1 Timɔtée 6:19 - MAWUXÓWÉMA

¹⁹ Ényí yě ɖo mɔ̌ wa wɛ ɔ́, dɔkun ɖagbe, dɔkun e wú è hɛn ɔ́, è nǎ gán jɛ ɔ́ kplé ɖ'ayǐ nú yěɖée wɛ yě ɖe nú sɔ yí e ná wá hɔ́n é, bó ná dó mɔ gbɛ jɔ gbɛ ɔ́ yí.

1 Timɔtée 6:19 Iomraidhean Croise

Ɖɛhan 17:14

Mawu Mavɔmavɔ, hwi ɖésú ní sú kún yětɔn dó, gbɛ yětɔn ní fó mɔ̌. Nǔ baɖabaɖa e a sɔ́ ɖó vo nú yě ɔ́, nǎ bǐ yě; yě ní ɖu bó zín hǔn; vǐ yětɔn lɛ́ɛ ní ɖu gɔ́ xo, bó kpo nú vǐvú yětɔn lɛ́ɛ.

Nǔnywɛ́xó 10:25

Jɔhɔn ɖaxó nyi ɔ́, è nɔ ba mɛdídá kpo; hwɛjijɔnɔ ka nɔ́ dó ɖɔ do, bo nɔ ɖo te tɛgbɛ.

Nǔnywɛ́xó 31:25

Hlɔ̌nhlɔ́n kpódó susu kpó nyí acɔ́ɖónú tɔn; é flín sɔ e ja ɔ́, é nɔ́ ɖeji.

Nǔnywɛ́tɔ́xó 11:2

Zě akwɛ́ towe dó ajɔ̌ tɛnmɛ tɛnmɛ mɛ, ɖó a tunwun nǔ nyanya e ná wá jɛ ɖo gbɛ ɔ́ mɛ sɔ ɔ́ ǎ.

Matíe 19:21

Jezu ka ɖɔ n'i ɖɔ: “Nú a jlǒ ná nyí mɛ ɖagbe yi fó hǔn, bo yi bɛ́ nǔ e ɖo así towe lɛ́ɛ bǐ sa, bó sɔ́ akwɛ́ tɔn má nú wamamɔnɔ lɛ́ɛ; énɛ́ ɔ́, a nǎ ɖó dɔkun ɖo Mawu gɔ́n. Énɛ́ ɔ́ gúdo ɔ́, wǎ xwedó mì.”

Luki 12:33

Mi sa nǔ e mi ɖó lɛ́ɛ, bó má akwɛ́ tɔn nú wamamɔnɔ lɛ́ɛ. Mi hɛn akwɛ́kpo e ma ná gbi ǎ lɛ́ɛ; mi kplé dɔkun ɖó Mawu gɔ́n fí e nǔɖé ma ná wa ɛ ɖe ǎ é; ɖó ajotɔ́ nɔ yi fínɛ́ ǎ; nǔvínúví nɔ ɖu nǔ ɖo fínɛ́ ǎ.

Luki 16:25

Ablaxámu ka yí gbe n'i ɖɔ: “Vǐ ce, flín ɖɔ ɖagbe e nyí towe ɔ́, a ko mɔ yí ɖo gbɛ towe hwenu. Lazáa ɔ́, ya wɛ éyɛ́ ka ji, bɔ din ɔ́, é vo ɖo fí, bɔ hwɛ ka ɖo ya ji wɛ.

Luki 16:9

Jezu ɖɔ: “Nyɛ ɔ́, má ka ɖɔ nú mi: dɔkun nɔ wa jlǒ Mawu tɔn ǎ; mi ka zán dó zun xɔ́ntɔn ná, lobo nú gbe e gbe é ná wá vɔ dó mi ɔ́, è nǎ yí mi dó xwé e ná ɖo te tɛgbɛ é gbe.

Luki 18:2

é ɖɔ: “Hwɛɖɔtɔ́ ɖé tíin ɖo to ɖé mɛ, bó nɔ sí Mawu ɖěbǔ ǎ, é ka nɔ ké ya nú gbɛtɔ́ ɖěbǔ ǎ.

Luki 18:22

Ée Jezu se mɔ̌ ɔ́, é ɖɔ n'i ɖɔ: “Nǔ ɖokpó géé wɛ kpo nú we: sa nǔ e a ɖǒ ɔ́ bǐ, bó má akwɛ́ tɔn nú wamamɔnɔ lɛ́ɛ; énɛ́ ɔ́, a nǎ ɖó dɔkun ɖo Mawu gɔ̌n; énɛ́ ɔ́ gúdo ɔ́, wǎ, bó xwedó mì.”

Galatinu 5:6

ɖó ényí mǐ ɖo kpɔ́ xá Klísu Jezu ɔ́, adagbigbo nyí nǔɖé ǎ; adamagbo lɔ ka nyí nǔɖé ǎ. Nǔ e ɖo tají ɔ́ wɛ nyí nǔɖiɖi e nɔ wa nǔ kpódó wǎn yíyí kpó é.

Efɛ́zinu 3:17

Un nɔ byɔ́ ɛ ɖɔ Klísu ní nɔ ayi mitɔn mɛ gbɔn nǔ e mi ɖi n'i é gbla mɛ. Un nɔ byɔ́ ɛ ɖɔ mi ní dó ɖɔ do, bó lí dǒ ɖo wǎn yíyí mɛ.

Filípunu 3:12

Un ko mɔ nǔ e ba wɛ un ɖe ɔ́, abǐ un ko sɔgbe bɔ nǔ vɔ ɖ'é wú ɖɔ wɛ un ɖe ǎ; lo ɔ́, un kpo ɖo gǎn dó wɛ ɖo nǔ e ba wɛ un ɖe ɔ́ gúdo, bónú é ná jɛ alɔ ce mɛ; ɖó un ko ɖo Klísu Jezu sín alɔ mɛ.

Filípunu 3:14

Énɛ́ ɔ́, un ɖo wezun jí xwe nǔ e ba wɛ un ɖe ɔ́ kɔn, bó ná dó mɔ ajɔ e Mawu ylɔ́ mǐ sín sɛ́xwé ɖɔ mǐ ná yí gbɔn Klísu Jezu jí ɔ́ yí.

1 Timɔtée 6:12

Fun nǔɖiɖi hwan ɖagbe ɔ́. Hɛn gbɛ mavɔ mavɔ ɔ́ wú syɛ́nsyɛ́n, gbɛ mavɔ mavɔ e Mawu ylɔ́ we ná é. Gbɛ mavɔ mavɔ énɛ́ wɛ a ɖe kúnnu ɖagbe ná ɖo gbɛtɔ́ gěgé nukɔn.

2 Timɔtée 1:1

Nyɛ Pɔ́lu e nyí mɛsɛ́dó Klísu Jezu tɔn ɖo jlǒ Mawu tɔn mɛ, bó ná jlá gbɛ e sín akpá è dǒ nú mǐ ɖo bǔ e mǐ ɖe xá Klísu Jezu ɔ́ mɛ ɔ́

2 Timɔtée 2:19

Nǔ ɖo mɔ̌ có dodó syɛ́nsyɛ́n Mawu tɔn ɔ́ ɖo te ganjí, bɔ xó élɔ́ lɛ́ɛ nyí wuntun bó ɖ'é wú: “Aklúnɔ tunwun mɛ e nyí étɔn lɛ́ɛ é!” “Mɛ ɖěbǔ ɖɔ émí nyí Aklúnɔ tɔn ɔ́, mɛ ɔ́ ɖó ná lɛ́ kɔ sín nǔ nyanya wiwa gúdo.”

1 Piyɛ́ɛ 1:4

bɔ ɖagbe e Mawu sɔ́ ɖ'ayǐ nú mɛ e nyí étɔn lɛ́ɛ é ná ná xomɛhunhun mǐ. Đagbe énɛ́ lɛ́ɛ ɔ́, ɖagbe ɖé wɛ yě nyí bó sixú gblé ǎ; yě sixú blí ǎ; yě ka sixú cá ǎ. Mawu sɔ́ ɖagbe énɛ́ lɛ́ɛ ɖ'ayǐ ɖó sɛ́xwé,