1 Piyɛ́ɛ 3:8 - MAWUXÓWÉMA

⁸ Bó ná dó fó ɔ́, mi bǐ ní ɖó linlin ɖokpó ɔ́, bó ɖó ayixa ɖokpó ɔ́; mi yí wǎn nú miɖée nɔví nɔví ɖɔhun; mi nɔ nyɔ́ xomɛ dó miɖée wú, bó nɔ sɔ́ miɖée hwe.

1 Piyɛ́ɛ 3:8 Iomraidhean Croise

Ɖɛhan 103:13

Mawu Mavɔmavɔ nɔ ɖe wǎn yíyí xlɛ́ mɛ e nɔ ɖó sísí n'i lɛ́ɛ é, lě e tɔ́ nɔ́ ɖe wǎn yíyí xlɛ́ vǐ gbɔn é.

Nǔnywɛ́xó 28:8

Ényí mɛ ɖé nya akwɛ́ nú mɛ, lobo yí akwɛ́ví kpɔ́ gěgé dó jɛ dɔkun ɔ́, dɔkun tɔn ɔ́, mɛ e nɔ kú nǔbláwǔ nú wamamɔnɔ ɔ́ wɛ ná ɖu.

Zakalíi 7:9

“Mi ɖɔ hwɛ jlɔ́jlɔ́, mi yí wǎn nú miɖée, bó nyɔ́ xomɛ dó miɖée wú.

Matíe 18:33

aniwútu wɛ hwi lɔmɔ̌ ma sixú kú nǔbláwǔ nú hǎgbɛ́ towe, lě e nyɛ kú nǔbláwǔ nú we gbɔn é ǎ?’

Luki 10:33

Samalíinu ɖé ka wá xwe to mɛ, bó jɛ fí e é ɖe é, bó mɔ ɛ, bɔ nǔ tɔn blá wǔ n'i.

Mɛsɛ́dó 2:1

Pantekótu sín xwezán gbe ka wá su, bɔ nǔɖitɔ́ lɛ́ɛ bǐ kplé ɖo fí ɖokpó ɔ́.

Mɛsɛ́dó 27:3

Ayǐhɔ́ngbe tɔn ɔ́, mǐ jɛ Sidɔ́ɔn; Juliwusi ka nyɔ́ xomɛ dó Pɔ́lu wú, bó ná ɛ gbe ɖɔ ní yi kpɔ́n xɔ́ntɔn tɔn lɛ́ɛ, bónú yě gɔ̌ alɔ n'i ɖo nǔ e hudó e lɛ́ɛ mɛ.

Mɛsɛ́dó 28:7

To ɔ́ mɛ sín gǎn e è nɔ ylɔ́ ɖɔ Publiwúsi ɔ́ ɖó ayǐkúngban ɖokpó ɖo akpá fínɛ́. É yí jǒnɔ mǐtɔn, bɔ é fɛ́ wǔ ɖésú, bɔ mǐ nɔ xwé tɔn gbe xɔ azǎn atɔn.

Mɛsɛ́dó 4:32

Nǔɖitɔ́ lɛ́ɛ bǐ sésé ɖó jlǒ ɖokpó ɔ́, bó ɖó linlin ɖokpó ɔ́, bɔ mɛ ɖěbǔ sɔ́ nɔ sɔ́ nǔ e nyí étɔn ɔ́ sɔ́ ylɔ́ étɔn ǎ; lo ɔ́, nǔ e ɖo mɛ ɖokpó ɖokpó sí ɔ́ húzú mɛ bǐ tɔn.

Hlɔ̌manu 12:10

Mi nɔ ɖó wǎn yíyí titewungbe nú miɖée lě e nɔví nɔví lɛ́ɛ nɔ́ yí wǎn nú yěɖée gbɔn é. Mi nɔ ɖó sísí titewungbe nú miɖée.

Hlɔ̌manu 15:5

Mawu e gɔ́n sɔxwixwe kpó kanmɛsyɛ́nsyɛ́n kpó nɔ gosín ɔ́, ní bló bónú mi ná sixú zán gbenɔkpɔ́ sín gbɛ ɖo miɖée tɛ́ntin Klísu Jezu ɖɔhun.

1 Kɔlɛ́ntinu 1:10

Nɔví lɛ́ɛ mi, ɖo Aklúnɔ mǐtɔn Jezu Klísu sín nyǐkɔ mɛ ɔ́, un ɖo byɔ̌byɔ́ mi wɛ ɖɔ mi bǐ ní ɖó gbe kpɔ́, bónú kínklán ma nɔ tɛ́ntin mitɔn ó; mi ní nɔ bǔ ganjí, bó ɖó linlin ɖokpó ɔ́; ayixa mitɔn ní nɔ ɖɔ nǔ ɖokpó ɔ́.

1 Kɔlɛ́ntinu 12:26

Nú agbaza ɔ́ sín wǔjɔnú ɖé ɖo wǔvɛ́ mɔ wɛ ɔ́, wǔjɔnú ɖě lɛ́ɛ bǐ wɛ nɔ mɔ wǔvɛ́ xá ɛ; ényí è ka wlí yɛ̌yi nú ɖokpó ɔ́, ɖě lɛ́ɛ bǐ wɛ nɔ j'awǎ xá ɛ.

Efɛ́zinu 4:2

Mi nɔ sɔ́ miɖée hwe hwebǐnu; mi nɔ ɖó xomɛfífá, bó nɔ́ ɖó suúlu. Mi nɔ mɔ miɖée gbɔ ɖo wǎn yíyí mɛ.

Efɛ́zinu 4:31

Mi jó akpɔmimɔ dó; mi jó aɖi ɖíɖó dó, bó jó xomɛsin dó; mi jó jlɛɖiɖɔ dó, bó jó mɛnúɖiɖɔ dó. Mi jó adǎkaxixo bǐ dó.

Efɛ́zinu 4:32

Mi nyɔ́ xomɛ dó miɖée wú, bó nɔ́ sɔ́ hwɛ kɛ miɖée, lě e Mawu sɔ́ hwɛ kɛ mi ɖo Klísu mɛ gbɔn é.

Filípunu 2:3

Mi ma sɔ́ ce jɛ́n ná nyɔ́ sín ayixa, abǐ mɛɖée sɔ́ su dó wǔvɔ́ sín ayixa dó wa nǔ ɖěbǔ ná ó; lo ɔ́, mi nɔ sɔ́ miɖée hwe ɖo mɛ ɖě lɛ́ɛ nukɔn, bónú mɛ ɖokpó ɖokpó ní nɔ mɔ ɖɔ mɛ ɖě lɛ́ɛ hú gǎn émí.

Filípunu 3:16

Nǔ ɖěbǔ ná bó ɖo jijɛ wɛ hǔn, mi nú mǐ nǎ wlí ali e jí mǐ kó ɖe káká jɛ din ɔ́ ɖidó fí e mǐ xwe é.

Kolósinu 3:12

Mɛɖeɖóvo Mawu tɔn wɛ mi nyí. Mɛvívɛ́ná Mawu tɔn wɛ mi nyí, bɔ é sɔ́ mi, bónú mi ná nyí étɔn. Énɛ́ ɔ́ wútu wɛ mi ɖó ná sɔ́ nǔbláwǔkúnúmɛ, xomɛnyínyɔ́, mɛɖéesɔ́hwe, xomɛfífá kpó suúlu kpó dó awu ɖɔhun.

Eblée 13:1

Wǎn e yí nú miɖée wɛ mi ɖe nɔví nɔví ɖɔhun ɔ́, mi ma jó dó ó.

Jaki 2:13

Đó mɛ e ma kú nǔbláwǔ nú mɛ ɖě lɛ́ɛ ǎ ɔ́, Mawu ná kú nǔbláwǔ n'i hwenu e è nǎ ɖɔ hwɛ xá ɛ ɔ́ ǎ; lo ɔ́, nǔbláwǔkúnúmɛ ná ɖu ɖo hwɛɖiɖɔ jí.

Jaki 3:17

Lo ɔ́, nǔnywɛ́ e gosín Mawu gɔ́n ɔ́, nǔ mímɛ́ wɛ é to nyí hwɛ̌; énɛ́ ɔ́ gúdo ɔ́, é nɔ ba tagba ǎ; é fá bó nɔ lɛ́ hun xomɛ dó wa nǔ nú mɛ; é nyɔ́ xomɛ ɖésú, bó nɔ wa nǔ ɖagbe lɛ́ɛ; é nɔ nɔ mɛɖé jí ǎ; é ka nɔ wa yɛmɛnú ǎ.

Jaki 5:11

Mǐ nɔ ylɔ́ yě ɖɔ nǔnyɔ́nánɔ, ɖó yě dɛ ɖo ya e yě ji lɛ́ɛ nu. Suúlu e Jɔ̌bu ɖó ɔ́, mi se, bó tunwun nǔ e Aklúnɔ wá ná ɛ gbɔn gúdo ɔ́; ɖó Aklúnɔ nyɔ́ xomɛ ɖésú; mɛ nú nɔ blá wǔ n'i titewungbe.

1 Piyɛ́ɛ 1:22

Mi se tónú nú nǔgbó ɔ́, bó dó slá wǔ nú miɖée, bó ná dó yí wǎn titewungbe nú nɔví mitɔn ɖo nǔɖiɖi mɛ lɛ́ɛ. Hǔn, mi bo yí wǎn ɖaxó nú miɖée kpó ayixa mitɔn bǐ kpó.

1 Piyɛ́ɛ 2:17

Mi sí gbɛtɔ́ lɛ́ɛ bǐ; mi yí wǎn nú nɔví mitɔn ɖo nǔɖiɖi mɛ lɛ́ɛ; mi ɖi xɛsi nú Mawu; mi sí Dadá ɔ́.

1 Piyɛ́ɛ 5:5

Mɔ̌ ɖokpó ɔ́, mi mɛwínnyáwínnyá lɛ́ɛ mi, mi ɖó ná nɔ́ hwíhwɛ́ miɖée dó mɛ e nyí mɛxó nú mi lɛ́ɛ glɔ́; mi bǐ ní nɔ sɔ́ miɖée hwe, bó ná nɔ wa azɔ̌ nú miɖée, ɖó Mawuxówéma ɔ́ ɖɔ: “Mawu nɔ ɖe kɔ dó goyítɔ́ lɛ́ɛ; lo ɔ́, é nɔ nyɔ́ xomɛ dó mɛ e nɔ sɔ́ yěɖée hwe lɛ́ɛ wú.”

2 Piyɛ́ɛ 1:7

Bó ná dó fó ɔ́, mi ɖó wǎn yí nú nɔví gɔ́ nú sísí ɖó nú Mawu, bó ɖó wǎn yíyí ɖó nú mɛ bǐ gɔ́ nú wǎn yí nú nɔví.

1 Jǎan 3:14

Mǐ tunwun ɖɔ mǐ gosín kú wá gbɛ; mǐ tunwun mɔ̌, ɖó mǐ yí wǎn nú nɔví mǐtɔn lɛ́ɛ. Mɛ e ma ka yí wǎn nú mɛ ǎ é kpo ɖo kú.