1 Piyɛ́ɛ 1:8 - MAWUXÓWÉMA

⁸ Mi mɔ ɛ ǎ, có mi ka yí wǎn n'i; mi ɖo mimɔ ɛ wɛ din ǎ, có mi ka ɖi nǔ n'i; énɛ́ ɔ́ wú wɛ xomɛ ɖaxó ɖé ɖo mi hun wɛ; xomɛ hun mi sɔ mɔ̌, bɔ nu sixú ɖɔ ǎ.

1 Piyɛ́ɛ 1:8 Iomraidhean Croise

Hanvíví 1:7

Hwi wɛ un yí wǎn ná, ɖɔ fí e a nɔ kplá kanlin towe lɛ́ɛ gbɔn é nú mì; ɖɔ fí e yě nɔ́ ɖu ama gbɔn ɔ́ nú mì; ɖɔ fí e a nɔ kplá yě yi hwemɛ, bɔ yě nɔ́ gbɔjɛ́ ɔ́ nú mì. Énɛ́ ɔ́, un sɔ́ ná ɖo gbě towe mɛ ɖo hǎgbɛ́ towe lɛ́ɛ sín kanlin lɛ́ɛ gúdo ǎ.

Hanvíví 5:16

Nufló tɔn nɔ víví ɖo nu ce mɛ. Nǔ e ɖo wǔ tɔn lɛ́ɛ bǐ wɛ nɔ́ dɔn mì. Đyɔ̌vǐ Jeluzalɛ́mu tɔn lɛ́ɛ mi, lě e wǎnyínámɔ ce cí é nɛ́, lě e xɔ́ntɔn ce cí é nɛ́!

Hanvíví 5:9

Hwi mɛ e nyɔ́ ɖɛkpɛ hú nyɔ̌nu lɛ́ɛ bǐ ɔ́, étɛ́ ká ɖo wǎnyínámɔ towe sí, bó má ɖo súnnu ɖě lɛ́ɛ sí ǎ? Étɛ́ ká ɖo así tɔn, bó má ɖo súnnu ɖě lɛ́ɛ sí ǎ, bɔ a wǎ ɖo kɛnklɛ́n dó nú mǐ wɛ?

Matíe 10:37

“Mɛ e yí wǎn nú tɔ́ tɔn abǐ nɔ tɔn hú mì ɔ́, mɛ énɛ́ jɛ xá ná nyí ahwanvú ce ǎ; mɛ e ka ná yí wǎn nú vǐ tɔn súnnu abǐ vǐ tɔn nyɔ̌nu hú mì ɔ́, mɛ énɛ́ lɔmɔ̌ jɛ xá na nyí ahwanvú ce ǎ.

Jǎan 14:15

“Nú mi yí wǎn nú mì ɔ́, mi ná nyi sɛ́n ce lɛ́ɛ.

Jǎan 14:21

“Mɛ e hɛn sɛ́n ce lɛ́ɛ ayi mɛ, bó nɔ́ nyi yě lɛ́ɛ ɔ́, mɛ énɛ́ wɛ yí wǎn nú mì. Tɔ́ ce ná yí wǎn nú mɛ e yí wǎn nú mì ɔ́, bɔ nyɛ lɔ ná yí wǎn n'i, bó ná ɖe nyɛɖée xlɛ́ ɛ.”

Jǎan 14:24

Mɛ e ma ka yí wǎn nú mì ǎ ɔ́, é nɔ bló ɖó xó ce lɛ́ɛ jí ǎ. Nyɛ ɖésúnɔ gɔ́n wɛ xó e ɖɔ nú mi wɛ un ɖe lɛ́ɛ ka nɔ gosín ǎ, Tɔ́ ce e sɛ́ mì dó ɔ́ gɔ́n wɛ xó énɛ́ lɛ́ɛ nɔ gosín.

Jǎan 16:22

Mɔ̌ ɖokpó ɔ́, mi lɔmɔ̌ ɖo aluwɛ mɛ din; lo ɔ́, un ná lɛ́ wá mɔ mi, bɔ mi ná mɔ awǎjijɛ, bɔ mɛ ɖěbǔ sɔ́ ná sixú ɖe awǎjijɛ énɛ́ sín ayi mitɔn mɛ ǎ.

Jǎan 20:29

Jezu ka ɖɔ n'i ɖɔ: “É ma nyí ée a mɔ mì ɔ́ wútu wɛ a ɖi nǔ nú mì a? Nǔ nyɔ́ nú mɛ e ma mɔ ǎ, bó ka ɖi nǔ lɛ́ɛ.”

Jǎan 8:42

Jezu ka yí gbe nú yě ɖɔ: “Nú Mawu jɛ́n nyí Tɔ́ mitɔn nǔgbó ɔ́, mi na ko yí wǎn nú mì, ɖó Mawu gɔ́n wɛ un gosín bó wá. Jlǒ nyɛ ɖésúnɔ tɔn mɛ wɛ un wá dó ǎ; lo ɔ́, é wɛ sɛ́ mì dó.

Mɛsɛ́dó 16:34

Gǎn e kpa acɛ dó gankpá ɔ́ nu ɔ́ ka kplá yě yi xɔ tɔn mɛ, ɖo síngbó jí, bó ná nǔɖuɖu yě, bɔ é kpó mɛ tɔn lɛ́ɛ bǐ kpán jɛ awǎ ɖó Mawu e yě ɖi nǔ ná é wútu.

Hlɔ̌manu 14:17

Đó axɔ́súɖuɖu Mawu tɔn nyí nǔɖuɖu kpó ahan kpó sín xó ɖé ǎ; hwɛjijɔ kpódó fífá kpó, kpódó awǎjijɛ e Yɛsinsɛn nɔ ná mɛ ɔ́ kpó sín xó wɛ.

Hlɔ̌manu 15:13

Mawu e gɔ́n nukúnɖíɖó nɔ gosín ɔ́, ní bló bónú awǎjijɛ e nǔ bǐ vɔ ɖ'é wú ɔ́ kpódó fífá e nǔ bǐ vɔ ɖ'é wú ɔ́ kpó ní gɔ́ ayi mɛ nú mi gbɔn nǔɖiɖi e mi ɖó n'i ɔ́ jí, bónú nukúnɖíɖó mitɔn ná túnflá gbɔn Yɛsinsɛn sín hlɔ̌nhlɔ́n jí.

1 Kɔlɛ́ntinu 16:22

Ényí mɛɖé ma yí wǎn nú Aklúnɔ ǎ hǔn, heelú i! Aklúnɔ mǐtɔn, wǎ!

2 Kɔlɛ́ntinu 1:22

É wɛ sɔ́ nyǐkɔ tɔn dó ɖó wuntun mǐ, bó kɔn Yɛsinsɛn dó ayi mǐtɔn mɛ; é wɛ ná gǎnjɛwú mǐ ɖɔ mǐ ná mɔ ɖagbe e é sɔ́ ɖ'ayǐ nú mǐ lɛ́ɛ yí.

2 Kɔlɛ́ntinu 12:4

É se xó e è ma sixú vɔ́ ɖɔ ǎ é, xó e è ma ka ná gbe gbɛtɔ́ ɖɔ ní ɖɔ ǎ é ɖo fínɛ́.

2 Kɔlɛ́ntinu 4:18

Đó nǔ e è nɔ mɔ ɖó nukún wú ɔ́ jí wɛ ayixa mǐtɔn ɖe ǎ; lo ɔ́, nǔ e è ma nɔ mɔ ɖó nukún wú ǎ ɔ́ jí wɛ ayixa mǐtɔn ɖe. Nǔ e è nɔ mɔ ɖó nukún wú ɔ́, hwenu kpɛɖé jɛ́n wɛ é nɔ́ nɔ ayǐ ná; lo ɔ́, nǔ e è ma nɔ mɔ ɖó nukún wú ǎ ɔ́, é nɔ́ nɔ ayǐ káká sɔ́yi.

2 Kɔlɛ́ntinu 5:7

Nǔgbó ɔ́, mǐ ɖo gbɛ ɔ́, nǔ e mǐ ɖi ɔ́ wú wɛ; é nyí mǐ kó mɔ ɖó nukún wú wɛ ǎ.

2 Kɔlɛ́ntinu 9:15

Mi nú mǐ ná dó kú nú Mawu ɖó nǔníná tɔn e d'agba bɔ è ma sixú jlɛ́ ǎ é wú.

Galatinu 5:22

Lo ɔ́, nǔ e Yɛsinsɛn nɔ ná mɛ ɔ́ wɛ nyí wǎn yíyí, xomɛhunhun, vivo mimɔ, suúluɖíɖó, xomɛnyínyɔ́, ɖagbewiwa, gbejíninɔ,

Galatinu 5:6

ɖó ényí mǐ ɖo kpɔ́ xá Klísu Jezu ɔ́, adagbigbo nyí nǔɖé ǎ; adamagbo lɔ ka nyí nǔɖé ǎ. Nǔ e ɖo tají ɔ́ wɛ nyí nǔɖiɖi e nɔ wa nǔ kpódó wǎn yíyí kpó é.

Efɛ́zinu 3:19

Nǔgbó wɛ! Mi ní mɔ nukúnnú jɛ wǎn yíyí tɔn wú, énɛ́ ɔ́, nǔ e Mawu nyí ɔ́ ná gɔ́ ayi mitɔn mɛ bǐ dégbédégbé. Có mɛɖé ka nɔ mɔ nukúnnú jɛ wǎn yíyí Mawu tɔn wú yí fó gbeɖé ǎ.

Efɛ́zinu 6:24

Fɛ́nú Mawu tɔn ní nɔ kpɔ́ xá mɛ e ɖó wǎn yíyí mavɔ mavɔ nú Aklúnɔ mǐtɔn Jezu Klísu lɛ́ɛ.

Filípunu 1:25

Un gán jɛ énɛ́ wú, bó tunwun ɖɔ un ná nɔ ayǐ, bó nɔ kpɔ́ xá mi bǐ, bó ná dó alɔ mi bɔ mi ná ɖó nukɔn yiyi, bó ná ɖó xomɛhunhun ɖo nǔɖiɖi e mi ɖó nú Klísu ɔ́ mɛ.

Filípunu 3:3

Mǐ mɛ e nɔ sɛn Mawu ɖo Yɛ Mawu tɔn mɛ lɛ́ɛ ɔ́, mǐ wɛ gbo ada titewungbe ɔ́; mǐ wɛ nɔ xɔ susu ɖo Klísu Jezu mɛ; mǐ wɛ ma nɔ gán jɛ walɔ gbɛtɔ́ tɔn lɛ́ɛ wú ǎ.

Filípunu 4:4

Mi jɛ awǎ hwebǐnu, ɖó mi ɖo bǔ ɖo Aklúnɔ mɛ; un ɖo vǐvɔ́ ɖɔ wɛ ɖɔ mi ní jɛ awǎ.

Eblée 11:1

Nǔɖiɖi ɖíɖó wɛ nyí è nǐ ɖeji dó nǔ e ɖó nukún wɛ è ɖe ɔ́ wú; è nǐ gán jɛ nǔ e è ma mɔ ǎ é wú ɖɔ é tíin.

Eblée 11:27

Nǔɖiɖi e Mɔyízi ɖó ɔ́ wɛ zɔ́n bɔ é gosín Ejípu ma ɖi xɛsi nú xomɛsin axɔ́sú ɔ́ tɔn. É kpán akɔ́n, ɖi é ɖo éyɛ́ Mawu e è ma nɔ mɔ ǎ é mɔ wɛ ɖɔhun.

1 Piyɛ́ɛ 1:6

Énɛ́ ɔ́ wú ɔ́, nú é ná bó byɔ́ ɖɔ mi ná nɔ aluwɛ mɛ din nú hwenu kpɛɖé, ɖó nǔ tɛnmɛ tɛnmɛ e ɖo mi gbo wɛ lɛ́ɛ wú ɔ́, nyɔ̌ná énɛ́ lɛ́ɛ nɔ dó xomɛhunhun nú mi.

1 Piyɛ́ɛ 2:7

Awǐnnya xɔ akwɛ́ ɖaxó ɖokpó wɛ nyí awǐnnya énɛ́ ɔ́ nú mi mɛ e ɖi nǔ lɛ́ɛ; amɔ̌ nú mɛ e ma ɖi nǔ ǎ lɛ́ɛ ɔ́, é nyí: “Awǐnnya e xɔmɛtɔ́ lɛ́ɛ ma dó mɔ nǔɖéwanú ǎ, bó xo nyi kɛ́n, bɔ é húzú awǐnnya e ɖo tají é”.

1 Piyɛ́ɛ 5:4

Énɛ́ ɔ́, hwenu e lɛ̌ngbɔ́nyitɔ́ lɛ́ɛ sín gǎn ná ɖe éɖée xlɛ́ ɔ́, mi ná yí axɔ́súgbákún susunɔ e ma ná cá gbeɖé ǎ é.