1 Timɔtée 6:2 - MAWUXÓWÉMA

² Kannumɔ e sín gǎn nyí nǔɖitɔ́ lɛ́ɛ ɖó ná gɔn gǎn yětɔn lɛ́ɛ sí, ɖó yě ko nyí nɔví nɔví ɖo nǔɖiɖi mɛ wútu ǎ; é nyɔ́ wa ɔ́, yě ɖó ná lɛ́ sɛn yě bɔ é ná hú lě e sɛn gbɔn wɛ yě ko ɖe ɖ'ayǐ ɔ́, ɖó mɛ e ɖo nǔ e wa wɛ yě ɖe ɔ́ sín le ɖu wɛ lɛ́ɛ ɔ́, nǔɖitɔ́ e yě yí wǎn ná lɛ́ɛ wɛ. Nǔ e a ná kplɔ́n yě ɔ́ kpódó Mawuxó e a ná ɖɔ nú yě ɔ́ kpán ɖíe:

1 Timɔtée 6:2 Iomraidhean Croise

Kɛ́nsísɔ́ 16:3

Yě kplé lɛ́ lɛ̌ dó Mɔyízi kpó Aalɔ́ɔn kpó, bó ɖɔ nú yě ɖɔ: “É kpé mɔ̌ lo! Đó mǐ mɛ e ɖo Izlayɛ́li sín togun ɔ́ mɛ lɛ́ɛ bǐ wɛ nyí Mawu Mavɔmavɔ tɔn, bɔ Mawu Mavɔmavɔ ɖo mǐ bǐ tɛ́ntin. Aniwú wɛ mi nɔ mɔ ɖɔ émí hú gǎn mɛ e ɖo togun Mawu Mavɔmavɔ tɔn mɛ lɛ́ɛ bǐ?”

Matíe 23:8

Midɛɛ lɛ́ɛ ɔ́, mi ma lɔn nú mɛɖé ylɔ́ mi ɖɔ: ‘Mɛ̌si’ ó, ɖó nɔví nɔví wɛ mi bǐ nyí ɖo nǔɖiɖi mɛ, bó ɖó Mɛ̌si ɖokpó géé.

Matíe 25:40

Nyɛ axɔ́sú ɔ́ ná yí gbe nú yě ɖɔ: ‘Má ɖɔ nǔgbó nú mi: hweɖěbǔnu e mi bló nǔ énɛ́ lɛ́ɛ nú nɔví ce élɔ́ lɛ́ɛ ɔ́, é ná bo nyí mɛ e ma nyí mɛ ɖé ɖo gbɛtɔ́ lɛ́ɛ nukún mɛ ǎ wɛ ɔ́, nyɛ wɛ mi bló ná.’

Matíe 6:24

“Mɛ ɖé sixú sɛn gǎn we ǎ; ɖó é ná gbɛ́ wǎn nú mɛ ɖě, bo na yí wǎn nú mɛ ɖě; abǐ é ná se tónú nú mɛ ɖě, bo na vɛ́ tóli nú mɛ ɖě. Mi sixú sɛn Mawu bo lɛ́ sɛn dɔkun ǎ.”

Mɛsɛ́dó 1:15

Gbe ɖokpó wá su, bɔ yě nǔɖitɔ́ kantɔn mɔ̌ (120) kplé, bɔ Piyɛ́ɛ sí te ɖo tɛ́ntin yětɔn, bó ɖɔ:

Hlɔ̌manu 11:17

Togun Izlayɛ́li tɔn ɔ́ cí olívutín e è tun bó kpé nukún d'é wú, bɔ è jlǎ ala tɔn ɖé lɛ́ɛ ɔ́ ɖɔhun. Hwi mɛ e ma nyí Jwifu ǎ ɔ́, a cí olívutín gbě tɔn sín ala e è sɔ́ cá dó ala e è jlǎ lɛ́ɛ nu é ɖɔhun. Din ɔ́, hwi lɔ ɖo nǔɖuɖu ɖagbe e nɔ tɔ́n sín olívutín e è tun ɔ́ sín ɖɔ mɛ ɔ́ ɖu xá ɛ wɛ.

Hlɔ̌manu 8:29

Đó mɛ e Mawu ko tunwun sín do lɛ́ɛ ɔ́, é lɛ́ ɖɔ ɖ'ayǐ ɖɔ émí na bló bɔ yě ná cí Vǐ émítɔn ɖɔhun, bónú vǐ tɔn ná nyí nukɔn ví ɖo nɔví gěgé tɛ́ntin.

Galatinu 5:6

ɖó ényí mǐ ɖo kpɔ́ xá Klísu Jezu ɔ́, adagbigbo nyí nǔɖé ǎ; adamagbo lɔ ka nyí nǔɖé ǎ. Nǔ e ɖo tají ɔ́ wɛ nyí nǔɖiɖi e nɔ wa nǔ kpódó wǎn yíyí kpó é.

Efɛ́zinu 1:1

Nyɛ Pɔ́lu e nyí mɛsɛ́dó Klísu Jezu tɔn gbɔn jlǒ Mawu tɔn mɛ é wɛ sɛ́ wěma élɔ́ dó mɛɖeɖóvo Mawu tɔn e ɖo Efɛ́zi, bó ɖo gbejí ɖo bǔ e yě ɖe xá Klísu Jezu ɔ́ mɛ lɛ́ɛ é.

Efɛ́zinu 1:15

Énɛ́ ɔ́ wútu wɛ ée nyi lɔmɔ̌ un se lě e mi ɖi nǔ nú Aklúnɔ Jezu gbɔn, bó se lě e mi yí wǎn nú mɛɖeɖóvo Mawu tɔn lɛ́ɛ bǐ gbɔn ɔ́,

Efɛ́zinu 3:6

Nǔbúdo ɔ́ ɖíe: mɛ e ma nyí Jwifu ǎ lɛ́ɛ ná mɔ nǔ ɖagbe e Mawu sɔ́ ɖó ayǐ nú togun tɔn ɔ́ yí xá mɛ e nyí Jwifu lɛ́ɛ, gbɔn Wɛn Ɖagbe ɔ́ jí. Yě bǐ nyí wǔjɔnú agbaza ɖokpó ɔ́ tɔn, bɔ akpá e Mawu dó ɔ́, yě lɔmɔ̌ ná ɖó mǐmá ɖ'é mɛ gbɔn Klísu Jezu jí.

Kolósinu 1:2

Mǐ wɛ sɛ́ dó nɔví mǐtɔn gbejínɔtɔ́ ɖo Klísu mɛ e nyí mɛɖeɖóvo Mawu tɔn bó ɖo Kolósi lɛ́ɛ. Mawu Tɔ́ mǐtɔn ní ná fɛ́nú kpó fífá kpó mi.

Kolósinu 1:4

Đó, mǐ se nǔɖiɖi e mi ɖó nú Klísu Jezu ɔ́, kpódó wǎn yíyí e mi ɖó nú mɛɖeɖóvo Mawu tɔn lɛ́ɛ kpán.

Kolósinu 4:1

Gǎn lɛ́ɛ mi, mi zé ayixa jlɔ́jlɔ́, ayixa sɔgbe dó hɛn kannumɔ mitɔn lɛ́ɛ ná. Mi ná nɔ flín ɖɔ émí lɔmɔ̌ ɖó gǎn ɖokpó ɖo sɛ́xwé.

2 Tɛsalonikinu 1:3

Nɔví lɛ́ɛ mi, mǐ ɖó ná ɖo kú dó nú Mawu wɛ hwebǐnu ɖó ta mitɔn mɛ. É sɔgbe ɖɔ mǐ ní bló gbɔn mɔ̌, ɖó nǔɖiɖi e mi ɖó ɔ́ ɖo nukɔn yi wɛ ɖésú, bɔ wǎn yíyí e ɖokpó ɖokpó mitɔn ɖó nú mɛ ɖě lɛ́ɛ ɔ́ nɔ ɖo jijɛ jí wɛ.

1 Timɔtée 4:11

Nǔ e a ɖǒ ná ɖɔ nú yě, bó ná kplɔ́n yě lɛ́ɛ nɛ́.

1 Timɔtée 5:1

Ma sɔ́ gbe syɛ́nsyɛ́n dó gbɛ́ nǔ nú súnnu e ko nyí mɛxó é ó; lo ɔ́, ɖɔ xó n'i lě e a ɖǒ ná ɖɔ xó nú tɔ́ towe gbɔn é. Nɔ xá dɔ̌nkpɛvú lɛ́ɛ lě e a ɖǒ ná nɔ́ xá nɔví towe gbɔn é.

Titu 2:1

Amɔ̌ hwɛ ɔ́, nǔ e sɔgbe xá nǔkplɔ́nmɛ ɖagbe ɔ́ wɛ a nǎ kplɔ́n mɛ lɛ́ɛ;

Titu 2:15

Nǔ e a nǎ zé acɛkpikpa towe bǐ dó kplɔ́n mɛ e ɖo tó ɖó we wɛ lɛ́ɛ ná ɔ́ nɛ́, bó ná nɔ́ sɔ́ dó ná akɔ́nkpinkpan yě, abǐ bó ná nɔ́ dó gbɛ́ nǔ nú yě. Ma ka lɔn nú mɛɖé hu tɛ́ nú we ó.

Titu 3:8

Xó nǔgbó ɖokpó nɛ́. Un jló ɖɔ a nǐ tɛ ɖɛ̌ nǔ énɛ́ lɛ́ɛ jí ganjí, bónú mɛ e ɖi nǔ nú Mawu lɛ́ɛ ná tɛ́ dó ɖagbewiwa wú. Nǔ e nyí nǔ ɖagbe bó nyɔ́ nú gbɛtɔ́ lɛ́ɛ é nɛ́.

Eblée 3:1

Énɛ́ ɔ́ wú ɔ́, nɔví klísusɛntɔ́ lɛ́ɛ mi, mi mɛ e Mawu ylɔ́ lɛ́ɛ lɔ ɔ́, nukún mitɔn ní nɔ Jezu wú; é wɛ nyí Mɛsɛ́dó Mawu tɔn, bó nyí vɔ̌sánú-xwlémawutɔ́ ɖaxó e hɛn nǔɖiɖi e jlá wɛ mǐ ɖe ɔ́ wá nú mǐ é.

Eblée 3:14

Nǔgbó ɔ́, ényí mǐ hɛn jiɖiɖe e mǐ ɖó sín bǐbɛ́mɛ ɔ́ syɛ́nsyɛ́n káká yi fó hǔn, mǐ nyí hǎgbɛ́ Klísu tɔn.

1 Piyɛ́ɛ 5:1

Din ɔ́, mɛ e nyí agunmɛxó ɖo mi mɛ lɛ́ɛ ɖɔ xó ná wɛ un ɖe. Nyɛ lɔ ɔ́, agunmɛxó wɛ un nyí; un nyí kúnnuɖetɔ́ wǔvɛ́ e Klísu mɔ lɛ́ɛ tɔn, bó ɖó mǐmá ɖo susu e è nǎ wá ɖe xlɛ́ ɔ́ mɛ. Nǔ e ɖɔ nú yě wɛ un ɖe ɔ́ ɖíe:

2 Piyɛ́ɛ 2:10

Yě mɛ e nɔ xwedó jlǒ kwíji kwíji gbɛtɔ́ e yě nyí ɔ́ tɔn, bó nɔ gbɛ́ wǎn nú acɛkpikpa Mawu tɔn lɛ́ɛ ɔ́ wɛ é ná dɔn tó ná tawun. Nǔkplɔ́nmɛtɔ́-nyíjɛtɔ́ e xó un ɖɔ nú mi lɛ́ɛ ɔ́, ta wɛ yě nɔ syɛ́n, bó nɔ dó gbe kawun kawun dó ɖɔ xó nú mɛ; yě ɖó sísí nú nǔɖíɖó susunɔ e ɖo jǐxwé lɛ́ɛ é ǎ; lo ɔ́, zun wɛ yě nɔ zun yě.

Judi 1:8

Alɔkpa ɖokpó ɔ́ wɛ mɛdídá énɛ́ lɛ́ɛ nɔ wa nǔ gbɔn: dlɔ̌ e yě nɔ́ kú lɛ́ɛ nɔ́ dɔn yě bɔ yě nɔ dɔn agbaza yětɔn blí; yě sɔ́ acɛkpikpa Mawu tɔn dó mɔ nǔɖé ná ǎ, bó nɔ́ zun nǔɖíɖó susunɔ e ɖo sɛ́xwé lɛ́ɛ.