1 Piyɛ́ɛ 2:7 - MAWUXÓWÉMA

⁷ Awǐnnya xɔ akwɛ́ ɖaxó ɖokpó wɛ nyí awǐnnya énɛ́ ɔ́ nú mi mɛ e ɖi nǔ lɛ́ɛ; amɔ̌ nú mɛ e ma ɖi nǔ ǎ lɛ́ɛ ɔ́, é nyí: “Awǐnnya e xɔmɛtɔ́ lɛ́ɛ ma dó mɔ nǔɖéwanú ǎ, bó xo nyi kɛ́n, bɔ é húzú awǐnnya e ɖo tají é”.

1 Piyɛ́ɛ 2:7 Iomraidhean Croise

Ezayíi 28:5

Gbe énɛ́ gbe ɔ́, Mawu Mavɔmavɔ Nǔbǐwúkpétɔ́ ɔ́ ɖésúnɔ ná húzú ɖuɖéjígbákún ɖagbe ɖagbe, acɔ́ɖónú ɖagbe ɖagbe nú mɛ e kpo ɖo gbɛ ɖo togun tɔn mɛ lɛ́ɛ.

Ajée 2:7

Un ná dán togun ɖě lɛ́ɛ bǐ, bɔ yě ná bɛ́ dɔkun yětɔn lɛ́ɛ wá fí, bɔ un ná bɛ́ bó dó vɔ́ acɔ́ ɖó nú xwé ce, bɔ é ná nyɔ́ ɖɛkpɛ ɖésú; nyɛ wɛ ɖɔ mɔ̌ nú mi.

Zakalíi 4:7

Mawu Mavɔmavɔ lɛ́ ɖɔ: “Só ɖaxó e, étɛ́ wɛ a nyǐ ɖo Zolobabɛ́li nukɔn? É ná gbígbá we bǐ yi do. Hwi mɛ wɛ é ná ɖe awǐnnya tají e ná nɔ sinsɛnxɔ ɔ́ ta ɔ́ sín. È nǎ kpa awǒbóbó, bó ná ɖɔ: ‘É nyɔ́ ɖɛkpɛ mɛ nya! É nyɔ́ ɖɛkpɛ mɛ nya!’ ”

Matíe 21:42

Énɛ́ ɔ́ gúdo ɔ́, Jezu ɖɔ nú yě ɖɔ: “Mi mɔ xó élɔ́ xa ɖo Mawuxówéma ɔ́ mɛ ǎ cé? É wɛ nyí ɖɔ: ‘Awǐnnya e xɔmɛtɔ́ lɛ́ɛ ma sɔ́ dó mɔ nǔɖéwanú ǎ, bó xo nyi kɛ́n ɔ́ wá húzú awǐnnya e ɖo tají é, awǐnnya zwe jí tɔn; Aklúnɔ sín nǔwiwa nɛ́, nǔjíwǔ wɛ é nyí ɖo nukún mǐtɔn mɛ.’

Luki 2:32

é wɛ nyí wěziza e ná ɖe we xlɛ́ akɔta lɛ́ɛ bǐ, bó ká ná nyí susu nú togun towe Izlayɛ́li é.”

Luki 2:34

Simɛ́nyɔ́ɔ xo ɖɛ dó yě jí, bó ká ɖɔ nú Mali vǐ ɔ́ sín nɔ ɖɔ: “Nywɛ̌ ɖɔ Mawu sɔ́ vǐ élɔ́, bɔ é ná nyí afɔklɛ́nnú nú Izlayɛ́li ví gěgé, bó ká ná lɛ́ sɔ́ yě mɛ gěgé sí te. É ná nyí wuntun Mawu tɔn e gbɛtɔ́ lɛ́ɛ ná gbɛ́ wǎn ná é,

Luki 20:17

Lo ɔ́, Jezu kpɔ́n yě bó ɖɔ: “Xó élɔ́ e è wlǎn dó Mawuxówéma ɔ́ mɛ ɔ́, ani ɖɔ wɛ é ka ɖe: ‘Awǐnnya e xɔmɛtɔ́ lɛ́ɛ ma sɔ́ dó mɔ nǔɖéwanú ǎ, bó xo nyi kɛ́n ɔ́, wá húzú awǐnnya e ɖo tají é.’

Jǎan 4:42

Yě ɖɔ nú nyɔ̌nu ɔ́ ɖɔ: “É sɔ́ nyí xó e a ɖɔ nú mǐ ɔ́ wú wɛ mǐ ɖi nǔ ǎ, lo ɔ́, é ɖɔ xó bɔ mǐ ɖésúnɔ se, bó tunwun ɖɔ é wɛ nyí Mɛhwlɛ́ngántɔ́ gbɛ ɔ́ tɔn nǔgbó.”

Mɛsɛ́dó 26:19

“Axɔ́sú Aglipa e! Ée nǔ nyí mɔ̌ ɔ́, un vɛ́ tóli nú nǔ e Mawu sɔ́ xlɛ́ mì lɛ́ɛ ǎ.

Hlɔ̌manu 10:21

Lo ɔ́, nǔ e é ɖɔ dó Izlayɛ́li wú ɔ́ ɖíe: “Tɛgbɛ tɛgbɛ wɛ un nɔ dlɛ́n alɔ nú togun e nɔ vɛ́ tóli, togun e nɔ fɔ́n gǔ é.”

Hlɔ̌manu 15:31

Mi xo ɖɛ bónú ma gló nǔmaɖitɔ́ e ɖo Judée lɛ́ɛ, bónú alɔgɔ́númɛ sín azɔ̌ e wú un xwe Jeluzalɛ́mu ɔ́, mɛɖeɖóvo Mawu tɔn e ɖo dɔ̌n lɛ́ɛ ní kɛ alɔ bó yí.

2 Kɔlɛ́ntinu 2:16

Amɔ̌, wǎn e nɔ hu mɛ ɔ́ wɛ mǐ nyí nú mɛ e ɖo bǔbú wɛ lɛ́ɛ, bó ka nyí wǎn e nɔ ná gbɛ mɛ ɔ́ nú mɛ e ɖo hwlɛngán sín ali jí lɛ́ɛ é. Mɛ̌ ka sixú kpé azɔ̌ mɔ̌hunkɔtɔn wú bó wa?

Kolósinu 2:10

bɔ mi yí nǔ bǐ sésé ɖo bǔ e mi ɖe xá Klísu ɔ́ mɛ. Éyɛ́ wɛ ɖo ta nú gǎn lɛ́ɛ bǐ, kpódó acɛkpikpa lɛ́ɛ bǐ kpán.

Titu 3:3

Đó ɖ'ayǐ xóxó ɔ́, mǐ lɔmɔ̌ ɔ́, mǐ ko nyí ayixamasɔgbenánɔ, bó kó nyí tónúmasetɔ́, bó kó bú ali; jlǒ agbaza tɔn tɛnmɛ tɛnmɛ lɛ́ɛ kpó gbɛɖuɖu kpán sín kannumɔ wɛ mǐ kó nyí ɖ'ayǐ. Dǎnúwiwa kpó mɛɖěvonújlójló kpó sín gbɛ mɛ wɛ mǐ kó nɔ ɖ'ayǐ; mǐ nɔ gbɛ́ wǎn nú mɛ ɖě lɛ́ɛ, bɔ yě lɔ nɔ gbɛ́ wǎn nú mǐ lɔmɔ̌.

Eblée 11:31

Nǔɖiɖi e Hlaxábu nyɔ̌nu agalɛtɔ́ ɔ́ ɖó ɔ́ wɛ zɔ́n bɔ hwenu e mɛ e ma se tónú nú Mawu ǎ lɛ́ɛ kú ɔ́, éyɛ́ kú ɖě ǎ, ɖó é yí dobanúnǔtɔ́ e Izlayɛ́li ví lɛ́ɛ sɛ́ dó ɔ́, kpódó xomɛnyínyɔ́ kpó.

Eblée 4:11

Hǔn, mi bo nú mǐ ná dó gǎn, bó ná byɔ́ gbɔjɛ́ énɛ́ ɔ́ mɛ; mǐ ní bló gbɔn alɔkpa ɖé bónú mǐ mɛ ɖěbǔ ní ma vɛ́ tóli bó gɔn gbɔjɛ́ énɛ́ ɔ́ mɛ byɔ́ lě e mɛ e nɔ gbětótló mɛ lɛ́ɛ vɛ́ tóli gbɔn é ó.

1 Piyɛ́ɛ 1:8

Mi mɔ ɛ ǎ, có mi ka yí wǎn n'i; mi ɖo mimɔ ɛ wɛ din ǎ, có mi ka ɖi nǔ n'i; énɛ́ ɔ́ wú wɛ xomɛ ɖaxó ɖé ɖo mi hun wɛ; xomɛ hun mi sɔ mɔ̌, bɔ nu sixú ɖɔ ǎ.

1 Piyɛ́ɛ 2:4

Mi sɛkpɔ́ Aklúnɔ, awǐnnya gbɛɖe e gbɛtɔ́ lɛ́ɛ xo nyi kɛ́n, bɔ Mawu ka mɔ dó mɔ awǐnnya xɔ akwɛ́ bó sɔ́ é,

1 Piyɛ́ɛ 2:8

È lɛ́ ɖɔ ɖo akpá ɖěvo xwé ɖɔ: “Awǐnnya e wú gbɛtɔ́ lɛ́ɛ nɔ klɛ́n afɔ dó, bó nɔ́ fún sa ɔ́, só e nɔ zin yě dɛ́ ɔ́ wɛ.” Yě klɛ́n afɔ d'é wú, ɖó yě gbɛ́ ɖɔ émí kún ná ɖi nǔ nú xó ɔ́ ó; nǔ e è ko zé yě ɖó te ná é nɛ́.