1 Piyɛ́ɛ 1:2 - MAWUXÓWÉMA

² Mawu Tɔ́ ɔ́ cyán mi, bɔ é sɔgbe xá lě e é ɖésúnɔ ko to gbɔn ɖ'ayǐ é, bɔ mi nyí mɛɖeɖóvo tɔn, gbɔn Yɛ tɔn sín nǔwiwa gbla mɛ, nú mi ná se tónú nú Jezu Klísu, bɔ hun tɔn ná lɛ mi wé. Mawu ní ná fɛ́nú kpó fífá kpó mi ní túnflá.

1 Piyɛ́ɛ 1:2 Iomraidhean Croise

Ezayíi 55:7

Mɛdídá lɛ́ɛ ní jó walɔ nyanya dó, mɛ nyanya lɛ́ɛ ní jó linlin baɖabaɖa dó. Yě bǐ ní lɛ́ kɔ wá Mawu Mavɔmavɔ gɔ́n, ɖó é ná kú nǔbláwǔ nú yě. Yě bǐ ní wá Mawu mǐtɔn gɔ́n, ɖó Mawu mǐtɔn ɔ́, hwɛsɔ́kɛmɛ nɔ cikɔ n'i ǎ.

Ezayíi 65:22

Yě sɔ́ ná sá xwé ɖě, bɔ mɛ ɖěvo ná nɔ mɛ ǎ; yě ká sɔ́ ná tun vǐwun ɖě, bɔ mɛ ɖěvo ná wá ɖu sínsɛ́n tɔn ǎ. Ji e atín nɔ́ dɔ́ é wɛ togun ce ná dɔ́. Mɛ e un sɔ́ lɛ́ɛ ɔ́, nǔ e yě sɔ́ alɔ yětɔn dó bló lɛ́ɛ ɔ́, yě ná ɖu le tɔn.

Ezayíi 65:9

Un ná ná vǐ Jakɔ́bu sín togun ɔ́, akɔta Judáa tɔn ɔ́, só ce lɛ́ɛ ná nyí yětɔn; só ce lɛ́ɛ ná nyí mɛ e un sɔ́ lɛ́ɛ tɔn; mɛ e nɔ sɛn mì lɛ́ɛ ná nɔ só ce lɛ́ɛ jí.

Daniyɛ́li 4:1

“Nyɛ axɔ́sú Nabukodonɔzɔ́ɔ ɔ́, xwíí wɛ un ɖe ɖo xwé ce gbe, bó ɖo gbɛ ce ɖu wɛ ɖo hɔn ce mɛ.

Daniyɛ́li 6:25

Axɔ́sú ɔ́ ná gbe ɖɔ è nǐ yi wlí mɛ e wá slɛ́ Daniyɛ́li lɛ́ɛ wá; ée è wlǐ yě ɔ́, è bɛ̌ yě kpó asi yětɔn lɛ́ɛ kpó, kpó vǐ yětɔn lɛ́ɛ kpó nyi dó kinnikínnído ɔ́ mɛ. Yě ná jɛ do ɔ́ mɛ kpó nǎ gbɔ kpó ɔ́, kinnikínní lɛ́ɛ zɔn yě jí, bó gba xú yětɔn lɛ́ɛ bǐ.

Levíi ví 1:5

Énɛ́ ɔ́ gúdo ɔ́, é ná gbo gbe kanlin ɔ́ ɖo nyɛ Mawu Mavɔmavɔ nukɔn, bɔ Aalɔ́ɔn sín vǐ súnnu vɔ̌sánú-xwlémawutɔ́ lɛ́ɛ ná xwlé hun tɔn nyɛ Mawu Mavɔmavɔ. Yě ná mi hun ɔ́ gbɔn vɔ̌sákpe e ɖo goxɔ ɔ́ sín ali nu ɔ́ wú lɛ́ lɛ̌ dó.

Matíe 24:22

Nú Mawu ma ko ɖe wǔvɛ́ mimɔ énɛ́ lɛ́ɛ sín azǎn kpo wɛ ǎ ɔ́, mɛ ɖěbǔ na gán ɖ'é mɛ ǎ. Lo ɔ́, Mawu ko ɖe azǎn ɔ́ kpo ɖó mɛ tɔn e é cyán lɛ́ɛ wú.

Matíe 24:24

ɖó mɛ e nɔ sɔ́ yěɖée dó ɖó Klísu ná lɛ́ɛ kpódó mɛ e nɔ sɔ́ yěɖée dó ɖó gbeyíɖɔ Mawu tɔn ná lɛ́ɛ kpó ná wá xwetɔ́n. Yě ná nɔ́ jlɛ́ nǔ tɛnmɛ tɛnmɛ lɛ́ɛ, bó ná nɔ́ dó nǔdábaɖa ɖaxó ɖaxó lɛ́ɛ sin, bɔ nú yě sixú kpé wú wɛ ɔ́, yě ná flú mɛ e Mawu cyán lɛ́ɛ lɔmɔ̌.

Matíe 24:31

bɔ un ná sɛ́ wɛnsagun ce lɛ́ɛ dó, bónú ahwankpɛn ɖaxó ɔ́ ɖɔ nǔ ɔ́, yě ná kplé mɛ e Mawu cyán lɛ́ɛ sín wɛ̌kɛ́zo ɛnɛ lɛ́ɛ bǐ mɛ, sín fí e jǐnukúnsin ɔ́ ko bɛ́ sín ɔ́, káká yi jɛ fí e é kponu dó ɔ́.

Maki 13:20

Ényí Aklúnɔ ma ko ɖe azǎn énɛ́ lɛ́ɛ kpo wɛ ǎ ɔ́, mɛ ɖěbǔ ná gán ǎ; lo ɔ́, é ɖe azǎn énɛ́ lɛ́ɛ kpo, ɖó mɛ e é cyán ɖó vo lɛ́ɛ wú.

Maki 13:22

Đó mɛ e nɔ sɔ́ yěɖée dó ɖó Klísu ná lɛ́ɛ kpódó mɛ e nɔ sɔ́ yěɖée dó ɖó gbeyíɖɔ Mawu tɔn ná lɛ́ɛ kpó ná wá xwetɔ́n. Yě ná nɔ́ jlɛ́ nǔ, bó ná nɔ́ ɖe nǔdábaɖa lɛ́ɛ xlɛ́, bónú yě sixú kpé wú wɛ ɔ́, yě ná flú mɛ e Mawu cyán lɛ́ɛ.

Maki 13:27

É ná sɛ́ wɛnsagun tɔn lɛ́ɛ dó, bɔ yě ná kplé mɛ e é cyán lɛ́ɛ gbɔn wɛ̌kɛ́zo ɛnɛ lɛ́ɛ mɛ, sín fí e ayǐkúngban ɔ́ kponu ɖó é, káká yi jɛ fí e jǐnukúnsin kponu ɖó é.

Luki 18:7

Ényí nǔ ɖo mɔ̌ ɔ́, nɛ̌ wɛ Mawu má ká ná yá wǔ gbo hwɛ nú yě mɛ e nyí étɔn, bó nɔ́ ɖo xó sú ylɔ́ ɛ wɛ zǎn kéze lɛ́ɛ ǎ gbɔn? É ná lín cóbó ná dó alɔ yě wɛ a?

Mɛsɛ́dó 15:18

Nǔ e Aklúnɔ e ko sɔ́ nǔ énɛ́ lɛ́ɛ xlɛ́ sín xóxó hwenu ɔ́ ɖɔ é nɛ́.”

Mɛsɛ́dó 2:23

Nya énɛ́ ɔ́, è jó e nú mi, lě e Mawu ɖésú kó jló, bó to gbɔn é, bɔ mi ká ɛ nyi aklúzu jí, bó hu i, gbɔn mɛdídá lɛ́ɛ lɔ mɛ;

Mɛsɛ́dó 20:32

“Din ɔ́, un zé mi dó alɔ mɛ nú Mawu, bó jó mi nú fɛ́nú tɔn sín xó. Mawu ɖó acɛ, bó ná na hlɔ̌nhlɔ́n mi, bó ná lɛ́ na mi nǔ ɖagbe e é ko sɔ́ ɖ'ayǐ nú mɛ e nyí étɔn lɛ́ɛ bǐ é.

Hlɔ̌manu 1:5

Mawu jɔwǔ mì gbɔn Klísu jí, bó sɔ́ mì mɛsɛ́dó, bónú ma sɔ́ Klísu nyǐkɔ su, bó ná sixú dɔn gbɛtɔ́ ɖo to lɛ́ɛ bǐ mɛ, bónú yě ná ɖi nǔ n'i, bó se tónú n'i.

Hlɔ̌manu 1:7

Un ɖo wěma élɔ́ wlán sɛ́ dó mi mɛ e ɖo Hlɔ̌ma lɛ́ɛ wɛ; mi mɛ e Mawu yí wǎn ná, bó ylɔ́ mi, bó ɖe mi ɖó vo, bɔ mi ná nyí togun tɔn é bǐ. Mawu Tɔ́ mǐtɔn kpódó Aklúnɔ mǐtɔn Jezu Klísu kpó ní ná fɛ́nú kpódó fífá kpó mi.

Hlɔ̌manu 11:2

Mawu gbɛ̌ togun tɔn e é ko tunwun sín do é ǎ; nǔ e Mawuxówéma ɔ́ ɖɔ ɖo akpá e xwé Elíi jɛ Izlayɛ́li ví lɛ́ɛ sín hwɛ ɖo Mawu nukɔn ɖe ɔ́, mi ma tunwun a?

Hlɔ̌manu 11:28

Ényí è kpɔ́n lě e Jwifu lɛ́ɛ gbɛ́ Wɛn Ɖagbe ɔ́ gbɔn ɔ́, kɛntɔ́ Mawu tɔn wɛ yě nyí bɔ é húzú ɖagbe nú mi; lo ɔ́, nú è kpɔ́n lě e Mawu sɔ́ yě gbɔn ɔ́, yě wɛ Mawu yí wǎn ná ɖó akpá e é dó nú tɔ́gbó yětɔn lɛ́ɛ wútu.

Hlɔ̌manu 15:16

bɔ un nyí mɛsɛntɔ́ Klísu Jezu tɔn ɖo togun e ma nyí Jwifu ǎ lɛ́ɛ tɛ́ntin ɔ́ wútu. Wɛn Ɖagbe Mawu tɔn e jlá wɛ un ɖe ɔ́, vɔ̌sánú-xwlémawutɔ́zɔ́ dó wa ná wɛ un ɖe, bó ɖo wiwa wɛ, bónú togun e ma nyí Jwifu ǎ lɛ́ɛ ná húzú vɔ̌sánú e nɔ́ nyɔ́ Mawu nukún mɛ, bɔ Yɛsinsɛn sɔ́ ɖó vo nú Mawu é.

Hlɔ̌manu 16:19

Mɛ bǐ wɛ tunwun ɖɔ mi nɔ se tónú nú Aklúnɔ; hǔn xomɛ nɔ hun mì dó mi wú; lo ɔ́, un jló ɖɔ nǔnywɛ́ ní kpé mi, bónú mi ná nɔ wa nǔ ɖagbe; un jló ɖɔ mi ní nɔ mǐmɛ́ jí, bó hɔn nú nǔ nyanya.

Hlɔ̌manu 16:26

Amɔ̌, din ɔ́, wěma e gbeyíɖɔ Mawu tɔn lɛ́ɛ wlán lɛ́ɛ ɖe nǔbúdo énɛ́ nyi wěxo. Đi lě e Mawu Mavɔmavɔ ɔ́ ná gbe tɔn gbɔn ɔ́, è ɖe nǔbúdo énɛ́ ɔ́ xlɛ́ akɔta lɛ́ɛ bǐ, bónú yě ná ɖi nǔ, bó ná se tónú.

Hlɔ̌manu 8:13

Đó ényí mi nɔ zán gbɛ mitɔn lě e hwɛhuhu sín ninɔmɛ e mi ɖo ɔ́ nɔ jló gbɔn ɔ́, mi ná kú. Lo ɔ́, ényí mi gbɔn Yɛsinsɛn jí bó hu walɔ agbaza tɔn lɛ́ɛ ɔ́, mi ná nɔ gbɛ.

Hlɔ̌manu 8:33

Mɛ̌ ka ná dó hwɛ mɛ e Mawu cyán lɛ́ɛ? Mɛ ɖé ɖe ǎ, ɖó Mawu wɛ ɖɔ yě nyǐ hwɛjijɔnɔ.

1 Kɔlɛ́ntinu 1:30

Lo ɔ́, Mawu dɔn mi kpó Klísu Jezu kpán ɖó bǔ, bó sɔ́ ɛ dó ɖó nǔnywɛ́ mǐtɔn. Gbɔn Klísu Jezu jí ɔ́, mǐ húzú hwɛjijɔnɔ ɖo Mawu nukɔn; Mawu ɖe mǐ ɖó vo gbɔn jǐ tɔn; é hwlɛ́n mǐ sín hwɛ mǐtɔn lɛ́ɛ mɛ gbɔn jǐ tɔn.

1 Kɔlɛ́ntinu 6:11

Nǔ e mɛɖé lɛ́ɛ ɖo mi mɛ, bó ko nyí ɖ'ayǐ ɔ́ nɛ́. Amɔ̌, è ko lɛ mi wé sín hwɛ mɛ; è ko ɖe mi ɖó vo, bɔ mi na nyí Mawu tɔn; è ko sɔ́ mi dó húzú hwɛjijɔnɔ, ɖo Aklúnɔ Jezu Klísu sín nyǐkɔ mɛ, gbɔn Yɛ Mawu mǐtɔn tɔn jí.

2 Kɔlɛ́ntinu 10:5

Nǔ e è sɔ́ goyíyí dó glɔ́n ali ná, bónú è ma tunwun Mawu ó lɛ́ɛ bǐ ɔ́, mǐ nɔ́ flí bǐ xwe; mǐ nɔ́ wlí linlin lɛ́ɛ bǐ dó gan, bó ná dɔn yě nú yě ná se tónú nú Klísu.

Sɛ́nflínmɛ 7:6

Đó togun ɖe ɖó vo Mawu Mavɔmavɔ, Mawu mitɔn tɔn wɛ mi nyí. Mawu Mavɔmavɔ, Mawu mitɔn sɔ́ mi bɔ mi ná nyí togun tɔn vívɛ́ná ɖo togun e ɖo ayǐkúngban ɔ́ jí lɛ́ɛ bǐ mɛ.”

Kolósinu 3:12

Mɛɖeɖóvo Mawu tɔn wɛ mi nyí. Mɛvívɛ́ná Mawu tɔn wɛ mi nyí, bɔ é sɔ́ mi, bónú mi ná nyí étɔn. Énɛ́ ɔ́ wútu wɛ mi ɖó ná sɔ́ nǔbláwǔkúnúmɛ, xomɛnyínyɔ́, mɛɖéesɔ́hwe, xomɛfífá kpó suúlu kpó dó awu ɖɔhun.

2 Tɛsalonikinu 2:13

Nɔví lɛ́ɛ mi, mi mɛ e Aklúnɔ yí wǎn ná lɛ́ɛ ɔ́, mǐ ɖó ná nɔ dó kú nú Mawu hwebǐnu ɖó ta mitɔn mɛ. Đó Mawu sɔ́ mi, bónú mi ná nyí mɛ nukɔn nukɔntɔn e é ná hwlɛngán, gbɔn Yɛsinsɛn e zɔ́n bɔ mi nyí étɔn ɔ́ kpódó nǔɖiɖi e mi ɖó nú nǔgbó ɔ́ kpán jí.

2 Timɔtée 2:10

Énɛ́ wú wɛ un nɔ dɛ ɖo nǔ bǐ nu, ɖó mɛ e Mawu cyán lɛ́ɛ wú, bónú yě lɔ ná sixú mɔ hwlɛngán e ɖo Klísu Jezu mɛ ɔ́ kpódó susu maɖókpodó kpó yí.

Titu 1:1

Nyɛ Pɔ́lu, mɛsɛntɔ́ Mawu tɔn, mɛsɛ́dó Aklúnɔ Jezu Klísu tɔn wɛ wlán wěma élɔ́. Mawu zɔ́n mì ɖɔ ma ɖɔ xó nú mɛ e émí cyán lɛ́ɛ, bónú yě ní ɖi nǔ nú Aklúnɔ Jezu Klísu, lobo ka ɖe nǔgbó e ɖo sinsɛn mǐtɔn li jí ɔ́ xlɛ́ yě,

Eblée 10:22

Hǔn, mi nú mǐ ná sɛkpɔ́ Mawu kpódó ayijlɔ́jlɔ́ kpó, kpódó gǎnjɛwú kpíkpé e nǔɖiɖi nɔ ná mɛ ɔ́ kpó, kpódó ayi e è slá wǔ ná bɔ nǔ nyanya ɖěbǔ ma ɖ'é mɛ ǎ é kpó, kpódó agbaza e è zě sin mímɛ́ dó lɛ ná é kpó.

Eblée 11:28

Nǔɖiɖi e Mɔyízi ɖó ɔ́ wɛ zɔ́n bɔ é ɖó Dǐndínwáyi sín xwe ɔ́ ayǐ, bó ná gbe ɖɔ è nǐ mì hun dó hɔn lɛ́ɛ wú, bónú wɛnsagun e nɔ hu mɛ ɔ́ ma hu nukɔngbéví Izlayɛ́li ví lɛ́ɛ tɔn ó.

Eblée 12:24

Mi sɛkpɔ́ Jezu e nyí ɖɛ̌mɛnu nú akɔjijɛ yɔ̌yɔ́ ɔ́ é; bó sɛkpɔ́ hun tɔn e kɔn nyi ayǐ é, hun tɔn énɛ́ e ɖó acɛ hú hun Abɛ́li tɔn é.

Eblée 5:9

Ée Mawu sɔ́ ɛ dó ɖó mɛ mímɛ́ bɔ nǔ bǐ vɔ ɖ'é wú ɔ́, é húzú hwlɛngán mavɔ mavɔ sín jɔtɛn nú mɛ e nɔ se tónú n'i lɛ́ɛ é bǐ,

1 Piyɛ́ɛ 1:14

Mi se tónú nú Mawu, vǐ e se tónú ɔ́ ɖɔhun, bónú nǔwiwa mitɔn lɛ́ɛ ní ma sɔgbe xá jlǒ e mi nɔ ɖó ɖ'ayǐ hwenu e mi lɛ́ kpo ɖo manywɛ́ mɛ ɔ́ lɛ́ɛ ó.

1 Piyɛ́ɛ 1:19

Éeǒ! Hun xɔ akwɛ́ ɖaxó Klísu tɔn ɔ́ wɛ è dǒ xɔ mi ná; Klísu e cí lɛ̌ngbɔ́ví e ma ɖó blɔ̌ ǎ, bɔ nǔɖé ma ka va dó wútu tɔn ǎ ɔ́ ɖɔhun é wɛ.

1 Piyɛ́ɛ 1:20

Mawu ko sɔ́ ɛ cóbó wá ɖó gbɛ ɔ́, bó ɖe e xlɛ́ ɖo azǎn e nyí azǎn gǔdo tɔn élɔ́ lɛ́ɛ é mɛ, ɖó ɖagbe mitɔn wú.

1 Piyɛ́ɛ 1:22

Mi se tónú nú nǔgbó ɔ́, bó dó slá wǔ nú miɖée, bó ná dó yí wǎn titewungbe nú nɔví mitɔn ɖo nǔɖiɖi mɛ lɛ́ɛ. Hǔn, mi bo yí wǎn ɖaxó nú miɖée kpó ayixa mitɔn bǐ kpó.

1 Piyɛ́ɛ 2:9

Amɔ̌ midɛɛ lɛ́ɛ ɔ́, akɔta e è cyán ɔ́ wɛ mi nyí, bó nyí vɔ̌sánú-xwlémawutɔ́ axɔ́sú ɔ́ tɔn; akɔta ɖe ɖó vo wɛ mi nyí, bó nyí togun Mawu tɔn. Mawu e ylɔ́ mi nú mi ná gosín ablu mɛ, bó wá wěziza tɔn ɖagbe ɖagbe ɔ́ nu ɔ́ cyán mi bónú mi ná jlá azɔ̌ ɖagbe ɖagbe e é nɔ wa lɛ́ɛ.

2 Piyɛ́ɛ 1:2

Mawu ní ná fɛ́nú kpó fífá kpó mi, bónú é túnflá ɖó Mawu kpó Aklúnɔ mǐtɔn Jezu kpán e mi tunwun ɔ́ wú.

2 Jǎan 1:1

Nyɛ Agunmɛxó ɔ́ wɛ ɖo wěma élɔ́ wlán sɛ́ dó Nyɔ̌nu e Mawu sɔ́ é wɛ; hwi kpódó vǐ towe lɛ́ɛ kpó wɛ un sɛ́ wěma ɔ́ dó . Wǎn yíyí nǔgbó nǔgbó wɛ un ɖó nú mi. É ka nyí nyɛ ɖokpónɔ wɛ yí wǎn nú mi ǎ; mɛ e tunwun nǔgbó ɔ́ lɛ́ɛ bǐ wɛ yí wǎn nú mi.

2 Jǎan 1:13

Nɔví towe nyɔ̌nu e Mawu sɔ́ é sín vǐ lɛ́ɛ lɔ dó gbe sɛ́ dó we.

Judi 1:2

Nǔbláwǔkúnúmɛ Mawu tɔn kpódó fífá tɔn kpó, kpódó wǎn yíyí tɔn kpán ní nɔ kpɔ́ xá mi bó túnflá.