1 Piyɛ́ɛ 3:4 - MAWUXÓWÉMA

⁴ Lo ɔ́, acɔ́ xomɛ tɔn wɛ mi ná nɔ́ ba; acɔ́ énɛ́ nɔ cá ǎ; é wɛ nyí fífá kpó vivo ɖo ayi mɛ kpó; acɔ́ énɛ́ wɛ xɔ akwɛ́ ɖaxó ɖo Mawu gɔ̌n.

1 Piyɛ́ɛ 3:4 Iomraidhean Croise

Ɖɛhan 131:2

É nyɔ́ wa ɔ́, un ɖo fɛɛ mɛ, un vo, vǐ ɖo nɔ tɔn kɔ́n mɛ ɖɔhun. Vǐ mɔ̌hun ɖɔhun wɛ un cí, ayi ce jɛ ayǐ.

Ɖɛhan 147:6

Mawu Mavɔmavɔ nɔ dó alɔ mɛ e nɔ sɔ́ yěɖée hwe lɛ́ɛ bɔ yě nɔ́ sí te, bó ká nɔ́ sɔ́ mɛdídá lɛ́ɛ hwe káká bɔ yě nɔ́ j'ayǐ.

Ɖɛhan 149:4

Đó nǔ nɔ́ víví nú Mawu Mavɔmavɔ ɖo togun tɔn mɛ. É nɔ́ ná ɖuɖéjí mɛ e è sɔ́ xo kɔ́ lɛ́ɛ bó nɔ́ dó sɔ́ yě su.

Ɖɛhan 25:9

É nɔ́ kplá mɛ e nɔ sɔ́ yěɖée hwe lɛ́ɛ gbɔn hwɛjijɔ li jí; É nɔ́ kplɔ́n jlǒ tɔn yě.

Ɖɛhan 45:13

Ahwlivú Tíi tɔn, dɔkunnɔ ɖaxó ɖaxó lɛ́ɛ, mɛ e ɖó alɔnu hú mɛ bǐ lɛ́ɛ ná nɔ́ dó agban wá nú we, bó ná dó nyɔ́ ɖo así we.

Ɖɛhan 51:6

Hwi ɖokpónɔ géé wɛ un hu hwɛ dó, un wa nǔ e ma nyɔ́ nukún towe mɛ ǎ lɛ́ɛ; a na bo ɖó hwɛ ɖěbǔ nú mì hǔn, hwɛ towe jɔ; mɛɖé ná mɔ hwɛ nú we ǎ.

Ezayíi 11:4

É nɔ́ dó hwɛjijɔ nú wamamɔnɔ; hwɛjijɔ wɛ é nɔ́ xwedó dó ɖɔ hwɛ xá mɛ e ma ɖó mɛɖé ǎ é; xó tɔn cí kpo ɖɔhun, bɔ é ná dó xo to ɔ́, xó e ná tɔ́n sín nu tɔn mɛ ɔ́ wɛ ná hu mɛdídá.

Ezayíi 29:19

Mɛ e nɔ sɔ́ yěɖée hwe lɛ́ɛ ɔ́, yě ná nɔ́ ɖo awǎ jɛ dó awǎ jí wɛ ɖó Mawu Mavɔmavɔ wú. Wamamɔnɔ gǔdo gúdo tɔn lɛ́ɛ ɔ́, xomɛ ɖaxó ɖé ná nɔ́ hun yě ɖó Mɛ Mímɛ́ Izlayɛ́li tɔn ɔ́ wú.

Ezayíi 57:15

Mawu mímɛ́ ɔ́, éyɛ́ mɛ e hú gǎn nǔ bǐ, bɔ nɔtɛn tɔn ɖo te káká sɔ́yi é ɔ́, xó e é ɖɔ ɔ́ ɖíe: “Nyɛ Mawu mímɛ́ ɔ́, jǐxwé aga wɛ un nɔ nɔ. Amɔ̌, un ɖo kpɔ́ xá mɛ e nǔ cikɔ ná lɛ́ɛ, mɛ e sɔ́ yěɖée hwe lɛ́ɛ; un ɖo kpɔ́ xá mɛ e sɔ́ yěɖée hwe lɛ́ɛ bó ná ná gbɛ yě; un ɖo kpɔ́ xá mɛ e nǔ cikɔ ná lɛ́ɛ bó ná ná gbɛ yě.

Ezayíi 61:1

Yɛ Aklúnɔ Mavɔmavɔ tɔn ɖo jǐ ce, ɖó Mawu Mavɔmavɔ wɛ sɔ́ mì ɖó vo; é sɛ́ mì dó ɖɔ má yi dó wɛn ɖagbe ɖé wamamɔnɔ lɛ́ɛ, má yi hɛn sɔ mɛ e ɖo wǔvɛ́ mɔ wɛ ɖo ayi mɛ lɛ́ɛ, má yi ɖɔ nú kannumɔ lɛ́ɛ ɖɔ yě jɛ yěɖée sí, má yi ɖɔ nú gantɔ́ lɛ́ɛ ɖɔ è jó yě.

Jelemíi 51:59

Hwenu e Judáa xɔ́sú Sedesíyasi ɖo xwe ɛnɛ bló wɛ ɖo zinkpo jí ɔ́, é kpódó ahwangán tɔn Nɛliya kpó zɔn kpɔ́ sín Jeluzalɛ́mu yi Babilɔ́nu. Selaya ɔ́, Nɛliya ví wɛ, bó nyí Maxiseya vívú. Cóbónú yě ná jɛ ali ɔ́, gbeyíɖɔ Mawu tɔn Jelemíi wlán wěma ɖokpó dó así nú Selaya.

Matíe 11:29

Mi yí nǔkplɔ́nmɛ ce lɛ́ɛ se, bónú lǐndɔ̌n mitɔn lɛ́ɛ ná vo, ɖó mɛ fífá wɛ un nyí, bó nyí xomɛnyɔ́tɔ́.

Matíe 21:5

“Mi ɖɔ nú Sinyɔ́ɔnu lɛ́ɛ ɖɔ: axɔ́sú mitɔn ɖíe ja gɔ̌n mitɔn e; xomɛfífánɔ ɖé wɛ; bo jínjɔ́n tócí ɖé kpó tócíví ɖé kpó jí.”

Matíe 23:26

Falizyɛn nukúntíntɔ́nnɔ! To klɔ́ ká ɔ́ xomɛ hwɛ̌, bónú gúdo tɔn lɔ na mɛ́.

Matíe 5:5

Nǔ nyɔ́ nú mɛfífá lɛ́ɛ, ɖó ayǐkúngban ɔ́ na nyí yětɔn!

Luki 11:40

Yɛyinɔ e mi! Mɛ e bló agbǎn gúdo ɔ́ jɛ́n ká bló agbǎn xomɛ lɔmɔ̌ ǎ cé?

Luki 16:15

Jezu ka ɖɔ nú yě ɖɔ: “Midɛɛ lɛ́ɛ wɛ nɔ ɖe xlɛ́ ɖo gbɛtɔ́ lɛ́ɛ nukún mɛ ɖɔ émí nyí hwɛjijɔnɔ; lo ɔ́, Mawu tunwun ayi mitɔn. Đó nǔ e gbɛtɔ́ lɛ́ɛ nɔ mɔ dó mɔ nǔgɛ́n ɔ́, nǔ wɛ é nyí bɔ Mawu gbɛ́ wǎn na ɖésú.”

Hlɔ̌manu 1:23

Yě nɔ́ gɔn susu kpa nú Mawu e ma nɔ kú ǎ é, bó nɔ kpa susu nú bǒcyɔ gbɛtɔ́ e nɔ kú é tɔn, bó nɔ́ kpa nú bǒcyɔ xɛ lɛ́ɛ tɔn, kanlin e ɖó afɔ ɛnɛ lɛ́ɛ tɔn kpódó kanlin e nɔ sá lɛ́ɛ tɔn kpán.

Hlɔ̌manu 2:29

Lo ɔ́, mɛ e nyí Jwifu nǔgbó nǔgbó ɔ́ wɛ nyí mɛ e nyí Jwifu ɖo ayi mɛ é, mɛ e gbo ada ɖo ayi mɛ é. Ada énɛ́ ɔ́, Yɛ Mawu tɔn wɛ nɔ gbo nú mɛ; ényí nǔ e è wlán dó sɛ́nwéma mɛ lɛ́ɛ wɛ nɔ́ gbo nú mɛ ǎ. Jwifu nǔgbó nǔgbó énɛ́ ɔ́, gbɛtɔ́ wɛ nɔ kpa susu n'i ǎ, lo ɔ́, Mawu wɛ nɔ́ kpa susu n'i.

Hlɔ̌manu 6:6

Mǐ tunwun ganjí ɖɔ gbɛtɔ́ e mǐ ko nyí ɖ'ayǐ ɔ́, ká wɛ è ko ká gbɛtɔ́ énɛ́ kpódó Klísu kpó nyi aklúzu jí, bó ná sú kún dó nú hwɛhuhu sín ninɔmɛ e mǐ ɖó ɖ'ayǐ é, bónú mǐ ma sɔ́ nyí kannumɔ nú hwɛhuhu ɖě ó.

Hlɔ̌manu 7:22

Đo linlin ce mɛ ɔ́, Mawusɛ́n ɔ́ wɛ nɔ dó xomɛhunhun nú mì.

2 Kɔlɛ́ntinu 10:1

Nyɛ Pɔ́lu e è nɔ ɖɔ, nú un ɖo kpɔ́ xá mi ɔ́, un nɔ fá, un ka ɖo zɔ ɔ́ un nɔ wa adǎn sɛ́ dó mi ɔ́, nyɛ ɖésú wɛ ɖo nǔ élɔ́ byɔ́ mi wɛ; gbɔn xomɛfífá kpó xomɛnyínyɔ́ Klísu tɔn kpó mɛ ɔ́, un ɖo vo sa nú mi wɛ ɖɔ:

2 Kɔlɛ́ntinu 4:16

Nǔ e wútu awakanmɛ ma nɔ kú mǐ ǎ ɔ́ nɛ́. Nú nǔ e mǐ nyǐ ɖo agbaza mɛ ɔ́ ná bo ɖo gblěgblé wɛ ɔ́, nǔ e mǐ nyí ɖo Yɛsinsɛn li jí ɔ́ nɔ ɖo hlɔ̌nhlɔ́n mɔ wɛ ayǐhɔ́ngbe ayǐhɔ́ngbe.

Galatinu 5:23

fífá, mɛɖéejíɖuɖe ; nǔgbó ɔ́, sɛ́n ɔ́ gbɛ́ nǔ énɛ́ lɛ́ɛ ǎ.

Efɛ́zinu 4:2

Mi nɔ sɔ́ miɖée hwe hwebǐnu; mi nɔ ɖó xomɛfífá, bó nɔ́ ɖó suúlu. Mi nɔ mɔ miɖée gbɔ ɖo wǎn yíyí mɛ.

Kolósinu 3:12

Mɛɖeɖóvo Mawu tɔn wɛ mi nyí. Mɛvívɛ́ná Mawu tɔn wɛ mi nyí, bɔ é sɔ́ mi, bónú mi ná nyí étɔn. Énɛ́ ɔ́ wútu wɛ mi ɖó ná sɔ́ nǔbláwǔkúnúmɛ, xomɛnyínyɔ́, mɛɖéesɔ́hwe, xomɛfífá kpó suúlu kpó dó awu ɖɔhun.

Kolósinu 3:3

Đó mi kú, bɔ gbɛ mitɔn kpó Klísu tɔn kpó ɖo hwlǎhwlá ɖo Mawu mɛ.

1 Tɛsalonikinu 4:11

Mi dó gǎn, bónú fífá ní nɔ́ nɔ tɛ́ntin mitɔn; mi dó gǎn bó nɔ́ kpé nukún dó nǔ mi ɖésúnɔ tɔn lɛ́ɛ wú; mi dó gǎn bó nɔ́ wa azɔ̌ kpó alɔ mi ɖésúnɔ tɔn kpó lě e mǐ kó ɖɔ nú mi gbɔn é.

2 Tɛsalonikinu 3:12

Mɛ énɛ́ lɛ́ɛ ɔ́, mǐ ɖo byɔ̌byɔ́ yě wɛ, bó lɛ́ ɖo zǐnzɔ́n yě wɛ ɖo Aklúnɔ Jezu Klísu sín nyǐkɔ mɛ wɛ ɖɔ yě ní ma nɔ nya xó gbé ó; yě ní nɔ ɖó kan dó azɔ̌ wú, bó ná dó sixú nyí yě ɖésú.

1 Timɔtée 2:2

Mi xo ɖɛ nú axɔ́sú lɛ́ɛ kpódó mɛ e sín alɔ mɛ acɛkpikpa ɖe lɛ́ɛ bǐ kpán, bónú mǐ ná sixú mɔ vivo kpódó fífá kpó, ɖo sísí titewungbe ɖó nú Mawu kpódó jijɔ ɖagbe zínzán kpó mɛ.

2 Timɔtée 2:25

É ɖó ná nɔ sɔ́ xomɛ fífá dó kplɔ́n nǔ mɛ e ma ɖo xó ɖokpó ɔ́ ɖɔ xá ɛ wɛ ǎ lɛ́ɛ; afɔ nyɔ́ ɔ́, Mawu ná bló bɔ yě ná lɛ́ kɔ sín hwɛ yětɔn lɛ́ɛ gúdo, bó ná mɔ nukúnnú jɛ nǔgbó ɔ́ wú.

Titu 3:2

Yě ní ma nɔ ɖɔ xó nyanya dó mɛɖé wú ó; yě ní nyí mɛfífá, bó nyɔ́ xomɛ, bónú yě ní nɔ ɖe xomɛfífá xlɛ́ mɛ lɛ́ɛ bǐ hwebǐnu.

Jaki 1:21

Énɛ́ ɔ́ wútu ɔ́, mi ní jó nǔ e ná hɛn mɛ kwíji é bǐ kpódó azɔ̌ nyanya bǐ kpán dó. Mi yí xó e Mawu sɔ́ dó ayi mitɔn mɛ ɔ́ kpó xomɛ fífá kpó; ɖó xó ɔ́ hɛn ɔ́, é ná hwlɛ́n mi gán.

1 Piyɛ́ɛ 1:23

Nǔgbó ɔ́, mi vɔ́ jɔ; é ka nyí nǔkún e nɔ kú ɔ́ jí wɛ mi vɔ́ jɔ gbɔn ǎ; lo ɔ́, nǔkún e ma nɔ kú ǎ ɔ́ jí wɛ mi vɔ́ jɔ gbɔn; xó gbɛɖe, xó mavɔ mavɔ Mawu tɔn ɔ́ wɛ zɔ́n bɔ mi vɔ́ jɔ.

1 Piyɛ́ɛ 3:15

Lo ɔ́, mi tunwun dó ayi mitɔn mɛ ɖɔ Klísu Aklúnɔ ɖokpónɔ géé jɛ́n nyí Mɛ mímɛ́. Mi ɖo gbesisɔ mɛ hwebǐnu, bónú mɛɖé byɔ́ mi ɖɔ mi ní tín nǔ mɛ nú émí dó nǔ e ɖó nukún wɛ mi ɖe ɔ́ wú ɔ́, mi ná ná sin tɔn mɛ ɔ́.

1 Samuwɛ́li 16:7

Mawu Mavɔmavɔ ká ɖɔ nú Samuwɛ́li ɖɔ: “Ma nú ninɔmɛ tɔn blɛ́ we ó, ma ka nú ga tɔn blɛ́ we ó, ɖó é wɛ un sɔ́ ǎ. Nǔ e nyí nǔxɔ-akwɛ́ ɖo gbɛtɔ́ lɛ́ɛ nukún mɛ ɔ́ nɔ xɔ akwɛ́ nyɛ Mawu nukún mɛ ǎ. Nǔ e ɖo wěxo ɔ́ wɛ gbɛtɔ́ nɔ kpɔ́n, ayixa mɛ wɛ nyɛ Mawu Mavɔmavɔ ká nɔ́ kpɔ́n.”