1 Timɔtée 6:3 - MAWUXÓWÉMA

³ Ényí mɛɖé kplɔ́n nǔ ɖěvo mɛ, bó ma yí gbe nú xó nǔgbó Aklúnɔ mǐtɔn Jezu Klísu tɔn lɛ́ɛ kpódó nǔkplɔ́nmɛ e sɔgbe xá sinsɛn mǐtɔn ɔ́ kpó ǎ hǔn,

1 Timɔtée 6:3 Iomraidhean Croise

Nǔnywɛ́xó 15:4

Xó e nɔ dó wǔsyɛ́n lanmɛ nú mɛ ɔ́, atín ɖé wɛ é nyí bó nɔ́ ná gbɛ mɛ; alǎnnú ɖɔ nú mɛ ka nɔ kú wǔ nú mɛ.

Matíe 22:21

Yě yí gbe n'i ɖɔ: “Dadá Hlɔ̌ma tɔn tɔn wɛ.” Jezu ka ɖɔ nú yě ɖɔ: “Mi bo sɔ́ nǔ e nyí Dadá Hlɔ̌ma tɔn tɔn ɔ́ jó nú Dadá Hlɔ̌ma tɔn, bó sɔ́ nǔ e nyí Mawu tɔn ɔ́ jó nú Mawu.”

Matíe 28:20

Mi kplɔ́n nǔ yě, bónú yě ní se tónú nú nǔ e un kplɔ́n mi lɛ́ɛ bǐ. Mi ka tunwun ɖɔ un ɖo kpɔ́ xá mi tɛgbɛ bɛ́ sín din káká yi jɛ gbe e gbe gbɛ ɔ́ ná vɔ dó é.”

Hlɔ̌manu 16:17

Nɔví lɛ́ɛ mi, un ɖo vo sa nú mi wɛ ɖɔ mi cɔ́ miɖée dó mɛ e nɔ dɔn kínklán byɔ́ mɛ mɛ lɛ́ɛ wú. Nǔ e yě nɔ ɖɔ lɛ́ɛ nɔ gbɔn vo nú nǔ e è kplɔ́n mi lɛ́ɛ, bó nyí afɔklɛ́nnú nú mi; mi lɛ́ kɔ sín yě gúdo.

1 Tɛsalonikinu 4:8

Hǔn, mɛ e hɔn nǔkplɔ́nmɛ énɛ́ nyi gbě ɔ́, é nyí gbɛtɔ́ wɛ é hɔn nyi gbě ǎ; lo ɔ́, Mawu e ná Yɛsinsɛn tɔn mi ɔ́ wɛ é hɔn nyi gbě.

1 Timɔtée 1:10

Nǔblíblíwatɔ́ lɛ́ɛ, súnnu e nɔ ɖó xó xá súnnu gbɛ̌ yětɔn lɛ́ɛ é, nyɔ̌nu e nɔ ɖó xó xá nyɔ̌nu gbɛ̌ yětɔn lɛ́ɛ é, kannumɔjɔ́watɔ́ lɛ́ɛ, adingbannɔ lɛ́ɛ, mɛ e nɔ xwlé nǔ dó nǔvú jí lɛ́ɛ, kpódó mɛ e nɔ wa nǔ e ma sɔgbe xá nǔkplɔ́nmɛ titewungbe ɔ́ ǎ lɛ́ɛ bǐ kpó.

1 Timɔtée 1:3

Nɔ Efɛ́zi lě e un ko ɖɔ gbɔn nú we hwenu e un ɖidó Masedwani é; mɛɖé lɛ́ɛ ɖo fínɛ́, bó nɔ ɖo nǔ e ma sɔgbe xá nǔɖiɖi mǐtɔn ǎ lɛ́ɛ kplɔ́n mɛ lɛ́ɛ wɛ; a ɖǒ ná gbɛ́ nǔ nú yě.

1 Timɔtée 1:6

Mɛ ɖé lɛ́ɛ lɛ́ kɔ sín walɔ énɛ́ lɛ́ɛ gúdo, lobo kpo nú xógbló kɛ́ɖɛ́, káká bó bú ɖ'é mɛ.

2 Timɔtée 1:13

Đó nǔɖiɖi kpódó wǎn yíyí e mǐ ɖó ɖo bǔ e mǐ ɖe xá Klísu Jezu ɔ́ kpán mɛ é wú ɔ́, hɛn xó jɔ xó e a se ɖo nu ce lɛ́ɛ é, bónú yě ní nyí kpɔ́ndéwú nú we.

2 Timɔtée 4:3

Đó hweɖénu ná wá su, bɔ nǔkplɔ́nmɛ titewungbe ɔ́ sɔ́ ná nyɔ́ se nú gbɛtɔ́ lɛ́ɛ ǎ; lo ɔ́, yě ná xwedó jlǒ yě ɖésúnɔ tɔn, bó ná kplé nǔkplɔ́nmɛtɔ́ wɔ̌buwɔ́bú ɖé lɛ́ɛ nú yěɖée, bɔ yě ná nɔ́ ɖɔ nǔ e nyɔ́ se nú yě lɛ́ɛ nú yě.

Titu 1:1

Nyɛ Pɔ́lu, mɛsɛntɔ́ Mawu tɔn, mɛsɛ́dó Aklúnɔ Jezu Klísu tɔn wɛ wlán wěma élɔ́. Mawu zɔ́n mì ɖɔ ma ɖɔ xó nú mɛ e émí cyán lɛ́ɛ, bónú yě ní ɖi nǔ nú Aklúnɔ Jezu Klísu, lobo ka ɖe nǔgbó e ɖo sinsɛn mǐtɔn li jí ɔ́ xlɛ́ yě,

Titu 1:9

É ɖó ná hɛn xó jɔ xó, xó ɖeji d'é wú e sɔgbe xá ɖěe è kplɔ́n ɛ ɔ́ dó ayi mɛ syɛ́nsyɛ́n; énɛ́ ɔ́, é ná nyí mɛ, bó ná sixú zé nǔkplɔ́nmɛ titewungbe ɔ́ dó ná akɔ́nkpinkpan mɛ ɖě lɛ́ɛ, bó ná nɔ́ ɖe mɛ e nɔ kpé ta do nú xó ɔ́ lɛ́ɛ sín nǔwanyido xlɛ́ yě.

Titu 3:8

Xó nǔgbó ɖokpó nɛ́. Un jló ɖɔ a nǐ tɛ ɖɛ̌ nǔ énɛ́ lɛ́ɛ jí ganjí, bónú mɛ e ɖi nǔ nú Mawu lɛ́ɛ ná tɛ́ dó ɖagbewiwa wú. Nǔ e nyí nǔ ɖagbe bó nyɔ́ nú gbɛtɔ́ lɛ́ɛ é nɛ́.