1 Timɔtée 6:21 - MAWUXÓWÉMA

²¹ Nǔgbó ɔ́, mɛɖé lɛ́ɛ nɔ ɖɔ émí ɖó nǔnywɛ́ énɛ́ ɔ́, bó xo nǔɖiɖi ɔ́ kpo. Fɛ́nú Mawu tɔn ní nɔ kpɔ́ xá mi.

1 Timɔtée 6:21 Iomraidhean Croise

Matíe 6:13

Ma lɔn nú mǐ ní jɛ tɛ́nkpɔ́n mɛ ó, lo ɔ́, hwlɛ̌n mǐ gán ɖo awǒvi sí.’ [Ɖó towe wɛ nyí axɔ́súɖuɖu, hlɔ̌nhlɔ́n, kpódó susu kpó, káká sɔ́yi mavɔ mavɔ! Amǐ.]

Hlɔ̌manu 1:7

Un ɖo wěma élɔ́ wlán sɛ́ dó mi mɛ e ɖo Hlɔ̌ma lɛ́ɛ wɛ; mi mɛ e Mawu yí wǎn ná, bó ylɔ́ mi, bó ɖe mi ɖó vo, bɔ mi ná nyí togun tɔn é bǐ. Mawu Tɔ́ mǐtɔn kpódó Aklúnɔ mǐtɔn Jezu Klísu kpó ní ná fɛ́nú kpódó fífá kpó mi.

Hlɔ̌manu 16:20

Zaanɖé din ɔ́, Mawu e nɔ ná fífá mɛ ɔ́ ná nyínyɛ́ Satáan dó afɔ mitɔn lɛ́ɛ glɔ́. Fɛ́nú Aklúnɔ mǐtɔn Jezu tɔn ní nɔ kpɔ́ xá mi.

Hlɔ̌manu 16:23

Gayiwúsi e yí nyɛ Pɔ́lu dó xwé tɔn gbe ɔ́, é mɛ e sín xwé gbe agun ɔ́ bǐ nɔ́ kplé ɖe ɔ́ dó gbe sɛ́ dó mi. Elasíti e nɔ hɛn akwɛ́gbá to ɔ́ tɔn ɔ́ kpódó nɔví mǐtɔn Kaatúsi kpán dó gbe sɛ́ dó mi. [

Kolósinu 4:18

Nyɛ Pɔ́lu ɖésú wɛ sɔ́ alɔ ce dó wlán xó élɔ́ lɛ́ɛ ná: Un dó gbe sɛ́ dó mi; mi ma wɔn ɖɔ gankpá mɛ wɛ un ɖe ó. Fɛ́nú Mawu tɔn ní nɔ kpɔ́ xá mi.

1 Timɔtée 1:19

kpódó nǔɖiɖi kpó, kpódó linlin ɖagbe kpó. Mɛ ɖé lɛ́ɛ gbɛ́ ɖɔ émí kún ná ɖótó nǔ e ɖɔ nú émí wɛ linlin émítɔn ɖe ɔ́ ó, bɔ é sín énɛ́ wú, bɔ nǔɖiɖi yětɔn jɛ ayǐ.

1 Timɔtée 1:6

Mɛ ɖé lɛ́ɛ lɛ́ kɔ sín walɔ énɛ́ lɛ́ɛ gúdo, lobo kpo nú xógbló kɛ́ɖɛ́, káká bó bú ɖ'é mɛ.

1 Timɔtée 6:10

Đó wǎn yí nú akwɛ́ mɛ wɛ nǔ nyanya tɛnmɛ tɛnmɛ lɛ́ɛ bǐ nɔ tɔ́n sín; mɛɖé lɛ́ɛ ɖo gbě tɔn mɛ káká bó yi bú, bó ɖo zɔ nú nǔɖiɖi ɔ́, bó dɔn nǔgbomɛ gěgé dó kɔ.

2 Timɔtée 2:18

Yě lɛ́ kɔ sín nǔgbó ɔ́ gúdo, bó nɔ ɖɔ mɛkúkú lɛ́ɛ ko fɔ́n, bɔ xó énɛ́ ɔ́ ko wá yi. Nǔkplɔ́nmɛ yětɔn énɛ́ ɔ́ zɔ́n bɔ mɛɖé lɛ́ɛ sín nǔɖiɖi jɛ ayǐ.

2 Timɔtée 4:22

Aklúnɔ ní nɔ kpɔ́ xá we. Fɛ́nú Mawu tɔn ní nɔ kpɔ́ xá mi.

Titu 3:15

Mɛ e kpó nyɛ kpó ɖo kpɔ́ lɛ́ɛ bǐ dó gbe sɛ́ dó we. Dǒ gbe nú xɔ́ntɔn mǐtɔn ɖo nǔɖiɖi mɛ lɛ́ɛ. Fɛ́nú Mawu tɔn ní nɔ kpɔ́ xá mi bǐ.

Eblée 13:25

Fɛ́nú Mawu tɔn ní nɔ kpɔ́ xá mi bǐ.