1 Piyɛ́ɛ 2:9 - MAWUXÓWÉMA

⁹ Amɔ̌ midɛɛ lɛ́ɛ ɔ́, akɔta e è cyán ɔ́ wɛ mi nyí, bó nyí vɔ̌sánú-xwlémawutɔ́ axɔ́sú ɔ́ tɔn; akɔta ɖe ɖó vo wɛ mi nyí, bó nyí togun Mawu tɔn. Mawu e ylɔ́ mi nú mi ná gosín ablu mɛ, bó wá wěziza tɔn ɖagbe ɖagbe ɔ́ nu ɔ́ cyán mi bónú mi ná jlá azɔ̌ ɖagbe ɖagbe e é nɔ wa lɛ́ɛ.

1 Piyɛ́ɛ 2:9 Iomraidhean Croise

Ɖɛhan 106:5

Énɛ́ ɔ́, nyi lɔ ná mɔ ɖagbe e a nɔ wa nú mɛ e a sɔ́ ɖó vo lɛ́ɛ é, awǎ e jɛ wɛ togun towe ɖe ɔ́ ná dó xomɛhunhun nú mì, nyi lɔ ná gó togun e nyí towe é ɖɔhun.

Ɖɛhan 118:27

Mawu Mavɔmavɔ wɛ nyí Mawu, é wɛ nɔ́ ná wěziza mǐ. Mi dó kan kanlin e ná hu wɛ è ɖe lɛ́ɛ, bó dɔn yě yi káká vɔ̌sákpe ɔ́ sín zwe lɛ́ɛ kɔn.

Ɖɛhan 135:4

Mawu Mavɔmavɔ sɔ́ Jakɔ́bu bɔ é nyí étɔn; é sɔ́ Izlayɛ́li bɔ é nyí étɔn tunwuntunwun.

Ɖɛhan 22:30

Mɛ e jɛ dɔkun ɖo ayǐkúngban jí fí bó ɖu nǔ gɔ́ xo lɛ́ɛ bǐ ná ɖe kɔ́; yě mɛ e ɖo kúdonu, bó má sɔ́ sixú nɔ gbɛ ǎ lɛ́ɛ, bǐ nǎ yi do n'i.

Ɖɛhan 33:12

Nǔ nyɔ́ nú akɔta e nɔ sɛn Mawu Mavɔmavɔ ɖokpónɔ é; nǔ nyɔ́ nú togun e Mawu Mavɔmavɔ sɔ́ dó ɖó togun tɔn é.

Ɖɛhan 73:15

Nú un ka ɖɔ un ná ɖɔ xó yě ɖɔhun ɔ́, un ná sa vǐ towe lɛ́ɛ.

Ezayíi 26:2

Mi hun hɔntogbó lɛ́ɛ kɛ́. Mi jó togun e se tónú nú Mawu bó ɖo gbejí n'i ɔ́ dó bónú é byɔ́ xwé gbe.

Ezayíi 41:8

“Mɛsɛntɔ́ ce Izlayɛ́li, ɖǒtó mì; hwi togun Jakɔ́bu tɔn e un sɔ́ é, hwi xɔ́ntɔn ce Ablaxámu kún ɔ́.

Ezayíi 42:16

Un ná kplá nukúntíntɔ́nnɔ lɛ́ɛ gbɔn ali ɖé jí, ali e yě ma gbɔn gbeɖé ǎ é jí. Yědɛɛ lɛ́ɛ ɔ́, un ná sɔ́ zǐnflú dó húzú wěziza nú yě, bó ná gbígbá nǔ e wú yě ná klɛ́n afɔ dó é. Nǔ e un lɛ́n bó ná wa lɛ́ɛ nɛ́. Un ná jó dó gbeɖé ǎ; un ná bló géé.

Ezayíi 44:1

Mawu ɖɔ: “Din ɔ́, Jakɔ́bu togun, mɛsɛntɔ́ ce, ɖǒtó; Izlayɛ́li, hwi mɛ e un sɔ́ é, ɖǒtó mì.

Ezayíi 61:6

Amɔ̌, midɛɛ lɛ́ɛ ɔ́, è nǎ nɔ́ ylɔ́ mi ɖɔ “Vɔ̌sánú-xwlémawutɔ́.” È nǎ nɔ́ ylɔ́ mi ɖɔ “Mɛsɛntɔ́ Mawu Mavɔmavɔ tɔn.” Dɔkun akɔta lɛ́ɛ tɔn ná nyí mitɔn. Mi ná nɔ́ gó, ɖó dɔkun yětɔn ɔ́, mitɔn wɛ.

Ezayíi 62:12

È nǎ nɔ́ ylɔ́ yě ɖɔ: “Togun e Mawu sɔ́ ɖó vo nú éɖée” é, “mɛ e Mawu Mavɔmavɔ tún kan ná lɛ́ɛ” é. Jeluzalɛ́mu, hwɛ ɔ́, è sɔ́ ná nɔ́ ylɔ́ we ɖě ɖɔ: “Toxo e è jǒ dó ɔ́” ǎ, lo ɔ́, è nǎ nɔ́ ylɔ́ we ɖɔ: “Toxo e ba wɛ mɛ bǐ ɖe” é.

Ezayíi 66:21

Un ná fɔ mɛ ɖé lɛ́ɛ ɖo yě mɛ dó ɖó vɔ̌sánú-xwlémawutɔ́ kpó Levíi ví kpó. Xó e nyɛ Mawu Mavɔmavɔ ɖɔ ɔ́ nɛ́.”

Ezayíi 9:2

Mawu, a nǎ vǐ akɔta ɔ́ bɔ é ji gba, a dǒ xomɛhunhun xomɛhunhun jí nú yě, yě ɖo awǎ jɛ wɛ ɖo nukɔn towe mɛ e ji jɛ ná é ɖɔhun; yě ɖo xwe ɖu wɛ lě e è nɔ yi gba to ɖé, bó nɔ wá ɖo nǔ e è bɛ̌ sín ahwangbénu lɛ́ɛ má wɛ é ɖɔhun.

Malacíi 3:17

Bɔ Mawu Mavɔmavɔ Nǔbǐwúkpétɔ́ ɔ́ ɖɔ: “Gbe e gbe un ná ɖe hlɔ̌nhlɔ́n ce xlɛ́ ɔ́, un ná zé mɛ énɛ́ lɛ́ɛ dó ɖó mɛ ce ná. Yě ná nyí togun ce, un ná nyɔ́ xomɛ dó yě wú lě e tɔ́ nɔ́ nyɔ́ xomɛ dó vǐ e nɔ́ sɛn ɛ ɔ́ wú gbɔn é.

Matíe 4:16

togun énɛ́ e ɖo zǐnflú mɛ ɔ́ mɔ wěziza ɖaxó ɖé, bɔ yě mɛ e ɖo kúyɛmɛ lɛ́ɛ ɔ́, wěziza hɔ́n dó yě jí.”

Matíe 5:16

Wěziza mitɔn ní bo hɔ́n ɖo gbɛtɔ́ lɛ́ɛ nukɔn, bónú yě ní mɔ nǔ ɖagbe wiwa mǐtɔn lɛ́ɛ, bo na dó kpa susu nú Tɔ́ mitɔn e ɖo sɛ́xwé é.

Luki 1:79

wěziza énɛ́ ɔ́ ná hɔ́n dó mɛ e jínjɔ́n zǐnflú mɛ, bó ɖo kúyɛmɛ lɛ́ɛ jí, bó ná kplá mǐ gbɔn fífá li jí.”

Jǎan 17:19

Un sɔ́ nyɛ ɖésú bǐ jǒ nú we ɖó yě wú, nú yě lɔmɔ̌ ná sixú nyí towe nǔgbó.

Mɛsɛ́dó 20:28

Mi hɛn ayi dó miɖée wú, bó hɛn ayi dó agun Mawu tɔn e nu Yɛsinsɛn sɔ́ mi ɖó é wú, bónú mi ná xlɛ́ ali agunví lɛ́ɛ; agunví énɛ́ lɛ́ɛ e Mawu xɔ gbɔn Vǐ é ɖésúnɔ tɔn sín kú gbla mɛ é.

Mɛsɛ́dó 26:18

Un sɛ́ we dó, bónú a nǎ hun nukún nú yě; bónú a nǎ kplá yě sín zǐnflú mɛ wá wěziza nu; bó ná ɖe yě sín Satáan sín acɛ mɛ wá Mawu gɔ́n, lobo nú yě ɖi nǔ nú mì ɔ́, Mawu ná sɔ́ hwɛ yětɔn lɛ́ɛ kɛ yě, bɔ yě ná mɔ tɛnmɛ ɖo mɛ e nyí étɔn lɛ́ɛ tɛ́ntin.’

Mɛsɛ́dó 26:28

Axɔ́sú Aglipa ka ɖɔ nú Pɔ́lu ɖɔ: “A vɛdó ɖɔ émí ná ɖɔ xó nú mì káká bɔ un ná húzú klísusɛntɔ́ tlóló din wɛ sín a?”

Hlɔ̌manu 9:24

Đó mǐdɛɛ lɛ́ɛ wɛ nyí mɛ e é ylɔ́ lɛ́ɛ; é ka nyí mɛ e é ylɔ́ sín Jwifu lɛ́ɛ mɛ lɛ́ɛ kɛ́ɖɛ́ wɛ ǎ, lo ɔ́, mɛ e é ylɔ́ sín togun ɖě lɛ́ɛ mɛ lɛ́ɛ lɔ ɖ'é mɛ.

1 Kɔlɛ́ntinu 3:17

Nǔgbó ɔ́, ényí mɛɖé mu sinsɛnxɔ Mawu tɔn ɔ́, Mawu ná gblé gbɛ dó nú mɛ énɛ́; ɖó sinsɛnxɔ Mawu tɔn ɔ́, nǔ mímɛ́ wɛ é nyí; mi wɛ ka nyí sinsɛnxɔ tɔn.

Efɛ́zinu 1:14

Yɛsinsɛn ɔ́ wɛ nyí nǔ ɖagbe e Mawu sɔ́ ɖó te nú togun tɔn ɔ́ sín gǎnjɛwú nú mǐ. É wɛ nyí gǎnjɛwú mǐtɔn ɖɔ hwenu e mǐ ná nyí Mawu tɔn bǐ kpéte ɔ́, mǐ ná mɔ yě yí. Hǔn mǐ ní bó kpa susu Mawu tɔn.

Efɛ́zinu 1:6

Mǐ ní bó kpa Mawu, ɖó é ná fɛ́nú tɔn susunɔ ɔ́ mǐ kpó xomɛhunhun kpó, ɖo Vǐ tɔn vívɛ́ná ɔ́ mɛ.

Efɛ́zinu 3:21

Susu nú Mawu ɖo agun ɔ́ mɛ, ɖo Klísu Jezu mɛ, sín din káká sɔ́yi mavɔ mavɔ! Amǐ!

Sɛ́nflínmɛ 10:15

Đ'ayǐ xóxó ɔ́, tɔ́gbó mitɔn lɛ́ɛ kɛ́ɖɛ́ wɛ Mawu Mavɔmavɔ nɔ́ nɔ kpɔ́ xá; yě wɛ é yí wǎn ná. Égbé din ɔ́, mi vǐ yětɔn lɛ́ɛ wɛ é sɔ́ ɖo akɔta lɛ́ɛ bǐ mɛ, lě e mɔ gbɔn wɛ mi ɖe é.

Sɛ́nflínmɛ 14:2

Đó togun ɖé wɛ mi nyí, bó ɖo vo nú Mawu Mavɔmavɔ, Mawu mitɔn. Mi wɛ é sɔ́ ɖo togun e ɖo ayǐkúngban ɔ́ jí lɛ́ɛ bǐ mɛ, bɔ mi vɛ́ n'i hú nǔ bǐ.

Sɛ́nflínmɛ 18:2

Yě ná ɖó ayǐkúngban ɖěbǔ ɖo Izlayɛ́li ví ɖě lɛ́ɛ tɛ́ntin ǎ; Mawu Mavɔmavɔ wɛ nyí nǔ e yě ɖǒ é.

Sɛ́nflínmɛ 4:20

Lo ɔ́, midɛɛ lɛ́ɛ ɔ́, Mawu Mavɔmavɔ sɔ́ mi bó ɖe mi tɔ́n sín Ejípu, kúgan mɛ, bónú mi ná húzú togun tɔn lě e mi ɖe gbɔn égbé din é.

Sɛ́nflínmɛ 7:6

Đó togun ɖe ɖó vo Mawu Mavɔmavɔ, Mawu mitɔn tɔn wɛ mi nyí. Mawu Mavɔmavɔ, Mawu mitɔn sɔ́ mi bɔ mi ná nyí togun tɔn vívɛ́ná ɖo togun e ɖo ayǐkúngban ɔ́ jí lɛ́ɛ bǐ mɛ.”

Filípunu 3:14

Énɛ́ ɔ́, un ɖo wezun jí xwe nǔ e ba wɛ un ɖe ɔ́ kɔn, bó ná dó mɔ ajɔ e Mawu ylɔ́ mǐ sín sɛ́xwé ɖɔ mǐ ná yí gbɔn Klísu Jezu jí ɔ́ yí.

Kolósinu 1:13

Nǔgbó ɔ́, é yí mǐ sín zǐnflú sín hlɔ̌nhlɔ́n sí, bó sɔ́ mǐ ɖó Vǐ tɔn vívɛ́ná ɔ́ sín axɔ́súɖuto mɛ.

2 Timɔtée 1:9

É wɛ hwlɛ́n mǐ gán, bó ylɔ́ mǐ nú mǐ ná nyí mɛɖeɖóvo tɔn; é ká nyí nǔ e mǐ nɔ wa lɛ́ɛ wútu wɛ é ylɔ́ mǐ ǎ; lo ɔ́, tito é ɖésúnɔ tɔn kpódó fɛ́nú tɔn kpó wú wɛ é ylɔ́ mǐ. É ko ná fɛ́nú énɛ́ mǐ ɖo bǔ e mǐ ɖe ɖo Klísu Jezu mɛ cóbɔ gbɛ ɔ́ wá tíin é mɛ.

Titu 2:14

É sɔ́ éɖée jó dó ta mǐtɔn mɛ, bó ná xɔ mǐ ɖo nǔ nyanya bǐ mɛ, bó ná sɔ́ mǐ dó bló togun mímɛ́ e nyí é ɖokpónɔ géé tɔn ɔ́ ná, bɔ mǐ ná nɔ́ ɖó kan dó nǔ ɖagbe wiwa wú.

1 Piyɛ́ɛ 1:2

Mawu Tɔ́ ɔ́ cyán mi, bɔ é sɔgbe xá lě e é ɖésúnɔ ko to gbɔn ɖ'ayǐ é, bɔ mi nyí mɛɖeɖóvo tɔn, gbɔn Yɛ tɔn sín nǔwiwa gbla mɛ, nú mi ná se tónú nú Jezu Klísu, bɔ hun tɔn ná lɛ mi wé. Mawu ní ná fɛ́nú kpó fífá kpó mi ní túnflá.

1 Piyɛ́ɛ 2:5

bónú mi lɔmɔ̌ ɔ́, ɖi awǐnnya gbɛɖe ɖɔhun ɔ́, è nǎ zé mi dó gbá sinsɛnxɔ Yɛsinsɛn tɔn ɔ́ ná. Mi ná nyí vɔ̌sánú-xwlémawutɔ́ mímɛ́ sín gbɛ̌ta, bó ná nɔ xwlé vɔ̌sánú Yɛsinsɛn tɔn ɔ́ Mawu; vɔ̌sánú Yɛsinsɛn tɔn e nɔ nyɔ́ Mawu nukún mɛ, gbɔn Jezu Klísu jí é.

1 Piyɛ́ɛ 4:11

Ényí mɛɖé ɖo Wɛn Ɖagbe jlá wɛ hǔn, ní nyí Mawuxó; ényí mɛɖé ɖo Mawuzɔ́ wa wɛ hǔn, ní wa kpó hlɔ̌nhlɔ́n e Mawu ná ɛ ɔ́ kpó, bónú è nǎ kpa susu nú Mawu ɖo nǔ bǐ mɛ, gbɔn Jezu Klísu e nyí susunɔ, bó nyí hlɔ̌nhlɔ́nnɔ káká sɔ́yi ɔ́ jí! Amǐ!

Nǔɖexlɛ́mɛ 1:6

bó zé mǐ dó bló vɔ̌sánú-xwlémawutɔ́ lɛ́ɛ sín axɔ́súɖuto ná, bónú mǐ ná nɔ wa azɔ̌ nú Tɔ́ tɔn Mawu. Susu kpó hlɔ̌nhlɔ́n kpó ní nyí étɔn káká sɔ́yi mavɔ mavɔ! Amǐ.

Nǔɖexlɛ́mɛ 20:6

Mɛ e ɖó mǐmá ɖo fínfɔ́n sín kú nukɔn nukɔntɔn énɛ́ ɔ́ mɛ lɛ́ɛ ɔ́, nǔ nyɔ́ nú yě; mɛɖeɖóvo Mawu tɔn wɛ yě nyí; kú wegɔ́ ɔ́ ɖó acɛ ɖo yě jí ǎ; yě ná nyí vɔ̌sánú-xwlémawutɔ́ nú Mawu kpó Klísu kpó, bó ná ɖu axɔ́sú xá Klísu nú xwe afatɔ́n (1.000).

Nǔɖexlɛ́mɛ 5:10

A sɔ́ yě dó bló axɔ́súɖuto, bó sɔ́ yě dó bló vɔ̌sánú-xwlémawutɔ́ lɛ́ɛ sín axɔ́súɖuto ná, bónú yě ná wa azɔ̌ nú Mawu mǐtɔn, bó ná ɖu axɔ́sú ɖo ayǐkúngban jí.”

1 Samuwɛ́li 12:22

Mawu Mavɔmavɔ ná jó togun tɔn dó gbeɖé ǎ, bó ná dó hɛn nyǐkɔ tɔn e gba kpé ɔ́ ɖó te; ɖó Mawu Mavɔmavɔ wɛ zin alɔ dó akɔ́n ɖɔ émí ná sɔ́ mi dó bló togun émítɔn.