1 Piyɛ́ɛ 1:4 - MAWUXÓWÉMA

⁴ bɔ ɖagbe e Mawu sɔ́ ɖ'ayǐ nú mɛ e nyí étɔn lɛ́ɛ é ná ná xomɛhunhun mǐ. Đagbe énɛ́ lɛ́ɛ ɔ́, ɖagbe ɖé wɛ yě nyí bó sixú gblé ǎ; yě sixú blí ǎ; yě ka sixú cá ǎ. Mawu sɔ́ ɖagbe énɛ́ lɛ́ɛ ɖ'ayǐ ɖó sɛ́xwé,

1 Piyɛ́ɛ 1:4 Iomraidhean Croise

Ɖɛhan 31:19

Yě mɛ adingbannɔ nɛ́ lɛ́ɛ, goyítɔ́ nɛ́ lɛ́ɛ, wǎngbɛ́númɛtɔ́ nɛ́ lɛ́ɛ ɔ́, yě mɛ énɛ́ lɛ́ɛ e nɔ́ syɛ́n ta, bo nɔ́ kpɔ́n nukún mɛ nú hwɛjijɔnɔ é ɔ́, ɖɛ̌ yětɔn ní tɛ́.

Ɖɛhan 47:4

É fɔ togun lɛ́ɛ dó acɛ mǐtɔn mɛ; é fɔ akɔta lɛ́ɛ dó afɔ mǐtɔn glɔ́.

Ezayíi 66:22

Mawu Mavɔmavɔ ɖɔ: “Lě e jǐnukúnsin yɔ̌yɔ́ e un ná bló é, kpó ayǐkúngban yɔ̌yɔ́ e un ná bló é kpó ná nɔ te káká sɔ́yi ɔ́, mɔ̌ ɖokpó ɔ́ wɛ vǐ mitɔn lɛ́ɛ kpó nyǐkɔ mitɔn lɛ́ɛ kpó ná nɔ te káká sɔ́yi.

Ezekiyɛ́li 47:12

Ɖo tɔsisa e gosín Mawu xwé ɔ́ gbe é tó ɔ́, atínsínsɛ́n tɛnmɛ tɛnmɛ ná wú gbɔn aɖisí amyɔ. Yě ná lúnlún ɖa gbeɖé ǎ, yě ná nɔ́ sɛ́n hwebǐnu. Sun ɖokpó ɖokpó mɛ ɔ́, è nǎ nɔ́ gbɛ sínsɛ́n ɖo yě jí, ɖó tɔ e sa sín Mawu xwé ɔ́ gbe é wɛ ná nɔ́ sa gbɔn kɔ yětɔn. Sínsɛ́n yětɔn lɛ́ɛ ná nyí nǔɖuɖu, ama yětɔn ná nyí amasin.”

Matíe 25:34

bɔ nyɛ axɔ́sú ɔ́ ná ɖɔ nú mɛ e ɖo ɖisí ce xwé lɛ́ɛ ɖɔ: ‘Mi wá, mi mɛ e jí Tɔ́ ce ko xo ɖɛ ɖagbe dó lɛ́ɛ. Mi wá yí axɔ́súɖuɖu Mawu tɔn sín nǔ ɖagbe e è ko sɔ́ ɖ'ayǐ nú mi sín hwenu e Mawu ko ɖó gbɛ ɔ́ ɖokpóó é.

Maki 10:17

Ali wɛ Jezu wlí kɛ́ɖɛ́, bó xweyǐgbe, bɔ nyaví dɔ̌nkpɛvú ɖé kán wezun wá mɔ ɛ, bó jɛ kpo ɖo nukɔn tɔn, lobo kanbyɔ́ ɛ ɖɔ: “Mɛ̌si ɖagbe, étɛ́ un ka ɖó ná wa, bɔ Mawu ná ná mì gbɛ mavɔ mavɔ?”

Mɛsɛ́dó 20:32

“Din ɔ́, un zé mi dó alɔ mɛ nú Mawu, bó jó mi nú fɛ́nú tɔn sín xó. Mawu ɖó acɛ, bó ná na hlɔ̌nhlɔ́n mi, bó ná lɛ́ na mi nǔ ɖagbe e é ko sɔ́ ɖ'ayǐ nú mɛ e nyí étɔn lɛ́ɛ bǐ é.

Mɛsɛ́dó 26:18

Un sɛ́ we dó, bónú a nǎ hun nukún nú yě; bónú a nǎ kplá yě sín zǐnflú mɛ wá wěziza nu; bó ná ɖe yě sín Satáan sín acɛ mɛ wá Mawu gɔ́n, lobo nú yě ɖi nǔ nú mì ɔ́, Mawu ná sɔ́ hwɛ yětɔn lɛ́ɛ kɛ yě, bɔ yě ná mɔ tɛnmɛ ɖo mɛ e nyí étɔn lɛ́ɛ tɛ́ntin.’

Hlɔ̌manu 8:17

Ée é nyí ɖɔ vǐ tɔn wɛ mǐ nyí é ɔ́, mǐ ná ɖó mǐmá ɖo ɖagbe e é sɔ́ ɖ'ayǐ nú togun tɔn ɔ́ mɛ, bó ná lɛ́ ɖó ɖagbe énɛ́ xá Klísu. Đó ényí mǐ ji ya xá Klísu ɔ́, mǐ ná lɛ́ ɖó mǐmá ɖo susu tɔn mɛ.

1 Kɔlɛ́ntinu 9:25

Agbazamɛgándótɔ́ lɛ́ɛ bǐ ɔ́, nú yě ɖo agbazamɛgándídó ɔ́ kplɔ́n wɛ ɔ́, yě nɔ dó sɛ́n syɛ́nsyɛ́n ɖé lɛ́ɛ nú yěɖée; yě nɔ bló mɔ̌ bó ná dó mɔ ɖuɖéjígbákún e ma nɔ dɔ́ ji ǎ ɔ́ ɖokpó yí; amɔ̌ mǐdɛɛ lɛ́ɛ ɔ́, mǐ nɔ́ bló mɔ̌, bó ná mɔ ɖuɖéjígbákún e ná nɔ ayǐ káká sɔ́yi ɔ́ ɖokpó yí.

Galatinu 3:18

Đó ényí sɛ́n wɛ è nɔ nyi cóbó nɔ́ mɔ nǔ ɖagbe e Mawu sɔ́ ɖ'ayǐ nú mɛ lɛ́ɛ yí ɔ́, hǔn nǔ ɖagbe énɛ́ lɛ́ɛ sɔ́ nyí akpá e Mawu dó ɔ́ sín xó ɖé ǎ. Lo ɔ́, akpá e Mawu dó nú Ablaxámu ɔ́ wútu wɛ é ɖe nyɔ̌ná tɔn xlɛ́ Ablaxámu.

Efɛ́zinu 1:11

Bǔ e mǐ ɖe xá Klísu é mɛ wɛ mǐ mɔ hwlɛngán e nyí mǐtɔn ɔ́ yí ɖe; ɖó Mawu ko sɔ́ mǐ ɖ'ayǐ lě e é ko to gbɔn é; Mawu nɔ́ wa nǔ bɔ é nɔ sɔgbe xá lě e é ɖésúnɔ jló bó ɖɔ gbɔn é.

Efɛ́zinu 1:14

Yɛsinsɛn ɔ́ wɛ nyí nǔ ɖagbe e Mawu sɔ́ ɖó te nú togun tɔn ɔ́ sín gǎnjɛwú nú mǐ. É wɛ nyí gǎnjɛwú mǐtɔn ɖɔ hwenu e mǐ ná nyí Mawu tɔn bǐ kpéte ɔ́, mǐ ná mɔ yě yí. Hǔn mǐ ní bó kpa susu Mawu tɔn.

Efɛ́zinu 1:18

Un nɔ byɔ́ ɛ ɖɔ ní bló bónú wěziza ní byɔ́ ayi mitɔn mɛ, bónú mi ná tunwun nǔ e nukúnɖíɖó e wútu é ylɔ́ mi ɔ́ nyí é, bó ná tunwun lě e dɔkun e ɖo nǔ ɖagbe ɖagbe e é sɔ́ ɖ'ayǐ nú mɛ e nyí étɔn lɛ́ɛ mɛ ɔ́ sɔ́ é.

Kolósinu 1:12

Mi dó kú nú Mawu Tɔ́ ɔ́ kpódó awǎjijɛ kpán, ɖó é bló bɔ mi lɔ ɖó mǐmá ɖo ɖagbe e é sɔ́ ɖ'ayǐ ɖo axɔ́súɖuto wězizanɔ ɔ́ mɛ, nú mɛ e nyí étɔn lɛ́ɛ é mɛ.

Kolósinu 1:5

Hwenu e è hɛn xó nǔgbó e nyí Wɛn Ɖagbe ɔ́ wá mi gɔn azɔn nukɔn nukɔntɔn ɔ́, è ɖe nukúnɖíɖó e é nɔ ná mɛ ɔ́ xlɛ́ mi. Énɛ́ ɔ́, nǔɖiɖi mitɔn kpódó wǎn yíyí mitɔn kpán jínjɔ́n nǔ e ɖó nukún wɛ mi ɖe, bɔ Mawu sɔ́ ɖ'ayǐ nú mi ɖo sɛ́xwé ɔ́ jí.

Kolósinu 3:24

Mi tunwun ɖɔ ɖagbe e Aklúnɔ sɔ́ ɖ'ayǐ nú mɛ e nyí étɔn lɛ́ɛ é ɔ́, émí ná ɖó ɖ'é mɛ, bɔ é ná nyí ajɔ mitɔn; ɖó Klísu wɛ nyí gǎn e wa azɔ̌ ná wɛ mi ɖe tawun é.

2 Timɔtée 4:8

Bɔ din ɔ́, ajɔ e è nǎ ná mɛ e ɖu ɖ'é jí lɛ́ɛ ɖo te nú mì; é wɛ nyí hwɛjijɔ sín ɖuɖéjígbákún e Aklúnɔ e nɔ́ ɖɔ hwɛjijɔ ɔ́ ná ná mì azǎn énɛ́ gbe é. É ka nyí nyɛ ɖokpónɔ wɛ é ná ná ǎ, lo ɔ́, mɛ e yí wǎn n'i, bó ɖo te kpɔ́n wǐwá tɔn lɛ́ɛ bǐ wɛ é ná ná.

Eblée 10:34

Nǔgbó ɔ́, mi kú nǔbláwǔ nú mɛ e è wlǐ dó gankpá mɛ lɛ́ɛ, bɔ hwenu e è wǎ bɛ́ nǔ mitɔn lɛ́ɛ ɔ́, mi yí gbe ná kpódó xomɛhunhun kpó, ɖó mi tunwun ɖɔ dɔkun e nyɔ́ hú dɔkun énɛ́ lɛ́ɛ, bó nɔ́ nɔ ayǐ káká sɔ́yi ɔ́ ɖo émí sí.

Eblée 9:15

Énɛ́ ɔ́ wú wɛ Klísu nyí ɖɛ̌mɛnu nú akɔjijɛ yɔ̌yɔ́ ɔ́ bónú mɛ e Mawu ylɔ́ lɛ́ɛ ná sixú mɔ nyɔ̌ná mavɔ mavɔ e sín akpá é dó nú yě lɛ́ɛ yí. Yě ná mɔ nǔ e sín akpá Mawu dǒ nú yě ɔ́ yí, ɖó Klísu kú, bɔ kú tɔn hwlɛ́n gbɛtɔ́ lɛ́ɛ gán sín hwɛ e yě hu hwenu e yě ɖo akɔjijɛ nukɔntɔn ɔ́ glɔ́ lɛ́ɛ mɛ.

Jaki 1:11

Hwe nɔ tɔ́n kpó zozo ɖaxó ɖé kpó, bó nɔ fyɔ́ gběhan ɔ́, bɔ sɛ́ ɔ́ nɔ jɛ ayǐ, bɔ ɖɛkpɛ tɔn nɔ bú. Mɔ̌ ɖokpó ɔ́, dɔkunnɔ ɔ́ ná jɛ ayǐ ɖo nǔ e é nɔ wa lɛ́ɛ mɛ.

1 Piyɛ́ɛ 3:9

Mi ma zé nyanya dó sú nyanya xɔ ná ó, abǐ mi ma zé zun dó sú zun xɔ ná ó; é nyɔ́ wa ɔ́, nyɔ̌ná wɛ mi ná nɔ byɔ́ ɖo Mawu gɔ́n dó sú axɔ́ ná; nǔ e Mawu ylɔ́ mi ná é nɛ́.

1 Piyɛ́ɛ 5:4

Énɛ́ ɔ́, hwenu e lɛ̌ngbɔ́nyitɔ́ lɛ́ɛ sín gǎn ná ɖe éɖée xlɛ́ ɔ́, mi ná yí axɔ́súgbákún susunɔ e ma ná cá gbeɖé ǎ é.

Nǔɖexlɛ́mɛ 21:27

Amɔ̌ nǔblíblí ɖěbǔ ná byɔ́ toxo énɛ́ mɛ ǎ; mɛ e nɔ jó éɖée dó nú suɖunú kpó adingban kpó ɔ́, ɖě ná byɔ́ toxo énɛ́ mɛ ǎ. Mɛ e sín nyǐkɔ e è nǎ wlán dó gbɛwéma e nyí Lɛ̌ngbɔ́ví ɔ́ tɔn ɔ́ mɛ lɛ́ɛ kɛ́ɖɛ́ wɛ ná byɔ́ toxo ɔ́ mɛ.