1 Piyɛ́ɛ 3:1 - MAWUXÓWÉMA

¹ Nyɔ̌nu lɛ́ɛ mi, mɔ̌ ɖokpó ɔ́, mi hwíhwɛ́ miɖée dó asú mitɔn lɛ́ɛ glɔ́, bónú mɛɖé ɖo yě mɛ, bó má ɖi nǔ nú Mawuxó ɔ́ ǎ ɔ́, mi ná dɔn ɛ gbɔn walɔ mitɔn lɛ́ɛ gbla mɛ, bɔ é ná ɖi nǔ. É byɔ́ ɖɔ mi ní ɖɔ xó ɖé ǎ;

1 Piyɛ́ɛ 3:1 Iomraidhean Croise

Bǐbɛ́mɛ 3:16

Énɛ́ ɔ́ gúdo ɔ́, Mawu Mavɔmavɔ ɖɔ nú nyɔ̌nu ɔ́ ɖɔ: “Un ná bló bɔ a mɔ xo ɔ́, a nǎ nɔ́ mɔ wǔvɛ́ ɖésú; a yi ajidonu ɔ́, a nǎ mɔ wǔvɛ́; asú towe ná nɔ́ jló we, éyɛ́ ká ná ɖu gǎn ɖo jǐ towe.”

Nǔnywɛ́xó 11:30

Mɛ e nɔ wa nǔ ɖó sɛ́nxwi jí ɔ́, nǔ e é nɔ́ wa ɔ́, atín e nɔ́ ná gbɛ mɛ ɔ́ wɛ; mɛ e ɖó nǔnywɛ́ ɔ́, gbɛtɔ́ nɔ ɖeji dó wǔ tɔn.

Nǔnywɛ́xó 18:19

Nɔví e è jɛ do ná ɔ́ nɔ́ sú ayi mɛ hɔn dó mɛ, bɔ é nɔ́ syɛ́n hú ahohó; mɔ̌ ɖokpó ɔ́, adɔndindɔn nɔ sú ayi mɛ hɔn dó mɛ, bɔ é nɔ́ syɛ́n hɔntogbó e è glǎ ɔ́ ɖɔhun.

Matíe 18:15

“Ényí mɛ e nyí nɔví towe ɖo nǔɖiɖi mɛ ɔ́ ɖě wa nǔ nyi do nú we hǔn, yi mɔ ɛ, bó ɖɔ nǔ e é wa nyi do ɔ́ n'i, bónú hwi kpó é kpó we lɛ́ɛ ní ɖɔ gbo, ɖo miɖée tɛ́ntin. Nú é se xó towe hǔn, a ɖe e ɖó ali jí nɛ́.

Hlɔ̌manu 10:16

Amɔ̌, mɛ bǐ yí gbe nú Wɛn Ɖagbe ɔ́ ǎ. Nǔgbó ɔ́, Ezayíi ɖɔ: “Aklúnɔ, mɛ̌ ka ɖi nǔ nú Mawuxó e mǐ ɖɔ é?”

Hlɔ̌manu 6:17

Lo ɔ́, è ní kpa susu nú Mawu! Mi mɛ e ko nyí kannumɔ nú hwɛhuhu ɖ'ayǐ ɔ́, din ɔ́, mi se tónú kpódó ayixa mitɔn bǐ sésé kpo nú kpɔ́ndéwú e ɖo kplɔ́n e mi yí ɔ́ mɛ é.

Hlɔ̌manu 7:2

Nǔ e wú è nǎ kpɔ́n dó ɔ́ ɖíe: nyɔ̌nu e ɖo asúxwé ɔ́, sɛ́n ɔ́ cá ɛ dó asú tɔn wú, káká yi jɛ hwenu e asú tɔn ná nɔ gbɛ xɔ é bǐ; lo ɔ́, ényí asú ɔ́ kú ɔ́, nyɔ̌nu ɔ́ gosín sɛ́n e cá ɛ dó asú tɔn wú ɔ́ sín acɛ mɛ.

1 Kɔlɛ́ntinu 11:3

É ka ɖo mɔ̌ có, un jló ɖɔ mi ní mɔ nukúnnú jɛ nǔ élɔ́ wú: Klísu nyí gǎn nú súnnu bǐ; asisúnɔ nyí gǎn nú asi tɔn, bɔ Mawu ka nyí gǎn nú Klísu.

1 Kɔlɛ́ntinu 14:34

nyɔ̌nu lɛ́ɛ ɖó ná nɔ abwɛ̌ hwenu e agun ɔ́ kplé é: è nǎ gbe yě ɖɔ yě ní ɖɔ xó ǎ; lě e sɛ́n ɔ́ lɔmɔ̌ ɖɔ gbɔn ɔ́, yě ɖó ná hwíhwɛ́ yěɖée.

1 Kɔlɛ́ntinu 7:16

Hwi nyɔ̌nu e ɖi nǔ nú Klísu ɔ́, a tunwun nú a nǎ hwlɛ́n asú towe gán a? Abǐ hwi súnnu e ɖi nǔ nú Klísu ɔ́, a tunwun nú a nǎ hwlɛ́n asi towe gán a?

Efɛ́zinu 5:33

É ka lɛ́ ɖo xó ɖɔ dó mǐ lɔmɔ̌ wú wɛ: súnnu ɖokpó ɖokpó ɖó ná yí wǎn nú asi tɔn é ɖésúnɔ ɖɔhun; nyɔ̌nu ɖokpó ɖokpó ɖó ná sí asú tɔn.

Kolósinu 3:18

Nyɔ̌nu lɛ́ɛ mi, mi ní hwíhwɛ́ miɖée ɖo asú mitɔn lɛ́ɛ glɔ́, lě e é jɛ xá ɖɔ è nǐ bló gbɔn ɖo bǔ e mi ɖe xá Aklúnɔ ɔ́ mɛ é.

Kolósinu 4:5

Mi zán gbɛ mitɔn kpó nǔnywɛ́ kpó xá mɛ e ma ɖo agun Klísu tɔn mɛ ǎ lɛ́ɛ; ali tɔn hun nú mi hweɖěbǔnu hǔn, mi hwlɛ́ndó.

Eblée 11:8

Nǔɖiɖi e Ablaxámu ɖó ɔ́ wɛ zɔ́n bɔ hwenu e Mawu ylɔ̌ ɛ ɔ́, é se tónú n'i, bó ɖidó to e ná ná ɛ wɛ Mawu ɖe, bɔ é ná nyí étɔn ɔ́ mɛ. É gosín to é ɖésúnɔ tɔn mɛ, bó ɖidó, ma tunwun fí e é xwe é.

Eblée 5:9

Ée Mawu sɔ́ ɛ dó ɖó mɛ mímɛ́ bɔ nǔ bǐ vɔ ɖ'é wú ɔ́, é húzú hwlɛngán mavɔ mavɔ sín jɔtɛn nú mɛ e nɔ se tónú n'i lɛ́ɛ é bǐ,

1 Piyɛ́ɛ 1:22

Mi se tónú nú nǔgbó ɔ́, bó dó slá wǔ nú miɖée, bó ná dó yí wǎn titewungbe nú nɔví mitɔn ɖo nǔɖiɖi mɛ lɛ́ɛ. Hǔn, mi bo yí wǎn ɖaxó nú miɖée kpó ayixa mitɔn bǐ kpó.

1 Piyɛ́ɛ 3:2

ɖó yě ná mɔ lě e zǐnzán mitɔn mɛ́, bó ɖó sísí gbɔn é.

1 Piyɛ́ɛ 3:7

Asisúnɔ lɛ́ɛ mi, mɔ̌ ɖokpó ɔ́, mi tunwun ɖɔ asi mitɔn lɛ́ɛ kún ɖó gǎn ɖé sɔ mi ó, bónú mi ná nɔ kpɔ́n dó énɛ́ ɔ́ wú, bó ná nɔ zán gbɛ ɖagbe xá yě; mi nɔ wlí yɛ̌yi nú yě, ɖó yě kpó mi kpó wɛ Mawu ná ná gbɛ jɔ gbɛ. Mi nɔ wa nǔ gbɔn mɔ̌, bónú nǔ ɖěbǔ ma ɖó ɖɛ e mi nɔ xo lɛ́ɛ te ó.

1 Piyɛ́ɛ 4:17

Hwenu e hwɛɖiɖɔ ná bɛ́ dó ɔ́ ko su; xwédo Mawu tɔn ɔ́ wɛ è ka ná ɖɔ hwɛ xá jɛ nukɔn. Ée é ka nyí ɖɔ mǐdɛɛ lɛ́ɛ jí wɛ è nǎ bɛ́ hwɛɖiɖɔ sín ɔ́, hwenu e é ná wá jɛ mɛ e gbɛ́ wǎn nú Wɛn Ɖagbe Mawu tɔn lɛ́ɛ jí ɔ́, nɛ̌ wɛ yětɔn ná fó gbɔn?