1 Piyɛ́ɛ 2:6 - MAWUXÓWÉMA

⁶ Đó nǔ e Mawuxówéma ɔ́ ɖɔ ɔ́ ɖíe: “Un sɔ́ awǐnnya xɔ akwɛ́ ɖokpó, bó ɖo do dó wɛ din ɖo Sinyɔ́ɔ, bɔ é nyí awǐnnya e ɖo zwe jí é, bɔ mɛ e ɖi nǔ n'i ɔ́ ná ɖu winnyá ǎ.”

1 Piyɛ́ɛ 2:6 Iomraidhean Croise

Bǐbɛ́mɛ 49:24

Amɔ̌, é hɛn gǎ tɔn syɛ́nsyɛ́n. Nǔbǐwúkpétɔ́ nyɛ Jakɔ́bu tɔn sín hlɔ̌nhlɔ́n zɔ́n, bɔ alɔ tɔn lɛ́ɛ syɛ́n; énɛ́ ɔ́, é húzú lɛ̌ngbɔ́nyitɔ́ Izlayɛ́li tɔn, só Izlayɛ́li tɔn.

Ɖɛhan 40:14

Mawu Mavɔmavɔ, kɛnklɛ́n bó hwlɛ́n mì; Mawu Mavɔmavɔ, yǎ wǔ wá d'alɔ mì!

Ɖɛhan 89:19

Mawu Mavɔmavɔ, hwi wɛ ná mɛ e ná cyɔ́n alɔ mǐ jí ɔ́ mǐ; Mɛ mímɛ́ Izlayɛ́li tɔn, hwi wɛ ná axɔ́sú mǐ.

Ezayíi 28:16

Mi bo ɖótó xó e Aklúnɔ Mavɔmavɔ ɖɔ é: “Un ná zé awǐnnya dodó ɖokpó tun te ɖó Sinyɔ́ɔ, bó ná tɛ́n mi kpɔ́n; awǐnnya tají wɛ, awǐnnya dodó wɛ. Mɛ e ná gán jɛ awǐnnya ɔ́ wú ɔ́ ado ná hu i ǎ.

Ezayíi 41:11

Ɛɛn! Mɛ e ɖo gbě towe nya wɛ lɛ́ɛ bǐ ná ɖu hɛ̌n; yě ná ɖu winnyá. Kɛntɔ́ towe lɛ́ɛ sɔ́ ná nyí nǔɖé ǎ, kún yětɔn ná sú dó.

Ezayíi 42:1

Mawu ɖɔ: “Mɛsɛntɔ́ ce ɖíe; un hɛn alɔ tɔn, nyi wɛ sɔ́ ɛ, bɔ xomɛ nɔ hun mì dó wǔ tɔn; un sɔ́ yɛ ce ɖó jǐ tɔn, bɔ é ná sɔ́ hwɛjijɔ jínjɔ́n ayǐ gbɔn akɔta lɛ́ɛ mɛ.

Ezayíi 46:13

Un sɛ́ hwɛjijɔ ce dó bɔ é ja; é kó sɛkpɔ́ bǐ kɛ́nnɛ́kɛ́nnɛ́ wɛ lɔ; hwlɛngán ɔ́ ná lín có bó wá ǎ, nyi ɖésú wɛ ná hɛn wá Sinyɔ́ɔ. Nǔgbó wɛ, un hɛn nǔ ɖagbe ɖagbe ɖé já nú Izlayɛ́li.”

Ezayíi 50:7

Aklúnɔ Mavɔmavɔ nɔ wá gɔ́ alɔ nú mì; énɛ́ wú wɛ un ma nɔ mɔ ɖɔ è kó ɖu ɖo jǐ ce ǎ. Un bló nyiɖée ɖó bó syɛ́n awǐnnya ɖɔhun; un tunwun ɖɔ un kún ná ɖu winnyá gbeɖé ó.

Ezayíi 54:4

Ma ɖi xɛsi ó, a sɔ́ ná ɖu winnyá ɖě ǎ; ayi towe ní má gbadó ó, wi towe sɔ́ ná kɔ́n ɖě ǎ. Winnyá e a ɖu ɖo wǐnnyáwínnyá mɛ ɔ́, a nǎ wɔn; hɛ̌n e a ɖu hwenu e a ɖo asúkúkúxɔmɛ ɔ́, a sɔ́ ná flín ɖě ǎ.

Daniyɛ́li 10:21

Lo ɔ́, un jló ná xlɛ́ nǔ e è wlǎn dó nǔgbówéma ɔ́ mɛ é we. Mɛ ɖé ka ná dó alɔ mì ɖo ahwan e fun gbé un ja ɔ́ mɛ zɛ gǎn mitɔn Micɛ́li wú ǎ.’ ”

Zakalíi 10:4

Judáa togun ɔ́ mɛ wɛ gǎn alɔkpa alɔkpa lɛ́ɛ ná tɔ́n sín, bó ná syɛ́n awǐnnya e ɖo xɔzwe jí é ɖɔhun. Yě ná syɛ́n goxɔ sín dotín ɖɔhun. Yě ná ɖó hlɔ̌nhlɔ́n da e è nɔ dó fun ahwan ná é ɖɔhun.

Matíe 12:18

“Mɛsɛntɔ́ ce e un sɔ́ ɔ́ ɖíe. Mɛ vívɛ́ná ce wɛ bɔ xomɛ nɔ hun mì dó wǔ tɔn. Un ná sɔ́ Yɛ ce ɖó jǐ tɔn, bɔ é ná jlá hwɛjijɔxó Mawu tɔn nú akɔta lɛ́ɛ bǐ.

Maki 12:10

Mi mɔ xó élɔ́ xa kpɔ́n gbeɖé ɖo Mawuxówéma ɔ́ mɛ ǎ cé? É wɛ nyí ɖɔ: ‘Awǐnnya e xɔmɛtɔ́ lɛ́ɛ má sɔ́ dó mɔ nǔɖéwanú ǎ bó xo nyi kɛ́n ɔ́, wá húzú awǐnnya e ɖo tají é.

Luki 20:17

Lo ɔ́, Jezu kpɔ́n yě bó ɖɔ: “Xó élɔ́ e è wlǎn dó Mawuxówéma ɔ́ mɛ ɔ́, ani ɖɔ wɛ é ka ɖe: ‘Awǐnnya e xɔmɛtɔ́ lɛ́ɛ ma sɔ́ dó mɔ nǔɖéwanú ǎ, bó xo nyi kɛ́n ɔ́, wá húzú awǐnnya e ɖo tají é.’

Luki 23:35

Togun ɔ́ ka cí fínɛ́, bó ɖo nǔ kpɔ́n wɛ. Gǎn lɛ́ɛ ka ɖo kiko e wɛ, bó nɔ́ ɖɔ: “É hwlɛ́n mɛ ɖě lɛ́ɛ gán. Ényí Klísu mɛ e Mawu kpɔ́n bó sɔ́ é jɛ́n é nyí nǔgbó hǔn, ní bó hwlɛ́n éɖée gán.”

Jǎan 7:38

Lě e Mawuxówéma ɔ́ ko ɖɔ gbɔn ɔ́, mɛ e ɖi nǔ nú mì ɔ́, ná húzú tɔjɔtɛn e mɛ sin e nɔ ná gbɛ mɛ ɔ́ nɔ sa sín é.”

Mɛsɛ́dó 1:16

“Nɔví ce lɛ́ɛ mi! Judási e nɔ nukɔn nú mɛ e wá wlí Jezu lɛ́ɛ ɔ́, nǔ e Yɛsinsɛn ɖɔ dó wǔtu tɔn gbɔn Davídi nu mɛ, ɖo Mawuxówéma ɔ́ mɛ ɔ́ ɖó ná jɛ.

Hlɔ̌manu 10:11

Nǔgbó ɔ́, Mawuxówéma ɔ́ ɖɔ: “Mɛɖěbǔ ɖi nǔ n'i ɔ́, é ná ɖu winnyá ǎ.”

Efɛ́zinu 1:4

Đó, cóbónú Mawu ná bló gbɛ ɔ́, é ko cyán mǐ, bɔ mǐ ná nyí étɔn ɖo Klísu mɛ, bónú mǐ ná sixú nyí mɛ mímɛ́, mɛ ma ɖó blɔ̌ ɖo wǔ ɖo nukɔn tɔn; ɖo wǎn yíyí tɔn mɛ ɔ́,

Efɛ́zinu 2:20

Nú è nǎ jlɛ́ mɛɖeɖóvo Mawu tɔn lɛ́ɛ dó nǔɖé wú ɔ́, xɔ wɛ yě nyí, bɔ midɛɛ lɛ́ɛ ɔ́, mi nyí blǐki e è dǒ mɛ xɔ ɔ́ ná é, bɔ mɛsɛ́dó lɛ́ɛ kpódó gbeyíɖɔ Mawu tɔn lɛ́ɛ kpó nyí awǐnnya dodó ɔ́, bɔ mi jínjɔ́n jí; bɔ Klísu Jezu ɖésú nyí awǐnnya e ɖo tají é.

2 Timɔtée 3:16

Nǔ e è wlán dó Mawuxówéma ɔ́ mɛ ɔ́, Mawu wɛ sɔ́ bǐ dó ayi mɛ nú mɛ lɛ́ɛ; é nyɔ́ nú è nǎ sɔ́ dó kplɔ́n nǔ mɛ, bó ná dó ɖe mɛ dó ali jí, bó ná dó ɖe nǔwanyido lɛ́ɛ xlɛ́, lobo ná dó kplɔ́n lě e è nǎ zǎn gbɛ ɖagbe gbɔn ɔ́ mɛ,

1 Piyɛ́ɛ 2:4

Mi sɛkpɔ́ Aklúnɔ, awǐnnya gbɛɖe e gbɛtɔ́ lɛ́ɛ xo nyi kɛ́n, bɔ Mawu ka mɔ dó mɔ awǐnnya xɔ akwɛ́ bó sɔ́ é,

1 Piyɛ́ɛ 2:8

È lɛ́ ɖɔ ɖo akpá ɖěvo xwé ɖɔ: “Awǐnnya e wú gbɛtɔ́ lɛ́ɛ nɔ klɛ́n afɔ dó, bó nɔ́ fún sa ɔ́, só e nɔ zin yě dɛ́ ɔ́ wɛ.” Yě klɛ́n afɔ d'é wú, ɖó yě gbɛ́ ɖɔ émí kún ná ɖi nǔ nú xó ɔ́ ó; nǔ e è ko zé yě ɖó te ná é nɛ́.

2 Piyɛ́ɛ 1:20

Nǔ e mi ka ná tunwun ganjí hwɛ̌ ɔ́ ɖíe: mɛ ɖěbǔ sixú sɔ́ nǔnywɛ́ é ɖésúnɔ tɔn dó tín Mawuxó e è wlǎn ɔ́ mɛ ná ǎ.

2 Piyɛ́ɛ 3:16

Wěma e mɛ é ɖɔ xó dó nǔ énɛ́ lɛ́ɛ wú ɖe lɛ́ɛ bǐ ɔ́, nǔ e é wlán d'é mɛ lɛ́ɛ nɛ́. Xó ɖé lɛ́ɛ ɖo wěma tɔn lɛ́ɛ mɛ, bɔ nukúnnú-mɔjɛmɛ tɔn nɔ vɛ́ wǔ, bɔ mɛ e ma mɔ do nú nǔɖé ǎ, bó ma ka lí dǒ ǎ lɛ́ɛ nɔ kpé ta do ná, lě e yě ko nɔ bló gbɔn nú Mawuxó ɔ́ ɖo akpá ɖěvo lɛ́ɛ xwé é. Nǔ e yě ná wa, bɔ yě ɖésúnɔ ná yi vɔ ɖ'é mɛ ɔ́ wa wɛ yě ɖe.