1 Piyɛ́ɛ 2:4 - MAWUXÓWÉMA

⁴ Mi sɛkpɔ́ Aklúnɔ, awǐnnya gbɛɖe e gbɛtɔ́ lɛ́ɛ xo nyi kɛ́n, bɔ Mawu ka mɔ dó mɔ awǐnnya xɔ akwɛ́ bó sɔ́ é,

1 Piyɛ́ɛ 2:4 Iomraidhean Croise

Ezayíi 28:16

Mi bo ɖótó xó e Aklúnɔ Mavɔmavɔ ɖɔ é: “Un ná zé awǐnnya dodó ɖokpó tun te ɖó Sinyɔ́ɔ, bó ná tɛ́n mi kpɔ́n; awǐnnya tají wɛ, awǐnnya dodó wɛ. Mɛ e ná gán jɛ awǐnnya ɔ́ wú ɔ́ ado ná hu i ǎ.

Ezayíi 42:1

Mawu ɖɔ: “Mɛsɛntɔ́ ce ɖíe; un hɛn alɔ tɔn, nyi wɛ sɔ́ ɛ, bɔ xomɛ nɔ hun mì dó wǔ tɔn; un sɔ́ yɛ ce ɖó jǐ tɔn, bɔ é ná sɔ́ hwɛjijɔ jínjɔ́n ayǐ gbɔn akɔta lɛ́ɛ mɛ.

Ezayíi 55:3

Mi ɖótó te, mi wá gɔ̌n ce. Mi ɖótó mì, bó ná nɔ gbɛ.” Mawu ɖɔ: “Un ná jɛ akɔ mavɔ mavɔ ɖokpó xá mi; un ná bló mɔ̌, bó ná dó hɛn ɖagbe e sín akpá un dó nú Davídi é ɖó te káká sɔ́yi.

Jelemíi 3:22

Vǐ gbejímánɔtɔ́ e mi, mi lɛ́ kɔ wá! Gbejímánɔ sín azɔn e jɛ wɛ mi ɖe ɔ́, un ná gbɔ nú mi!” Togun ɔ́ ɖɔ: “Mǐ ɖíe! Mǐ ja gɔ̌n towe ɖó hwi wɛ nyí Mawu Mavɔmavɔ, Mawu mǐtɔn.

Daniyɛ́li 2:34

Bǒcyɔ ɔ́ kpɔ́n wɛ mɛ ɖe, bɔ awǐnnya ɖé nɔ yǎyá, bó blí sín dɔ̌n bó wá xo bǒcyɔ ɔ́ dó afɔkpákpá e fí ɖě nyí gan, bɔ fí ɖě nyí ko é, bɔ yě gba hánnyá.

Daniyɛ́li 2:45

Nǔ e nyí wɛ awǐnnya e mɛɖé ma sɛ́ dó ǎ, bɔ é nɔ́ yǎyá, bó gosín só jí, bó wá gba gan kpó ganvɔ kpó, ko kpó kpatágan kpó, kpódó siká kpó e è dǒ bló bǒcyɔ ɔ́ ná lɛ́ɛ é nɛ́. Sɛ́mɛɖó ce, Nǔ e ɖo ná jɛ wɛ é wɛ Mawu ɖaxó bǐ ɔ́ ɖe xlɛ́ mɛ. Dlɔ̌ titewungbe wɛ mɛ kú, bɔ tínmɛ e é ɖó tawun ɔ́ jɛ́n un ɖɔ nú mɛ nɛ́.”

Zakalíi 3:9

Un dó awǐnnya ɖé do nyi Jozuwée nukɔn; awǐnnya ɖokpó géé wɛ, bó ká ɖó nukún tɛ́nwe, bɔ yě nɔ́ kɔ́n . Nyɛ ɖésúnɔ ná wlán nǔɖé d'é wú, bó ná ɖe hwɛ e ɖo to élɔ́ hɛn kwíji wɛ lɛ́ɛ síin kéze ɖokpó mɛ. Ɛɛn, un ɖɔ mɔ̌! Nyɛ Mawu Mavɔmavɔ Nǔbǐwúkpétɔ́ ɔ́ wɛ ɖɔ mɔ̌.

Zakalíi 4:7

Mawu Mavɔmavɔ lɛ́ ɖɔ: “Só ɖaxó e, étɛ́ wɛ a nyǐ ɖo Zolobabɛ́li nukɔn? É ná gbígbá we bǐ yi do. Hwi mɛ wɛ é ná ɖe awǐnnya tají e ná nɔ sinsɛnxɔ ɔ́ ta ɔ́ sín. È nǎ kpa awǒbóbó, bó ná ɖɔ: ‘É nyɔ́ ɖɛkpɛ mɛ nya! É nyɔ́ ɖɛkpɛ mɛ nya!’ ”

Matíe 11:28

“Mi wá gɔ̌n ce; mi mɛ e agban kpinkpɛn hinhɛn cikɔ ná lɛ́ɛ é bǐ, bónú ma ná gbɔjɛ́ mi.”

Matíe 12:18

“Mɛsɛntɔ́ ce e un sɔ́ ɔ́ ɖíe. Mɛ vívɛ́ná ce wɛ bɔ xomɛ nɔ hun mì dó wǔ tɔn. Un ná sɔ́ Yɛ ce ɖó jǐ tɔn, bɔ é ná jlá hwɛjijɔxó Mawu tɔn nú akɔta lɛ́ɛ bǐ.

Matíe 21:42

Énɛ́ ɔ́ gúdo ɔ́, Jezu ɖɔ nú yě ɖɔ: “Mi mɔ xó élɔ́ xa ɖo Mawuxówéma ɔ́ mɛ ǎ cé? É wɛ nyí ɖɔ: ‘Awǐnnya e xɔmɛtɔ́ lɛ́ɛ ma sɔ́ dó mɔ nǔɖéwanú ǎ, bó xo nyi kɛ́n ɔ́ wá húzú awǐnnya e ɖo tají é, awǐnnya zwe jí tɔn; Aklúnɔ sín nǔwiwa nɛ́, nǔjíwǔ wɛ é nyí ɖo nukún mǐtɔn mɛ.’

Jǎan 14:19

Zaanɖé din ɔ́, mɛ e nyí gbɛ ɔ́ tɔn lɛ́ɛ sɔ́ ná mɔ mì ǎ; amɔ̌, midɛɛ lɛ́ɛ ɔ́, mi ná mɔ mì; ɖó un ɖo gbɛ, bɔ mi lɔmɔ̌ mi ná nɔ gbɛ.

Jǎan 14:6

Jezu ka yí gbe n'i ɖɔ: “Nyɛ wɛ nyí ali ɔ́, bó nyí nǔgbó ɔ́, bó ka lɛ́ nyí gbɛ ɔ́. Mɛɖěbǔ sixú yi Tɔ́ ɔ́ gɔ́n nyɛ mɛ vo ǎ.

Jǎan 5:26

Đó lě e Tɔ́ ɔ́ ɖó acɛ, bó nɔ ná gbɛ mɛ gbɔn ɔ́, mɔ̌ ɖokpó ɔ́ wɛ é ná ɛ acɛ, bɔ élɔ́ ná ná gbɛ mɛ.

Jǎan 5:40

Có mi ka jló ná wá gɔ̌n ce, bó ná mɔ gbɛ jɔ gbɛ ɔ́ ǎ.

Jǎan 6:37

Mɛ e Tɔ́ ɔ́ ná mì lɛ́ɛ bǐ ná wá gɔ̌n ce; mɛ e ka wá gɔ̌n ce ɔ́, un ná ɖe e tɔ́n ǎ.

Jǎan 6:57

Tɔ́ ɔ́ e sɛ́ mì dó ɔ́ ɖo gbɛ, bɔ nyɛ ka ɖo gbɛ ɖo acɛ tɔn mɛ. Mɔ̌ ɖokpó ɔ́, mɛɖé ɖu agbaza ce ɔ́, é ná nɔ gbɛ gbɔn acɛ ce mɛ.

Hlɔ̌manu 5:10

Kɛntɔ́ Mawu tɔn wɛ mǐ kó nyí ɖ'ayǐ; lo ɔ́, Mawu dó hwɛ gbɔ xá mǐ gbɔn kú e Vǐ tɔn kú ɔ́ gbla mɛ. Din e Mawu dó hwɛ gbɔ xá mǐ ɔ́, é ɖo gannaganna ɖɔ é ná hwlɛ́n mǐ gán gbɔn vǐ tɔn sín gbɛ gbla mɛ.

1 Kɔlɛ́ntinu 3:11

Đó è ko dó dǒ ɔ́ do; Jezu Klísu wɛ nyí dǒ dodó énɛ́ ɔ́, bɔ mɛ ɖěbǔ sɔ́ sixú dó dǒ ɖěvo do ǎ.

Kolósinu 3:4

Gbɛ jɔ gbɛ mitɔn ɔ́, Klísu wɛ, bɔ hwenu e é ná wá tɔ́n ɔ́, mi lɔmɔ̌ kpó é kpó ná tɔ́n ɖo susu tɔn mɛ.

1 Piyɛ́ɛ 1:19

Éeǒ! Hun xɔ akwɛ́ ɖaxó Klísu tɔn ɔ́ wɛ è dǒ xɔ mi ná; Klísu e cí lɛ̌ngbɔ́ví e ma ɖó blɔ̌ ǎ, bɔ nǔɖé ma ka va dó wútu tɔn ǎ ɔ́ ɖɔhun é wɛ.

1 Piyɛ́ɛ 1:7

Nǔ énɛ́ lɛ́ɛ ɖo mi gbo wɛ nú è nǎ tɛ́n lě e nǔɖiɖi mitɔn jínjɔ́n ayǐ gbɔn ɔ́ kpɔ́n. Siká ɔ́, nǔ wɛ é nyí bó ná vɔ, có è ka nɔ tɛ́n ɛ kpɔ́n gbɔn myɔ nu; mɔ̌ ɖokpó ɔ́, nǔɖiɖi mitɔn e xɔ akwɛ́ ɖaxó hú siká ɔ́, è nɔ tɛ́n ɛ kpɔ́n, bó ná dó kpɔ́n lě e é lí dǒ gbɔn é. Bɔ énɛ́ ɔ́, hwenu e Jezu Klísu ná ɖe éɖée xlɛ́ ɔ́, è nǎ sixú mlá mi; è nǎ sixú kpa susu nú mi, bó ná sixú wlí yɛ̌yi nú mi.

1 Piyɛ́ɛ 2:7

Awǐnnya xɔ akwɛ́ ɖaxó ɖokpó wɛ nyí awǐnnya énɛ́ ɔ́ nú mi mɛ e ɖi nǔ lɛ́ɛ; amɔ̌ nú mɛ e ma ɖi nǔ ǎ lɛ́ɛ ɔ́, é nyí: “Awǐnnya e xɔmɛtɔ́ lɛ́ɛ ma dó mɔ nǔɖéwanú ǎ, bó xo nyi kɛ́n, bɔ é húzú awǐnnya e ɖo tají é”.

2 Piyɛ́ɛ 1:1

Nyɛ Sinmɔ́ɔ Piyɛ́ɛ e nyí mɛsɛntɔ́ Jezu Klísu tɔn, bó nyí mɛsɛ́dó tɔn ɔ́ wɛ wlán wěma élɔ́; mɛ e è nǎ nǔɖiɖi xɔ akwɛ́ mǐtɔn ɖɔhun gbɔn azɔ̌ jlɔ́jlɔ́ e Mawu mǐtɔn Mɛhwlɛ́ngántɔ́ Jezu Klísu wa é gbla mɛ lɛ́ɛ wɛ un wlán sɛ́ dó, bó dó gbe yě.

2 Piyɛ́ɛ 1:4

Mɔ̌ wɛ é dó akpá ɖaxó ɖaxó e xɔ akwɛ́ lɛ́ɛ nú mǐ gbɔn; énɛ́ ɔ́, nú mi mɔ nǔ e sín akpá e é dó lɛ́ɛ yí ɔ́, mi ná sixú gló jlǒ e nɔ hɛn nǔ gblé bo ɖo axɔ́sú ɖu wɛ ɖo gbɛmɛ fí é, bó ná ɖó mǐmá ɖo ninɔmɛ Mawu tɔn mɛ.