1 Piyɛ́ɛ 2:2 - MAWUXÓWÉMA

^2-3 Mi cí vǐ yɛ̌yɛ́ lɛ́ɛ ɖɔhun: lě e vǐ yɛ̌yɛ́ lɛ́ɛ nɔ ba ná nu anɔ̌sin hwɛhwɛ gbɔn ɔ́, mi ba Mawuxó e ná zɔ́n bɔ mi ná su ɖo nǔɖiɖi mɛ, bó ná mɔ hwlɛngán yí din e mi ɖɔ́ xomɛnyínyɔ́ Aklúnɔ tɔn kpɔ́n é.

1 Piyɛ́ɛ 2:2 Iomraidhean Croise

2 Samuwɛ́li 23:5

Mɔ̌ wɛ é nyí gbɔn nú xwédo ce, ɖo Mawu nukɔn: Mawu jɛ akɔ xá mì, bɔ é ná nɔ ayǐ káká sɔ́yi. Akɔ e é jɛ xá mì ɔ́ ɖó tito ɖé lɛ́ɛ, bó ná hɛn akɔ ɔ́ ɖó te káká sɔ́yi. Mawu nɔ ná ɖuɖéjí mì ɖo nǔ bǐ mɛ. É nɔ bló nǔ e ba wɛ un ɖe é bǐ nú mì.

Jɔ̌bu 17:9

Amɔ̌, nǔjlɔ́jlɔ́watɔ́ ɔ́, gbɛ na bo ɖo ɖě ɔ́, é nɔ́ ɖo gǎn dó wɛ; mɛ e ma ɖó alɔ ɖo nǔ blíblí mɛ ǎ é nɔ́ ɖo kan ván wɛ.

Nǔnywɛ́xó 4:18

Mɛ e nɔ wa nǔ jlɔ́jlɔ́ lɛ́ɛ sín ali cí wěziza zǎnzǎn tɔn ɖɔhun; é nɔ́ ɖo hǐnhɔ́n wɛ, é nɔ́ ɖo hǐnhɔ́n wɛ káká bó nɔ́ wá hɔ́n bǐ, bó nɔ́ cí wěziza hwemɛ tɔn ɖɔhun.

Ozée 14:5

Mawu Mavɔmavɔ ɖɔ: “Un ná sɔ́ afɔ e Izlayɛ́linu lɛ́ɛ dó gbě ɔ́ kɛ yě. Un ná yí wǎn nú yě titewungbe. Đó un sɔ́ ná sin xomɛ dó yě ǎ.

Ozée 14:7

Ala yětɔn lɛ́ɛ ná vun. Yě ná nyɔ́ ɖɛkpɛ olívutín ɖɔhun, bó ná ɖe wǎn ɖagbe atín e ɖo Libáan lɛ́ɛ ɖɔhun.

Ozée 6:3

Mǐ ní tunwun Mawu Mavɔmavɔ, mǐ ní dó gǎn bó ná tunwun i. Wǐwá tɔn ɖó gblǎ ǎ, lě e ayǐtéhɔ̌nnu má nɔ gɔn susu ǎ é ɖɔhun. É ná wá gɔ̌n mǐtɔn jǐ ɖɔhun, é ná wá lě e xwejí nɔ ja, bó nɔ́ hú sin nú ayǐkúngban é ɖɔhun.”

Matíe 18:3

bó ɖɔ nú yě ɖɔ: “Má ɖɔ nǔgbó nú mi; ényí mi ma húzú jijɔ, bó cí yɔkpɔ́vú lɛ́ɛ ɖɔhun ǎ ɔ́, mi ná byɔ́ axɔ́súɖuto sɛ́xwé tɔn mɛ ǎ.

Matíe 19:14

Jezu ka ɖɔ nú yě ɖɔ: “Mi jó yɔkpɔ́vú lɛ́ɛ dó nú yě ní wǎ gɔ̌n ce; mi ma sú ali dó yě ó; ɖó axɔ́súɖuto sɛ́xwé tɔn ɔ́, mɛ e cí yě ɖɔhun lɛ́ɛ tɔn wɛ.”

Maki 10:15

Má ɖɔ nǔgbó nú mi: mɛ e ma ná yí axɔ́súɖuɖu Mawu tɔn ɔ́ yɔkpɔ́vú ɖɔhun ǎ ɔ́, é ná sixú byɔ́ mɛ ǎ.”

Luki 18:17

Má ɖɔ nǔgbó nú mi: mɛ e ma ná yí axɔ́súɖuɖu Mawu tɔn ɔ́ yɔkpɔ́vú ɖɔhun ǎ ɔ́, é ɖo nǎ byɔ́ mɛ wɛ ǎ.”

Hlɔ̌manu 6:4

Hwenu e è lɛ yɛhwesin nú mǐ ɔ́, mǐ kú xá Klísu, bɔ è ɖi mǐ kpó e kpó, bónú lě e Mawu Tɔ́ ɔ́ sɔ́ hlɔ̌nhlɔ́n tɔn susunɔ ɔ́ dó fɔ́n Klísu ná ɔ́, mɔ̌ ɖokpó ɔ́, mǐ lɔ ná zán gbɛ yɔ̌yɔ́.

1 Kɔlɛ́ntinu 14:20

Nɔví lɛ́ɛ mi, mi ma nyí yɔkpɔ́vú ɖo linlin mitɔn lɛ́ɛ mɛ ó; mi ní nyí yɔkpɔ́vú ɖo nǔ e kunkplá nǔ nyanya é mɛ; amɔ̌, mi ní nyí mɛxó ɖo linlin mitɔn lɛ́ɛ mɛ.

Efɛ́zinu 2:21

Klísu Jezu wɛ nyí sósyɛ́n nú xɔ ɔ́, bó ná ɛ hlɔ̌nhlɔ́n, nú xɔ ɔ́ ná yi ta, bó ná nyí sinsɛnxɔ mímɛ́ e è sɔ́ ɖó vo nú Aklúnɔ é.

Efɛ́zinu 4:15

Lo ɔ́, mǐ ɖo nǔgbó ɔ́ jlá wɛ kpódó wǎn yíyí kpó ɔ́, mǐ ná ɖo nukɔn yi wɛ ɖo nǔ bǐ mɛ, bó ná ɖo sisɛkpɔ́ Klísu e nyí ta ɔ́ wɛ.

2 Tɛsalonikinu 1:3

Nɔví lɛ́ɛ mi, mǐ ɖó ná ɖo kú dó nú Mawu wɛ hwebǐnu ɖó ta mitɔn mɛ. É sɔgbe ɖɔ mǐ ní bló gbɔn mɔ̌, ɖó nǔɖiɖi e mi ɖó ɔ́ ɖo nukɔn yi wɛ ɖésú, bɔ wǎn yíyí e ɖokpó ɖokpó mitɔn ɖó nú mɛ ɖě lɛ́ɛ ɔ́ nɔ ɖo jijɛ jí wɛ.

1 Piyɛ́ɛ 1:23

Nǔgbó ɔ́, mi vɔ́ jɔ; é ka nyí nǔkún e nɔ kú ɔ́ jí wɛ mi vɔ́ jɔ gbɔn ǎ; lo ɔ́, nǔkún e ma nɔ kú ǎ ɔ́ jí wɛ mi vɔ́ jɔ gbɔn; xó gbɛɖe, xó mavɔ mavɔ Mawu tɔn ɔ́ wɛ zɔ́n bɔ mi vɔ́ jɔ.

2 Piyɛ́ɛ 3:18

Lo ɔ́, mi ní ɖo Jezu Klísu e nyí Aklúnɔ mǐtɔn, bó nyí Mɛhwlɛ́ngántɔ́ mǐtɔn ɔ́ tunwun d'é jí wɛ, bó ɖo fɛ́nú tɔn tunwun d'é jí wɛ. Susu n'i sín din káká sɔ́yi mavɔ mavɔ. Amǐ.