1 Piyɛ́ɛ 2:1 - MAWUXÓWÉMA

¹ Hǔn, mi bo jó adǎnúwiwa alɔkpa alɔkpa bǐ dó; mi jó nǔvúɖíɖó bǐ dó; mi jó yɛmɛnúwiwa dó; mi jó wǔhwinhwan kpó xó nyanya ɖɔ dó mɛ wú bǐ kpó dó.

1 Piyɛ́ɛ 2:1 Iomraidhean Croise

Jɔ̌bu 36:13

Mɛdídá lɛ́ɛ nɔ ɖo xomɛsin jí. Nú yě wǎ byɔ́ hɔzɔ mɛ lo ɔ́, yě nɔ́ byɔ́ ɖɔ è nǐ wǎ gɔ́ alɔ nú émí ǎ.

Ɖɛhan 32:2

Nǔ nyɔ́ nú mɛ e Mawu Mavɔmavɔ ma nɔ xa hwɛ dó kɔ ná ǎ é; mɛ e sín ayi mɛ ahizi ɖěbǔ ma ɖe ǎ é.

Ɖɛhan 34:13

Ényí a yǐ wǎn nú gbɛ, bó jló ná dɔ́ ji hǔn,

Ɖɛhan 37:1

Davídi sín han. Ma sin xomɛ dó mɛdídá lɛ́ɛ ó, ma jló mɛ e nɔ wa nǔ nyanya lɛ́ɛ sín gbɛ ó,

Ɖɛhan 73:3

Đó un mɔ nǔ ɖo nyǐnyɔ́ nú mɛ e nɔ yí go lɛ́ɛ wɛ, gbɛtɔ́ e má ɖó nǔnywɛ́ lɛ́ɛ wɛ, bɔ nǔ yětɔn su nukún ce mɛ.

Nǔnywɛ́xó 14:30

Ayi jɛ ayǐ nú mɛ ɔ́, agbaza mɛtɔn nɔ́ nɔ ganjí; wǔhwinhwan ɔ́, xúɖuxúɖu ká wɛ.

Nǔnywɛ́xó 24:1

Ma jló mɛdídá lɛ́ɛ sín gbɛ ó; ma nɔ dó gbɛ̌ yětɔn ó;

Nǔnywɛ́xó 24:19

Ma nɔ sin xomɛ dó mɛ e nɔ wa nǔ nyanya lɛ́ɛ ó; ma nú mɛdídá lɛ́ɛ sín gbɛ jló we ó;

Nǔnywɛ́xó 3:31

Ma nú dǎkaxotɔ́ sín gbɛ jló we ó; ma kpɔ́n dó walɔ tɔn lɛ́ɛ wú dó wa nǔ ɖěbǔ ó.

Ezayíi 2:20

Gbe énɛ́ gbe ɔ́, gbɛtɔ́ lɛ́ɛ ná bɛ́ vodún e yě zé kpatágan abǐ siká dó bló, bó nɔ́ sɛn lɛ́ɛ nyi dó acú lɛ́ɛ kpó afluiflui lɛ́ɛ kpó.

Ezayíi 30:22

Vodún towe e è kɔn kpatágan dó lɛ́ɛ, kpó bǒcyɔ towe e è kɔn siká dó lɛ́ɛ kpó ɔ́, a nǎ nɔ́ mɔ yě dó mɔ nǔ blíblí; a nǎ bɛ̌ yě nyi gbě nǔ e ko nyɔ é ɖɔhun, bó ná ɖɔ: “Cí”.

Matíe 15:7

Yɛmɛnúwatɔ́ e mi! Xó e Ezayíi ɖɔ dó mi wú ɔ́ ɖi mi wú dódó. É wɛ nyí ɖɔ:

Matíe 23:28

Mi ɖésú ɔ́, mɔ̌ wɛ mi cí. Ɖó mi nɔ cí mɛ ɖagbe ɖɔhun ɖo gbɛtɔ́ lɛ́ɛ nukún mɛ, lo ɔ́, ayi mitɔn gɔ́ nú yɛmɛnúwiwa kpódó nǔ nyanya wiwa kpó.”

Matíe 24:51

Hwenɛ́nu ɔ́, gǎn tɔn ná dɔn tó n'i, bɔ é ná syɛ́n ɖésú, lobo ná xwe e dó yɛmɛnúwatɔ́ lɛ́ɛ sín ahwan mɛ; fínɛ́ wɛ é ná ya avǐ, bó ná ɖu aɖǔkún ɖe.

Matíe 7:5

Yɛmɛnúwatɔ́, vɛ̌ yi ɖe atínkpo sín nukún jí nú hwiɖée hwɛ̌; énɛ́ ɔ́, a nǎ mɔ nukúnnú ganjí, bó ná sixú ɖe nǔywɛ́ e ɖo nukún jí nú nɔví towe ɔ́ síin.

Maki 12:15

Jezu ka tunwun ɖɔ ayi we zán xá émí wɛ yě ɖe, bó yí gbe nú yě ɖɔ: “Étɛ́ sín mɔ ɖó nú mì wɛ mi ka ɖe? Mi sɔ́ gankwɛ́ Hlɔ̌manu lɛ́ɛ tɔn ɖokpó wá nú ma kpɔ́n.”

Luki 11:44

Heelú mi, ɖó mi cí yɔta e è ma ɖó wuntun ǎ, bɔ è ma nɔ tunwun ǎ bó nɔ́ gbɔn jí lɛ́ɛ é ɖɔhun.”

Luki 12:1

Hwenu e Jezu ɖo xó énɛ́ lɛ́ɛ ɖɔ wɛ ɔ́, gbɛtɔ́ afatɔ́n (1.000) afatɔ́n (1.000) donu mɔ̌kpán wá kplé ɖo fí e é ɖe ɔ́; mɛ lɛ́ɛ sukpɔ́ káká, bó ɖo afɔ tɛ yěɖée jí wɛ. Jezu ka to ɖɔ nú ahwanvú tɔn lɛ́ɛ hwɛ̌ ɖɔ: “Mi cɔ́ miɖée dó tɔ́n Falizyɛn lɛ́ɛ tɔn e nyí yɛmɛnúwiwa é wú.

Luki 6:42

Hwi mɛ e ma ɖo atínkpo e ɖo nukún towe jí é mɔ wɛ ǎ ɔ́, nɛ̌ wɛ a ka sixú ɖɔ nú nɔví towe ɖɔ: ‘Nɔví ce, gbɔ nú ma ɖe nǔywɛ́ e ɖo nukún towe jí ɔ́ sín i nú we’ gbɔn? Yɛmɛnúwatɔ́, vɛ̌ to ɖe atínkpo sín nukún jí nú hwiɖée hwɛ̌; énɛ́ ɔ́, a nǎ mɔ nukúnnú, bó sixú ɖe nǔywɛ́ e ɖo nukún jí nú nɔví towe ɔ́ sín i.”

Jǎan 1:47

Đěe Jezu mɔ Natanayɛ́li jǎwe ɔ́, é ɖɔ dó wútu tɔn ɖɔ: “Mi kpɔ́n! Izlayɛ́li ví titewungbe ɖokpó ɖíe; é nɔ hízí nǔ ǎ.”

Hlɔ̌manu 1:29

Nǔmasɔgbe tɛnmɛ tɛnmɛ wiwa bǐ kpó nǔ nyanya wiwa tɛnmɛ tɛnmɛ bǐ kpó wɛ gɔ́ ayi yětɔn mɛ; mɛnújlójló tɛnmɛ tɛnmɛ bǐ kpó adǎnúwiwa tɛnmɛ tɛnmɛ bǐ kpó wɛ gɔ́ ayi yětɔn mɛ. Wǔhwinhwan kpó mɛhuhu kpó, kpódó jlɛɖiɖɔ kpán wɛ gɔ́ ayi yětɔn mɛ; sísɛ́ kpódó bǐbí kpó wɛ gɔ́ ayi yětɔn mɛ; yě nɔ́ ɖo xó ɖɔ kpé wɛ,

1 Kɔlɛ́ntinu 14:20

Nɔví lɛ́ɛ mi, mi ma nyí yɔkpɔ́vú ɖo linlin mitɔn lɛ́ɛ mɛ ó; mi ní nyí yɔkpɔ́vú ɖo nǔ e kunkplá nǔ nyanya é mɛ; amɔ̌, mi ní nyí mɛxó ɖo linlin mitɔn lɛ́ɛ mɛ.

1 Kɔlɛ́ntinu 5:8

Hǔn, mi bo nú mǐ ná ɖu xwe mǐtɔn; mǐ ní ma ka zé wɔ̌xúxú e mɛ è dǒ tɔ́n xóxó e nyí hwɛhuhu sín tɔ́n kpódó agalilɛ sín tɔ́n kpán ɔ́ dó ɖu ná ó; lo ɔ́, mǐ ní zé wɔ̌xúxú e mɛ tɔ́n má ɖe ǎ é dó ɖu ná; wɔ̌xúxú énɛ́ ɔ́, mǐmɛ́ kpódó nǔgbó kpó sín wɔ̌xúxú wɛ é nyí.

2 Kɔlɛ́ntinu 12:20

Un ɖo xɛsi ɖi wɛ ɖɔ hwenu e un ná wá gɔ̌n mitɔn ɔ́, un ná wá mɔ mi ɖo lě e un ma jló gbɔn ǎ é, bɔ mi lɔmɔ̌ ná mɔ mì ɖo lě e mi ma jló gbɔn ǎ é. Un ɖo xɛsi ɖi wɛ ɖɔ un wá ɔ́, jlɛ kpó wǔhwinhwan kpó ná ɖo tɛ́ntin mitɔn; xomɛsin kpó agbahwlɛ́nxámɛ kpó ná ɖo tɛ́ntin mitɔn; mɛzunzun kpó xó ma sɔgbe kpó, goyíyí kpó nǔ hannyahannya wiwa kpó ná ɖo tɛ́ntin mitɔn.

Efɛ́zinu 4:31

Mi jó akpɔmimɔ dó; mi jó aɖi ɖíɖó dó, bó jó xomɛsin dó; mi jó jlɛɖiɖɔ dó, bó jó mɛnúɖiɖɔ dó. Mi jó adǎkaxixo bǐ dó.

1 Tɛsalonikinu 2:3

Nǔgbó ɔ́, xó e ɖɔ dó ylɔ́ mɛ lɛ́ɛ ná wɛ mǐ ɖe ɔ́ jínjɔ́n nǔwanyido ɖé jí ǎ; é jínjɔ́n linlin kwíji kwíji ɖé jí ǎ; é ka jínjɔ́n nǔ hízíhízí ɖé jí ǎ.

1 Timɔtée 3:11

Asi yětɔn lɛ́ɛ lɔ ɖó ná nyí mɛ ɖagbe; yě ɖó ná nɔ ɖɔ mɛ nú ǎ; yě ná nɔ wa nǔ bǐ dó jlɛ̌ jí, bó ná nɔ gbejí ɖo nǔ bǐ mɛ.

Titu 2:3

Mɔ̌ ɖokpó ɔ́, ɖɔ nú nyɔ̌nu e sín xwe ko sɛ yi lɛ́ɛ ɖɔ yě ní zán gbɛ yětɔn mɛ e nɔ zán gbɛ mímɛ́ lɛ́ɛ ɖɔhun. Yě ná nɔ́ ɖɔ mɛ nu ǎ; yě ná nyí ahannumúnɔ ǎ; yě ɖó ná nɔ́ kplɔ́n nǔ ɖagbe mɛ,

Eblée 12:1

Mǐ lɔmɔ̌ ɔ́, mɛ tobutóbú énɛ́ lɛ́ɛ e ɖe nǔɖiɖi yětɔn xlɛ́ lɛ́ɛ lɛ́ lɛ̌ dó mǐ; hǔn, mǐ ní jó nǔ e nɔ dó tagba nú mǐ ɖo Aklúnɔ lixo ɔ́ bǐ dǒ, bó jó hwɛhuhu e é ma vɛ́ wǔ ná ɖɔ é ní tɛ́ dó mǐ wú ǎ é dó. Mǐ ní dɛ ɖo wezun e è sɔ́ ɖó te nú mǐ bɔ mǐ ɖo kínkán wɛ ɔ́ nu.

Jaki 1:21

Énɛ́ ɔ́ wútu ɔ́, mi ní jó nǔ e ná hɛn mɛ kwíji é bǐ kpódó azɔ̌ nyanya bǐ kpán dó. Mi yí xó e Mawu sɔ́ dó ayi mitɔn mɛ ɔ́ kpó xomɛ fífá kpó; ɖó xó ɔ́ hɛn ɔ́, é ná hwlɛ́n mi gán.

Jaki 3:14

Lo ɔ́, ényí wǔhwinhwan baɖabaɖa kpó agbahwlɛ́nxámɛ sín ayixa kpó ɖo xomɛ nú mi hǔn, mi ma jlá ajɔ̌ nú miɖée ó; mi ma gbɛ́ nǔgbó ɖɔ, lobo ɖó nǔvú ó.

Jaki 4:11

Nɔví lɛ́ɛ mi, mi ma nɔ ɖɔ miɖée sín nǔ nyanya ó. Mɛ e nɔ ɖɔ nɔví tɔn sín nǔ nyanya, abǐ é nɔ ɖɔ hwɛ dó e ɔ́, sɛ́n ɔ́ sín nǔ nyanya ɖɔ wɛ é ɖe, bó ɖo hwɛ ɖɔ dó sɛ́n ɔ́ wɛ. Nú a ka ɖo hwɛ ɖɔ dó sɛ́n ɔ́ wɛ hǔn, a sɔ́ nyí mɛ e ɖo tónú se n'i wɛ ɔ́ ǎ; lo ɔ́, a nyǐ mɛ e nɔ ɖɔ hwɛ dó sɛ́n ɔ́ é.

Jaki 4:5

Mi ma vɛdó ɖɔ yǎyá wɛ è wlǎn xó élɔ́ dó Mawuxówéma ɔ́ mɛ sín ó: è wlǎn ɖɔ: “Mawu nɔ zé wǔhwinhwan dó byɔ́ yɛ e é sɔ́ dó mǐ mɛ ɔ́ ná.”

Jaki 5:9

Nɔví lɛ́ɛ mi, mi ma nɔ jɛ miɖée sín hwɛ, bónú Mawu wá ɖɔ hwɛ xá mi ó. Hwɛɖɔtɔ́ ɔ́ ko ɖo hɔnta, bó ɖo xwé gbe ná byɔ́ wɛ.

1 Piyɛ́ɛ 2:16

Mi zán gbɛ mitɔn mɛ e ɖo éɖée sí é ɖɔhun; amɔ̌ mi ɖésúnɔ sí e mi ɖe ɔ́ ní ma nyí avɔ bónú mi bú dó nǔ nyanya ó; lo ɔ́, mi wa nǔ mɛsɛntɔ́ Mawu tɔn ɖɔhun.

1 Piyɛ́ɛ 2:22

É hu hwɛ ǎ, è ka se adingbanxó ɖé ɖo nu tɔn mɛ kpɔ́n gbeɖé ǎ.

1 Piyɛ́ɛ 3:10

Đó Mawuxówéma ɔ́ ɖɔ: “Mɛ e jló ná mɔ gbɛ sín vǐví, bó jló ɖɔ gbɛ ní nyɔ́ nú émí ɔ́ ɖó ná hɛn nu tɔn, bó ná nɔ́ ɖɔ xó nyanya ǎ, bó ná jó nǔvúɖíɖó dó.

1 Piyɛ́ɛ 4:2

Hǔn, bɛ́ sín din ɔ́, gbɛ e kpo bɔ mi ná zán ɖo ayǐkúngban jí fí ɔ́, lě e Mawu jló gbɔn ɔ́ wɛ mi ɖó ná zán gbɔn; é nyí jlǒ gbɛtɔ́ tɔn wɛ mi ná xwedó ǎ.

1 Piyɛ́ɛ 4:4

Din ɔ́, ée mɛ ma ɖi nǔ nú Mawu ǎ lɛ́ɛ mɔ ɖɔ mi kún sɔ́ nɔ ɖo nǔwazɛjlɛ̌wú sín gbɛ nyanya énɛ́ ɔ́ zán xá émí wɛ ó ɔ́, é kpácá yě, bɔ yě bɔ zun ɖó nú mi.

Nǔɖexlɛ́mɛ 14:5

È se yě ɖó adingban kpɔ́n gbeɖé ǎ; blɔ̌ ɖěbǔ ɖo yě wú ǎ.