1 Piyɛ́ɛ 1:6 - MAWUXÓWÉMA

⁶ Énɛ́ ɔ́ wú ɔ́, nú é ná bó byɔ́ ɖɔ mi ná nɔ aluwɛ mɛ din nú hwenu kpɛɖé, ɖó nǔ tɛnmɛ tɛnmɛ e ɖo mi gbo wɛ lɛ́ɛ wú ɔ́, nyɔ̌ná énɛ́ lɛ́ɛ nɔ dó xomɛhunhun nú mi.

1 Piyɛ́ɛ 1:6 Iomraidhean Croise

Ɖɛhan 119:28

Akpɔ nɔ dó avǐ nu nú mì, zě mì sí te lě e a ɖɔ gbɔn é.

Ɖɛhan 119:75

Mawu Mavɔmavɔ, un tunwun ɖɔ hwɛ e a nɔ ɖɔ lɛ́ɛ nɔ sɔgbe, nǔ e xó towe ɖɔ é wɛ a xwedó dó dɔn tó nú mì.

Ɖɛhan 34:19

Mawu Mavɔmavɔ ɖo kpɔ́ xá mɛ e ayi yětɔn gbadó lɛ́ɛ, é nɔ́ hwlɛ́n mɛ e nǔ jɛ akɔ́n jí ná lɛ́ɛ.

Ɖɛhan 35:10

Un ná ɖɔ kpó ayi ce bǐ kpó ɖɔ: “Mɛ̌ ka sixú hwlɛ́n gbɛ̌dónɔ sín mɛ e hú gǎn ɛ ɔ́ lɔmɛ hwi ɖɔhun? A nɔ yí gbɛ̌dónɔ kpó wamamɔnɔ kpó sín mɛ e ɖo afú tá yě wɛ ɔ́ sí.”

Ɖɛhan 69:20

A tunwun cí e è kɔn dó kɔ nú mì é, a tunwun winnyá e un ɖu é, bó tunwun lě e wi ce kɔ́n gbɔn é, a mɔ nǔ jɛ kɛntɔ́ ce lɛ́ɛ bǐ wú.

Ɖɛhan 9:14

Mawu Mavɔmavɔ, jɔwǔ mì! Kpɔ́n gbɛ e mɛ kɛntɔ́ ce lɛ́ɛ ɖó mì é! Đe mì sín kú hɔn jí,

Ɖɛhan 95:1

Mi wá mǐ ji han nú Mawu Mavɔmavɔ kpó awǎjijɛ kpó, mi wá mǐ sú xó sɛ́ dó só e hwlɛ́n mǐ gán é kpó xomɛhunhun kpó.

Ezayíi 61:10

Un ɖo awǎjijɛ mɛ ɖě ɖo ɖě jí ɖó Mawu Mavɔmavɔ wútu. Xomɛ ɖo hunhun mì wɛ ɖó Mawu ce wú. Nǔgbó wɛ, é hwlɛ́n mì gán, bó sɔ́ hwlɛngán tɔn dó nú mì awu ɖaxó ɖé ɖɔhun; é sɔ́ ɖuɖéjí tɔn cyɔ́n nú mì avɔ ɖɔhun; un cí dɔ̌nkpɛvú e da asi yɔ̌yɔ́, bó sɔ́ tablá ɖagbe ɖagbe ɖé ɖó ta ɔ́ ɖɔhun; un cí ɖyɔ̌vǐ e da asú yɔ̌yɔ́, bó dó sikánú yɛɖɛɖɛ ɔ́ ɖɔhun.

Ezayíi 61:3

Sinyɔ́ɔ wú wɛ yě ɖo aluwɛ mɛ; lo ɔ́, azɔ̌ e Mawu Mavɔmavɔ zɔ́n mì ɔ́ wɛ nyí ɖɔ má zé aluwɛ e mɛ yě ɖe ɔ́ dó húzú xomɛhunhun nú yě: un nǎ zé afín e yě lɛ dó ta ɔ́ dó húzú tablá ɖagbe ɖagbe ɖé. Un ná kɔn ami wǎnɖagbenɔ ɖé dó ta nú yě, bɔ é ná nyí awǎjijɛ sín wuntun, é sɔ́ ná nyí aluwɛ sín wuntun ǎ. Acɔ́wu wɛ un ná dó nú yě, ɖó awakanmɛ e kú yě ɔ́ tɛnmɛ. Énɛ́ ɔ́, è nǎ nɔ́ ylɔ́ yě ɖɔ hwɛjijɔtín ɖaxó ɖaxó e Mawu tun, bɔ yě nɔ́ ɖe susu tɔn xlɛ́ lɛ́ɛ; è nǎ nɔ́ zé yě jlɛ́ dó jikpá e nɔ ɖe susu Mawu Mavɔmavɔ tɔn xlɛ́ é wú.

Matíe 11:28

“Mi wá gɔ̌n ce; mi mɛ e agban kpinkpɛn hinhɛn cikɔ ná lɛ́ɛ é bǐ, bónú ma ná gbɔjɛ́ mi.”

Matíe 26:37

É ka kplá Piyɛ́ɛ kpódó Zebeɖée ví we lɛ́ɛ kpó, bɔ wǔ jɛ kúkú i jí, bɔ ado jɛ huhu i jí;

Matíe 5:12

Mi j'awǎ, bó hun xomɛ, ɖó ajɔ ɖaxó ɖo te kpɔ́n mi ɖo sɛ́xwé. Ɖó, mɔ̌ wɛ è ko dó ya nú gbeyíɖɔ Mawu tɔn e jɛ nukɔn nú mi lɛ́ɛ gbɔn ɔ́ nɛ́.

Luki 1:47

bɔ xomɛ hun mì tlala dó Mawu Mɛhwlɛ́ngántɔ́ ce wu;

Luki 10:20

É ɖo mɔ̌ có, yɛ nyanya lɛ́ɛ e jó ta nú mi é wú wɛ xomɛ ná hun mi ǎ; lo ɔ́, xomɛ ní hun mi ɖó nyǐkɔ mitɔn e è wlǎn ɖó sɛ́xwé é wú.”

Luki 2:10

Wɛnsagun ɔ́ ka ɖɔ nú yě ɖɔ: “Mi ma ɖi xɛsi ó, Wɛn Ɖagbe ɖé dó mi gbé wɛ un ja, bɔ é ná nyí awǎjijɛnú ɖaxó nú togun ɔ́ bǐ.

Jǎan 16:22

Mɔ̌ ɖokpó ɔ́, mi lɔmɔ̌ ɖo aluwɛ mɛ din; lo ɔ́, un ná lɛ́ wá mɔ mi, bɔ mi ná mɔ awǎjijɛ, bɔ mɛ ɖěbǔ sɔ́ ná sixú ɖe awǎjijɛ énɛ́ sín ayi mitɔn mɛ ǎ.

Jǎan 16:33

Un ɖɔ nǔ énɛ́ lɛ́ɛ nú mi, bónú mi ná ɖó vivo ɖo nyɛ mɛ. Mi ná mɔ wǔvɛ́ ɖo gbɛ ɔ́ mɛ; lo ɔ́, mi kpan akɔ́n, ɖó un ko ɖu ɖo gbɛ ɔ́ jí.”

Mɛsɛ́dó 14:22

Yě nɔ dó wǔsyɛ́n lanmɛ nú ahwanvú Jezu tɔn lɛ́ɛ, bó nɔ́ ná akɔ́nkpinkpan yě, nú yě ná lí dǒ ɖo nǔɖiɖi mɛ, bó nɔ́ ɖɔ nú yě ɖɔ: “Ya gěgé wɛ mǐ ɖó nǎ ji, bó ná dó byɔ́ axɔ́súɖuɖu Mawu tɔn mɛ.”

Hlɔ̌manu 12:12

Nǔ e ɖó nukún wɛ mi ɖe ɔ́ ní dó xomɛhunhun nú mi. Mi nɔ ɖó sɔxwixwe ɖo wǔvɛ́ e mɔ wɛ mi ɖe lɛ́ɛ mɛ. Mi nɔ ɖó kan dó ɖɛxixo wú.

Hlɔ̌manu 5:11

Énɛ́ ɔ́ kɛ́ɖɛ́ ka wɛ ǎ; lo ɔ́, mǐ tlɛ lɛ́ ɖo awǎ jɛ wɛ ɖo Mawu mɛ gbɔn Aklúnɔ mǐtɔn Jezu Klísu e Mawu zé dó dó hwɛ gbɔ xá mǐ é jí.

Hlɔ̌manu 5:2

Nǔɖiɖi mǐtɔn zɔ́n bɔ mǐ kpé wú, bó mɔ fɛ́nú e Mawu ná mǐ ɔ́ yí gbɔn Jezu jí; fɛ́nú énɛ́ wɛ zɔ́n bɔ mǐ lí dǒ din. Nǔ e nɔ dó xomɛhunhun nú mǐ ɔ́ wɛ nyí nukún e ɖó wɛ mǐ ɖe ɖɔ mǐ ná ɖó mǐmá ɖo susu Mawu tɔn mɛ é.

Hlɔ̌manu 9:2

Un ɖo aluwɛ ɖaxó mɛ; un ɖo wǔvɛ́ mɔ wɛ hwebǐnu ɖo ayi mɛ.

2 Kɔlɛ́ntinu 4:17

Wǔvɛ́ kpɛ e mɔ wɛ mǐ ɖe din nú hwenu ɖé ɔ́ nɔ́ bló susu mavɔ mavɔ ɖ'ayǐ nú mǐ, bɔ é nɔ́ túnflá; susu énɛ́ ɖo tají hú wǔvɛ́ e mɔ wɛ mǐ ɖe din é ɖaxó.

2 Kɔlɛ́ntinu 6:10

È nɔ dɔn mǐ dó aluwɛ mɛ, có mǐ nɔ́ ɖo awǎjijɛ mɛ hwebǐnu; mǐ cí wamamɔnɔ ɖɔhun; lo ɔ́, mǐ nɔ́ dó dɔkun nú mɛ gěgé; mǐ cí mɛ e ma ɖó nǔɖé ɖɔhun, è ka ná ɖɔ nǔgbó ɔ́, mǐ ɖó nǔ bǐ.

Galatinu 5:22

Lo ɔ́, nǔ e Yɛsinsɛn nɔ ná mɛ ɔ́ wɛ nyí wǎn yíyí, xomɛhunhun, vivo mimɔ, suúluɖíɖó, xomɛnyínyɔ́, ɖagbewiwa, gbejíninɔ,

Filípunu 2:26

É ɖó jlǒ ɖaxó ɖɔ émí ní mɔ mi bǐ, bɔ é ɖo hǔn mɛ n'i ɖésú, ɖó mi se ɖɔ é jɛ azɔn.

Filípunu 3:3

Mǐ mɛ e nɔ sɛn Mawu ɖo Yɛ Mawu tɔn mɛ lɛ́ɛ ɔ́, mǐ wɛ gbo ada titewungbe ɔ́; mǐ wɛ nɔ xɔ susu ɖo Klísu Jezu mɛ; mǐ wɛ ma nɔ gán jɛ walɔ gbɛtɔ́ tɔn lɛ́ɛ wú ǎ.

Filípunu 4:4

Mi jɛ awǎ hwebǐnu, ɖó mi ɖo bǔ ɖo Aklúnɔ mɛ; un ɖo vǐvɔ́ ɖɔ wɛ ɖɔ mi ní jɛ awǎ.

1 Tɛsalonikinu 1:6

Lě e mǐ wa nǔ gbɔn ɔ́ kpódó lě e Aklúnɔ wa nǔ gbɔn ɔ́ kpán wɛ mi xwedó, dó wa nǔ, ɖó mi mɔ wǔvɛ́ ɖésú, có mi ka yí Mawuxó ɔ́ kpódó xomɛhunhun e Yɛsinsɛn nɔ ná mɛ é kpó.

Jaki 1:2

Nɔví ce lɛ́ɛ mi, hwenu e è nǎ ɖo mi dó kpɔ́n wɛ gbɔn alɔkpa lɛ́ɛ bǐ mɛ ɔ́, ní nyí awǎjijɛnú nú mi;

Jaki 1:9

Nɔví e nyí wamamɔnɔ ɔ́ ní tɛ afɔ ayǐ, ɖó Mawu ɖo sísɔ́ ɛ su wɛ;

Jaki 4:9

Mi nɔ aluwɛ mɛ; mi ya avǐ, bó ná alě; nǔ wɛ mi ɖó ná ko ǎ; avǐ wɛ mi ɖó ná ya, bó zé awǎjijɛ mitɔn dó húzú aluwɛ ná.

1 Piyɛ́ɛ 3:17

Đó ényí jlǒ Mawu tɔn wɛ nyí ɖɔ è nǐ ji ya ɔ́, hǔn è ji ya ɖó ɖagbewiwa wú ɔ́, é nyɔ́ hú è nǐ ji ya ɖó nyanya wú.

1 Piyɛ́ɛ 4:7

Hwenu nǔ lɛ́ɛ bǐ ná vɔ dó ɔ́ ko yá; mi zán gbɛ e sɔgbe é; ayixa mitɔn ní nɔ te bónú mi ná nɔ sixú xo ɖɛ.

1 Piyɛ́ɛ 5:10

Lo ɔ́, ényí mi ji ya nú hwenu kpɛɖé gúdo ɔ́, Mawu fɛ́nú bǐ nɔ e ylɔ́ mi nú mi ná ɖó mǐmá ɖo susu tɔn mavɔ mavɔ ɔ́ mɛ, ɖo bǔ e mi ɖe xá Klísu ɔ́ mɛ ɔ́, é ɖésúnɔ ná wa azɔ̌ ɖo mi wú, bɔ mi ná nyɔ́ yí fó; é ná bló bɔ mi ná syɛ́nlǐn; é ná ná hlɔ̌nhlɔ́n mi; é ná dó mi do nyi dodó syɛ́nsyɛ́n lɛ́ɛ jí.

1 Samuwɛ́li 2:1

Ana xo ɖɛ bó ɖɔ: Un ɖo awǎjijɛ mɛ; Mawu Mavɔmavɔ wɛ ka nyí tɔn. Din ɔ́, un zé ta ɖo gbɛtɔ́ lɛ́ɛ mɛ; Mawu Mavɔmavɔ wɛ ka nyí tɔn. Din ɔ́, un hɛn ɔ́, un ná ko kɛntɔ́ ce lɛ́ɛ. Un ɖo awǎ jɛ wɛ ɖó Mawu Mavɔmavɔ hwlɛ́n mì gán.