1 Piyɛ́ɛ 3:7 - MAWUXÓWÉMA

⁷ Asisúnɔ lɛ́ɛ mi, mɔ̌ ɖokpó ɔ́, mi tunwun ɖɔ asi mitɔn lɛ́ɛ kún ɖó gǎn ɖé sɔ mi ó, bónú mi ná nɔ kpɔ́n dó énɛ́ ɔ́ wú, bó ná nɔ zán gbɛ ɖagbe xá yě; mi nɔ wlí yɛ̌yi nú yě, ɖó yě kpó mi kpó wɛ Mawu ná ná gbɛ jɔ gbɛ. Mi nɔ wa nǔ gbɔn mɔ̌, bónú nǔ ɖěbǔ ma ɖó ɖɛ e mi nɔ xo lɛ́ɛ te ó.

1 Piyɛ́ɛ 3:7 Iomraidhean Croise

Jɔ̌bu 42:8

Din ɔ́, mi ná zé nyibúsú tɛ́nwe, agbo tɛ́nwe bó ná yi mɔ mɛsɛntɔ́ ce Jɔ̌bu, lobo ná sá vɔ̌ e è nɔ dó zo ɔ́, ɖó nǔ e mi wa nyi do ɔ́ wú; mɛsɛntɔ́ ce Jɔ̌bu ná xo ɖɛ dó ta mitɔn mɛ. Mi ɖɔ xó ce dó jlɔ̌jlɔ́ jí lě e mɛsɛntɔ́ ce Jɔ̌bu ɖɔ gbɔn é ǎ, amɔ̌, un ná nyɔ́ xomɛ dó éyɛ́ wú, bó ná se ɖɛ tɔn, bó sɔ́ ná wa nǔ e mi wa nyi do ɔ́ sín nǔ xá mi ǎ.”

Matíe 18:19

“Mɔ̌ ɖokpó ɔ́, un lɛ́ ɖo ɖiɖɔ nú mi wɛ: ényí mɛ we ɖó gbe kpɔ́ ɖo ayǐkúngban jí, bó byɔ́ nǔ ɖěbǔ Tɔ́ ce e ɖo sɛ́xwé ɔ́, é ná ná nǔ e yě byɔ́ lɛ́ɛ yě.

1 Kɔlɛ́ntinu 7:3

Súnnu ɔ́ ɖó ná wa asúzɔ́ tɔn nú asi tɔn; mɔ̌ ɖokpó ɔ́, nyɔ̌nu ɔ́ ɖó ná wa asizɔ́ tɔn nú asú tɔn.

Efɛ́zinu 3:6

Nǔbúdo ɔ́ ɖíe: mɛ e ma nyí Jwifu ǎ lɛ́ɛ ná mɔ nǔ ɖagbe e Mawu sɔ́ ɖó ayǐ nú togun tɔn ɔ́ yí xá mɛ e nyí Jwifu lɛ́ɛ, gbɔn Wɛn Ɖagbe ɔ́ jí. Yě bǐ nyí wǔjɔnú agbaza ɖokpó ɔ́ tɔn, bɔ akpá e Mawu dó ɔ́, yě lɔmɔ̌ ná ɖó mǐmá ɖ'é mɛ gbɔn Klísu Jezu jí.

Efɛ́zinu 4:30

Mi ma wa nǔ bónú wǔ kú Yɛsinsɛn Mawu tɔn ó; Yɛsinsɛn énɛ́ wɛ nyí wuntun Mawu tɔn e ɖo mi wú é. É wɛ nyí gǎnjɛwú mǐtɔn ɖɔ ayǐ ɖé ná wá hɔ́n, bɔ Mawu ná ɖe mǐ sín nǔ nyanya mɛ bǐ sésé.

Efɛ́zinu 5:33

É ka lɛ́ ɖo xó ɖɔ dó mǐ lɔmɔ̌ wú wɛ: súnnu ɖokpó ɖokpó ɖó ná yí wǎn nú asi tɔn é ɖésúnɔ ɖɔhun; nyɔ̌nu ɖokpó ɖokpó ɖó ná sí asú tɔn.

Efɛ́zinu 6:18

Mi ná nɔ xo ɖɛ tɛnmɛ tɛnmɛ, bó ná nɔ sa vo nú Mawu gbɔn Yɛsinsɛn jí hwebǐnu. Mi nɔ́ nɔ acéjí, bó nɔ́ ɖó kan d'é wú titewungbe, lobo nɔ xo ɖɛ nú mɛɖeɖóvo Mawu tɔn lɛ́ɛ bǐ.

Kolósinu 3:19

Súnnu lɛ́ɛ mi, mi yí wǎn nú asi mitɔn lɛ́ɛ; mi ma nylá hun dó yě ó.

1 Tɛsalonikinu 4:4

Mɛ ɖokpó ɖokpó ní tunwun lě e é ná hɛn agbaza tɔn ɖó mǐmɛ́ kpódó yɛ̌yi kpán jí gbɔn é;

Titu 3:7

bónú gbɔn fɛ́nú Yɛsinsɛn ɔ́ tɔn mɛ ɔ́, mǐ ná sixú húzú hwɛjijɔnɔ ɖo Mawu nukɔn, bó ná sixú mɔ gbɛ mavɔ mavɔ e ɖó nukún wɛ mǐ ɖe ɔ́ yí.

Eblée 1:14

Étɛ́ wɛnsagun lɛ́ɛ ka nyí lo? Yɛ wɛ yě bǐ nyí, bó ɖo azɔ̌ wa nú Mawu wɛ, bɔ Mawu sɛ́ yě dó nú yě ná wá dó alɔ mɛ e ɖó ná mɔ hwlɛngán lɛ́ɛ.

1 Piyɛ́ɛ 3:1

Nyɔ̌nu lɛ́ɛ mi, mɔ̌ ɖokpó ɔ́, mi hwíhwɛ́ miɖée dó asú mitɔn lɛ́ɛ glɔ́, bónú mɛɖé ɖo yě mɛ, bó má ɖi nǔ nú Mawuxó ɔ́ ǎ ɔ́, mi ná dɔn ɛ gbɔn walɔ mitɔn lɛ́ɛ gbla mɛ, bɔ é ná ɖi nǔ. É byɔ́ ɖɔ mi ní ɖɔ xó ɖé ǎ;