1 Timɔtée 6:9 - MAWUXÓWÉMA

⁹ Amɔ̌, mɛ e nɔ jló ná jɛ dɔkun lɛ́ɛ nɔ jɛ tɛ́nkpɔ́n mɛ, bó nɔ jɛ jlǒ ma ɖó ta ɖé lɛ́ɛ, kpódó jlǒ e nɔ zɔ́n bɔ è nɔ mɔ wǔvɛ́ lɛ́ɛ kpó sín mɔ mɛ; jlǒ énɛ́ lɛ́ɛ wɛ nɔ dɔn gbɛtɔ́ yi bú, bɔ yě nɔ dɔn.

1 Timɔtée 6:9 Iomraidhean Croise

1 Axɔ́sú 21:6

Bɔ é yí gbe nú asi tɔn ɖɔ: “Un ɖɔ nú Nabɔti ɖɔ é ní jó vǐwungle tɔn nú mì, bónú má sú axɔ́ tɔn ɛ, abǐ nú é jló e ɔ́, un ná ná ɛ vǐwungle ɖěvo ɖó tɛn tɔn mɛ, bɔ é ká ɖɔ nú mì ɖɔ émí kún ná jó vǐwungle émítɔn nú mì ó.”

Ɖɛhan 11:6

Mawu ní sɛ́ myɔkán kpó hwemí kpó dó, ní ja dó mɛdídá lɛ́ɛ jí jǐ ɖɔhun. É ní sɛ́ jɔhɔn e nɔ hɛn nǔ fyɔ́ ɔ́ dó yě. Nǔ e ná gbo yě ɔ́ nɛ́.

Nǔnywɛ́xó 15:27

Mɛ e nɔ gba acɛ dó ɖó akwɛ́ ɔ́, xwé é ɖésúnɔ tɔn wɛ é nɔ́ dɔn dó ya mɛ. Mɛ e ka gbɛ́ wǎn nú nǔ ɖu ɖo nǔ mɛ é ná dɔ́ ji.

Nǔnywɛ́xó 20:21

Dɔkun e è jɛ zogbe é ɔ́, è nɔ mɔ nu tɔn sɔ́yi ǎ.

Nǔnywɛ́xó 21:6

Mɛ e nɔ ɖó adingban dó jɛ dɔkun lɛ́ɛ ɔ́, kú hwlɛ́n dó wɛ yě ɖe; dɔkun e yě nɔ́ jɛ lɛ́ɛ nɔ́ nyí nǔ tí ǎ; bǐ wɛ nɔ́ gbadó azizɔ ɖɔhun.

Nǔnywɛ́xó 22:16

Mɛ e nɔ táfú wamamɔnɔ dó jɛ dɔkun abǐ mɛ e nɔ ná nǔ dɔkunnɔ ɔ́, ya wɛ é nɔ́ wá ji.

Nǔnywɛ́xó 23:4

Ma nɔ ɖo hlɔ̌nhlɔ́n dó wɛ ɖɔ dɔkun jɛ́n émí ná jɛ dandan ó; ma sɔ́ lin nǔ mɔ̌hun kpɔ́n lɔ ó.

Ezayíi 5:8

Heelú yě mɛ e nɔ ɖo xwé sá dó xwé jí wɛ, bó nɔ́ ɖo gle kán dó gle jí wɛ, káká bó nɔ́ yí tɛn lɛ́ɛ bǐ, bɔ yě ɖokpónɔ nɔ́ nɔ to ɔ́ mɛ lɛ́ɛ.

Zakalíi 11:5

Mɛ e xɔ yě lɛ́ɛ nɔ́ gbo gbe yě, bó ká tunwun ɖɔ émí ɖo nǔ wa nyi do wɛ ǎ. Mɛ e ka sa yě lɛ́ɛ nɔ́ ɖɔ: ‘Mi wá mǐ ní dó kú nú Mawu Mavɔmavɔ, mǐ ɖíe jɛ dɔkun e!’ Lɛ̌ngbɔ́nyitɔ́ yě ɖésúnɔ tɔn lɛ́ɛ ɖésú kú nǔbláwǔ nú yě ǎ.

Kɛ́nsísɔ́ 31:8

Yě hu axɔ́sú Madiáani ví lɛ́ɛ tɔn atɔ́ɔ́n lɛ́ɛ; axɔ́sú lɛ́ɛ sín nyǐkɔ ɖíe: Ewi, Hlɛkɛ́mu, Súu, Húu kpó Hlɛva kpó. Yě hu nǔkantɔ́ Baláamu, Beɔ́ɔ ví súnnu ɔ́ lɔmɔ̌.

Matíe 13:22

Ayǐkúngban e jí nǔkún lɛ́ɛ jɛ ɖo wundonu ɔ́ wɛ nyí mɛ e nɔ se axɔ́súɖuɖu Mawu tɔn sín xó, bɔ gbɛmɛ fí sín tagba lɛ́ɛ, dɔkun gbɛmɛ fí tɔn sín mɛdindɔn lɛ́ɛ nɔ́ vun blá xó ɔ́, bɔ é má nɔ́ sixú ná sínsɛ́n ǎ é.

Matíe 19:22

Ée dɔ̌nkpɛvú ɔ́ se xó énɛ́ lɛ́ɛ ɔ́, é ɖidó wǔbláwúblá, ɖó dɔkunnɔ ɖaxó wɛ é nyí.

Matíe 26:15

bó ɖɔ nú yě ɖɔ: “Étɛ́ mi ka ná ná mì, bónú má jó Jezu nú mi?” Bɔ yě sú i kpatágankwɛ́ gban (30).

Matíe 6:19

“Mi ma kplé dɔkun ɖó ayǐkúngban jí fí e nǔvínúví nɔ ɖu nǔ ɖe, bɔ nǔ nɔ jɛ ko ɖe, bɔ ajotɔ́ nɔ tɔ́n dǒ, bó nɔ́ fin nǔ ɖe ɔ́ ó.

Maki 4:19

bɔ gbɛmɛ fí sín tagba lɛ́ɛ, dɔkun gbɛmɛ fí tɔn lɛ́ɛ sín mɛdindɔn kpódó nukúnkɛn alɔkpa alɔkpa lɛ́ɛ kpó nɔ́ wá vun blá, bó nɔ́ hu xó ɔ́ ɖo ayi yětɔn mɛ, bɔ é nɔ gɔn sínsɛ́n é.

Luki 12:21

Jezu sú ta nú xó ɔ́, bó ɖɔ: “Mɛ e kplé dɔkun gbɛmɛ fí tɔn lɛ́ɛ nú éɖée, bó ma ka ɖó dɔkun ɖé ɖo Mawu gɔ̌n ǎ ɔ́, lě e é nɔ́ nyí gbɔn n'i é nɛ́.”

Luki 21:35

ɖó azǎn énɛ́ ɔ́ ná wá fyán mi, lě e mɔ nɔ fyán kanlin gbɔn é.

Mɛsɛ́dó 8:20

Piyɛ́ɛ ka yí gbe n'i ɖɔ: “Hwi kpódó akwɛ́ towe kpó bǐ ní bó dɔn, ɖó a lin ɖɔ è nɔ sɔ́ akwɛ́ dó xɔ nǔníná Mawu tɔn.

Efɛ́zinu 4:22

Hǔn mi ɖó ná ɖe mɛ e mi nyí ɖ'ayǐ xóxó ɔ́ nyi ayǐ. Mɛ e mi nyí ɖ'ayǐ xóxó ɔ́ wɛ nɔ sɔ́ lě e mi nɔ zán gbɛ mitɔn gbɔn ɖ'ayǐ ɔ́ dó ayi mɛ nú mi. É wɛ jlǒ tɔn e nɔ blɛ́ mɛ lɛ́ɛ nɔ hɛn bú.

Sɛ́nflínmɛ 7:25

bó ná dó nǔmɛsɛn yětɔn lɛ́ɛ sín bǒcyɔ zo; amɔ̌, mi ma nú siká kpó kpatágan kpó e ɖo yě wú lɛ́ɛ jló mi ó. Mi ma fɔ yě ó, ɖó suɖunú wɛ yě nyí ɖo Mawu Mavɔmavɔ, Mawu mitɔn nukɔn, bó ná dɔn nǔ nyanya wá nú mi.

1 Timɔtée 1:9

Đo tají ɔ́, è ka ná flín ɖɔ é kún nyí nǔjlɔ́jlɔ́watɔ́ lɛ́ɛ wú wɛ è dǒ sɛ́n ɔ́ ó; lo ɔ́, mɛ e wú è dǒ sɛ́n ɔ́ lɛ́ɛ wɛ nyí nǔnyanyawatɔ́ lɛ́ɛ, tónúmasetɔ́ lɛ́ɛ, mɛ e ma nɔ sí Mawu ǎ lɛ́ɛ, hwɛhutɔ́ lɛ́ɛ, mɛ e ma nyí mɛ mímɛ́ ǎ lɛ́ɛ, mɛ e ma ɖi nǔ nú Mawu ǎ lɛ́ɛ, mɛ e nɔ hu tɔ́ yětɔn abǐ nɔ yětɔn lɛ́ɛ é, mɛhutɔ́ lɛ́ɛ.

1 Timɔtée 3:7

É ɖó ná nyí mɛɖé bɔ mɛ e ma ɖo agun Klísu tɔn mɛ ǎ lɛ́ɛ lɔmɔ̌ ná nɔ ɖe kúnnu ɖagbe n'i, bónú é ma wá ɖu hɛ̌n ó, bónú é ma wá jɛ mɔ e awǒvi nɔ ɖó nú mɛ lɛ́ɛ mɛ ó.

1 Timɔtée 6:10

Đó wǎn yí nú akwɛ́ mɛ wɛ nǔ nyanya tɛnmɛ tɛnmɛ lɛ́ɛ bǐ nɔ tɔ́n sín; mɛɖé lɛ́ɛ ɖo gbě tɔn mɛ káká bó yi bú, bó ɖo zɔ nú nǔɖiɖi ɔ́, bó dɔn nǔgbomɛ gěgé dó kɔ.

1 Timɔtée 6:17

Kplɔ́n nǔ mɛ e jɛ dɔkun ɖo gbɛmɛ fí lɛ́ɛ ɖɔ yě ma nɔ yí go ó; ɖɔ nú yě ɖɔ yě ma sɔ́ nukúnɖíɖó yětɔn ɖó dɔkun énɛ́ lɛ́ɛ jí ó; ɖó è sixú gán jɛ dɔkun énɛ́ lɛ́ɛ wú ǎ. Lo ɔ́, yě ní sɔ́ nukúnɖíɖó yětɔn ɖó Mawu jí; é wɛ nɔ ná nǔ bǐ mǐ, bɔ é nɔ túnflá, bónú mǐ ná ɖu gbɛ yětɔn.

2 Timɔtée 2:26

Énɛ́ ɔ́, yě ná wá mɔ yěɖée mɛ, bó ná ɖe yěɖée sín awǒvi e wlí yě, bó nɔ zɔ́n bɔ yě nɔ wa jlǒ tɔn ɔ́ sín mɔ mɛ.

Titu 2:12

Fɛ́nú énɛ́ ɔ́ kplɔ́n mǐ ɖɔ mǐ ní jó gbɛ nyanya zínzán kpó jlǒ gbɛmɛ fí tɔn lɛ́ɛ kpó dó, bó ná nɔ́ wa nǔ e sɔgbe é, bó ná nɔ́ zán gbɛ jlɔ́jlɔ́, lobo ná nɔ́ gbejí nú Mawu.

Jozuwée 7:11

Hwɛ wɛ Izlayɛ́li ví lɛ́ɛ hu. Yě nɔ gbejí nú akɔ e un jɛ xá yě ɔ́ ǎ. Yě bɛ́ dɔkun e un gbɛ́ nú yě ɖɔ yě ní má bɛ́ ɖo to ɔ́ mɛ ó lɛ́ɛ. Yě fin dɔkun lɛ́ɛ bó bɛ́ hwlá dó nǔ yětɔn lɛ́ɛ mɛ.

2 Piyɛ́ɛ 2:3

Nǔkplɔ́nmɛtɔ́-nyíjɛtɔ́ énɛ́ lɛ́ɛ ná nɔ ɖo akwɛ́ gbé mɛ, bó ná nɔ kpa xó ɖɔ nú mi, bó dó xo mi ɖu. Amɔ̌, mɛ e ná ɖó hwɛ nú yě ɔ́ ko ɖo te kpɔ́n yě sín tɛgbɛ, bó ná ɖó hwɛ nú yě, bɔ vivɔ yětɔn sixú gblá gbeɖé ǎ.

Judi 1:11

Heelú yě, ɖó ali e Kanyɛ́ɛ gbɔn ɔ́ wɛ yě mlɛ́. Yě jó yěɖée dó nú nǔ wa nyi do, bó ná dó mɔ akwɛ́ Baláamu ɖɔhun. Yě dɔn, ɖó yě fɔ́n gǔ Kolée ɖɔhun.