1 Piyɛ́ɛ 1:1 - MAWUXÓWÉMA

¹ Nyɛ mɛsɛ́dó Jezu Klísu tɔn Piyɛ́ɛ wɛ wlán wěma élɔ́ sɛ́ dó mi mɛcyáncyán Mawu tɔn e nyí jǒnɔ ɖo ayǐkúngban jí, bó gba kpé Pɔ́ɔn kpó Galati kpó, Kapadɔ́si kpó Azíi kpó, kpódó Bitiníi kpán sín tokpɔn mɛ lɛ́ɛ é.

1 Piyɛ́ɛ 1:1 Iomraidhean Croise

Ɛsitɛ́ɛ 3:8

Hamáa ɖɔ nú axɔ́sú Zɛ̌ɛzɛsi ɖɔ: “Sɛ́mɛɖó e, togun ɖé tíin bó ɖo axɔ́súɖuto mɛtɔn mɛ, bó gba kpé tokpɔn lɛ́ɛ bǐ mɛ. Togun énɛ́ ɔ́ gbɔn vo ɖo togun ɖě lɛ́ɛ bǐ mɛ, bɔ walɔ tɔn gbɔn vo nú togun ɖě lɛ́ɛ bǐ tɔn; mɛ e ɖo togun énɛ́ ɔ́ mɛ lɛ́ɛ nɔ nyi sɛ́n mɛtɔn lɛ́ɛ ǎ; è nǎ agbɔ̌n mɛ énɛ́ lɛ́ɛ ɔ́, é ná nyɔ́ nú mɛ ǎ.

Ɖɛhan 44:11

A nɔ jó mǐ dó, bɔ mǐ nɔ́ jó agɔ yi gǔdo ɖo kɛntɔ́ nukɔn, bɔ mɛ e gbɛ́ wǎn nú mǐ lɛ́ɛ nɔ́ bɛ́ nǔ e nyí mǐtɔn lɛ́ɛ bǐ hɛn yi.

Ezekiyɛ́li 6:8

Amɔ̌, un ná bló bɔ mi mɛɖé lɛ́ɛ ná gán ɖo ahwan ɔ́ mɛ, bɔ yě mɛ énɛ́ lɛ́ɛ e má cí ahwan ǎ lɛ́ɛ ná gba kpé to ɖěvo ɖěvo lɛ́ɛ mɛ.

Levíi ví 26:33

Midɛɛ lɛ́ɛ ɔ́, un ná gba mi dó gbɔn akɔta lɛ́ɛ mɛ, bɔ ahwan ná ɖo mi nya kpé wɛ. È nǎ gba to mitɔn, bɔ toxo mitɔn lɛ́ɛ ná jɛ vɔ̌.

Matíe 10:2

Mɛsɛ́dó wěwe lɛ́ɛ sín nyǐkɔ ɖíe: jɛ nukɔn ɔ́, Sinmɔ́ɔ e è nɔ lɛ́ ylɔ́ ɖɔ Piyɛ́ɛ ɔ́, kpódó nɔví tɔn Andlé kpó; Zebeɖée ví we, Jaki kpódó Jǎan kpó.

Matíe 24:22

Nú Mawu ma ko ɖe wǔvɛ́ mimɔ énɛ́ lɛ́ɛ sín azǎn kpo wɛ ǎ ɔ́, mɛ ɖěbǔ na gán ɖ'é mɛ ǎ. Lo ɔ́, Mawu ko ɖe azǎn ɔ́ kpo ɖó mɛ tɔn e é cyán lɛ́ɛ wú.

Matíe 4:18

Ée Jezu ɖo Galilée xutó gbɔn wɛ xweyǐgbe ɔ́, é mɔ nɔví nɔví we ɖé lɛ́ɛ, Sinmɔ́ɔ e è nɔ ylɔ́ ɖɔ Piyɛ́ɛ ɔ́, kpódó nɔví tɔn Andlé kpán, bɔ yě ɖo ɖɔ nyi wɛ ɖo xu jí, ɖó ɖɔnyitɔ́ wɛ nú yě.

Luki 18:7

Ényí nǔ ɖo mɔ̌ ɔ́, nɛ̌ wɛ Mawu má ká ná yá wǔ gbo hwɛ nú yě mɛ e nyí étɔn, bó nɔ́ ɖo xó sú ylɔ́ ɛ wɛ zǎn kéze lɛ́ɛ ǎ gbɔn? É ná lín cóbó ná dó alɔ yě wɛ a?

Jǎan 11:52

É ka nyí ɖɔ togun énɛ́ ɔ́ kɛ́ɖɛ́ tamɛ wɛ é ná kú dó ǎ; é ná lɛ́ kplé Mawu ví e gbadó lɛ́ɛ bǐ ɖó bǔ.

Jǎan 7:35

Bɔ vɔ̌sánú-xwlémawutɔ́gán lɛ́ɛ jɛ ɖiɖɔ jí ɖo yěɖée tɛ́ntin ɖɔ: “Fítɛ́ nya élɔ́ ka jló ná yi, bɔ mǐ ma sɔ́ ná mɔ ɛ ǎ? É jló ná yi gɔ́ nú Jwifu e gba kpé Glɛ̌sinu lɛ́ɛ mɛ lɛ́ɛ, bó ná kplɔ́n nǔ Glɛ̌sinu lɛ́ɛ wɛ a?

Mɛsɛ́dó 18:2

É mɔ nya Jwifu ɖokpó ɖo fínɛ́; è nɔ ylɔ́ nya ɔ́ ɖɔ Akilási, bɔ é nyí tokpɔn Pɔ́ɔn mɛ nu; nya énɛ́ kpódó asi tɔn Plisílu kpó gosín Italíi wá ɔ́, é ko lín ǎ, ɖó axɔ́sú Klódu ɖe gbeta tɔ́n ɖɔ mɛ e nyí Jwifu lɛ́ɛ bǐ ní tɔ́n sín Hlɔ̌ma; Pɔ́lu yi mɔ yě.

Mɛsɛ́dó 18:23

É xɔ azǎn yɔywɛ ɖé ɖo fínɛ́, bó ɖidó. É gbɔn Galati gbé jí, bó gbɔn Flijíi gbé jí ɖě jɛ ɖě gúdo, lobo dó wǔsyɛ́n lanmɛ nú ahwanvú Jezu tɔn e ɖo gbě énɛ́ lɛ́ɛ jí lɛ́ɛ bǐ.

Mɛsɛ́dó 19:10

Nǔ nyí mɔ̌ xɔ xwe we, káká bɔ mɛ e ɖo Azíi gbé jí lɛ́ɛ bǐ: Jwifu lɛ́ɛ kpódó mɛ e ma nyí Jwifu ǎ lɛ́ɛ kpán se Aklúnɔxó ɔ́.

Mɛsɛ́dó 6:9

Jwifu ɖé lɛ́ɛ ka gosín kplɔ́ngbasá e è nɔ ylɔ́ ɖɔ “Kannumɔ e jɛ yěɖée sí lɛ́ɛ tɔn é” bó wá, bó jɛ nǔ dɔn xá Etyɛ́ni jí; to vovo mɛ wɛ Jwifu énɛ́ lɛ́ɛ gosín; mɛ ɖě gosín Silenɛ́ɛ, Alɛsándli, Silisíi kpódó Azíi yíkúngban jí kpó.

Mɛsɛ́dó 8:4

Yě mɛ e gbadó lɛ́ɛ nɔ́ ɖo Wɛn Ɖagbe ɔ́ jlá wɛ gbɔn fí lɛ́ɛ fí lɛ́ɛ.

1 Kɔlɛ́ntinu 16:19

Agun e ɖo tokpɔn Azíi tɔn mɛ lɛ́ɛ dó gbe sɛ́ dó mi. Akilási kpó Plisílu kpó, kpódó agun e nɔ kplé ɖo xwé yětɔn gbe ɔ́ kpán dó gbe sɛ́ dó mi ɖaxó ɖo Aklúnɔ mɛ.

2 Kɔlɛ́ntinu 1:8

Nɔví lɛ́ɛ mi, nǔgbó ɔ́, mǐ jlǒ nú mi ní tunwun wǔvɛ́ e mǐ mɔ ɖo tokpɔn Azíi tɔn mɛ é: agban tɔn kpɛn mǐ sɔ mɔ̌, káká bɔ mǐ sɔ́ sixú dɛ ɖ'é nu ǎ; mǐ sɔ́ ɖó nukún lɔ ɖɔ mǐ ná nɔ gbɛ ǎ.

Galatinu 1:2

Nyɛ kpódó nɔví e ɖo fí lɛ́ɛ bǐ kpó wɛ ɖo wěma élɔ́ sɛ́ dó mi agun e ɖo Galati gbé jí lɛ́ɛ wɛ.

Efɛ́zinu 2:12

Hwenɛ́nu ɔ́, zɔ wɛ mi ɖe nú Klísu; jǒnɔ wɛ mi nyí nú togun Izlayɛ́li tɔn, bó ɖo togun énɛ́ e Mawu sɔ́ é mɛ ǎ. Akpá e Mawu dó nú togun tɔn, bó dó nu alɛ xá ɛ ɔ́, midɛɛ lɛ́ɛ ɖ'é mɛ ǎ. Mi tunwun Mawu ǎ; mi ka ɖo nukún ɖó nǔɖé wɛ ǎ; mi ɖo gbɛ ɔ́ mɛ kpowun.

Efɛ́zinu 2:19

Énɛ́ ɔ́ wútu ɔ́, mi mɛ e ma nyí Jwifu ǎ lɛ́ɛ ɔ́, mi sɔ́ nyí jǒnɔ abǐ mɛ e gosín fí ɖěvo bó wá é ǎ; lo ɔ́, mi húzú to ɖokpó ɔ́ mɛ nu xá mɛɖeɖóvo Mawu tɔn lɛ́ɛ, bó ɖo hɛ̌nnu Mawu tɔn mɛ.

Sɛ́nflínmɛ 28:64

Mawu Mavɔmavɔ ná gba mi dó gbɔn akɔta e gbɔn gbɛ ɔ́ mɛ é bǐ mɛ, káká yi fí e gbɛ ɔ́ kponu ɖó é, bɔ mi ná sɛn nǔ ɖěvo lɛ́ɛ; nǔmɛsɛn énɛ́ lɛ́ɛ ɔ́, tɔ́gbó mitɔn lɛ́ɛ tunwun ɖě ǎ, mi lɔ ka tunwun ǎ. Nǔmɛsɛn énɛ́ lɛ́ɛ ɔ́, atín kpó awǐnnya kpó yǎyá wɛ è dǒ bló yě.

Sɛ́nflínmɛ 32:26

‘Un ko jló ná vívá kún yětɔn bǐ gbídígbídí, bɔ mɛɖé sɔ́ ná nɔ́ flín yě ǎ.

Sɛ́nflínmɛ 4:27

Mawu Mavɔmavɔ ná gba mi dó gbɔn togun lɛ́ɛ mɛ, bɔ mi mɛ kpɛɖé jɛ́n ná gán ɖo akɔta e tɛ́ntin Mawu Mavɔmavɔ ná kplá mi yi é mɛ.

2 Timɔtée 1:15

Lě e a ko tunwun gbɔn ɔ́, mɛ e ɖo Azíi yíkúngban jí lɛ́ɛ bǐ lɛ́ kɔ sín gǔdo ce; yě ɖě nɛ́ nyí Fijɛ́lu kpódó Ɛɛmɔjɛ́ni kpó nɛ́.

Eblée 11:13

Yě mɛ énɛ́ lɛ́ɛ bǐ ɔ́, nǔɖiɖi mɛ wɛ yě bǐ kú dó. Yě mɔ nǔ e sín akpá Mawu dó lɛ́ɛ yí ǎ; yě ka mɔ ɖɔ nǔ énɛ́ lɛ́ɛ ná jɛ bɔ xomɛ hun yě tlala. Yě tunwun ɖɔ jǒnɔ wɛ émí nyí ɖo ayǐkúngban jí fí, bó ɖo wiwa yi wɛ.

Jaki 1:1

Nyɛ Jaki e nyí azɔ̌watɔ́ Mawu tɔn, bó nyí azɔ̌watɔ́ Aklúnɔ Jezu Klísu tɔn ɔ́ wɛ wlán wěma élɔ́ sɛ́ dó Jwifu klísusɛntɔ́ e gba kpé gbɛ ɔ́ bǐ mɛ lɛ́ɛ é, bó ɖo gbe dó sɛ́ dó yě wɛ.

1 Piyɛ́ɛ 2:11

Mɛvívɛ́ná ce lɛ́ɛ mi, mi mɛ e nyí jǒnɔ bó nyí aligbɔntɔ́ ɖo ayǐkúngban jí lɛ́ɛ ɔ́, un ɖo byɔ̌byɔ́ mi wɛ ɖɔ mi ma lɔn nú jlǒ gbɛtɔ́ tɔn e nɔ ɖo ahwan fun xá ayi wɛ lɛ́ɛ ní ɖu ɖo mi jí ó.

2 Piyɛ́ɛ 1:1

Nyɛ Sinmɔ́ɔ Piyɛ́ɛ e nyí mɛsɛntɔ́ Jezu Klísu tɔn, bó nyí mɛsɛ́dó tɔn ɔ́ wɛ wlán wěma élɔ́; mɛ e è nǎ nǔɖiɖi xɔ akwɛ́ mǐtɔn ɖɔhun gbɔn azɔ̌ jlɔ́jlɔ́ e Mawu mǐtɔn Mɛhwlɛ́ngántɔ́ Jezu Klísu wa é gbla mɛ lɛ́ɛ wɛ un wlán sɛ́ dó, bó dó gbe yě.

Nǔɖexlɛ́mɛ 1:11

bó nɔ́ ɖɔ: “Wlǎn nǔ e mɔ wɛ a ɖe lɛ́ɛ dó wěma mɛ, bó sɛ́ wěma ɔ́ dó agun Klísu tɔn tɛ́nwe élɔ́ lɛ́ɛ: agun Efɛ́zi tɔn, Simíini tɔn, Pɛɛgamu tɔn, Tiatíi tɔn, Saadu tɔn, Filadɛlufíi tɔn kpó Lawodisée tɔn kpó.”