1 Piyɛ́ɛ 3:2 - MAWUXÓWÉMA

² ɖó yě ná mɔ lě e zǐnzán mitɔn mɛ́, bó ɖó sísí gbɔn é.

1 Piyɛ́ɛ 3:2 Iomraidhean Croise

Efɛ́zinu 5:33

É ka lɛ́ ɖo xó ɖɔ dó mǐ lɔmɔ̌ wú wɛ: súnnu ɖokpó ɖokpó ɖó ná yí wǎn nú asi tɔn é ɖésúnɔ ɖɔhun; nyɔ̌nu ɖokpó ɖokpó ɖó ná sí asú tɔn.

Efɛ́zinu 6:5

Kannumɔ lɛ́ɛ mi, mi se tónú nú gǎn mitɔn e ɖo ayǐkúngban jí fí lɛ́ɛ é, kpó sísí kpó, kpó sísɔ́sísɔ́ kpó, kpódó ayijlɔ́jlɔ́ kpó Klísu sɛn wɛ mi ɖe ɖɔhun.

Filípunu 1:27

Nǔ e mi ná wa kpowun ɔ́ wɛ nyí ɖɔ mi ní zán gbɛ mitɔn lě e Wɛn Ɖagbe Klísu tɔn ɔ́ zɔ́n gbɔn é. Énɛ́ wú ɔ́, nú un wá mi gɔ́n oo, abǐ un gɔn mi gɔ́n oo, má se ɖɔ mi syɛ́nlǐn, bó ɖó linlin ɖokpó ɔ́, lobo zé ayixa ɖokpó ɔ́ dó ɖo ahwan fun ɖó kpɔ́ wɛ, nú nǔɖiɖi e Wɛn Ɖagbe ɔ́ nɔ na mɛ é.

Filípunu 3:20

Mǐdɛɛ lɛ́ɛ ɔ́, sɛ́xwé tɔn wɛ mǐ nyí, bó ɖo te kpɔ́n Mɛhwlɛ́ngántɔ́ mǐtɔn e nyí Aklúnɔ Jezu Klísu ɔ́ vɛ́návɛ́ná.

Kolósinu 3:22

Kannumɔ lɛ́ɛ mi, mi se tónú nú gǎn mitɔn e ɖo ayǐkúngban jí fí lɛ́ɛ ɖo nǔ bǐ mɛ; ní ma nyí hwenu e yě ɖo mi cɔ́ wɛ ɔ́ jɛ́n mi ná nɔ wa nǔ gbɔn mɔ̌, bó ná dó nyí mɛ ɖo yě sí ó; lo ɔ́, mi se tónú nú yě, kpó ayixa ɖagbe kpó, ɖó sísí e mi ɖó nú Aklúnɔ ɔ́ wútu.

1 Timɔtée 4:12

Ma lɔn nú mɛɖé mɔ yɔkpɔ́vú towe, bó ɖó hwɛ nú we ó. Lo ɔ́, nyǐ kpɔ́ndéwú nú nǔɖitɔ́ lɛ́ɛ, bó nyí kpɔ́ndéwú ɖo xóɖiɖɔ mɛ, bó nyí kpɔ́ndéwú ɖo zǐnzán kpó wǎn yíyí kpó mɛ, bó nyí kpɔ́ndéwú ɖo nǔɖiɖi kpó gbɛ mímɛ́ e a nɔ zán ɔ́ kpó mɛ.

1 Piyɛ́ɛ 1:15

Lo ɔ́, mi ní nyí mɛ mímɛ́ ɖo nǔwiwa mitɔn bǐ mɛ, lě e Mawu e ylɔ́ mi ɔ́ nyí mɛ mímɛ́ gbɔn é.

1 Piyɛ́ɛ 2:12

Mi zán gbɛ ɖagbe ɖo mɛ e ma ɖi nǔ nú Mawu ǎ lɛ́ɛ tɛ́ntin; énɛ́ ɔ́, nú yě na bo ɖo hwɛ dó mi wɛ ɖɔ mi nyí nǔnyanyawatɔ́ ɔ́, yě ná wá mɔ nǔ jɛ azɔ̌ ɖagbe e mi nɔ wa lɛ́ɛ wú dandan, bó ná kpa susu nú Mawu ɖo azǎn e gbe é ná ba yě kpɔ́n é.

1 Piyɛ́ɛ 3:1

Nyɔ̌nu lɛ́ɛ mi, mɔ̌ ɖokpó ɔ́, mi hwíhwɛ́ miɖée dó asú mitɔn lɛ́ɛ glɔ́, bónú mɛɖé ɖo yě mɛ, bó má ɖi nǔ nú Mawuxó ɔ́ ǎ ɔ́, mi ná dɔn ɛ gbɔn walɔ mitɔn lɛ́ɛ gbla mɛ, bɔ é ná ɖi nǔ. É byɔ́ ɖɔ mi ní ɖɔ xó ɖé ǎ;

1 Piyɛ́ɛ 3:3

Mi ma nú acɔ́ɖónú wěxo tɔn lɛ́ɛ ɖi ɖablóbló, sikánú lɛ́ɛ, avɔ ɖagbe ɖagbe lɛ́ɛ wɛ mi ná nɔ́ dó ba acɔ́ ná ó.

2 Piyɛ́ɛ 3:11

Ée é nyí ɖɔ nǔ énɛ́ lɛ́ɛ bǐ ná vɔ gbɔn mɔ̌ ɔ́, mi mɔ nukúnnú jɛ ninɔmɛ e mi ɖó ná ɖó ɔ́ wú ganjí. Mi ɖó ná nɔ zán gbɛ mímɛ́, bó ná nɔ ɖó sísí nú Mawu,