1 Piyɛ́ɛ 1:12 - MAWUXÓWÉMA

¹² Mawu ɖe xlɛ́ gbeyíɖɔ lɛ́ɛ ɖɔ wɛn énɛ́ e è ɖɔ yě ní dó ɔ́ kún nyí yě ɖésúnɔ tɔn ó; lo ɔ́, mi tɔn wɛ. Wɛn Ɖagbejlátɔ́ lɛ́ɛ dó wɛn énɛ́ ɔ́ mi din; yě ɖɔ xó tɔn nú mi kpó hlɔ̌nhlɔ́n e Yɛsinsɛn e è sɛ́ dó sín sɛ́xwé ɔ́ ná yě ɔ́ kpó; wɛnsagun lɛ́ɛ ɖésú lɔ ka jló ná mɔ nǔ jɛ wɛn énɛ́ mɛ.

1 Piyɛ́ɛ 1:12 Iomraidhean Croise

Jǎan 15:26

“Gbɔdónúmɛtɔ́ ɔ́ ná wá. Yɛ e nyí nǔgbó, bó gosín Tɔ́ ɔ́ gɔ́n ɔ́ wɛ. Un ná sɛ́ ɛ dó mi sín Tɔ́ ɔ́ gɔ́n. Hwenu e é ná wá ɔ́, é ná ɖe kúnnu nú mì;

Efɛ́zinu 3:10

bónú din ɔ́, gǎn lɛ́ɛ kpódó hlɔ̌nhlɔ́n e ɖo gbɛ e mǐ ma ɖo mimɔ wɛ ǎ mɛ lɛ́ɛ kpó ní mɔ nukúnnú jɛ nǔnywɛ́ Mawu tɔn wú gbɔn alɔ bǐ mɛ gbɔn agun ɔ́ gbla mɛ.

1 Kɔlɛ́ntinu 2:10

Mǐdɛɛ lɛ́ɛ wɛ ka nyí mɛ e Mawu ɖe nǔbúdo énɛ́ xlɛ́ gbɔn Yɛsinsɛn jí é. Nǔgbó ɔ́, Yɛsinsɛn ɔ́ nɔ ba do nú nǔ bǐ káká jɛ tito Mawu tɔn e ɖo hwlǎhwlá ɖo gɔngɔn mɛ lɛ́ɛ é lɔ jí.

Eblée 4:2

Đó mǐ se Wɛn Ɖagbe ɔ́ lě e mɛ e ɖo gbětótló mɛ ɖ'ayǐ lɛ́ɛ se gbɔn é. Yě se wɛn énɛ́ ɔ́; é ka wa ɖagbe ɖé nú yě ǎ; ɖó hwenu e yě se ɔ́, yě yí kpó nǔɖiɖi kpó ǎ.

Maki 16:15

É ka ɖɔ nú yě ɖɔ: “Mi gbɔn gbɛ ɔ́ bǐ mɛ, bo jlá Wɛn Ɖagbe Mawu tɔn ɔ́ gbɛtɔ́ lɛ́ɛ bǐ.

1 Piyɛ́ɛ 1:25

lo ɔ́, Aklúnɔxó ɔ́ nɔ́ nɔ ayǐ káká sɔ́yi.” Xó énɛ́ wɛ nyí Wɛn Ɖagbe e è jlǎ mi é.

Nǔɖexlɛ́mɛ 5:11

Un lɛ́ kpɔ́n bó se wɛnsagun wɔ̌buwɔ́bú ɖé lɛ́ɛ sín gbe; wɛnsagun wɔ̌bliwɔ̌va wɛ; yě lɛ́ lɛ̌ dó axɔ́súzinkpo ɔ́ kpó nǔɖogbɛ lɛ́ɛ kpó, kpódó mɛxó lɛ́ɛ kpán.

2 Kɔlɛ́ntinu 6:6

É ka ɖo mɔ̌ có, mǐ nɔ́ ɖe xlɛ́ ɖɔ mǐ nyí azɔ̌watɔ́ Mawu tɔn gbɔn ayi mímɛ́ mǐtɔn gbla mɛ, gbɔn nǔtunwuntunwun mǐtɔn gbla mɛ; gbɔn suúlu ɖíɖó kpó xomɛnyínyɔ́ mǐtɔn kpán gbla mɛ; gbɔn Yɛsinsɛn gbla mɛ; gbɔn wǎn yíyí nǔjɔnǔ tɔn e mǐ ɖó ɔ́ gbla mɛ.

2 Kɔlɛ́ntinu 1:22

É wɛ sɔ́ nyǐkɔ tɔn dó ɖó wuntun mǐ, bó kɔn Yɛsinsɛn dó ayi mǐtɔn mɛ; é wɛ ná gǎnjɛwú mǐ ɖɔ mǐ ná mɔ ɖagbe e é sɔ́ ɖ'ayǐ nú mǐ lɛ́ɛ yí.

Hlɔ̌manu 15:19

gbɔn nǔjíjlɛ́ lɛ́ɛ kpódó nǔdábaɖa lɛ́ɛ kpó sín hlɔ̌nhlɔ́n mɛ; gbɔn Yɛsinsɛn sín hlɔ̌nhlɔ́n mɛ. Lě e un gbɔn fí bǐ bɛ́ sín Jeluzalɛ́mu káká yi Ililíi gbé jí, bó jlá Wɛn Ɖagbe e ɖɔ xó dó Klísu wú ɔ́ kpíkpé tɔn gbɔn é nɛ́.

Mɛsɛ́dó 2:33

bɔ din e Mawu sɔ́ ɛ su, bó sɔ́ ɛ jínjɔ́n akpá, ɖo ɖisí tɔn xwé ɔ́, Mawu tɔ́ tɔn sɔ́ Yɛsinsɛn e sín akpá é dó nú mǐ ɔ́ jó n'i, bɔ é gba kɔn nyi mǐ jí; nǔ e mɔ wɛ mi ɖe, bó ɖo sise wɛ din ɔ́ nɛ́.

Daniyɛ́li 12:13

Amɔ̌, hwɛ Daniyɛ́li ɔ́, nɔ gbejí káká yi fó. Énɛ́ ɔ́, a nǎ ɖó vivo, bó ná fɔ́n sí te, bó ná wá yí ajɔ towe ɖo vivɔnu.”

Daniyɛ́li 12:9

É yí gbe nú mì ɖɔ: “Daniyɛ́li, ado ma hu we ó. Xó énɛ́ ɖó ná nɔ hwlǎhwlá ganjí káká jɛ nǔ lɛ́ɛ sín vivɔ hwenu.

Eblée 2:4

Azɔn ɖokpó ɔ́, Mawu ɖe wuntun tɛnmɛ tɛnmɛ lɛ́ɛ xlɛ́, bó jlɛ́ nǔ tɛnmɛ tɛnmɛ kpódó nǔdábaɖa tɛnmɛ tɛnmɛ kpó gbɔn yě jí, bó dó ɖe xlɛ́ ɖɔ émí yí gbe nú kúnnuɖiɖe yětɔn. É lɛ́ má Yɛsinsɛn sín nǔníná lɛ́ɛ lě e é jló e gbɔn é.

Galatinu 1:16

Hwenu e é ka jló Mawu bɔ é ɖe vǐ tɔn xlɛ́ mì, bónú má jlá Wɛn Ɖagbe e ɖɔ xó dó vǐ ɔ́ wú ɔ́ mɛ e ma nyí Jwifu ǎ lɛ́ɛ ɔ́, un kan nǔɖé byɔ́ mɛɖé ǎ;

Galatinu 1:12

mɛɖé wɛ ɖɔ nú mì ǎ; mɛɖé ka kplɔ́n mì ǎ; Jezu Klísu ɖésú wɛ ɖe xlɛ́ mì.

Hlɔ̌manu 10:15

Ényí è ma sɛ́ mɛ dó xó tɔn jlá gbé ǎ ɔ́, nɛ̌ è ka ná mɔ Wɛn Ɖagbejlátɔ́ gbɔn? Lě e Mawuxówéma ɔ́ ɖɔ gbɔn ɔ́ ɖíe: “È mɔ Wɛn Ɖagbejlátɔ́ lɛ́ɛ jǎwe ɔ́, é nɔ nyɔ́ kpɔ́n mɛ.”

Hlɔ̌manu 1:17

Nǔgbó ɔ́, Wɛn Ɖagbe ɔ́ ɖe lě e Mawu nɔ zé gbɛtɔ́ lɛ́ɛ dó húzú hwɛjijɔnɔ ná ɖo nukɔn tɔn gbɔn ɔ́ xlɛ́; sín bǐbɛ́mɛ káká yi vivɔnu ɔ́, nǔɖiɖi kɛ́ɖɛ́ jí wɛ é nɔ zé yě dó húzú hwɛjijɔnɔ ná gbɔn lě e Mawuxówéma ɔ́ ɖɔ gbɔn é; é wɛ nyí ɖɔ: “Mɛ e Mawu mɔ dó mɔ hwɛjijɔnɔ ɖó nǔɖiɖi tɔn wú ɔ́ ná nɔ gbɛ.”

Luki 15:10

Mɔ̌ ɖokpó ɔ́, má ɖɔ nú mi: ényí hwɛhutɔ́ ɖokpó géé lɛ́ kɔ sín hwɛ tɔn lɛ́ɛ gúdo ɔ́, lě e wɛnsagun Mawu tɔn lɛ́ɛ nɔ j'awǎ gbɔn ɔ́ nɛ́.”

Matíe 11:25

Hwenɛ́nu ɔ́, Jezu yí xó, bó ɖɔ: “Daá! Aklúnɔ jǐnukúnsin kpódó ayǐkúngban kpó tɔn, un dó kú nú we, ɖó a sɔ́ nǔ énɛ́ lɛ́ɛ hwlá dó nukúnnú-mɔjɛnǔmɛtɔ́ lɛ́ɛ kpódó nǔnywɛ́tɔ́ lɛ́ɛ kpó, lobo ka ɖe yě xlɛ́ vǐ ɖo anɔ̌nu lɛ́ɛ.

Amɔ́si 3:7

Đó Aklúnɔ Mavɔmavɔ nɔ wa nǔɖé ma ɖe nǔbúdo tɔn xlɛ́ mɛsɛntɔ́ tɔn gbeyíɖɔ lɛ́ɛ ǎ.

Daniyɛ́li 9:24

Mawu zé xwe tɛ́nwe tɛ́nwe donu kanɖé gban (70) ɖó te nú togun towe, kpó to mímɛ́ e mɛ a ɖe ɔ́ kpó. Hwenu tají ɖé wɛ bɔ tónúmase bǐ ná fó, bɔ nǔwanyido bǐ ná nɔ te, bɔ è nǎ zé hwɛ bǐ kɛ mɛ, lobɔ hwɛjijɔ mavɔ mavɔ ɔ́ ná bɛ́ azɔ̌, bɔ nǔmimɔ lɛ́ɛ kpó xóɖɔɖ'ayǐ lɛ́ɛ kpó ná jɛ, bɔ è nǎ lɛ́ ylɔ́ Mawu nyíkɔ dó goxɔ mímɛ́ bǐ ɔ́ jí.

1 Tɛsalonikinu 2:9

Nɔví lɛ́ɛ mi, lě e mǐ jɛ tagba, bó wa azɔ̌ gbɔn ɖo tɛ́ntin mitɔn ɔ́, mi flín ǎ cé? Mǐ ɖo Wɛn Ɖagbe Mawu tɔn ɔ́ jlá mi wɛ, bó ka nɔ wa azɔ̌ zǎn kpó kéze kpó, ɖó mǐ jló ná nɔ kɔ jí nú mi mɛ ɖěbǔ ǎ.

Luki 9:6

Mɛsɛ́dó lɛ́ɛ ka yi, bó nɔ gbɔn fí bǐ ɖo gletoxo lɛ́ɛ mɛ, bó nɔ jlá Wɛn Ɖagbe Mawu tɔn ɔ́, bó nɔ gbɔ azɔn nú mɛ lɛ́ɛ gbɔn fí bǐ.

Luki 2:26

Yɛsinsɛn ka ko ɖe xlɛ́ ɛ ɖɔ é kún ná kú ma mɔ Klísu Aklúnɔ tɔn ɖó nukún wú ó.

Matíe 16:17

Bɔ Jezu yí xó bó ɖɔ n'i ɖɔ: “Nyɔ̌nánɔ wɛ nú we Sinmɔ́ɔ, Jonási ví, ɖó gbɛtɔ́ gɔ́n wɛ nǔnywɛ́ e a dǒ tunwun xó énɛ́ ná ɔ́ gosín ǎ; lo ɔ́, Tɔ́ ce e ɖo sɛ́xwé ɔ́ wɛ sɔ́ dó ayi mɛ nú we.

Matíe 11:27

“Nǔ bǐ wɛ Tɔ́ ce sɔ́ dó alɔ ce mɛ, bɔ mɛ ɖěbǔ ka mɔ nǔ jɛ Vǐ ɔ́ wú, zɛ Tɔ́ ɔ́ wú ǎ; mɛ ɖěbǔ ka lɛ́ mɔ nǔ jɛ Tɔ́ ɔ́ wú, zɛ Vǐ ɔ́ kpódó mɛ e Vǐ ɔ́ jló ná ɖe e xlɛ́ lɛ́ɛ kpó wú ǎ.

Zakalíi 12:10

Énɛ́ ɔ́, un ná gba wǔjɔmɛ kpó vosisa kpó sín yɛ kɔn nyi Davídi xwé ɔ́ kpó Jeluzalɛ́munu lɛ́ɛ kpó jí, bɔ yě ná sɔ́ nukún yětɔn ɖó nyɛ mɛ e yě sɔ́ hwǎn é wú. Yě ná ví mì, lě e è nɔ ví vǐɖokpónɔ e kú nú mɛ é ɖɔhun. Yě ná ví mì, bó só hehe, lě e è nɔ ví nukɔngbéví e kú nú mɛ é ɖɔhun.

Daniyɛ́li 10:1

Hwenu e axɔ́sú Pɛ́si tɔn Silúsi ɖo xwe atɔn bló wɛ ɖo zinkpo jí ɔ́, Mawu dó wɛn ɖé Daniyɛ́li e è nɔ ylɔ́ ɖɔ Bɛluticasáa é. Xó énɛ́ ɔ́, xójɔxó wɛ, bó ɖɔ wǔvɛ́ ɖaxó ɖaxó e jǎwe lɛ́ɛ. Daniyɛ́li ɖo tamɛ lin dó xó énɛ́ wú wɛ, bɔ Mawu wá ná ɛ tínmɛ tɔn ɖo dlɔ̌ mɛ.

Daniyɛ́li 8:13

“Un se wɛnsagun ɖokpó sín gbe. Wɛnsagun ɖěvo ka kanbyɔ́ wɛnsagun e sín gbe un se ɔ́ ɖɔ: ‘Hwetɛ́nu nǔ e ɖo jijɛ wɛ lɛ́ɛ ná fó bɔ è ɖɔ ɖo nǔmimɔ ɔ́ mɛ? Káká jɛ hwetɛ́nu wɛ vɔ̌sísá ayǐhɔ́ngbe ayǐhɔ́ngbe tɔn ɔ́ ná nɔ te yi ɖó? Nǔmasɔgbe e ɖo nǔ bǐ gba wɛ ɔ́, káká jɛ hwetɛ́nu é ná gba nǔ yi ɖó te ɖó? Goxɔ ɔ́ kpó nǔɖogbɛ e ɖo sɛ́xwé lɛ́ɛ kpó ɔ́, káká jɛ hwetɛ́nu wɛ yě ná nyí afɔsúnsúnnú yi ɖó?’

Daniyɛ́li 2:47

Bó ká ɖɔ nú Daniyɛ́li ɖɔ: “Mawu mitɔn hú gǎn vodún lɛ́ɛ bǐ nǔgbó; é wɛ nyí Aklúnɔ axɔ́sú lɛ́ɛ tɔn. É ɖokpó jɛ́n nɔ ɖe nǔbúdo lɛ́ɛ xlɛ́ mɛ; ɖó é bló din bɔ dlɔ̌ élɔ́ e mɛ un má mɔ nǔ jɛ ǎ ɔ́, a kpé wú bó tínmɛ nú mì.”

Daniyɛ́li 2:22

É wɛ nɔ́ ɖe nǔbúdo e ɖo hwlǎhwlá lɛ́ɛ xlɛ́. É tunwun nǔ e ɖo zǐnflú mɛ lɛ́ɛ, wěziza ɔ́, gɔ̌n tɔn wɛ é ɖe.

Daniyɛ́li 2:19

Énɛ́ ɔ́, Mawu ɖe nǔbúdo énɛ́ ɔ́ xlɛ́ Daniyɛ́li ɖo dlɔ̌ mɛ, bɔ Daniyɛ́li jɛ Mawu sɛ́xwé tɔn ɔ́ mlá jí,

Ezayíi 32:15

Ayǐ ɖokpó ná wá hɔ́n, bɔ Mawu ná kɔn yɛ tɔn dó mǐ jí. Énɛ́ ɔ́, fí e nyí axéko jí é ná húzú atínsínsɛ́ngbo, bɔ atínsínsɛ́ngbo ná húzú zungbó.

Nǔnywɛ́xó 1:23

Mi ɖótó nǔ e gbɛ́ nú mi wɛ un ɖe é. Énɛ́ ɔ́, un ná kɔn yɛ ce kɔn nyi mi jí, un ná bló bɔ mi ná tunwun xó ce lɛ́ɛ.

Tíntɔ́n 25:20

Wɛnsagun susunɔ lɛ́ɛ ná kpan nukɔn yěɖée, ɖo nusú ɔ́ ta nu bó ná ɖo nusú ɔ́ kpɔ́n wɛ, bó ná kɛ awa yětɔn lɛ́ɛ ɖó jɔ mɛ.

Eblée 11:13

Yě mɛ énɛ́ lɛ́ɛ bǐ ɔ́, nǔɖiɖi mɛ wɛ yě bǐ kú dó. Yě mɔ nǔ e sín akpá Mawu dó lɛ́ɛ yí ǎ; yě ka mɔ ɖɔ nǔ énɛ́ lɛ́ɛ ná jɛ bɔ xomɛ hun yě tlala. Yě tunwun ɖɔ jǒnɔ wɛ émí nyí ɖo ayǐkúngban jí fí, bó ɖo wiwa yi wɛ.

Ezayíi 53:1

Mɛ̌ ka ɖo mǐ mɛ bó ɖi nǔ nú xó e mǐ se é? Mɛ̌ Mawu Mavɔmavɔ ka ɖe hlɔ̌nhlɔ́n tɔn xlɛ́?

Hlɔ̌manu 1:15

Énɛ́ ɔ́ wútu wɛ é jló mì ɖésú ɖɔ ma wá jlá Wɛn Ɖagbe ɔ́ mi mɛ e ɖo Hlɔ̌ma lɛ́ɛ lɔmɔ̌.

Mɛsɛ́dó 16:10

Ée Pɔ́lu mɔ nǔ énɛ́ ɔ́ gúdo ɔ́, mǐ sɔ́ nǔ, azɔn ɖokpó, bó ná yi Masedwani, ɖó mǐ mɔ gaan ɖɔ Mawu wɛ ylɔ́ mǐ, nú mǐ ná yi jlá Wɛn Ɖagbe ɔ́ to énɛ́ ɔ́ mɛ nu lɛ́ɛ.

Mɛsɛ́dó 10:44

Piyɛ́ɛ kpo ɖo xó énɛ́ lɛ́ɛ ɖɔ wɛ, bɔ Yɛsinsɛn jɛ te wá mɛ e ɖo tó ɖó e wɛ lɛ́ɛ bǐ jí.

Mɛsɛ́dó 8:25

Ée Piyɛ́ɛ kpódó Jǎan kpán ɖe kúnnu nú Aklúnɔ, bó jlá xó tɔn vɔ ɔ́, yě lɛ́ kɔ ɖidó Jeluzalɛ́mu, bó jlá Wɛn Ɖagbe ɔ́ dó ali, gbɔn Samalíi sín gletoxo gěgé mɛ.

Mɛsɛ́dó 4:31

Ée yě xo ɖɛ fó ɔ́, fí e yě kplé ɖe ɔ́ dán wǔ. Yɛsinsɛn gɔ́ ayi mɛ nú yě, bɔ yě jɛ Mawuxó jlá jí, kpódó jiɖiɖe kpán.

Mɛsɛ́dó 4:8

Hwenɛ́nu ɔ́, Yɛsinsɛn gɔ́ ayi mɛ nú Piyɛ́ɛ bɔ é ɖɔ nú yě ɖɔ jí: “Gǎn lɛ́ɛ mi; tomɛxó lɛ́ɛ mi;

1 Timɔtée 3:16

Nǔgbó wɛ, mɛ ɖěbǔ sixú gbɛ́ ǎ; nǔbúdo e ɖo mawusinsɛn mɛ ɔ́ d'agba. “É wá gbɛtɔ́ ɖɔhun; Yɛsinsɛn ɖe e xlɛ́ ɖɔ é nyí hwɛjijɔnɔ; wɛnsagun Mawu tɔn lɛ́ɛ mɔ ɛ. È ɖɔ xó tɔn nú akɔta lɛ́ɛ bǐ; è ɖi nǔ n'i gbɔn gbɛ ɔ́ bǐ mɛ; Mawu sɔ́ ɛ yi jǐxwé ɖo susu mɛ.”

1 Piyɛ́ɛ 4:6

Énɛ́ ɔ́ wútu wɛ è jlǎ Wɛn Ɖagbe ɔ́ mɛkúkú lɛ́ɛ lɔmɔ̌; bónú ée yě ko gbɔn hwɛɖɔxámɛ e ɖo te kpɔ́n gbɛtɔ́ lɛ́ɛ bǐ ɔ́ mɛ dín ɖo agbaza mɛ ɔ́, yě ná nɔ gbɛ gbɔn Yɛsinsɛn jí lě e Mawu ɖo gbɛ gbɔn é.