1 Piyɛ́ɛ 3:3 - MAWUXÓWÉMA

³ Mi ma nú acɔ́ɖónú wěxo tɔn lɛ́ɛ ɖi ɖablóbló, sikánú lɛ́ɛ, avɔ ɖagbe ɖagbe lɛ́ɛ wɛ mi ná nɔ́ dó ba acɔ́ ná ó.

1 Piyɛ́ɛ 3:3 Iomraidhean Croise

Bǐbɛ́mɛ 24:22

Ée lǎkúnmí lɛ́ɛ nu sin fó ɔ́, nya ɔ́ zé sikálɔkɛ́ ɖokpó, bɔ é da glǎmu ayizɛ́n, bó zé sikálɔgan we, bɔ ɖokpó ɖokpó da hú glǎmu kanwe ko (100). É fɔ nǔ énɛ́ lɛ́ɛ bǐ jó nú ɖyɔ̌vǐ ɔ́,

Bǐbɛ́mɛ 24:47

Énɛ́ ɔ́, un kanbyɔ́ ɛ ɖɔ: ‘Mɛ̌ ví ká nú we?’ Bɔ é yí gbe nú mì ɖɔ: ‘Betuwɛ́li ví wɛ un nyí, bó nyí Naxɔ́ɔ kpó asi tɔn Miluka kpó sín vǐvú.’ Ée é ɖɔ mɔ̌ ɔ́, un dó alɔkɛ́ awɔntín n'i, bó dó alɔgan alɔ n'i.

Bǐbɛ́mɛ 24:53

bó ɖe nǔ e è sɔ́ kpatágan dó bló ná lɛ́ɛ, ée è sɔ́ siká dó bló ná lɛ́ɛ, kpódó avɔ kpó tɔ́n, bó ná Hlebeka; é lɛ́ ná nǔ Hlebeka sín nɔví kpó nɔ tɔn kpó bɔ é fɛ́ wǔ.

2 Axɔ́sú 9:30

Jehu xwe Izleyɛ́li toxo ɔ́ mɛ. Ée Jezabɛ́li se mɔ̌ ɔ́, é sá nǔ dó wundama, bó bló ɖa tɔn ɖó, bó yi cí flɛtɛ́li nu ɖo síngbó jí, bó ɖo do kpɔ́n sɛ́ dó wɛ.

Ɛsitɛ́ɛ 5:1

Ée azǎn atɔn e yě sɔ́ ɖó te dó blá nu ɔ́ vɔ ɔ́, Ɛsitɛ́ɛ dó axɔ́si wu tɔn lɛ́ɛ, bó yi fí e axɔ́sú nɔ́ nɔ ɖo hɔn ɔ́ mɛ é, bó nɔ te ɖo kɔ́xota, ɖo axɔ́sú ɔ́ sín xɔ nukɔn. Axɔ́sú ɔ́ ká ɖo ayǐjínjɔ́n ɖo axɔ́súzinkpo tɔn jí ɖo xɔ mɛ, bó kpan nukɔn xɔli ɔ́.

Ɖɛhan 45:9

Célu wǎnnywɛ́ mǐla, alowɛ́si kpódó kesya kpó sín wǎn wɛ è nɔ se ɖo nǔ e a nɔ dó lɛ́ɛ mɛ. Xwé towe ɔ́, ajinakúɖú wɛ è dǒ ba acɔ́ ná; è nɔ́ ɖo nǔ xo wɛ ɖo fínɛ́, bó ná dó ɖe ayi towe ɖ'ayǐ.

Tíntɔ́n 3:22

Izlayɛ́li nyɔ̌nu lɛ́ɛ ɖokpó ɖokpó ná byɔ́ nǔ e è sɔ́ kpatágan dó bló ná lɛ́ɛ, bó ná byɔ́ sikánú kpó nǔzínzán kpó nyɔ̌nu e ɖo xwé yětɔn kpá lɛ́ɛ, kpó ée ɖo xwé yětɔn gbe lɛ́ɛ kpó; mi ná dó agban tɔn nú vǐ mitɔn súnnu kpó nyɔ̌nu kpó. Énɛ́ ɔ́, mi ná vɔ Ejípunu lɛ́ɛ.”

Tíntɔ́n 32:2

Aalɔ́ɔn ɖɔ nú yě ɖɔ: “Mi bó yí siká tógbé e asi mitɔn lɛ́ɛ dó lɛ́ɛ, kpó éé vǐ mitɔn súnnu kpódó nyɔ̌nu kpó dó lɛ́ɛ kpó, bó bɛ́ yě wá nú mì.”

Tíntɔ́n 33:4

Hwenu e togun ɔ́ se adǎn énɛ́ ɔ́ e Mawu Mavɔmavɔ gblɔ́n n'i ɔ́, wǔ kú i, káká bɔ mɛ ɖěbǔ sɔ́ ba acɔ́ ǎ.

Tíntɔ́n 35:22

Súnnu kpó nyɔ̌nu kpó wɛ wá; yě mɛ e ɖó jlǒ ɖagbe lɛ́ɛ bǐ wɛ hɛn nǔ e è nɔ sɔ́ ɖó awu wú lɛ́ɛ, tógbé lɛ́ɛ, alɔgan lɛ́ɛ kpódó kɔjɛ́ lɛ́ɛ kpó wá nú Mawu Mavɔmavɔ. Nǔ é nɛ́ lɛ́ɛ bǐ wɛ nyí sikánú. Mɛ ɖokpó ɖokpó nɔ́ sɔ́ jó lě e è nɔ bló gbɔn bó nɔ́ sɔ́ nǔ jó nú Mawu Mavɔmavɔ é.

Tíntɔ́n 38:8

É zé ganvɔ dó bló gannú ɖokpó kpó afɔ e jí è sɔ́ ɖó ɔ́ kpó; nyɔ̌nu e nɔ kplé ɖo goxɔ ɔ́ lihɛ́nnu lɛ́ɛ sín wě wɛ è sɔ́ dó bló nǔ énɛ́ lɛ́ɛ ná.

Ezayíi 52:1

Jeluzalɛ́mu fɔ́n, yǎ wǔ fɔ́n! Đe hlɔ̌nhlɔ́n towe xlɛ́! Sinyɔ́ɔ, toxo mímɛ́, dǒ nǔzínzán towe e nyɔ́ ɖɛkpɛ hú ɖě lɛ́ɛ bǐ é, ɖó toɖévomɛnu ɖě sɔ́ ná tɛ afɔ to towe mɛ ǎ; mɛ blíblí ɖě sɔ́ ná tɛ afɔ toxo towe mɛ ǎ.

Ezayíi 61:10

Un ɖo awǎjijɛ mɛ ɖě ɖo ɖě jí ɖó Mawu Mavɔmavɔ wútu. Xomɛ ɖo hunhun mì wɛ ɖó Mawu ce wú. Nǔgbó wɛ, é hwlɛ́n mì gán, bó sɔ́ hwlɛngán tɔn dó nú mì awu ɖaxó ɖé ɖɔhun; é sɔ́ ɖuɖéjí tɔn cyɔ́n nú mì avɔ ɖɔhun; un cí dɔ̌nkpɛvú e da asi yɔ̌yɔ́, bó sɔ́ tablá ɖagbe ɖagbe ɖé ɖó ta ɔ́ ɖɔhun; un cí ɖyɔ̌vǐ e da asú yɔ̌yɔ́, bó dó sikánú yɛɖɛɖɛ ɔ́ ɖɔhun.

Jelemíi 2:32

Đyɔ̌vǐ nɔ wɔn acɔ́ɖónú tɔn lɛ́ɛ wɛ a? Nyɔ̌nu xwési nɔ́ wɔn aɖɔkɛn tɔn wɛ a? É jɔ kpɔ́n ǎ, amɔ̌ midɛɛ lɛ́ɛ e nyí togun ce ɔ́, mi wɔn mì; mi wɔn mì bɔ azǎn tɔn sɔ́ nyí xixa ǎ.”

Jelemíi 4:30

Jeluzalɛ́mu, hwi ɖíe è gba bǐ e! Nɛ̌ a ka ná wa nǔ gbɔn din? A nɔ dó awu ɖagbe ɖagbe lɛ́ɛ, a nɔ́ dó sikánú lɛ́ɛ; a nɔ tá nǔ dó nukún. A nɔ ɖo kan xo wɛ bó nɔ́ ɖo hwiɖée bló ɖó wɛ mɔ̌ có, nǔ yǎyá wa wɛ a ɖe; xɔnnɔ towe lɛ́ɛ ɖo xó towe ba wɛ ǎ, kú towe ba wɛ yě ɖe.

Ezekiyɛ́li 23:40

Hú mɔ̌ ɔ́, yě sɛ́ wɛn dó súnnu ɖěvo lɛ́ɛ ɖo to ɖěvo mɛ ɖɔ yě ní wá. Ée súnnu lɛ́ɛ se wɛn yětɔn lě tlóló ɔ́, yě wǎ gɔ̌n yětɔn; Oxóla kpó Oxoliba kpó ba acɔ́ ɖ'ayǐ nú súnnu lɛ́ɛ; yě lɛ wǔ ganjí bó sá nǔ dó wundama bó dó sikánú tɛnmɛ tɛnmɛ.

Hlɔ̌manu 12:2

Mi ma nɔ wa nǔ lě e gbɛ ɔ́ nɔ wa nǔ gbɔn é ó; lo ɔ́, mi jó Mawu dó, nú é húzú mi gbɔn ayi mitɔn sín hǔzúhúzú gbla mɛ. Énɛ́ ɔ́, mi ná sixú tunwun jlǒ Mawu tɔn: é wɛ nyí nǔ ɖagbe; nǔ e nɔ nyɔ́ nukún tɔn mɛ é; nǔ e sɔgbe bɔ nǔ bǐ vɔ ɖ'é wú é.

1 Piyɛ́ɛ 3:2

ɖó yě ná mɔ lě e zǐnzán mitɔn mɛ́, bó ɖó sísí gbɔn é.