1 Timɔtée 6:5 - MAWUXÓWÉMA

⁵ kpódó nǔdindɔn magbokɔ byɔ́ gbɛtɔ́ e sín tamɛ ma sɔgbe ǎ bɔ yě ma sɔ́ tunwun nǔgbó ɔ́ ǎ lɛ́ɛ kpó tɛ́ntin; yě nɔ vɛdó ɖɔ mawusinsɛn ɔ́, dɔkun jijɛ nú wɛ é nyí sín.

1 Timɔtée 6:5 Iomraidhean Croise

Ezayíi 56:11

Cukú wɛ nú yě; nǔ e yě mɔ ɔ́ bǐ wɛ yě nɔ́ vún ɖu; nǔɖuɖu nɔ́ kpé yě gbeɖé ǎ. Nǔ ɖo mɔ̌ bɔ yě ká ɖo togun ce nu; yě tunwun ɖagbe ɖo nyanya mɛ ǎ; nǔ e jló yě lɛ́ɛ kɛ́ɖɛ́ wɛ yě nɔ́ bló; mɛ ɖokpó ɖokpó nɔ́ ɖo ɖagbe é ɖésúnɔ tɔn ba wɛ; yě ɖě hwe ɖ'é mɛ ǎ.

Jelemíi 6:13

Đó yě bǐ wɛ dɔkun gbo vɛ̌, bɛ́ sín yɔkpɔ́vú lɛ́ɛ jí, káká yi mɛxó lɛ́ɛ jí. Gbeyíɖɔ kpó vɔ̌sánú-xwlémawutɔ́ kpó bǐ wɛ nɔ xo awo.

Jelemíi 8:10

Mawu ɖɔ: “Yě bǐ wɛ dɔkun gbo vɛ̌, bɛ́ sín yɔkpɔ́vú jí káká yi mɛxó jí. Gbeyíɖɔ kpó vɔ̌sánú-xwlémawutɔ́ kpó bǐ wɛ nɔ xo awo. Énɛ́ ɔ́ wú wɛ un ná sɔ́ asi yětɔn lɛ́ɛ jó nú mɛ ɖěvo lɛ́ɛ, bó sɔ́ gle yětɔn lɛ́ɛ jó nú mɛ e ná wá vɔ yě lɛ́ɛ.

Ezekiyɛ́li 33:31

Énɛ́ ɔ́, yě nɔ́ dó ahwan gbě kpɔ́ gégé bó ná ɖótó we; yě nɔ́ jínjɔ́n ayǐ bó nɔ́ ɖótó we ganjí; amɔ̌, yě nɔ́ xwédo xó towe dó wa nǔ ǎ. Nǔ e jló yě lɛ́ɛ kɛ́ɖɛ́ wɛ yě nɔ́ wa; yě nɔ́ bló nǔ e ná nyí ɖagbe nú yě ɖokpónɔ lɛ́ɛ kɛ́ɖɛ́.

Matíe 12:33

“Atín ɖagbe ɔ́, sínsɛ́n ɖagbe wɛ é nɔ́ ná, bɔ atín nyanya nɔ ná sínsɛ́n nyanya; ɖó sínsɛ́n atín tɔn wɛ è nɔ kpɔ́n, bó nɔ́ dó tunwun atín alɔkpa e é nyí é.

Matíe 21:13

É ɖɔ nú yě ɖɔ: “È ko wlán dó Mawuxówéma ɔ́ mɛ ɖɔ: ‘Xwé ce ɔ́, ɖɛxwé wɛ è nǎ nɔ́ ylɔ́ ɖɔ.’ Lo ɔ́, midɛɛ lɛ́ɛ sɔ́ dó húzú ajotɔ́ lɛ́ɛ sín avatɛn.”

Matíe 23:13

Jezu ka lɛ́ ɖɔ: “Heelú mi sɛ́nkplɔ́nmɛtɔ́ lɛ́ɛ kpódó Falizyɛn lɛ́ɛ kpó, yɛmɛnúwatɔ́ e mi! Ɖó mi nɔ sú axɔ́súɖuto sɛ́xwé tɔn sín ali dó mɛ lɛ́ɛ, mi ɖésú ka nɔ byɔ́ ɛ mɛ ǎ; mi ka nɔ ná tɛn mɛ e jló ná byɔ́ ɛ mɛ lɛ́ɛ ǎ. [

1 Kɔlɛ́ntinu 11:16

Amɔ̌, nú mɛɖé ka jló ná lɛ́ dɔn nǔ dó xó énɛ́ ɔ́ wú ɔ́, nǔ ɖokpó e é ná tunwun ɔ́ wɛ nyí ɖɔ: mǐdɛɛ lɛ́ɛ ɖó walɔ ɖěvo ǎ; agun Mawu tɔn lɛ́ɛ lɔ ka ɖó walɔ ɖěvo ǎ.

2 Tɛsalonikinu 3:6

Nɔví lɛ́ɛ mi, mǐ ɖo byɔ̌byɔ́ mi wɛ ɖo Aklúnɔ Jezu Klísu sín nyǐkɔ mɛ ɖɔ mi nɔ nɔ zɔ nú nɔví mǐtɔn e nɔ nɔ fɔnlín gbɛ mɛ, bó ma nɔ jló ná wa nǔɖé ǎ, bó ma nɔ xwedó nǔ e mǐ kplɔ́n yě ɔ́ ǎ lɛ́ɛ bǐ.

1 Timɔtée 1:6

Mɛ ɖé lɛ́ɛ lɛ́ kɔ sín walɔ énɛ́ lɛ́ɛ gúdo, lobo kpo nú xógbló kɛ́ɖɛ́, káká bó bú ɖ'é mɛ.

1 Timɔtée 3:3

É ɖó ná nyí ahannumúnɔ ǎ; é ka ná nyí tagbanɔ ǎ, é nyɔ́ wa ɔ́, é ná nyɔ́ xomɛ, bó ná nyí mɛfífá, bɔ akwɛ́ ná nɔ gbo vɛ̌ ɛ ǎ.

1 Timɔtée 3:8

Mɛ e nɔ kpé nukún dó agunví lɛ́ɛ wú ɔ́ lɔmɔ̌ ɖó ná nyí gbɛtɔ́ ɖagbe, nǔgbóɖɔtɔ́; yě ɖó ná nɔ nu ahan dín ǎ; yě ka ɖó ná nɔ zé ayi hízíhízí dó ba akwɛ́ ná ǎ.

1 Timɔtée 4:7

Hɔn nú xlonɔ sín tan e kpi wɛ nyɔ̌ɖaxóví lɛ́ɛ nɔ ɖe, bɔ é ma sɔgbe xá nǔɖiɖi ɔ́ ǎ lɛ́ɛ é, bó kplɔ́n hwiɖée dó xɛsi ɖi nú Mawu lɔ jí.

1 Timɔtée 4:8

Agbaza mɛ gándídó ɔ́, nǔ ɖagbe wɛ; amɔ̌ nǔ kpɛɖé jɛ́n wɛ é nyɔ́ ná; ayi mɛ gándídó ɔ́ ka nyɔ́ nú nǔ lɛ́ɛ bǐ, ɖó é dó akpá nú mi ɖɔ mi ná mɔ gbɛ din tɔn, kpódó ée ja ɔ́ kpó.

1 Timɔtée 6:6

Nǔgbó ɔ́, mawusinsɛn ɔ́, dɔkun ɖaxó ɖokpó wɛ é nyí nú mɛ e nǔ e é ɖó ɔ́ nɔ kpé é.

2 Timɔtée 3:5

Yě ná nyí mawusɛntɔ́ ɖo nukúnta, bó ka ná gbɛ́ nǔ e nyí hlɔ̌nhlɔ́n titewungbe nú sinsɛn ɔ́ é; lɛ̌ kɔ sín gbɛtɔ́ mɔ̌hun lɛ́ɛ gúdo.

2 Timɔtée 3:8

Lě e Janɛ́si kpódó Janblɛ́si kpó gbɛ́ Mɔyízi sín xó gbɔn ɔ́, mɔ̌ ɖokpó ɔ́ wɛ gbɛtɔ́ ayiblúblúnɔ e sín nǔɖiɖi ma nyí nǔɖé wa nú ǎ nɛ́ lɛ́ɛ lɔmɔ̌ gbɛ́ nǔgbó ɔ́ gbɔn é nɛ́.

Titu 1:11

È ɖǒ ná xwe nu yětɔn dó xɔ, ɖó yě ɖo hunnyahunnya dó hɛ̌nnu lɛ́ɛ bǐ sésé mɛ wɛ, bɔ nǔ e è ma ɖó ná kplɔ́n mɛ ǎ ɔ́, yě nɔ kplɔ́n mɛ lɛ́ɛ, bó ná dó mɔ akwɛ́.

2 Piyɛ́ɛ 2:15

Yě gosín ali jlɔ́jlɔ́ ɔ́ jí, bó yi bú; Bosɔ́ɔ sín vǐ Baláamu e yí wǎn nú nǔ nyanya wiwa dó ɖu le ɔ́, ali e é gbɔn ɔ́ wɛ yě wlǐ.

2 Piyɛ́ɛ 2:3

Nǔkplɔ́nmɛtɔ́-nyíjɛtɔ́ énɛ́ lɛ́ɛ ná nɔ ɖo akwɛ́ gbé mɛ, bó ná nɔ kpa xó ɖɔ nú mi, bó dó xo mi ɖu. Amɔ̌, mɛ e ná ɖó hwɛ nú yě ɔ́ ko ɖo te kpɔ́n yě sín tɛgbɛ, bó ná ɖó hwɛ nú yě, bɔ vivɔ yětɔn sixú gblá gbeɖé ǎ.

Judi 1:11

Heelú yě, ɖó ali e Kanyɛ́ɛ gbɔn ɔ́ wɛ yě mlɛ́. Yě jó yěɖée dó nú nǔ wa nyi do, bó ná dó mɔ akwɛ́ Baláamu ɖɔhun. Yě dɔn, ɖó yě fɔ́n gǔ Kolée ɖɔhun.

Nǔɖexlɛ́mɛ 18:13

Nǔhwɛ́nkún e è nɔ ylɔ́ ɖɔ kanɛ́lu ɔ́, kpó nǔhwɛ́nkún ɖěvo ɖěvo lɛ́ɛ kpó; nǔsáwǔ, mǐla kpó zǎlínkpɔ́n kpó; vɛ̌ɛn, ami, linfín, kpó blěe kpó; nyibú kpó lɛ̌ngbɔ́ kpó, sɔ́ kpó kɛkɛ́ví kpó, kannumɔ lɛ́ɛ kpó gbɛtɔ́ ɖěvo lɛ́ɛ kpó.

Nǔɖexlɛ́mɛ 18:3

Đó é ná aga e é lɛ ɔ́ sín vɛ̌ɛn baɖabaɖa ɔ́ to lɛ́ɛ bǐ, bɔ yě nu. Axɔ́sú ayǐkúngban jí tɔn lɛ́ɛ lɛ aga xá ɛ, bɔ ajɔ̌tɔ́ ayǐkúngban jí tɔn lɛ́ɛ jɛ dɔkun gbɔn gbɛɖunú e é ɖó zɛ jlɛ̌ wú lɛ́ɛ gbla mɛ.”