1 Timɔtée 6:20 - MAWUXÓWÉMA

²⁰ Timɔtée, hɛn nǔ e è sɔ́ dó así nú we ɔ́ syɛ́nsyɛ́n. Nɔ hɔn nú xógbló, xó e ma sɔgbe xá nǔɖiɖi ɔ́ ǎ lɛ́ɛ, bó hɔn nú nǔnywɛ́ ma nyí nǔnywɛ́ e mɛ lɛ́ɛ nɔ ylɔ́ ɖɔ nǔnywɛ́, bó nɔ ɖo nǔ dɔn ɖ'é kɔn wɛ é.

1 Timɔtée 6:20 Iomraidhean Croise

Mɛsɛ́dó 16:1

Pɔ́lu ka wá Dɛɛbe, bó gosín fínɛ́ wá Lisitli. Ahwanvú Jezu tɔn ɖé ka ɖo fínɛ́, bɔ è nɔ ylɔ́ ɛ ɖɔ Timɔtée; nyɔ̌nu Jwifu e ɖi nǔ nú Jezu é ɖě sín vǐ wɛ, bɔ tɔ́ tɔn ka nyí Glɛ̌sinu.

Mɛsɛ́dó 17:18

Glɛ̌sinu nǔnywɛ́tɔ́ e è nɔ ylɔ́ Epikiliɛn lɛ́ɛ kpódó ée è nɔ ylɔ́ ɖɔ Sitoyisiɛn lɛ́ɛ kpán lɔ jɛ xó ɖɔ xá ɛ jí. Mɛ ɖě nɔ́ kanbyɔ́ ɖɔ: “Étɛ́ ɖɔ wɛ nǔxweɖɔtɔ́ énɛ́ ka ɖe?” Mɛ ɖěvo lɛ́ɛ ká se xó e ɖɔ dó Jezu kpódó fínfɔ́n sín kú kpó wú wɛ é ɖe ɔ́, bó nɔ́ ɖɔ: “É cí to ɖěvo mɛ vodún lɛ́ɛ xó ɖɔ nú mǐ wɛ é ɖe ɖɔhun.”

Mɛsɛ́dó 17:21

(Lo ɔ́, Atɛ́ninu lɛ́ɛ bǐ kpódó jǒnɔ e ɖo yě mɛ lɛ́ɛ kpán ɔ́, yě sɔ́ nɔ́ sɔ́ hwenu yětɔn dó wa nǔɖé ná zɛ yě ná ɖɔ xó yɔ̌yɔ́ e tíin lɛ́ɛ, abǐ yě ná ɖótó xó yɔ̌yɔ́ e tíin lɛ́ɛ wú ǎ.)

Hlɔ̌manu 1:22

Yě nɔ ɖɔ nǔnywɛ́tɔ́ wɛ émí nyí; xlonɔ wɛ yě ka nyí.

Hlɔ̌manu 3:2

Le ɔ́ d'agba ɖo ali bǐ nu; ɖó le nukɔntɔn e Jwifu lɛ́ɛ ɖó ɔ́ wɛ nyí ɖɔ Mawu sɔ́ xó tɔn lɛ́ɛ dó así nú yě.

1 Kɔlɛ́ntinu 2:6

É ɖo mɔ̌ có, un ɖo nǔnywɛ́ ɖé kplɔ́n klísusɛntɔ́ e ko zin ɖo nǔɖiɖi mɛ lɛ́ɛ wɛ; amɔ̌ nǔnywɛ́ énɛ́ nyí nǔnywɛ́ gbɛmɛ fí tɔn ǎ; é ka nyí hlɔ̌nhlɔ́n e ɖo acɛ kpa wɛ ɖo gbɛ élɔ́ mɛ, bɔ è ka ná wá hu acɛ ná lɛ́ɛ ǎ .

1 Kɔlɛ́ntinu 3:19

Đó nǔnywɛ́ gbɛ élɔ́ tɔn ɔ́, xlonɔxó wɛ é nyí ɖo Mawu nukɔn. Nǔgbó ɔ́, Mawuxówéma ɔ́ ɖɔ: “Nǔnywɛ́tɔ́ lɛ́ɛ ɔ́, sísɛ́ yětɔn ɖésú wɛ Mawu nɔ dó wlí yě ná.”

Kolósinu 2:18

Mi ma lɔn nú mɛ e nɔ hun xomɛ ɖo mɛɖéesɔ́hwe ɖo wějí sín nǔwiwa lɛ́ɛ kpódó wɛnsagun lɛ́ɛ sinsɛn kpán mɛ ɔ́, ɖě ní ɖó hwɛ nú mi ó; mɛ mɔ̌hun ɔ́, nǔmimɔ e é nɔ mɔ lɛ́ɛ wú wɛ é nɔ gán jɛ, bɔ linlin gbɛtɔ́ tɔn e é nɔ ɖó lɛ́ɛ nɔ zɔ́n bɔ goyíyí dó wǔvɔ́ nɔ gbɛ́ dó e.

Kolósinu 2:8

Mi cɔ́ miɖée, bónú mɛɖé ma zé mɛblɛ́blɛ́xó, xómaɖixó, nǔnywɛ́ gbɛtɔ́ tɔn dó dó gɛdɛ mi ó; nǔnywɛ́ énɛ́ ɔ́, nǔkplɔ́nmɛ gbɛtɔ́ lɛ́ɛ tɔn jí wɛ é jínjɔ́n, bó jínjɔ́n nǔɖoyɛswímɛ e ɖo gbɛ ɔ́ mɛ lɛ́ɛ sín hlɔ̌nhlɔ́n jí; é jínjɔ́n Klísu jí ǎ. Mi ma ɖótó yě ó;

2 Tɛsalonikinu 1:4

Énɛ́ ɔ́ wú wɛ mǐ nɔ gó ɖo agun Mawu tɔn lɛ́ɛ mɛ ɖó mi wu; lě e mi dɛ ɖo ya e dó nú mi wɛ yě ɖe lɛ́ɛ kpó wǔvɛ́ e mɔ wɛ mi ɖe lɛ́ɛ kpó nu, lobo ɖó kan dó nǔ wú, bó kpo ɖo nǔ ɖi wɛ ɔ́ lɔ zɔ́n, bɔ mǐ nɔ́ gó.

2 Tɛsalonikinu 2:15

Nɔví lɛ́ɛ mi, ényí mɔ̌ hǔn, mi dó gǎn, bó hɛn nǔ e mǐ kplɔ́n mi lɛ́ɛ bǐ dó ayi mɛ: ée mǐ ɖɔ xó dó kplɔ́n mi lɛ́ɛ, abǐ ée mǐ wlán sɛ́ dó mi lɛ́ɛ é.

1 Timɔtée 1:11

Wɛn Ɖagbe e è sɔ́ dó así nú mǐ, bɔ é ɖɔ xó dó Mawu nyɔ̌nábǐnɔ ɔ́ sín susu wú ɔ́ mɛ wɛ è nɔ mɔ nǔkplɔ́nmɛ énɛ́ ɖe.

1 Timɔtée 1:2

wɛ wlán wěma élɔ́ sɛ́ dó hwi vǐ ce jiji ɖo nǔɖiɖi mɛ Timɔtée. Mawu Tɔ́ ɔ́ kpódó Aklúnɔ mǐtɔn Klísu Jezu kpán ní ná fɛ́nú we, bó kú nǔbláwǔ nú we, lobo ná fífá we.

1 Timɔtée 1:4

Đɔ nú yě ɖɔ yě ní jó xɛxó kpódó kanfifɔ magbokɔ kpó dó, ɖó nǔ énɛ́ lɛ́ɛ ɔ́, adɔn wɛ yě nɔ dɔn nyi ayǐ, bó nɔ́ lɔn nú mɛ lɛ́ɛ ná nyí nǔjíkpɔ́ntɔ́ Mawu tɔn ɖagbe ɖo nǔɖiɖi mɛ ǎ.

1 Timɔtée 1:6

Mɛ ɖé lɛ́ɛ lɛ́ kɔ sín walɔ énɛ́ lɛ́ɛ gúdo, lobo kpo nú xógbló kɛ́ɖɛ́, káká bó bú ɖ'é mɛ.

1 Timɔtée 1:9

Đo tají ɔ́, è ka ná flín ɖɔ é kún nyí nǔjlɔ́jlɔ́watɔ́ lɛ́ɛ wú wɛ è dǒ sɛ́n ɔ́ ó; lo ɔ́, mɛ e wú è dǒ sɛ́n ɔ́ lɛ́ɛ wɛ nyí nǔnyanyawatɔ́ lɛ́ɛ, tónúmasetɔ́ lɛ́ɛ, mɛ e ma nɔ sí Mawu ǎ lɛ́ɛ, hwɛhutɔ́ lɛ́ɛ, mɛ e ma nyí mɛ mímɛ́ ǎ lɛ́ɛ, mɛ e ma ɖi nǔ nú Mawu ǎ lɛ́ɛ, mɛ e nɔ hu tɔ́ yětɔn abǐ nɔ yětɔn lɛ́ɛ é, mɛhutɔ́ lɛ́ɛ.

1 Timɔtée 4:7

Hɔn nú xlonɔ sín tan e kpi wɛ nyɔ̌ɖaxóví lɛ́ɛ nɔ ɖe, bɔ é ma sɔgbe xá nǔɖiɖi ɔ́ ǎ lɛ́ɛ é, bó kplɔ́n hwiɖée dó xɛsi ɖi nú Mawu lɔ jí.

1 Timɔtée 6:11

Amɔ̌ hwɛ mawuzɔ́watɔ́ ɔ́, ɖǒ wǔ zɔ nú nǔ énɛ́ lɛ́ɛ bǐ, bó xwedó hwɛjijɔ, bó nɔ sí Mawu, bó ɖó nǔɖiɖi, bó ɖó wǎn yíyí, bó ɖó hǔnkúkú kpódó xomɛfífá kpó.

1 Timɔtée 6:14

hwi ní se tónú nú nǔ e un zɔ́n we ɔ́, bó hɛn dó mǐmɛ́ jí nú blɔ̌ ɖé ma nɔ wú ó, káká jɛ gbe e gbe Aklúnɔ mǐtɔn Jezu Klísu ná ɖe éɖée xlɛ́ dó é.

2 Timɔtée 2:1

Hǔn, hwi vǐ ce ɔ́, mɔ hlɔ̌nhlɔ́n ɖo fɛ́nú e mǐ ɖó, ɖo bǔ e mǐ ɖe xá Klísu Jezu ɔ́ mɛ.

2 Timɔtée 2:16

Jǒ xógbló kpódó xó e ma sɔgbe xá Mawuxó ɔ́ ǎ lɛ́ɛ kpó dó; ɖó mɛ e nɔ ɖɔ xó énɛ́ lɛ́ɛ é fɔ́n tɛgbɛ ɔ́, yě ná nɔ ɖo zɔ sɛ yi nú Mawu wɛ;

Titu 1:14

bónú yě ní ma sɔ́ nɔ gán jɛ Jwifu lɛ́ɛ sín xɛxó kpó mɛ e lɛ́ kɔ sín nǔgbó ɔ́ gúdo lɛ́ɛ kpó sín sɛ́n wú ó.

Titu 1:4

Títu, vǐ ce nǔgbó nǔgbó tɔn wɛ a nyǐ ɖo nǔɖiɖi ɖokpó ɔ́ e mǐ ɖó ɔ́ mɛ. Mawu Tɔ́ ɔ́ kpó Mɛhwlɛ́ngántɔ́ mǐtɔn Klísu Jezu kpó ní ná fɛ́nú kpó fífá kpó we.

Titu 1:9

É ɖó ná hɛn xó jɔ xó, xó ɖeji d'é wú e sɔgbe xá ɖěe è kplɔ́n ɛ ɔ́ dó ayi mɛ syɛ́nsyɛ́n; énɛ́ ɔ́, é ná nyí mɛ, bó ná sixú zé nǔkplɔ́nmɛ titewungbe ɔ́ dó ná akɔ́nkpinkpan mɛ ɖě lɛ́ɛ, bó ná nɔ́ ɖe mɛ e nɔ kpé ta do nú xó ɔ́ lɛ́ɛ sín nǔwanyido xlɛ́ yě.

Titu 3:9

Amɔ̌, hɔn nú nǔdindɔn e nɔ hwɛ́n xlonɔ xó lɛ́ɛ, bó hɔn nú kanfifɔ magbokɔ lɛ́ɛ, bó nɔ hɔn nú jlɛɖiɖɔ kpódó adɔndindɔn dó sɛ́n lɛ́ɛ jí kpán. Nǔ énɛ́ lɛ́ɛ ɔ́, yě nyí nǔɖéwanú ǎ; nǔ nyanya wɛ yě nyí.

Nǔɖexlɛ́mɛ 3:3

Hǔn, bó flín kplɔ́n e a yǐ ɔ́, bó flín lě e a se gbɔn é; se tónú nú kplɔ́n énɛ́ ɔ́, bó lɛ́ kɔ sín hwɛ towe lɛ́ɛ gúdo. Ényí a ma fɔ́n ǎ ɔ́, un ná wá fyán we ajotɔ́ ɖɔhun, a nǎ tunwun gan e mɛ un ná wá dó é ǎ.