1 Piyɛ́ɛ 1:3 - MAWUXÓWÉMA

³ Mi nú mǐ ná kpa susu nú Mawu Aklúnɔ mǐtɔn Jezu Klísu sín Tɔ́. Đo xomɛnyínyɔ́ ɖaxó e é ɖó ɔ́ mɛ ɔ́, é fɔ́n Jezu Klísu sín kú, bó dó ná gbɛ yaɖéyaɖé mǐ. Énɛ́ ɔ́ zɔ́n bɔ nukúnɖíɖó mǐtɔn ɔ́ nyí nukúnɖíɖó gbɛɖe,

1 Piyɛ́ɛ 1:3 Iomraidhean Croise

1 Axɔ́sú 8:15

bo ɖɔ: “Susu nú Mawu Mavɔmavɔ, Mawu Izlayɛ́li tɔn! É ɖésúnɔ wɛ ɖɔ xó nú tɔ́ ce, bɔ nǔ e é ɖɔ ɔ́, é sɔ́ hlɔ̌nhlɔ́n tɔn dó bló. É ɖɔ:

1 Tan 29:20

Ée Davídi xo ɖɛ ɔ́ fó ɔ́, é ɖɔ nú togun ɔ́ bǐ ɖɔ: “Mi dó kú nú Mawu Mavɔmavɔ, Mawu mitɔn.” Ée Davídi ɖɔ mɔ̌ ɔ́, togun ɔ́ bǐ dó kú nú Mavɔmavɔ Mawu tɔ́gbó yětɔn lɛ́ɛ tɔn. Yě jɛ kpo bó ɖe kɔ́, bó sɔ́ Mawu Mavɔmavɔ kpó axɔ́sú ɔ́ kpó su.

2 Tan 31:8

Ezekiyási kpó azaglɔ́gán tɔn lɛ́ɛ kpó wá kpɔ́n nǔ e mɛ lɛ́ɛ hɛn wá lɛ́ɛ, bó dó kú nú Mawu Mavɔmavɔ kpó togun tɔn Izlayɛ́li ɔ́ kpó.

Ɖɛhan 41:13

Mawu Mavɔmavɔ, a kpé nukún dó wǔ ce ɖo gbejíninɔ ce mɛ, a nǎ hɛn mì ɖó gɔ̌n towe káká sɔ́yi.

Ɖɛhan 86:15

Amɔ̌, hwɛ Aklúnɔ ɔ́, Mawu xomɛfátɔ́ wɛ a nyǐ, nǔbláwǔkúnúmɛtɔ́ wɛ a nyǐ, a nɔ yá wǔ sin xomɛ ǎ, xomɛnyɔ́tɔ́ wɛ a nyǐ, gbejínɔtɔ́ wɛ a nyǐ.

Ɖɛhan 86:5

Hwi wɛ nyí Aklúnɔ, a nyɔ̌, a ɖo gbesisɔ mɛ bó ná sɔ́ hwɛ kɛ mɛ; a nɔ nyɔ́ xomɛ dó mɛ e nɔ ylɔ́ we lɛ́ɛ bǐ wú.

Tíntɔ́n 34:6

Mawu Mavɔmavɔ nɔ gbɔn Mɔyízi nukɔn, bó nɔ́ ɖɔ: “Un nyí Mawu Mavɔmavɔ, un nyí Mawu nǔbláwǔkúnúmɛtɔ́, Mawu xomɛfátɔ́, un nɔ yá wǔ sin xomɛ ǎ, un nyí Mawu xomɛnyɔ́tɔ́, un nyí Mawu gbejínɔtɔ́.

Ezayíi 26:19

Mawu Mavɔmavɔ, mɛ towe e kú lɛ́ɛ ná fɔ́n; togun ce sín mɛ e kú lɛ́ɛ ná fɔ́n. Mi mɛ e ɖo kɔ́ glɔ́ lɛ́ɛ mi, mi fɔ́n; mi j'awǎ, ɖó Mawu Mavɔmavɔ, a nǎ sɛ́ wěziza towe dó ahǔn ɖɔhun, bɔ ayǐkúngban ɔ́ nɔ́ ná gbɛ mɛ e kú lɛ́ɛ.

Jonási 4:2

É xo ɖɛ sɛ́ dó Mawu Mavɔmavɔ bó ɖɔ: “Mawu Mavɔmavɔ, é má nyí nǔ e ɖɔ wɛ un ɖe hwenu e un kpo ɖo to ce mɛ ɔ́ nɛ́ a? Nǔ e gbɛ́ wɛ un ɖe bó hɔn ɖidó Taasísi ɔ́ nɛ́! Đó un tunwun ɖɔ Mawu xomɛnyɔ́tɔ́ wɛ a nyǐ, bó nɔ́ kú nǔbláwǔ nú mɛ; a nɔ yá wǔ sin xomɛ ǎ; ɖagbewiwa towe ɖó dogbó ǎ. A gblɔ̌n adǎn nú mɛ ɔ́, tlóló jɛ́n a nɔ lɛ́ lɛ́ kɔ sín gúdo.

Jǎan 1:13

Yě nyí vǐ gbɔn hun gbla mɛ ǎ; yě ká nyí vǐ gbɔn jlǒ agbaza tɔn gbla mɛ ǎ; yě ká nyí vǐ gbɔn gbɛtɔ́ sín jlǒ gbla mɛ ǎ; lo ɔ́, Mawu wɛ nyí Tɔ́ nú yě.

Hlɔ̌manu 12:12

Nǔ e ɖó nukún wɛ mi ɖe ɔ́ ní dó xomɛhunhun nú mi. Mi nɔ ɖó sɔxwixwe ɖo wǔvɛ́ e mɔ wɛ mi ɖe lɛ́ɛ mɛ. Mi nɔ ɖó kan dó ɖɛxixo wú.

Hlɔ̌manu 15:13

Mawu e gɔ́n nukúnɖíɖó nɔ gosín ɔ́, ní bló bónú awǎjijɛ e nǔ bǐ vɔ ɖ'é wú ɔ́ kpódó fífá e nǔ bǐ vɔ ɖ'é wú ɔ́ kpó ní gɔ́ ayi mɛ nú mi gbɔn nǔɖiɖi e mi ɖó n'i ɔ́ jí, bónú nukúnɖíɖó mitɔn ná túnflá gbɔn Yɛsinsɛn sín hlɔ̌nhlɔ́n jí.

Hlɔ̌manu 4:25

Mawu jǒ Jezu nú kú ɖó hwɛ mǐtɔn lɛ́ɛ tamɛ, bɔ é ka fɔ́n wá gbɛ, bó ná sɔ́ mǐ dó húzú hwɛjijɔnɔ ɖo nukún tɔn mɛ.

Hlɔ̌manu 5:10

Kɛntɔ́ Mawu tɔn wɛ mǐ kó nyí ɖ'ayǐ; lo ɔ́, Mawu dó hwɛ gbɔ xá mǐ gbɔn kú e Vǐ tɔn kú ɔ́ gbla mɛ. Din e Mawu dó hwɛ gbɔ xá mǐ ɔ́, é ɖo gannaganna ɖɔ é ná hwlɛ́n mǐ gán gbɔn vǐ tɔn sín gbɛ gbla mɛ.

Hlɔ̌manu 8:11

Ényí Mawu e fɔ́n Jezu sín kú ɔ́ sín Yɛ ɖo mi mɛ ɔ́, mɛ e fɔ́n Klísu Jezu sín kú ɔ́ ná ná gbɛ agbaza mitɔn e ɖo te nú kú ɔ́ lɔmɔ̌ gbɔn Yɛ tɔn e ɖo mi mɛ é jí.

Hlɔ̌manu 8:24

Đó è ko hwlɛ́n mǐ gán; lo ɔ́, mǐ ɖo nukún ɖó wɛ ɖɔ è ní hwlɛ́n mǐ gán bǐ dégbédégbé. Ényí è ɖo nǔ e ɖó nukún wɛ è ɖe ɔ́ mɔ wɛ ɔ́, hǔn é sɔ́ nyí nukúnɖíɖó ǎ; mɛ̌ ka ná lɛ́ kpo ɖo nukún ɖó nǔ e mɔ wɛ é ɖe ɔ́ wɛ?

1 Kɔlɛ́ntinu 13:13

Nǔ atɔn e ná nɔ ayǐ sɔ́yi lɛ́ɛ ɖíe: nǔɖiɖi, nukúnɖíɖó kpó wǎn yíyí kpó; wǎn yíyí wɛ ka hú gǎn yě bǐ.

1 Kɔlɛ́ntinu 15:20

Nǔgbó ɔ́, Klísu wɛ nyí mɛ nukɔntɔn e fɔ́n sín kú é, bó dó ná gǎnjɛwú mǐ ɖɔ mɛ e kú lɛ́ɛ lɔmɔ̌ ná fɔ́n.

2 Kɔlɛ́ntinu 1:3

Mi nú mǐ ná kpa Mawu Aklúnɔ mǐtɔn Jezu Klísu sín Tɔ́; Tɔ́ nǔbláwǔkúnúmɛtɔ́ wɛ é nyí, bó nyí Mawu e nɔ dó gbɔ nú mɛ ɖo ali bǐ nu é.

Galatinu 6:16

Fífá kpódó xomɛnyínyɔ́ Mawu tɔn kpó ní nɔ kpɔ́ xá mɛ e nɔ xwedó tito énɛ́ lɛ́ɛ ɖo gbɛzán yětɔn mɛ lɛ́ɛ, bó nɔ kpɔ́ xá mɛɖeɖóvo Mawu tɔn lɛ́ɛ bǐ.

Efɛ́zinu 1:17

Un nɔ byɔ́ Mawu Aklúnɔ mǐtɔn Jezu Klísu tɔn e nyí Tɔ́ susunɔ ɔ́ ɖɔ ní ná Yɛ tɔn mi, bónú Yɛ ɔ́ ná ná nǔnywɛ́ mi, bó ná ɖe mɛ e Mawu nyí ɔ́ xlɛ́ mi, bónú mi ná tunwun i.

Efɛ́zinu 1:3

Mi nú mǐ ná dó kú nú Mawu Aklúnɔ mǐtɔn Jezu Klísu sín Tɔ́, ɖó é ná nyɔ̌ná Yɛsinsɛn tɔn tɛnmɛ tɛnmɛ lɛ́ɛ bǐ mǐ, bó dó xo ɖɛ dó mǐ jí, ɖo bǔ e mǐ ɖe xá Klísu ɖo yɛswímɛ ɔ́ mɛ.

Efɛ́zinu 1:7

Đó Mawu ɖe mǐ sín nǔ nyanya mɛ, bó sɔ́ hwɛ mǐtɔn lɛ́ɛ kɛ mǐ gbɔn Jezu Klísu sín hun gbla mɛ . Lě e é ɖe xomɛnyínyɔ́ tɔn maɖójlɛ̌ ɔ́ xlɛ́ mǐ gbɔn é nɛ́.

Efɛ́zinu 2:4

Lo ɔ́, xomɛnyínyɔ́ Mawu tɔn d'agba, bɔ lě e é ɖó wǎn yíyí nú mǐ sɔ́ é zɔ́n,

Efɛ́zinu 3:20

Mawu ɖó hlɔ̌nhlɔ́n, bó hɛn ɔ́, é ná wa nǔ nú mǐ hú nǔ e mǐ byɔ́ ɛ ɔ́, abǐ ée lin wɛ mǐ tlɛ ɖe ɔ́ gbɔn hlɔ̌nhlɔ́n e ɖo azɔ̌ wa wɛ ɖo mǐ mɛ ɔ́ jí.

Kolósinu 1:23

É ɖo mɔ̌ có, mi ka ɖó ná nɔ nǔɖiɖi mɛ, bó ná syɛ́nlǐn ɖo dodó syɛ́nsyɛ́n jí; mi ma jó miɖée dó bónú mɛɖé ní sɛ tɛn nú mi sín nǔ e ɖó nukún wɛ mi ɖe sín hwenu e mi ko se Wɛn Ɖagbe ɔ́ dó ɔ́ kɔn ó. Wɛn Ɖagbe énɛ́ wɛ è dǒ nǔ e Mawu bló ɖo gbɛ ɔ́ mɛ lɛ́ɛ é; é wɛ nyí ɖěe nyɛ Pɔ́lu, un húzú mɛsɛntɔ́ ná é.

Kolósinu 1:27

Đó Mawu jló ná ɖe tito tɔn e ɖo wi mɛ ɔ́ xlɛ́ yě; tito énɛ́ e nyí é ɖésúnɔ tɔn, bɔ dɔkun ɖ'é mɛ sɔ mɔ̌, bó nyí tito ɖagbe ɖagbe ɔ́, é sɔ́ ɖ'ayǐ nú nyɔ̌ná togun lɛ́ɛ bǐ tɔn. Nǔbúdo ɔ́ ɖíe: Klísu ɖo mi mɛ, bó nɔ́ ná gǎnjɛwú mi ɖɔ mi ná ɖó mǐmá ɖo susu Mawu tɔn mɛ.

1 Tɛsalonikinu 1:3

Nǔgbó ɔ́, ɖo Mawu Tɔ́ mǐtɔn nukɔn ɔ́, mǐ nɔ́ flín lě e mi zé nǔɖiɖi mitɔn dó wa azɔ̌ ná sɔ é, mǐ nɔ́ flín lě e mi wa wǎn-yíyízɔ́ sɔ é; bɔ nukún e ɖó Aklúnɔ mǐtɔn Jezu Klísu wɛ mǐ ɖe ɔ́, lě e mi syɛ́nlǐn ɖ'é mɛ sɔ ɔ́, mǐ nɔ́ flín.

1 Tɛsalonikinu 4:13

Nɔví lɛ́ɛ mi, lě e mɛ e ko kú lɛ́ɛ xó ná wá nyí gbɔn ɔ́, mǐ jló ɖɔ mi ní mɔ nǔ jɛ mɛ céɖécéɖé, bónú mi ma nɔ aluwɛ mɛ mɛ ɖě lɛ́ɛ e ma ɖo nukún ɖó nǔɖé wɛ ǎ lɛ́ɛ ɖɔhun ó.

2 Tɛsalonikinu 2:16

Aklúnɔ mǐtɔn Jezu Klísu ɖésúnɔ kpódó Mawu Tɔ́ mǐtɔn e yí wǎn nú mǐ ɔ́ kpó, ní bló bónú mi ní kpan akɔ́n titewungbe; ní ná hlɔ̌nhlɔ́n mi, bónú mi ná nɔ́ wa nǔ e ko nyí nǔ ɖagbe ɔ́ bǐ, ɖo nǔwiwa mitɔn lɛ́ɛ kpódó xóɖiɖɔ mitɔn lɛ́ɛ kpán mɛ. Mawu wɛ na akɔ́nkpinkpan mavɔ mavɔ kpó nukúnɖíɖó ɖagbe kpó mǐ gbɔn fɛ́nú tɔn jí.

1 Timɔtée 1:14

Aklúnɔ mǐtɔn ka kɔn fɛ́nú tɔn dó jǐ ce, bɔ é túnflá; é ná nǔɖiɖi kpódó wǎn yíyí e mǐ ɖǒ ɖo Klísu Jezu mɛ ɔ́ kpó mì.

Titu 2:13

Lě e mǐ ɖó ná nɔ te kpɔ́n azǎn ɖagbe e ɖó nukún wɛ mǐ ɖe ɔ́ gbɔn ɔ́ nɛ́; azǎn énɛ́ gbe wɛ Mawu ɖaxó, Mɛhwlɛ́ngántɔ́ Klísu Jezu ná ɖe susu tɔn xlɛ́.

Eblée 3:6

Amɔ̌ Klísu ɔ́, ɖi vǐ ɖɔhun ɔ́, é nɔ gbejí nú Mawu, bɔ Mawu sɔ́ ɛ ɖó xwédo tɔn nu. Mǐdɛɛ lɛ́ɛ ɔ́, ényí mǐ hɛn jiɖiɖe mǐtɔn kpódó akɔ́nkpinkpan mǐtɔn kpó ɖo nǔ e ɖó nukún wɛ mǐ ɖe ɔ́ mɛ ɔ́, xwédo tɔn wɛ mǐ nyí.

Jaki 1:18

Đo é ɖésúnɔ sín jlǒ mɛ ɔ́, é ná gbɛ jɔ gbɛ mǐ gbɔn xó tɔn e nyí nǔgbó ɔ́ gbla mɛ, bónú mǐ ná nyí mɛ nukɔn nukɔntɔn lɛ́ɛ ɖo nǔɖíɖó tɔn lɛ́ɛ bǐ mɛ.

1 Piyɛ́ɛ 1:13

Énɛ́ ɔ́ wú ɔ́, ayi mitɔn ní nɔ gbesisɔ mɛ, bó ná wa nǔ. Mi nɔ acéjí, bó zé nukúnɖíɖó mitɔn bǐ ɖó nǔníná e Mawu ná ná mi hwenu e Jezu Klísu ná ɖe éɖée xlɛ́ ɔ́ jí.

1 Piyɛ́ɛ 1:21

É jí wɛ mi gbɔn bó ɖi nǔ nú Mawu e fɔ́n ɛ sín kú, bó sɔ́ ɛ su é; énɛ́ ɔ́, nǔɖiɖi mitɔn kpó nukúnɖíɖó mitɔn kpó ɖo Mawu jǐ.

1 Piyɛ́ɛ 1:23

Nǔgbó ɔ́, mi vɔ́ jɔ; é ka nyí nǔkún e nɔ kú ɔ́ jí wɛ mi vɔ́ jɔ gbɔn ǎ; lo ɔ́, nǔkún e ma nɔ kú ǎ ɔ́ jí wɛ mi vɔ́ jɔ gbɔn; xó gbɛɖe, xó mavɔ mavɔ Mawu tɔn ɔ́ wɛ zɔ́n bɔ mi vɔ́ jɔ.

1 Piyɛ́ɛ 2:2

Mi cí vǐ yɛ̌yɛ́ lɛ́ɛ ɖɔhun: lě e vǐ yɛ̌yɛ́ lɛ́ɛ nɔ ba ná nu anɔ̌sin hwɛhwɛ gbɔn ɔ́, mi ba Mawuxó e ná zɔ́n bɔ mi ná su ɖo nǔɖiɖi mɛ, bó ná mɔ hwlɛngán yí din e mi ɖɔ́ xomɛnyínyɔ́ Aklúnɔ tɔn kpɔ́n é.

1 Piyɛ́ɛ 3:15

Lo ɔ́, mi tunwun dó ayi mitɔn mɛ ɖɔ Klísu Aklúnɔ ɖokpónɔ géé jɛ́n nyí Mɛ mímɛ́. Mi ɖo gbesisɔ mɛ hwebǐnu, bónú mɛɖé byɔ́ mi ɖɔ mi ní tín nǔ mɛ nú émí dó nǔ e ɖó nukún wɛ mi ɖe ɔ́ wú ɔ́, mi ná ná sin tɔn mɛ ɔ́.

1 Piyɛ́ɛ 3:21

Nǔ e sín akpajlɛ́ nyí wɛ sin ɔ́ ɖe ɔ́ wɛ nyí yɛhwesin e ɖo mi lɔ hwlɛngán wɛ din e. Yɛhwesin ɔ́, ɖixó agbaza tɔn lɛ́ɛ wɛ é nɔ ɖe síin ǎ, lo ɔ́ vo sa nú Mawu wɛ é ɖe ɖɔ é ní ná ayixa mímɛ́ mi. Fɔ́n e Jezu Klísu fɔ́n sín kú ɔ́ zɔ́n bɔ yɛhwesin hwlɛ́n mi gán.

1 Piyɛ́ɛ 3:5

Nyɔ̌nu xóxó hwenu tɔn e nɔ sí Mawu, bó nɔ́ ɖo nukún ɖó e wɛ lɛ́ɛ ɔ́, lě e yě nɔ́ bló yěɖée ɖó gbɔn ɔ́ ɖíe: yě nɔ hwíhwɛ́ yěɖée dó asú yětɔn lɛ́ɛ glɔ́.

1 Jǎan 2:29

Ée mi tunwun ɖɔ nǔ jlɔ́jlɔ́ wɛ Klísu nɔ wa ɔ́, mi bo tunwun ɖɔ mɛ ɖěbǔ e nɔ wa nǔ jlɔ́jlɔ́ ɔ́, Klísu tɔn wɛ mɛ énɛ́ nyí.

1 Jǎan 3:3

Mɛ ɖěbǔ ɖó nukún ɖíɖó énɛ́ ɖo Klísu mɛ hǔn, éɖée bló ɖó mǐmɛ́ jí wɛ é ɖe lě e Jezu Klísu ɖésúnɔ nyí mǐmɛ́ gbɔn é.

1 Jǎan 3:9

Mɛ ɖěbǔ nyí Mawu ví ɔ́, mɛ ɔ́ sɔ́ nɔ hu hwɛ ǎ, ɖó gbɛ Mawu tɔn ɖo mɛ énɛ́ mɛ. Đó ée Mawu nyí Tɔ́ tɔn ɔ́, é sixú kpo ɖo hwɛ hu wɛ ǎ.

1 Jǎan 4:7

Mɛvívɛ́ná ce lɛ́ɛ mi, mi nú mǐ ná yí wǎn nú mǐɖée, ɖó wǎn yíyí ɔ́, Mawu gɔ́n wɛ é gosín. Mɛ ɖěbǔ ɖó wǎn yíyí nú mɛ hǔn, Mawu ví wɛ é nyí, bó tunwun Mawu.

1 Jǎan 5:1

Mɛ ɖěbǔ ɖi nǔ ɖɔ Jezu wɛ nyí Klísu ɔ́ hǔn, mɛ ɔ́ nyí Mawu ví. Mɛ ɖěbǔ yí wǎn nú tɔ́ ɖé ɔ́, mɛ ɔ́ nɔ yí wǎn nú vǐ tɔn lɛ́ɛ lɔmɔ̌.

1 Jǎan 5:18

Mǐ tunwun ɖɔ mɛ e nyí Mawu tɔn ɔ́ ɖěbǔ kún sɔ́ nɔ kpo ɖo hwɛ hu wɛ ó, ɖó Mawu ví ɔ́ cyɔ́n alɔ jǐ tɔn, bɔ Mɛnyanya ɔ́ sɔ́ nɔ kpé nǔ ɖěbǔ wú bó nɔ wa n'i ǎ.

1 Jǎan 5:4

ɖó Mawu ví ɖěbǔ hɛn ɔ́, é ná ɖu ɖo gbɛ ɔ́ jí. Nǔɖiɖi e mǐ ɖǒ ɔ́ wɛ ka nɔ zɔ́n bɔ mǐ nɔ ɖu ɖo gbɛ ɔ́ jí.