1 Timɔtée 6:4 - MAWUXÓWÉMA

⁴ go wɛ é yí; é tunwun nǔɖé ǎ; nǔdindɔn kpódó jlɛɖiɖɔ dó xógbe ɖé lɛ́ɛ wú kpó sín azɔn jɛ wɛ é ɖe; nǔ énɛ́ lɛ́ɛ wɛ nɔ hɛn wǔhwinhwan, adɔndindɔn, mɛzunzun, nǔnyanyavɛdómɛ,

1 Timɔtée 6:4 Iomraidhean Croise

Nǔnywɛ́xó 13:7

Mɛ ɖé lɛ́ɛ nɔ́ bló dɔkunnɔ, nǔɖé ká ɖo yě sí ǎ; mɛɖé lɛ́ɛ ká nɔ bló wamamɔnɔ, nǔ ká ɖó yě sí kpɔ́.

Nǔnywɛ́xó 25:14

Mɛ e nɔ ɖo nu flé wɛ ɖɔ émí ná ná nǔ mɛ ɔ́, cí jǐ e nɔ́ wu, bɔ jɔhɔn nɔ nyi, bɔ é má sɔ́ nɔ́ ja ǎ é ɖɔhun.

Nǔnywɛ́xó 26:12

Nú a mɔ mɛɖé bɔ é ɖésú kó mɔ ɖɔ émí nyɔ́ nǔ i hǔn, tunwun ɖɔ è nǎ ɖó nukún nǔ ɖo mɛ e nyí xlonɔ ɔ́ gɔ́n hú éyɛ́ gɔ́n.

Ezayíi 58:4

Gbe e gbe mi ɖo nu blá wɛ ɔ́, mi nɔ ɖo jlɛ ɖɔ wɛ, bó nɔ́ ɖo akpotokwín dó miɖée wɛ. Mi blá nu gbɔn mɔ̌ ɔ́, ɖɛ mitɔn nɔ wá gɔ̌n ce ǎ.

Mɛsɛ́dó 15:2

Pɔ́lu kpódó Baanabási kpó ka gbɛ́ xó yětɔn, bó dɔn nǔ xá yě ɖ'é kɔn tlala. Énɛ́ ɔ́, nɔví ɖo Klísu mɛ lɛ́ɛ wá ɖe gbeta tɔ́n, ɖɔ Pɔ́lu kpódó Baanabási kpó, kpódó nɔví ɖo Klísu mɛ ɖě lɛ́ɛ kpó ná yi Jeluzalɛ́mu bó ná ɖɔ xó énɛ́ gbo xá mɛsɛ́dó lɛ́ɛ kpódó agunnukɔntɔ́ lɛ́ɛ kpán.

Mɛsɛ́dó 18:15

Lo ɔ́, ée ényí nǔ dɔn wɛ mi ɖe dó xógbe ɖé lɛ́ɛ wú, nyǐkɔ ɖé lɛ́ɛ wú, kpódó sɛ́n mi ɖésúnɔ tɔn kpán wú ɔ́, mi ɖésúnɔ wɛ ná kpɔ́n bó ɖɔ. Nyɛ wɛ ná ɖɔ hwɛ gbo nú mi ɖo nǔ énɛ́ lɛ́ɛ kɔn ǎ; un gbɛ́.”

Mɛsɛ́dó 8:9

Nya ɖé ká ɖo Samalíi to ɔ́ mɛ ɖ'ayǐ, bɔ è nɔ ylɔ́ ɛ ɖɔ Sinmɔ́ɔ; nya énɛ́ nɔ́ ɖo majíki gěgé bló wɛ, bɔ é nɔ́ kpácá mɛ e ɖo Samalíi gbé jí lɛ́ɛ bǐ, bɔ é nɔ́ mɔ ɖɔ émí nyí nǔɖaxó,

Hlɔ̌manu 12:16

Mi nɔ ɖó linlin ɖokpó ɔ́ dó miɖée wú. Mi ma nɔ yí go ó; mi ma ɖó nukún kloklo ó; lo ɔ́, mi nɔ ba nǔ e ɖo jlɛ̌ mɛ lɛ́ɛ. Mi ma nɔ́ mɔ miɖée dó mɔ nǔnywɛ́tɔ́ ó.

Hlɔ̌manu 13:13

Mi nú mǐ ná zán gbɛ mǐtɔn ɖo jlɔ̌jlɔ́ jí, lě e é jɛ xá ɖɔ è nǐ bló gbɔn ɖo kéze ɖéɖé é. Mǐ ní ma wa nǔ zɛ jlɛ̌ wú ó; mǐ ní ma nu ahan mú ó; mǐ ní ma lɛ aga ó; mǐ ní ma wa nǔblíblí ó; mǐ ní ma ɖɔ jlɛ ó; mǐ ní ma hwan wǔ ó.

Hlɔ̌manu 14:1

Mi yí mɛ e ma ɖó gǎn ɖo nǔɖiɖi mɛ ǎ é ganjí, mi ma ɖɔ xó nyanya dó linlin tɔn lɛ́ɛ wú ó.

Hlɔ̌manu 2:8

Lo ɔ́, Mawu ná sin xomɛ ɖésú dó mɛ e nɔ fɔ́n gǔ dó jǐ tɔn, bó ma nɔ́ se tónú nú nǔgbó ɔ́ ǎ, bó nɔ́ kpo nú nǔ nyanya wiwa kɛ́ɖɛ́ lɛ́ɛ é.

1 Kɔlɛ́ntinu 11:16

Amɔ̌, nú mɛɖé ka jló ná lɛ́ dɔn nǔ dó xó énɛ́ ɔ́ wú ɔ́, nǔ ɖokpó e é ná tunwun ɔ́ wɛ nyí ɖɔ: mǐdɛɛ lɛ́ɛ ɖó walɔ ɖěvo ǎ; agun Mawu tɔn lɛ́ɛ lɔ ka ɖó walɔ ɖěvo ǎ.

1 Kɔlɛ́ntinu 11:18

Jɛ nukɔn ɔ́, un se ɖɔ, nú agun ɔ́ kplé ɔ́, gbɛ̌ta ɖé lɛ́ɛ ɖo mi mɛ, bɔ gbe yětɔn ɖo kpɔ́ ǎ. Un ka ɖi nǔ na kpɛɖé.

1 Kɔlɛ́ntinu 3:18

Mɛɖé bó ma blɛ́ éɖée ó. Ényí mɛɖé ɖo mi mɛ, bónú nǔ e gbɛtɔ́ lɛ́ɛ nɔ ylɔ́ ɖɔ nǔnywɛ́ ɔ́ wɛ é ɖó, lobo ɖɔ émí ɖó nǔnywɛ́ ɔ́, mɛ énɛ́ ní bó húzú xlonɔ bó ná sixú ɖó nǔnywɛ́ titewungbe ɔ́.

1 Kɔlɛ́ntinu 3:3

Đó mi lɛ́ kpo ɖo gbɛ zán wɛ gbɛtɔ́ gbɛ élɔ́ tɔn lɛ́ɛ ɖɔhun. Hwenu e mi lɛ́ kpo ɖo wǔhwan wɛ, bó ɖo jlɛ ɖɔ wɛ ɖo miɖée tɛ́ntin ɔ́, ɖiɖe xlɛ́ wɛ mi ɖe ɖɔ gbɛ élɔ́ tɔn wɛ émí nyí nɛ́ ǎ cé? Mi ɖo nǔ wa wɛ gbɛtɔ́ kpaa lɛ́ɛ ɖɔhun.

2 Kɔlɛ́ntinu 11:20

Mi nɔ yí gbe, bɔ è nɔ kpa acɛ nú mi kannumɔ ɖɔhun, abǐ è nɔ wló mi ɖu; mi nɔ yí gbe bɔ è nɔ blɛ́ mi ɖu; mi nɔ yí gbe bɔ è nɔ kpɔ́n ahɔnxlomɛ nú mi; mi nɔ yí gbe bɔ è nɔ gba nukún mɛ nú mi.

Galatinu 5:15

Mi cɔ́ miɖée, é má nyí mɔ̌ ǎ ɔ́, nú mi zán gbɛ mitɔn gběkanlin lɛ́ɛ ɖɔhun, bó ɖo wǔ gblé miɖée wɛ, bó ɖo ya dó nú miɖée wɛ ɔ́, mi ná sú miɖée kún dó.

Galatinu 5:26

Mǐ ní má nyí goyítɔ́ ó; mǐ ní má nɔ dó xomɛsin xomɛ nú mǐɖée ó; mǐɖée nú ní má nɔ su mǐɖée nukún mɛ ó.

Galatinu 6:3

Mɛ e nɔ mɔ éɖée dó mɔ nǔgɛ́n, bó má ka nyí nǔɖé ǎ ɔ́, éɖée blɛ́ wɛ é ɖe, ɖó é nyí nǔtí ǎ.

Filípunu 1:15

Nǔgbó ɔ́, mɛɖé lɛ́ɛ ɖo yě mɛ, bó sɔ́ wǔhwan kpó jlɛ kpó sín ayixa dó jlá Klísuxó ɔ́ ná; mɛ ɖěvo lɛ́ɛ ka nɔ jlá Klísuxó ɔ́ kpó ayixa ɖagbe kpó.

Filípunu 2:14

Mi wa nǔ bǐ; mi ma húnhún nǔ ɖɔ ɖo nǔ e wa wɛ mi ɖe lɛ́ɛ ɖě kɔn ó, mi ma ka dɔn nǔ ɖo ɖě kɔn ó;

Filípunu 2:3

Mi ma sɔ́ ce jɛ́n ná nyɔ́ sín ayixa, abǐ mɛɖée sɔ́ su dó wǔvɔ́ sín ayixa dó wa nǔ ɖěbǔ ná ó; lo ɔ́, mi nɔ sɔ́ miɖée hwe ɖo mɛ ɖě lɛ́ɛ nukɔn, bónú mɛ ɖokpó ɖokpó ní nɔ mɔ ɖɔ mɛ ɖě lɛ́ɛ hú gǎn émí.

Kolósinu 2:18

Mi ma lɔn nú mɛ e nɔ hun xomɛ ɖo mɛɖéesɔ́hwe ɖo wějí sín nǔwiwa lɛ́ɛ kpódó wɛnsagun lɛ́ɛ sinsɛn kpán mɛ ɔ́, ɖě ní ɖó hwɛ nú mi ó; mɛ mɔ̌hun ɔ́, nǔmimɔ e é nɔ mɔ lɛ́ɛ wú wɛ é nɔ gán jɛ, bɔ linlin gbɛtɔ́ tɔn e é nɔ ɖó lɛ́ɛ nɔ zɔ́n bɔ goyíyí dó wǔvɔ́ nɔ gbɛ́ dó e.

2 Tɛsalonikinu 2:4

É ná lɔn bónú gbɛtɔ́ lɛ́ɛ sɔ́ ná sɛn nǔ e yě nɔ sɛn lɛ́ɛ ɖě ǎ; yě ká sɔ́ ná sɛn nǔ e yě nɔ dó ɖó Mawu ná ɔ́ ɖě ǎ. É ná sɔ́ éɖée ɖó aga, nú nǔ énɛ́ lɛ́ɛ bǐ, bó ná hun káká yi byɔ́ sinsɛnxɔ Mawu tɔn mɛ, bó na jínjɔ́n ayǐ, lobo ná jlá ɖɔ émí nyí Mawu.

1 Timɔtée 1:4

Đɔ nú yě ɖɔ yě ní jó xɛxó kpódó kanfifɔ magbokɔ kpó dó, ɖó nǔ énɛ́ lɛ́ɛ ɔ́, adɔn wɛ yě nɔ dɔn nyi ayǐ, bó nɔ́ lɔn nú mɛ lɛ́ɛ ná nyí nǔjíkpɔ́ntɔ́ Mawu tɔn ɖagbe ɖo nǔɖiɖi mɛ ǎ.

1 Timɔtée 1:7

Yě jló ná nyí sɛ́nkplɔ́nmɛtɔ́, yě nɔ mɔ nukúnnú jɛ nǔ e ɖɔ wɛ yě ɖésúnɔ ɖe ɔ́ mɛ ǎ; yě ka nɔ mɔ nukúnnú jɛ nǔ e jí yě tɛ ɖɛ̌ sɔ mɔ̌, bó ɖo ɖiɖɔ wɛ ɔ́ mɛ ǎ.

1 Timɔtée 3:6

É ɖó ná nyí mɛ e ɖi nǔ nú Klísu yɔ̌yɔ́ ɔ́ ǎ; é ma nyí mɔ̌ ǎ ɔ́, goyíyí táá wá byɔ́ lanmɛ n'i, bɔ Mawu ná ɖó hwɛ n'i lě e é ɖó hwɛ nú awǒvi gbɔn é.

2 Timɔtée 2:14

Flín nǔ énɛ́ ɔ́ bǐ, bó gbɛ́ nú yě ɖo Mawu nukɔn ɖɔ yě ní ma sɔ́ xógbe ɖé ɖó te, bó ɖo jlɛ ɖɔ ɖ'é kɔn wɛ ó. Jlɛ énɛ́ lɛ́ɛ nɔ wa nǔɖé zɛ yě ná dɔn mɛ e ɖo sise wɛ lɛ́ɛ yi bú wú ǎ.

2 Timɔtée 2:23

Nɔ zɔ nú nǔdindɔn e nyí taɖunɔ xó, bó nyí xlonɔ xó lɛ́ɛ; bo tunwun ɖɔ nǔdindɔn énɛ́ lɛ́ɛ ɔ́, jlɛ wɛ yě nɔ dɔn wá.

2 Timɔtée 3:4

Yě ná nɔ́ sa mɛ ɖu; yě ná nɔ́ lin tamɛ kpɔ́n cóbó ná nɔ́ wa nǔ ǎ; yě ná nɔ́ yí go zɛ xwé wú; yě ná nɔ́ yí wǎn nú gbɛɖuɖu hú yě ná yí wǎn nú Mawu.

Titu 3:9

Amɔ̌, hɔn nú nǔdindɔn e nɔ hwɛ́n xlonɔ xó lɛ́ɛ, bó hɔn nú kanfifɔ magbokɔ lɛ́ɛ, bó nɔ hɔn nú jlɛɖiɖɔ kpódó adɔndindɔn dó sɛ́n lɛ́ɛ jí kpán. Nǔ énɛ́ lɛ́ɛ ɔ́, yě nyí nǔɖéwanú ǎ; nǔ nyanya wɛ yě nyí.

Jaki 1:19

Nɔví vívɛ́ná lɛ́ɛ mi, mi flín xó élɔ́ ganjí: mɛ ɖokpó ɖokpó ɖó ná nɔ ɖo gbesisɔ mɛ, bó ná nɔ se Mawuxó ɔ́; amɔ̌ ní ma nɔ zɔn xó jí ó; ní ma ka nɔ yá wǔ sin xomɛ ó;

2 Piyɛ́ɛ 2:12

Amɔ̌, mɛ énɛ́ lɛ́ɛ ɔ́, yě nɔ lin tamɛ kpɔ́n cóbó nɔ wa nǔ ǎ; yě cí gběkanlin e jɔ, bɔ è nǎ wlí bó hu é ɖɔhun; yě nɔ zun nǔ e wú yě ma mɔ nukúnnú jɛ ǎ é; è nǎ hu yě lě e è nɔ hu gběkanlin lɛ́ɛ gbɔn é.

2 Piyɛ́ɛ 2:18

Yě nɔ ɖo goyítɔ́ xó ɖɔ wɛ, bó nɔ ɖo xlonɔ xó ɖɔ wɛ; yě nɔ wlí mɛ e ma ko hɔn sín yě mɛ e ɖo ali bú wɛ lɛ́ɛ tɛ́ntin zinzin ǎ lɛ́ɛ dó mɔ mɛ; nǔblíblí wiwa sín jlǒ e yě ɖó ɖo gbɛtɔ́ nyínyí mɛ lɛ́ɛ wɛ yě nɔ́ dó wlí yě dó mɔ mɛ.

Judi 1:10

Lo ɔ́, mɛdídá énɛ́ lɛ́ɛ ɔ́, yě nɔ lin tamɛ kpɔ́n cóbó nɔ wa nǔ ǎ. Yě cí gběkanlin ɖɔhun; nǔ e wú yě ma mɔ nukúnnú jɛ ǎ ɔ́ wɛ yě nɔ zun; nǔtunwuntunwun e kpó yě kpó jɔ lɛ́ɛ ɔ́, kú wɛ é nɔ nyí nú yě.

Judi 1:16

Mɛ énɛ́ lɛ́ɛ ɔ́, nǔɖé nɔ jɛ yětɔn jí gbeɖé ǎ; vo sa wɛ jɛ́n yě nɔ ɖe; yě nɔ zán gbɛ yětɔn lě e é jló yě gbɔn é; yě nɔ yí nu go, bó nɔ klɔ́ mɛ, bó ná dó mɔ nǔɖé yí ɖo mɛ sí.

Nǔɖexlɛ́mɛ 3:17

A nɔ ɖɔ: ‘Un jɛ dɔkun, un mɔ akwɛ́, nǔɖé hwe dó mì ǎ.’ Lo ɔ́, a tunwun ɖɔ gbɛ̌dónánɔ wɛ émí nyí, lobo nyí lelenɔ ǎ. Wamamɔnɔ wɛ a nyǐ; nukúntíntɔ́nnɔ wɛ nú we; mɛ̌ wɛ a ɖe.