ́ɛ jí.

1 Samuwɛ́li 26:11

Mawu má lɔn nú un hu mɛ e Mawu Mavɔmavɔ sɔ́ axɔ́sú é ó. Mǐ ní sɔ́ hwǎn e ɖo ta tɔn ligbé é, bó sɔ́ anyǔglo e mɛ sin ɖe é, bó ná yi.”