1 Piyɛ́ɛ 1:5 - MAWUXÓWÉMA

⁵ nú mi mɛ e hlɔ̌nhlɔ́n tɔn ɖo hinhɛn wɛ gbɔn nǔɖiɖi jí káká jɛ hwenu e hwlɛngán e ko sɔgbe, bɔ è nǎ ɖe xlɛ́ ɖo hwenu gǔdo gúdo tɔn lɛ́ɛ mɛ ɔ́ ná wá dó é.

1 Piyɛ́ɛ 1:5 Iomraidhean Croise

Jɔ̌bu 19:25

Amɔ̌, nyɛ ɔ́, un tunwun ɖɔ mɛ e ɖo hun jɛ dó jǐ ce wɛ ɔ́ ɖo gbɛ; é wɛ ná kɛ nu gǔdo gúdo tɔn ɖo ayǐkúngban jí.

Ɖɛhan 37:28

Đó Mawu Mavɔmavɔ yí wǎn nú nǔ wa ɖó sɛ́nxwi jí; é nɔ́ jó mɛ e nyí étɔn lɛ́ɛ dó ǎ. É nɔ́ ɖo nukún kpé dó yě wú wɛ tɛgbɛ. Lo ɔ́, Mawu Mavɔmavɔ ná sú mɛdídá lɛ́ɛ sín kún dó bǐ gbídígbídí.

Nǔnywɛ́xó 2:8

é nɔ hɛn mɛ e nɔ wa nǔ ɖó sɛ́nxwi jí lɛ́ɛ, é nɔ́ kpé nukún dó mɛ e nɔ nɔ gbejí n'i lɛ́ɛ wú.

Ezayíi 45:17

Amɔ̌, Izlayɛ́li togun ɔ́, Mawu Mavɔmavɔ hwlɛ́n ɛ gán káká sɔ́yi. Mi mɛ e nyí togun tɔn ɔ́, mi sɔ́ ná ɖu winnyá gbeɖé ǎ, wi mitɔn ɖě sɔ́ ná kɔ́n gbeɖé ǎ.

Ezayíi 51:6

Mi kpɔ́n jǐxwé aga dɔ̌n sɛ́ dó; mi kpɔ́n do, bó kpɔ́n ayǐkúngban ɔ́; jǐnukúnsin ná kɛn azizɔ ɖɔhun, ayǐkúngban ná gbi avɔ ɖɔhun, bɔ mɛ e ɖo ayǐkúngban ɔ́ jí lɛ́ɛ ná kɔn nyi ayǐ sukpɔ ɖɔhun; amɔ̌, hwlɛngán e un ná hɛn wá ɔ́ ná nɔ ayǐ káká sɔ́yi; hwɛjijɔ ce ná ɖó dogbó ǎ.

Ezayíi 54:17

Alǐnnyánú e è nǎ tun bó ná sɔ́ dó jǐ we ɔ́ ɖě ná wa nǔtí nú we ǎ. Mɛ ɖé kɛ nu bó dó hwɛ we ɔ́, a nǎ ɖe xlɛ́ mɛ ɔ́ ɖɔ éyɛ́ wɛ hu hwɛ. Nǔ e un sɔ́ ɖ'ayǐ nú mɛ e nyí mɛsɛntɔ́ ce lɛ́ɛ é nɛ́. Nǔ e yě ɖó acɛ ná bɔ un sɔ́ ɖ'ayǐ nú yě ɔ́ nɛ́. Xó e nyɛ Mawu Mavɔmavɔ ɖɔ ɔ́ nɛ́.”

Ezayíi 66:22

Mawu Mavɔmavɔ ɖɔ: “Lě e jǐnukúnsin yɔ̌yɔ́ e un ná bló é, kpó ayǐkúngban yɔ̌yɔ́ e un ná bló é kpó ná nɔ te káká sɔ́yi ɔ́, mɔ̌ ɖokpó ɔ́ wɛ vǐ mitɔn lɛ́ɛ kpó nyǐkɔ mitɔn lɛ́ɛ kpó ná nɔ te káká sɔ́yi.

Jelemíi 23:4

Un na fɔ lɛ̌ngbɔ́nyitɔ́ ɖagbe ɖó lɛ̌ngbɔ́ ce lɛ́ɛ nu, bɔ yě ná nɔ kplá yě yi amagbo mɛ, yě sɔ́ ná ɖi xɛsi nú nǔɖé ǎ; awě ɖě sɔ́ ná xo yě ǎ, yě ɖěbǔ ná hwe ǎ. Xó e nyɛ Mawu Mavɔmavɔ ɖɔ ɔ́ nɛ́.”

Jelemíi 32:40

Un zin alɔ dó akɔ́n ɖɔ un kún sɔ́ ná ɖe alɔ sín kan yětɔn mɛ ɖě ó; lo ɔ́, un ná wa ɖagbe nú yě. Énɛ́ ɔ́, wú ɔ́, un ná jɛ akɔ mavɔ mavɔ ɖokpó xá yě; un ná kplɔ́n yě bɔ yě ná ɖó sísí nú mì káká bó sɔ́ ná jó mì dó ɖě ǎ.

Jǎan 12:48

Mɛ e gbɛ́ mì, bó ma yí xó ce lɛ́ɛ ǎ ɔ́, é ko ɖó nǔ e na ɖɔ hwɛ xá ɛ lɛ́ɛ; xó e un ɖɔ lɛ́ɛ wɛ ja hwɛ ɖɔ xá ɛ gbé ɖo azǎn gǔdo gúdo tɔn ɔ́ gbe.

Jǎan 17:15

Un byɔ́ we ɖɔ hwi ní ɖe yě sín gbɛ ɔ́ mɛ ǎ; lo ɔ́, hwlɛ̌n yě ɖo awǒvi sí.

Jǎan 4:14

Mɛ e ka ná nu sin e nyɛ ná ná ɛ ɔ́, kɔ sɔ́ ná xú i gbeɖé ǎ. Sin e nyɛ ná ná ɛ ɔ́, ná húzú tɔjɔtɛn e mɛ sin e nɔ ná gbɛ mavɔ mavɔ mɛ é ná nɔ sa sín é.”

Jǎan 5:24

“Má ɖɔ nǔgbó nú mi: mɛ e ɖótó xó ce, bó ɖi nǔ nú mɛ e sɛ́ mì dó ɔ́ kó mɔ gbɛ mavɔ mavɔ, bɔ è sɔ́ ná ɖó hwɛ n'i ǎ, ɖó é kó xo kú zlɛ́ wá gbɛ.

Hlɔ̌manu 11:20

Nǔgbó wɛ é nyí. È gbo yě síin ɖó nǔmaɖi yětɔn wútu, bɔ a ɖo tɛn énɛ́ mɛ, ɖó nǔ e a ɖi ɔ́ wú. Hǔn ma yí go ó, lo ɔ́, ɖi xɛsi.

Hlɔ̌manu 8:18

Un mɔ ɖɔ nǔ e ɖo mǐ gbo wɛ ɖo hwenu e mǐ ɖe din ɔ́, è kún sixú jlɛ́ dó susu e Mawu ná wá ɖe xlɛ́ mǐ ɔ́ wú ó.

1 Kɔlɛ́ntinu 1:21

Nǔgbó ɔ́, gbɔn nǔnywɛ́ e gbɛtɔ́ lɛ́ɛ ɖó ɔ́ gbla mɛ ɔ́, yě kpé wú bó tunwun Mawu ɖo fí e nǔnywɛ́ tɔn ɖo azɔ̌ wa ɖe wɛ ɔ́ ǎ. Énɛ́ ɔ́ wú wɛ é nyɔ́ Mawu nukún mɛ ɖɔ émí ná hwlɛ́n mɛ e ɖi nǔ lɛ́ɛ gán, gbɔn wɛn élɔ́ e dó wɛ mǐ ɖe, bɔ gbɛtɔ́ lɛ́ɛ nɔ mɔ dó mɔ xlonɔxó ná é gbla mɛ.

2 Kɔlɛ́ntinu 1:24

Mǐ ba ná ɖɔ nú mi ɖɔ nǔ lě wɛ mi ɖó ná ɖi nǔ ná dandan ǎ, ɖó mi ko lí dǒ ɖo nǔɖiɖi mɛ; lo ɔ́, mǐ jló ná wa azɔ̌ xá mi nú nyɔ̌ná mitɔn.

Galatinu 2:20

Gbɛ e un ka ɖe din ɔ́, nyɛ ɖésúnɔ wɛ ɖo gbɛ ǎ, Klísu wɛ ɖo gbɛ ɖo nyɛ mɛ, bɔ gbɛ e un ɖe din ɖo agbaza mɛ ɔ́, nǔɖiɖi e un ɖó nú Mawu ví e yí wǎn nú mì, bó kú dó ta ce mɛ ɔ́ wú wɛ un ɖo gbɛ.

Efɛ́zinu 2:8

Đó xomɛnyínyɔ́ Mawu tɔn mɛ wɛ mi mɔ hwlɛngán ɖe, gbɔn nǔ e mi ɖi é gbla mɛ. É nyí mi ɖésúnɔ wɛ hwlɛ́n miɖée gán ǎ; nǔnámɛ Mawu tɔn wɛ.

Efɛ́zinu 3:17

Un nɔ byɔ́ ɛ ɖɔ Klísu ní nɔ ayi mitɔn mɛ gbɔn nǔ e mi ɖi n'i é gbla mɛ. Un nɔ byɔ́ ɛ ɖɔ mi ní dó ɖɔ do, bó lí dǒ ɖo wǎn yíyí mɛ.

Filípunu 1:6

Un gán jɛ nǔ élɔ́ wú: Mawu e bɛ́ azɔ̌ ɖagbe énɛ́ ɖo tɛ́ntin mitɔn ɔ́ ná ɖ'é wú, káká bɔ é ná fó ɖo gbe e gbe Jezu Klísu ná lɛ́ kɔ wá dó é.

Filípunu 4:7

Énɛ́ ɔ́, fífá Mawu tɔn e hú gǎn nukúnnú-mɔjɛnǔmɛ gbɛtɔ́ tɔn bǐ ɔ́ ná bló ayixa mitɔn kpódó linlin mitɔn lɛ́ɛ kpó ɖó, bɔ mi ná sixú nɔ bǔ ɖo Klísu Jezu mɛ.

2 Timɔtée 3:15

Sín hwenu e a ɖo vǔ ɔ́ wɛ a ko tunwun nǔwlánwlán mímɛ́ lɛ́ɛ; yě hɛn ɔ́, yě nǎ ná nǔnywɛ́ e nɔ kplá mɛ, bɔ è nɔ mɔ hwlɛngán gbɔn nǔ ɖi nú Klísu Jezu gbla mɛ ɔ́ we.

Titu 2:13

Lě e mǐ ɖó ná nɔ te kpɔ́n azǎn ɖagbe e ɖó nukún wɛ mǐ ɖe ɔ́ gbɔn ɔ́ nɛ́; azǎn énɛ́ gbe wɛ Mawu ɖaxó, Mɛhwlɛ́ngántɔ́ Klísu Jezu ná ɖe susu tɔn xlɛ́.

Eblée 6:12

Mǐ jló ɖɔ mi ní húzú fɔnlínnɔ ǎ, lo ɔ́, mi ní xwedó xlɛ́ mɛ e ɖi nǔ bó ɖó sɔxwixwe, bó nɔ mɔ nǔ e sín akpá Mawu dó ɔ́ yí, ɖó énɛ́ wú lɛ́ɛ é tɔn.

Eblée 9:28

Mɔ̌ ɖokpó ɔ́, Klísu sɔ́ éɖée dó sá vɔ̌ ná azɔn ɖokpó géé énɛ́ ɔ́ dó hwɛ gbɛtɔ́ gěgé tɔn tamɛ. É ná wá azɔn wegɔ́ ɔ́, é ka sɔ́ ná nyí hwɛhuhu wɛ é ná wá ɖe síin ǎ; lo ɔ́, mɛ e ɖo te kpɔ́n ɛ ɖɔ é ní wá hwlɛ́n émí gán lɛ́ɛ wɛ é ná wá hwlɛ́n gán.

1 Piyɛ́ɛ 1:13

Énɛ́ ɔ́ wú ɔ́, ayi mitɔn ní nɔ gbesisɔ mɛ, bó ná wa nǔ. Mi nɔ acéjí, bó zé nukúnɖíɖó mitɔn bǐ ɖó nǔníná e Mawu ná ná mi hwenu e Jezu Klísu ná ɖe éɖée xlɛ́ ɔ́ jí.

1 Piyɛ́ɛ 4:13

É nyɔ́ wa ɔ́, mi jɛ awǎ ɖó mǐmá e mi ɖó ɖo ya e Klísu jí lɛ́ɛ mɛ é wútu, bónú awǎjijɛ ná gɔ́ ayi mɛ nú mi hwenu e Mawu ná ɖe Klísu ɔ́ sín susu xlɛ́ é.

1 Piyɛ́ɛ 5:1

Din ɔ́, mɛ e nyí agunmɛxó ɖo mi mɛ lɛ́ɛ ɖɔ xó ná wɛ un ɖe. Nyɛ lɔ ɔ́, agunmɛxó wɛ un nyí; un nyí kúnnuɖetɔ́ wǔvɛ́ e Klísu mɔ lɛ́ɛ tɔn, bó ɖó mǐmá ɖo susu e è nǎ wá ɖe xlɛ́ ɔ́ mɛ. Nǔ e ɖɔ nú yě wɛ un ɖe ɔ́ ɖíe:

2 Piyɛ́ɛ 1:3

Hlɔ̌nhlɔ́n Mawu tɔn e Aklúnɔ ɖó ɔ́ ná nǔ e ɖo tají bɔ mǐ ná dó ɖó sísí nú Mawu ɖo gbɛzán mǐtɔn mɛ ɔ́ bǐ mǐ; é wɛ nyí ɖɔ: é bló bɔ mǐ tunwun Mawu e ylɔ́ mǐ bónú mǐ ná ɖó mǐmá ɖo susu é ɖésúnɔ tɔn kpó xomɛnyínyɔ́ tɔn kpó mɛ é.

1 Jǎan 3:2

Mɛvívɛ́ná ce lɛ́ɛ mi, din ɔ́, Mawu ví wɛ mǐ nyí; amɔ̌, è ko ɖe nǔ e mi ná wá nyí ɔ́ xlɛ́ céɖécéɖé ǎ. Lo ɔ́, nǔ e mǐ tunwun kpowun ɔ́ wɛ nyí ɖɔ hwenu e Klísu ná lɛ́ kɔ wá ɔ́, mǐ ná cí é ɖɔhun; ɖó mǐ ná mɔ ɛ lě e é ɖe gbɔn é.

Judi 1:1

Nyɛ Judi mɛsɛntɔ́ Jezu Klísu tɔn, Jaki sín nɔví ɔ́ wɛ ɖo wěma élɔ́ wlán wɛ; nyɛ wɛ ɖo wěma élɔ́ wlán sɛ́ dó mɛ e Mawu Tɔ́ ɔ́ ylɔ́ bɔ yě ɖo gbɛ ɖo wǎn yíyí tɔn mɛ, bɔ Jezu Klísu ɖo yě hɛn wɛ lɛ́ɛ wɛ.

Judi 1:24

Mawu ɖokpó géé e nyí Mɛhwlɛ́ngántɔ́ mǐtɔn gbɔn Aklúnɔ mǐtɔn Jezu Klísu jí ɔ́, é mɛ e kpé wú bó ná cyɔ́n alɔ mi jí, bɔ mi ma ná jɛ ayǐ ǎ ɔ́, é mɛ e kpé wú bó ná ɖe mi xlɛ́ blɔ̌máɖowǔ, bɔ awǎjijɛ ná kpé mi ɖo kpɔ́nɔxámɛ tɔn sín susu mɛ ɔ́, susu, yɛ̌yi, hlɔ̌nhlɔ́n kpódó acɛkpikpa kpó nyí étɔn sín do, bó nyí din, bó lɛ́ nyí káká sɔ́yi. Amǐ.

1 Samuwɛ́li 2:9

É nɔ́ nya xɛ ɖo mɛ e ɖo gbejí n'i lɛ́ɛ jí; lo ɔ́, mɛdídá lɛ́ɛ nɔ́ dɔn ɖo zǐnflú gɔngɔn mɛ. Đó gbɛtɔ́ sixú sɔ́ hlɔ̌nhlɔ́n é ɖésúnɔ tɔn dó ɖu ɖo nǔ ɖěbǔ jí ǎ.